06/10/2026
वंचित बहुजन आघाडीच्या पत्रानंतर ठाणे महानगरपालिका ॲक्शन मोडवर; दिवा परिसरातील फेरीवाल्यांच्या अतिक्रमनावर मनपाची कारवाई सुरू...
* मुख्य घटना: दिवा शहरातील प्रमुख रस्ते व पदपथांवरील अनधिकृत फेरीवाल्यांच्या अतिक्रमणाचा प्रश्न एरवीवर आला असून, वंचित बहुजन आघाडीचे विकास प्रकाश इंगळे यांनी ठाणे महानगरपालिकेकडे केलेल्या निवेदनानंतर प्रशासनाने कारवाई सुरू केली आहे.
* अतिक्रमणाची समस्या: दिवा स्टेशन परिसर, मुंब्रा देवी कॉलनी रोड, दिवा-आगासन रोड तसेच शहरातील प्रमुख रस्ते व पदपथांवर मोठ्या प्रमाणावर फेरीवाल्यांचे अतिक्रमण झाले आहे. यामुळे नागरिकांना नाहक त्रास सहन करावा लागत असून, वाहतूक कोंडी आणि आरोग्याचे प्रश्न निर्माण झाले आहेत.
* मागण्या: वंचित बहुजन आघाडीच्या वतीने फेरीवाल्यांचे सर्वेक्षण करून पात्र फेरीवाल्यांसाठी निश्चित झोन करणे, अनधिकृत फेरीवाल्यांवर कायदेशीर कारवाई करणे आणि पदपथांवर पुन्हा अतिक्रमण होऊ नये म्हणून कायमस्वरूपी देखरेख व्यवस्था ठेवण्याची मागणी करण्यात आली आहे.
* वंचित बहुजन आघाडीचा इशारा: "रस्ते व पदपथ नागरिकांसाठी मोकळे झालेच पाहिजेत, नागरिकांच्या सुरक्षेशी तडजोड केली जाणार नाही," असे सांगत प्रशासनाने ठोस उपाययोजना न केल्यास नागरिकांना सोबत घेऊन लोकशाही मार्गाने आंदोलन करण्याचा इशारा विकास प्रकाश इंगळे यांनी दिला आहे.
