Mar Thoma Vision

20/10/2025

THOMA VISION 2025©

10/10/2025

THOMA VISION 2025©

09/10/2025

03/10/2025

THOMA VISION 2025©

27/09/2025

THOMA VISION 2025©

18/09/2025

THOMA VISION 2025©

07/09/2025

മാർത്തോമ്മാ സഭ റാന്നി നിലയ്ക്കൽ ഭദ്രാസന അധ്യക്ഷൻ ഡോ ജോസഫ് മാർ ബർന്നബാസ് സഫ്രഗൻ മെത്രാപ്പോലീത്താക്ക് എഴുപത്തിയഞ്ച് വയസ് തികയുന്നതിന്റെ ഭാഗമായി ഭദ്രാസന നേതൃത്വത്തിൽ കനവ് പാർപ്പിട പദ്ധതിയിലൂടെ ഗോത്ര സമൂഹത്തിനായി വീടുകൾ നിർമ്മിച്ചു നൽകുന്നു. ളാഹ ഡിവിഷനിൽ മഞ്ഞത്തോട് ട്രൈബൽ കോളനിയിലാണ് ഭവന രഹിതർക്ക് അഞ്ച് വീടുകളും വിദ്യാർത്ഥികൾക്കായി പഠനം കേന്ദ്രവും നിർമ്മിക്കുക.
ഭവനനിർമാണ പദ്ധതിയുടെ ശിലാസ്ഥാപനം ഡോ.ജോസഫ് മാർ ബർന്നബാസ് സഫ്രഗൻ മെത്രാപ്പോലീത്താ നിർവ്വഹിച്ചു. ഭദ്രാസന സെക്രട്ടറി റവ.തോമസ് കോശി പനച്ചമൂട്ടിൽ, ട്രഷറർ അനു ഫിലിപ്പ്, പഞ്ചായത്ത് മെമ്പർ മഞ്ജു പ്രമോദ്, ഡപ്യൂട്ടി റെയ്ഞ്ച് ഓഫീസർ കെ.മുകേഷ്, രാജു മൂപ്പൻ, റിബു തോമസ്, അഡ്വ.ഏബ്രഹാം മാത്യു പനച്ചമൂട്ടിൽ, കോശി തര്യൻ, മനോജ് ജോർജ്ജ്, റവ.അജി വർഗ്ഗീസ്, റവ.അരുൺ തോമസ് , അലക്സാണ്ടർ വർഗ്ഗീസ്, അനോ ഡേവിഡ് തോമസ് എന്നിവർ പ്രസംഗിച്ചു.റവ സി.കെ. കൊച്ചുമോൻ,റവ.റിജോ മാത്യു ജോയി, അഡ്വ.ജെറി വർഗ്ഗീസ് എന്നിവരുടെ നേതൃത്വത്തിൽ വസ്ത്ര വിതരണവും നടന്നു.കനവ് പാർപ്പിട പദ്ധതിയുടെ ഭാഗമായി സഭയിൽ സാമ്പത്തിക പിന്നോക്കാവസ്ഥയിൽ കഴിയുന്ന അമ്പത് പേർക്ക് ഭവനങ്ങളുടെ അറ്റകുറ്റപ്പണികൾ നടത്താൻ സഹായം നൽകുമെന്ന് ഭദ്രാസന സെക്രട്ടറി റവ തോമസ് കോശി പനച്ചമൂട്ടിലും ട്രഷറർ അനു ഫിലിപ്പും അറിയിച്ചു.

07/09/2025

തിരുവല്ല എസ്. എൻ. ഡി. പി യൂണിയൻ സംഘടിപ്പിച്ച ശ്രീനാരായണ ഗുരു ജയന്തി ആഘോഷം ഡോ. തിയഡോഷ്യസ് മാർത്തോമ്മാ മെത്രാപ്പൊലിത്ത ഉദ്ഘാടനം ചെയ്യുന്നു

05/09/2025

*മലങ്കര മാർത്തോമ്മാ സുറിയാനി സഭയ്ക്ക്
218 കോടി രൂപയുടെ ബഡ്ജറ്റ്*. തിരുവല്ലയിൽ ചേർന്ന മാർത്തോമ്മാ സഭാ പ്രതിനിധി മണ്ഡല വാർഷിക യോഗത്തിൽ അത്മായ ട്രസ്റ്റി അഡ്വ. ആൻസിൽ സഖറിയ കോമാട്ട് ബഡ്ജറ്റ് അവതരിപ്പിച്ചു. സഭയുടെ നേരിട്ടുള്ള നിയന്ത്രണത്തിൽ പ്രവർത്തിക്കുന്ന 11 സ്ഥാപനങ്ങളുടെ ബഡ്ജറ്റും സഭാപ്രതിനിധി മണ്ഡലം അംഗീകരിച്ചു. സഭാധ്യക്ഷൻ ഡോ. തിയഡോഷ്യസ് മാർത്തോമ്മാ മെത്രാപ്പോലീത്താ അധ്യക്ഷത വഹിച്ചു.
അഞ്ചു പുതിയ പദ്ധതികൾ ബഡ്ജറ്റിൽ ഉൾപ്പെടുത്തി.
മാർത്തോമ്മാ യൂണിവേഴ്സിറ്റി, തെള്ളിയൂർ എം. സി. ആർ. ഡി ഓട്ടിസം കോളജിന് സ്‌പെഷ്യൽ ഗ്രാന്റ്, വനിതാ കർഷക അവാർഡ്, ഹൃദയ ശസ്ത്രക്രിയ സഹായ പദ്ധതി, സോളാർ പദ്ധതി, എന്നിവയാണ് പുതിയ പദ്ധതികൾ. മാർത്തോമ്മാ യൂണിവേഴ്സിറ്റി ആരംഭിക്കുന്നതിനായി 25 കോടി രൂപ ബഡ്ജറ്റിൽ ഉൾപ്പെടുത്തി. തെള്ളിയൂർ എം.സി.ആർ.ഡി യിൽ ഓട്ടിസം കോളജിന് സ്‌പെഷ്യൽ ഗ്രാന്റായി 3 ലക്ഷം രൂപ നൽകും.ആഗോള വനിതാ കർഷക വർഷാചരണം പ്രമാണിച്ച് വനിത കർഷക അവാർഡ് നൽകും. ഇതിനായി 25,000രൂപ ചിലവിടും. മാർത്തോമ്മാ സഭാ സെക്രട്ടറിയേറ്റിൽ സോളാർ പാനൽ സ്ഥാപിക്കുന്നതിനായി 1 കോടി രൂപ ബഡ്ജറ്റിൽ വകയിരുത്തി. ഡോ. തിയഡോഷ്യസ് മാർത്തോമ്മാ മെത്രാപ്പോലീത്തയുടെ പട്ടത്വ സുവർണ്ണ ജൂബിലി പ്രോജക്ടുകളായ അഭയം, ലക്ഷ്യ പദ്ധതികൾക്ക് സംഭാവന പ്രതീക്ഷിച്ചു 3.50 കോടി രൂപ വരവും 3.50 കോടി രൂപ ചെലവും പ്രതീക്ഷിച്ചു ബഡ്ജറ്റിൽ തുക വക കൊള്ളിച്ചു.
വയനാട് പുനരധിവാസ പ്രവർത്തനങ്ങൾക്ക് വടുവഞ്ചാൽ കേന്ദ്രമാക്കി 3 ഏക്കർ 31.5 സെന്റ് സ്ഥലത്ത് വീടുകളും സാന്ത്വന പരിചരണ കേന്ദ്രവും ആരംഭിക്കുന്നതിനുള്ള മാസ്റ്റർ പ്ലാൻ തയ്യാറാക്കി വരുന്നു. ചെലവുകൾക്കായി 3.25 കോടി രൂപയും ബഡ്ജറ്റിൽ ചേർത്തു.
വാളകത്ത് ഷോപ്പിംഗ് കോംപ്ലക്സ്, മാർത്തോമ്മാ ഹെറിറ്റേജ് മ്യൂസിയം- എസ്. സി . എസ് ടവർ, ടി.കെ. റോഡിനും പുഷ്പഗിരി റോഡിനോടും ചേർന്ന് കൊമേഴ്സ്യൽ കോംപ്ലക്സ്, ചെയർമാൻസ് റോഡിനോട് ചേർന്ന് കൊമേഴ്സ്യൽ കോംപ്ലക്സ് എന്നിവയും ബഡ്ജറ്റിൽ ഉൾപ്പെടും.
വൈദികരുടെ മെഡിക്കൽ ഇൻഷ്വറൻസ്, ഭദ്രാസന - ഇടവക ഇന്റഗ്രേറ്റഡ് സോഫ്റ്റ്‌വെയർ,
സഭയുടെ വെബ്‌സൈറ്റ് പുതുക്കുന്നതിനും ആർക്കൈവ്സ്, ഡിജിറ്റലൈസേഷൻ, ഡിജിറ്റൽ ആർക്കൈവ്സ്, മാർത്തോമ്മാ വിഷൻ ചാനൽ, ഭരണപരമായ ചെലവുകൾ എന്നിവയ്ക്കും ബജറ്റിൽ തുക ഉൾക്കൊള്ളിച്ചിട്ടുണ്ട്.

05/09/2025

മൂന്നു ദിവസങ്ങളിലായി തിരുവല്ല ഡോ അലക്സാണ്ടർ മാർത്തോമ്മാ സ്മാരക ഓഡിറ്റോറിയത്തിൽ സമ്മേളിച്ച മാർത്തോമ്മാ സഭാ പ്രതിനിധി മണ്ഡലയോഗം സമാപിച്ചു. ഡോ. തിയഡോഷ്യ സ് മാർത്തോമ്മാ മെത്രാപ്പോലിത്ത സമാപന സന്ദേശം നൽകി. മാർത്തോമ്മാ സഭക്ക് ഒരു യൂണിവേഴ്സിറ്റി, ട്രസ്റ്റിന്റെ കീഴിൽ രജിസ്റ്റർ ചെയ്യുന്നതിന് മണ്ഡലം അംഗീകാരം നൽകി. ഇത് സംബന്ധിച്ച കൌൺസിൽ റിപ്പോർട്ട്‌ യോഗം അംഗീകരിച്ചു. മാർത്തോമ്മാ സഭയുടെ ഓരോ കോളേജുകളും പ്രത്യേകം സൊസൈറ്റിയുടെ കീഴിൽ ഓട്ടോണമസ് ആക്കുന്നത്തിനുള്ള റിപ്പോർട്ടും അംഗീകരിച്ചു. സഭാ കാര്യാലയം മുമ്പു പ്രവർത്തിച്ചിരുന്ന കെട്ടിടം സഭയുടെ പൈതൃക സംരക്ഷണത്തിനും ആത്മീയ പരിപോഷണത്തിനുമായി ഉപയോഗ പ്രദമാക്കുന്നതിനു തീരുമാനിച്ചു. 50 ലക്ഷം രൂപ ഈ വർഷം ബഡ്ജറ്റ് ചെയ്യുന്നതിനും തീരുമാനിച്ചു.ഞങ്ങൾ വിശ്വസിക്കുന്നു, നിഖ്യായുടെ കാലിക പ്രസക്തി എന്ന വിഷയത്തിൽ പഠനം നടന്നു. കൺവീനർ റവ. ഡോ. ജോൺ ഫിലിപ്പ് അട്ടത്തറയിൽ വിഷയം അവതരിപ്പിച്ചു. സഭയുടെ 2024- 25 ലെ വാർഷിക റിപ്പോർട്ടും വരവ് ചിലവ് കണക്കും അംഗീകരിച്ചു.