Mar Thoma Vision

23/05/2026

THOMA VISION 2025©

15/05/2026

നിയുക്ത മുഖ്യമന്ത്രിക്ക് ആശംസകൾ നേർന്നു മാർത്തോമ്മാ മെത്രാപ്പൊലിത്ത.

കേരളത്തിന്‍റെ നിയുക്ത മുഖ്യമന്ത്രി ശ്രീ. വി. ഡി. സതീശന്റെ നിയോഗം കേരള ചരിത്രത്തില്‍ പുതിയ അദ്ധ്യായത്തിന് തുടക്കം കുറിച്ചിരിക്കുന്നു. കീഴ് വഴക്കങ്ങൾ മാറ്റി കേരളത്തിന്റെ ഭരണ രംഗത്ത് വിശാല കാഴ്ചപ്പാടുകളും പുത്തൻ ശൈലികളും ആവിഷ്കരിക്കാൻ നിയുക്ത മുഖ്യമന്ത്രിക്ക്‌ കഴിയുമെന്ന് പ്രത്യാശിക്കുന്നു. സമുദായിക- രാഷ്ട്രീ യ ഭേദങ്ങൾക്കപ്പുറം എല്ലാ ജനവിഭാഗങ്ങളെയും ചേർത്തു നിർത്തി ഭരണഘടനാ മൂല്യങ്ങളും കേരളത്തിന്‍റെ മതേതര സ്വഭാവവും കാത്തു സൂക്ഷിച്ചു സംസ്ഥാനത്തെ പുരോഗതിയിലേക്ക് നയിക്കാൻ അദ്ദേഹത്തിന് സാധിക്കട്ടെ. പാവപ്പെട്ടവരെന്നോ ധനികരെന്നോ വ്യത്യാസം ഇല്ലാതെ ജനങ്ങളെ ഒരു പോലെ കാണുകയും ജനപക്ഷത്തിനും സാമൂഹിക ഐക്യത്തിനും മുന്‍ഗണന നല്‍കി പ്രവർത്തിക്കാൻ കഴിയണം. സംസ്ഥാനത്തെ ജനങ്ങളെ ബാധിക്കുന്ന അടി സ്ഥാന വിഷയങ്ങളില്‍ സര്‍ക്കാരിൻറെ ശ്രദ്ധ അടിയന്തരമായി ഉണ്ടാകണം. ജനകീയ വിഷയങ്ങളിൽ അനുരഞ്ജനത്തിന്റെ പാത സ്വീകരിച്ചും പൊതു സമൂഹത്തിൽ ഉയരുന്ന വിമര്‍ശനങ്ങളെ ഉള്‍ക്കൊണ്ട് നല്ലതിനെ സ്വീകരിച്ചും സംസ്ഥാനത്തെ ജനങ്ങളെ നയിക്കുന്നതിന് സാധ്യമാകട്ടെയെന്ന് പ്രാര്‍ത്ഥിക്കുന്നു. നിയുക്ത മുഖ്യമന്ത്രിയ്ക്കും പുതിയ സര്‍ക്കാരിനും മലങ്കര മാര്‍ത്തോമ്മാ സുറിയാനി സഭയുടെ ആശംസകൾ പ്രാർത്ഥനാപൂർവ്വം അറിയിക്കുന്നു.

ഡോ. തിയഡോഷ്യസ് മാര്‍ത്തോമ്മാ മെത്രാപ്പോലിത്താ

28/04/2026

*ഇടയ സംഗമം* ബൈബിൾ സൊസൈറ്റി കേരള ഓക്‌സിലിയറിയുടെ സപ്‌തതി ജൂബിലിയുടെ ഭാഗമായുള്ള സ്‌തോത്രാർപ്പണ കൂടിവരവിൽ കേരളത്തിലെ വിവിധ സഭകളുടെ അദ്ധ്യക്ഷന്മാരും സഭാ നേതാക്കളും തിരുവല്ല മാർത്തോമ്മാ സഭ ആസ്ഥാനത്ത് കൂടിച്ചേർന്നു. ഓക്‌സിലിയറി പ്രസിഡൻറ് ഡോ. തിയഡോഷ്യസ് മാർത്തോമ്മാ മെത്രാപ്പോലീത്താ അദ്ധ്യക്ഷത വഹിച്ച സമ്മേളനത്തിൽ, ഓർത്തഡോക്‌സ് സുറിയാനി സഭയുടെ അദ്ധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ ഉദ്ഘാടനം നിർവഹിച്ചു. "പരിപാലനം ഇല്ലാത്തിടത്തു ജനം അധോഗതി പ്രാപിക്കുന്നു" എന്ന തിരുവചനം ആധാരമാക്കി, ഈ ലോകത്തിന്റെ അന്ധകാര അവസ്ഥകളായ മനുഷ്യന്റെ ഭയം, അധീശത്വ പ്രവണത, അരക്ഷിത ബോധം എന്നിവ നീക്കുവാൻ ദൈവ വചനത്തിനു ശക്തിയുണ്ടെന്നും; ദിവ്യ പ്രകാശം ലോകത്തിൽ എങ്ങും പരത്തുവാൻ സഭ വിളിക്കപ്പെട്ടിരിക്കുന്നുവെന്നും ബാവാ തിരുമേനി ഉദ്ഘാടന സന്ദേശത്തിലൂടെ ഉദ്ബോധിപ്പിച്ചു. ഇടയ സംഗമത്തിൽ കേരളത്തിലെ ബൈബിൾ സൊസൈറ്റിയുടെ ഏഴ് ദശാബ്‌ദ കാലത്തെ പ്രവർത്തനങ്ങളെ നന്ദിയോടെ സ്‌മരിക്കുകയും, മുന്നോട്ടുള്ള കാലോചിതമായ നവീന ഉദ്യമങ്ങൾക്കു എല്ലാ സഭകളും സഭാതലവന്മാരും പ്രോത്സാഹനവും പിന്തുണയും ഉറപ്പുനൽകി. അഭി. ഡോ. ജോസഫ് മാർ ബർണബാസ്‌ സഫ്രഗൻ മെത്രാപ്പോലീത്താ (മാർത്തോമ്മാ സഭ), അഭി. ഡോ. മലയിൽ സാബു കോശി ചെറിയാൻ (സി എസ് ഐ), അഭി. ഡോ. ഏബ്രഹാം ചാക്കോ (സെൻറ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ), അഭി. മോറാൻ മോർ സാമുവേൽ തെയോഫിലസ് മെത്രാപ്പോലീത്താ (ബിലീവേഴ്‌സ് ഈസ്റ്റേൺ ചർച്ച്), അഭി. ഡോ. തോമസ് മാർ തിമോത്തിയോസ്‌ മെത്രാപ്പോലീത്താ (യാക്കോബായ സഭ), അഭി. ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പോലീത്താ (ഓർത്തഡോക്‌സ് സഭ), പാസ്റ്റർ ഡോ. സന്തോഷ് ജോൺ (അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് കൗൺസിൽ), ശ്രീമതി സ്റ്റാർലാ ലൂക്ക് (ഐപിസി), ലെഫ്റ്റ്. കേണൽ ജേക്കബ് ജോൺ ജോസഫ് (സാൽവേഷൻ ആർമി - ISWT), പാസ്റ്റർ സജി ഏബ്രഹാം (ചർച്ച് ഓഫ് ഗോഡ് ഇൻ ഇന്ത്യ), അഭി. സിറിൽ മാർ ബസേലിയോസ് I മെത്രാപ്പോലീത്താ (മലബാർ സ്വതത്ര തൊഴിയൂർ സഭ), അഭി. കുര്യാക്കോസ് മാർ സേവേറിയോസ് മെത്രാപ്പോലീത്താ (ക്‌നാനായ സഭ), അഭി. ഡോ. ഓസ്റ്റിൻ എം. എ. പോൾ (സോൾ വിന്നിംഗ് ചർച്ച് ഓഫ് ഇന്ത്യ), അഭി. ഡോ. സെൽവദാസ് പ്രമോദ് (ബൈബിൾ ഫെയ്ത്ത് മിഷൻ), റവ. എബി റ്റി. മാമ്മൻ (മാർത്തോമ്മാ സഭാ സെക്രട്ടറി), വെരി റവ. മാത്യു ജോൺ (മാർത്തോമ്മാ സഭാ സീനിയർ വികാരി ജനറൽ), പാസ്റ്റർ ജോമോൻ ജോസഫ് (ചർച്ച് ഓഫ് ഗോഡ് കേരള റീജിയൺ), ഷെവ. ഡോ. കോശി എം. ജോർജ്ജ് (ഓക്‌സിലിയറി കമ്മിറ്റി അംഗം), റവ. ജേക്കബ് ആൻ്റണി കൂടത്തിങ്കൽ (ഓക്‌സിലിയറി സെക്രട്ടറി), ഡോ. സാബു റ്റി. തോമസ് (ഓക്‌സിലിയറി ട്രഷറാർ) എന്നിവർ പ്രസംഗിച്ചു. കേരളത്തിൻ്റെ വിവിധ ഭാഗങ്ങളിൽ നിന്ന് എപ്പിസ്കോപ്പൽ, നോൺ - എപ്പിസ്കോപ്പൽ വിഭാഗത്തിലുള്ള വിവിധ സഭകളുടെ അദ്ധ്യക്ഷന്മാരും, പ്രതിനിധികളും, ഓക്‌സിലിയറി കമ്മിറ്റി അംഗങ്ങളും, ഓക്‌സിലിയറി സ്റ്റാഫ് അംഗങ്ങളും, മുൻ ഓക്‌സിലിയറി സെക്രട്ടറിമാരും സ്‌തോത്രാർപ്പണ സമ്മേളനത്തിൽ പങ്കുചേർന്നു.

28/04/2026

28/04/2026

25/04/2026

42 likes, 3 comments. "MAR THOMA NEWS | 24.06.2026 | MAR THOMA VISION"

01/03/2026

*പശ്ചിമേഷ്യയിൽ സമാധാനം പുലരാൻ പ്രാർത്ഥിക്കണം.ഡോ. തിയഡോഷ്യസ് മാർത്തോമ്മാ മെത്രാപ്പൊലിത്ത* തിരുവല്ല.യുദ്ധഭീതിയിലായിരിക്കുന്ന പശ്ചിമേഷ്യയിൽ സമാധാനം പുലരാൻ ലോക സമൂഹം പ്രാർത്ഥിക്കുകയും സമാധാനം ശ്രമങ്ങൾ ഊർജിതമാക്കുകയും വേണമെന്ന് മലങ്കര മാർത്തോമ്മാ സുറിയാനി സഭാ അദ്യക്ഷൻ ഡോ. തിയഡോഷ്യസ് മാർത്തോമ്മാ മെത്രാപ്പൊ ലിത്ത. സംഘർഷത്തിൽ ഏർപ്പെട്ടിരിക്കുന്ന ലോക നേതാക്കൾ ആയുധം ഉപേക്ഷിച്ചു സമാധാനത്തിന്റെ മാർഗം സ്വീകരിക്കാൻ തയാറാകണം. യുദ്ധങ്ങളും സംഘർഷങ്ങളും ഒന്നിനും പരിഹാരമല്ല. യുദ്ധങ്ങളും മനുഷ്യ കുരുതികളും പ്രാകൃതമാണ്. ഹിംസയുടെ മാർഗം പരിഷ്കൃത്യ ലോകത്തിന് യോജിച്ചതല്ല. ഈ മാർഗത്തിൽ നിന്ന് ലോകനേതാക്കൾ പിന്തിരിയണം. ആയുധം കൊണ്ട് ആർക്കും ഒന്നും നേടാനായിട്ടില്ല. ചരിത്രത്തിലെ ഏറ്റവും വലിയ യുദ്ധ പ്രേമികൾ പോലും വിസ്‌മൃതിയിലായിട്ടേ ഉള്ളൂ. ഇസ്രായേൽ, അമേരിക്ക സംയുക്ത മിസൈൽ ആക്രമണങ്ങളിൽ ഇറാനിൽ നിരവധി ആളുകൾ കൊല്ലപ്പെട്ടു. ഇറാനിൽ സ്കൂളിന് നേരെ ഉണ്ടായ മിസൈൽ ആക്രമണത്തിൽ 85 ലധികം പെൺകുട്ടികൾ കൊല്ലപ്പെട്ടതായി റിപ്പോർട്ടുകളുണ്ട് . പശ്ചിമേഷ്യൽ വിവിധ രാജ്യങ്ങൾ തമ്മിൽ ആക്രമണങ്ങളും പ്ര ത്യാക്രമണങ്ങളും തുടരുകയാണ്. മിസൈൽ ആക്രമണങ്ങളിൽ നിര വധിയാളുകൾ കൊല്ലപ്പെടുന്നു. വ്യോമ, സമുദ്ര ഗതാഗതങ്ങൾ നിശ്ചലമായി. ഗൾഫ് രാജ്യങ്ങളിലെല്ലാം യുദ്ധസമാനമായ സാഹചര്യം നിലനിൽക്കുന്നു. നൂറുകണക്കിന് പ്രവാസി മലയാളികളും ഗൾഫ് രാജ്യങ്ങളിൽ ആശങ്കയോടെ കഴിയുന്നു. രണ്ടു ലോകയുദ്ധങ്ങളുടെയും ചെറുതും വലുതുമായ നൂറുകണക്കിന് അക്രമങ്ങളുടെയും കെടുതികളിലൂടെ കടന്നു പോയതാണ് ഈ ലോകം. യുദ്ധവും സംഘർഷങ്ങളും കൊണ്ട് ആരും ഒന്നും നേടിയിട്ടില്ല. രക്തച്ചൊ രിച്ചിലും അനാഥത്വവും കൂട്ടപ്പലായനങ്ങളുമായി ജനങ്ങൾക്ക് ദുരിതം മാത്രമാണ് യുദ്ധങ്ങൾ സമ്മാനിച്ചിട്ടുള്ളത്. യുദ്ധം സാമ്പത്തിക അരക്ഷിതാവസ്ഥ അടക്കം ലോകത്തെ കൂടുതൽ കെടുതികളിലേക്ക് നയിക്കും. ഈ സാഹചര്യം അനുവദിച്ചു കൂടായെന്നും മെത്രാപ്പൊലിത്ത കൂട്ടിച്ചേർത്തു.

15/02/2026

CLOSING SESSION | MARAMON CONVENTION 2026 | 15.02.26 | DSMC MEDIA

15/02/2026

MATIN SERVICE & MORNING SESSION | MARAMON CONVENTION 2026 | 15.02.26 | DSMC MEDIA

14/02/2026

MARAMON CONVENTION 2026 | DAY 07 EVENING SESSION | 14.02.26 | DSMC MEDIA