Pazhampuranams പഴമ്പുരാണംസ്

Pazhampuranams പഴമ്പുരാണംസ് പഴമ്പുരാണംസ് © Pazhampuranams
ഒരു പൊടിയാടിക്കാരന്റെ പുരാണങ്ങൾ. SENU EAPEN THOMAS

കഴിഞ്ഞ ദിവസം വീട്ടിലിരുന്നപ്പോൾ എന്റെ ചേച്ചി വക ഒരു ഫോൺ വിളി.. എടാ നമ്മൾക്ക് ഇന്ന് വൈകിട്ട് എല്ലാവർക്കും കൂടി ലോക സിനിമയ...
26/09/2025

കഴിഞ്ഞ ദിവസം വീട്ടിലിരുന്നപ്പോൾ എന്റെ ചേച്ചി വക ഒരു ഫോൺ വിളി.. എടാ നമ്മൾക്ക് ഇന്ന് വൈകിട്ട് എല്ലാവർക്കും കൂടി ലോക സിനിമയ്ക്ക് പോയാലോ...

ഒന്നും കൂടെ ലോക കാണാൻ കമ്പനി ഇല്ലാതെ വിഷമിച്ചിരുന്ന എനിക്ക് ചേച്ചിയുടെ ഈ ചോദ്യം ഇഷ്ടപ്പെട്ടത് കൊണ്ട് തന്നെ ഞാൻ സമ്മതം മൂളി.

അങ്ങനെ ചേച്ചിയും കുടുംബവും നമ്മുടെ വീട്ടിൽ വന്നു ഞങ്ങളെയും കൂട്ടി ലോക കാണാൻ പോയി..

ഒടുക്കം സിനിമയും കണ്ടു വീട്ടിൽ വന്നു കയറാൻ തുടങ്ങുമ്പോൾ, നമ്മുടെ വീട്ടിൽ സ്ഥാപിച്ചിരുന്ന ഡിജിറ്റൽ ലോക്കിൽ കുട്ടി ചാത്തന്മാരുടെ വിളയാട്ടം. ലോക്ക് വർക്ക് ആകുന്നില്ല. വിരൽ അടയാളം കൊടുത്തപ്പോൾ റിജെക്റ്റ് ആയി. ചേച്ചിയുടെ കൂടെ പോയത് കാരണം താക്കോൽ കരുതിയതും ഇല്ല.. പലവട്ടം ഫിംഗർ പ്രിന്റ പതിപ്പിച്ചിട്ടും ങേ ഹേ.. അടുത്തത് - നമ്പർ ആണ്.. നമ്പർ കുത്തിയിട്ടും, കതക് തുറക്കുന്നില്ല.

ചേച്ചി അവിടെ തന്നെ ഉണ്ടായിരുന്നത് കൊണ്ട് പിന്നെ ഞങ്ങൾ എല്ലാവരും ചേച്ചിയുടെ വീട്ടിലേക്ക് പോയി...

പിറ്റേന്നു രാവിലെ ഞങ്ങൾ വീണ്ടും വന്നു ഡോറിൽ പണി തുടങ്ങി.. ലോക്ക് തുറക്കുന്നില്ല. നമ്പറും, ഫിങ്കറും മാറി മാറി കുത്തി... നോ രക്ഷ.

പിന്നെ എല്ലാം അറിയുന്ന ഗൂഗിളിനോട് തിരക്കി.., ചാറ്റ് ജി പി ടി വക ഉപദേശങ്ങൾ കേട്ടത് പ്രയോഗിച്ചിട്ടും ലോക്കിന് അനക്കമേ ഇല്ല..പിന്നെ ഗൂഗിളിൽ നിന്നും പ്രഫഷണൽ ലോക്ക് സ്‌മിത്തിന്റെ നമ്പർ എടുത്ത് വിളിച്ചപ്പോൾ ഒരു സായിപ്പ് ഫോൺ എടുത്ത്, കാര്യങ്ങൾ തിരക്കി 15 മിനിറ്റിൽ വീട്ടിൽ വരാമെന്ന് ഏറ്റിട്ടും , ഞാൻ ലോക്കുമായിട്ടുള്ള മൽപ്പിടുത്തം തുടർന്നു.

സായിപ്പ് പറഞ്ഞതിലും രണ്ടു മിനിറ്റ് മുൻപ് വന്നു, നമ്മുടെ സ്വന്തം വീട് തന്നെയെന്ന് ഉറപ്പു വരുത്തി പണിയായുധങ്ങളുമായി വന്നു ലോക്ക് കണ്ടതും, എന്നോട് പറഞ്ഞു.. ഡിജി ലോക്ക് ആണെന്ന് എന്നോട് പറഞ്ഞിരുന്നില്ല... ഡിജി ലോക്ക് ഓപ്പൺ ആക്കുന്നത് വല്യ പാടാണ് എങ്കിലും ഞാൻ നോക്കാമെന്നു പറഞ്ഞു അവിടെയും ഇവിടെയും ഒക്കെ കുത്തി.. എന്നോട് നമ്പർ അടിക്കാൻ പറഞ്ഞു.. ഞാൻ അടിച്ചു. തുറന്നില്ല. ഫിംഗർ പതിപ്പിക്കാൻ പറഞ്ഞു.. അതും ഏറ്റില്ല... ഓഹ് അപ്പോൾ ഇനി അടുത്ത സ്റ്റെപ്പ് എന്ന് പറഞ്ഞു പുള്ളി ഡ്രില്ലിങ് മെഷീൻ എടുത്ത്, രണ്ടു തുള അങ്ങേപ്പുറവും ഇങ്ങേപുറവും ഇട്ടു, ലോക്ക് നശിപ്പിച്ചു ഡോർ തുറന്നു തന്നതിന് 350 ഡോളർ ഫീസ്...

സുരേഷ് ഗോപി വിളിച്ചത് പോലെ.. ഭ: പുല്ലേ.. എന്റെ ലോക്കും നശിപ്പിച്ചു പിന്നെ 350 ഡോളറും.. എന്നൊക്കെ പറയണമെന്ന് ഉണ്ടായിരുന്നു. പക്ഷെ ഒന്നും മിണ്ടിയില്ല.. എന്ത് ചെയ്യാൻ പറ്റും.. അവൻ ചോദിക്കുന്ന ചാർജ്ജ് കൊടുത്തല്ലേ പറ്റൂ... അതും കൊടുത്ത്, Home Depotൽ പോയി പുതിയ ലോക്കും വാങ്ങി വന്നു ഞങ്ങൾ തന്നെ അത് ഫിക്‌സ് ചെയ്‌തപ്പോൾ മൊത്തം 500 ഡോളർ മാറി കിട്ടി..

പിന്നെ മോറൽ ഓഫ് ദ സ്റ്റോറി.. വീട്ടിൽ ഡിജിറ്റൽ ലോക്ക് ആണെങ്കിലും കൈയിൽ താക്കോൽ സദാ കരുതുക... ഇല്ലെങ്കിൽ 500 ഡോളർ കരുതുക...

"ലോകാ സിനിമ കണ്ടു ലോക്കായി", വീട്ടിൽ കയറാൻ ആകാതെ, റോഡിൽ കൂടെ നടക്കുന്ന ഞാനും ബെറ്റിയും ചിത്രത്തിൽ

DQ ഇത് വല്ലോം അറിയുന്നുണ്ടോ ആവോ...





നമ്മുടെ ഒരു സുഹൃത്ത്, കാനഡയിൽ വെച്ച്, വളരെ ചെറിയ പ്രായത്തിൽ മരണപ്പെട്ടു. സുഹൃത്തിന്റെ പെട്ടെന്നുള്ള മരണത്തെ തുടർന്ന്, ഭാ...
25/09/2025

നമ്മുടെ ഒരു സുഹൃത്ത്, കാനഡയിൽ വെച്ച്, വളരെ ചെറിയ പ്രായത്തിൽ മരണപ്പെട്ടു. സുഹൃത്തിന്റെ പെട്ടെന്നുള്ള മരണത്തെ തുടർന്ന്, ഭാര്യയും കുഞ്ഞും ഒക്കെ ആകെ പ്രശ്‌നത്തിൽ ആയി. മലയാളി അസ്സോസിയഷനുകളുടെ കൃത്യമായ ഇടപെടൽ മൂലം മൃതദേഹം നാട്ടിലേക്ക് എത്തിക്കാനും വേണ്ടതു ചെയ്യാനും ആയി.

ഭർത്താവ് മരിച്ച കാരണത്താൽ, ഏതാണ്ട് ഒന്ന് ഒന്നര വർഷം കഴിഞ്ഞാണ്, ഭാര്യയും കുഞ്ഞും നാട്ടിൽ നിന്നും മടങ്ങി എത്തിയത്. ഇവർ വന്ന വിമാനത്തിൽ നമ്മുടെ മറ്റൊരു സുഹൃത്തും കുടുംബവും ഉണ്ടായിരുന്നു. അവർ അന്ന് വൈകിട്ട് എന്നെ വിളിച്ചു അവരുടെ അവധിക്കാലവും ഒക്കെ പറയുന്നതിനിടയിൽ, ഭർത്താവ് മരിച്ച ഈ സ്ത്രീയുടെ മടങ്ങി വരവിനെ കുറിച്ച് സംസാരിക്കാനിടയായി.

അതെ.. കഴിഞ്ഞ വർഷം മരിച്ചു പോയ നമ്മുടെ -------ഇല്ലേ.. അവന്റെ ഭാര്യയും കുഞ്ഞും നമ്മളോടൊപ്പം ഫ്ലൈറ്റിൽ ഉണ്ടായിരുന്നു. എന്റെ ദേവിയെ... പറയുന്നത് കൊണ്ട് ഒന്നും തോന്നരുത്... സെനു ------ അവൻ ജീവനോടെ ഇരുന്നപ്പോൾ കണ്ടിട്ടുണ്ടോ??? എന്ന അവരുടെ ചോദ്യത്തിന് ഞാൻ ഭർത്താവിന്റെ മരണവുമായി ബന്ധപ്പെട്ടു നടത്തിയ ഗോ ഫണ്ടിന്റെ കാര്യത്തിൽ ഞാൻ അവരുമായി സംസാരിച്ചിട്ടുണ്ടെന്നും, വ്യുവിങ്ങിന്റെ അന്ന് കണ്ടിരുന്നുവെന്നും പറഞ്ഞപ്പോൾ അവർ പറഞ്ഞു.... അന്ന് തനി കേരള മങ്ക ആയിരുന്ന ആ സ്ത്രീയെ , ഇന്ന് ഞങ്ങൾ ഫ്ലൈറ്റിൽ വെച്ച് കണ്ടിട്ട് മനസ്സിലായതേയില്ല. പിന്നെ ടൊറന്റോയിൽ ഇറങ്ങിയപ്പോൾ അവർ തന്നെ വന്നു പരിചയപ്പെടുത്തിയപ്പോൾ ആണ് മനസ്സിലായത്. തലമുടി ഒക്കെ ബോയ് കട്ട് ചെയ്‌തു ആകെ മൊത്തം അങ്ങ് കനേഡിയൻ ആയി... ഭർത്താവ് ചത്താൽ എന്താ.... അങ്ങനെ പോയി പരിഹാസത്തിൽ കലർന്ന വാക്കുകൾ..

എന്നാലും എങ്ങനെ ഇങ്ങനെ ഒരു സ്ത്രീക്ക് ആകാൻ പറ്റും. മുട്ടറ്റം തലമുടി ഒക്കെ ഉണ്ടായിരുന്ന ആ സ്ത്രീ ഭർത്താവ് മരിച്ചു പോയപ്പോൾ ആണോ ഫാഷൻ കളിക്കുന്നത് എന്നൊക്കെ ഞാനും ചിന്തിച്ചു പോയി..

ദിവസങ്ങൾ കഴിഞ്ഞു... ഇവരെ അമ്പലത്തിൽ വെച്ച് കണ്ടു തിരിച്ചറിഞ്ഞ ആളുകളും മൂക്കത്ത് വിരൽ വെച്ച് കുശുകുശുപ്പ് തുടങ്ങി.. ഒടുക്കം ഈ കുശുകുശുപ്പു അവരുടെ കാതുകളിലും എത്തി..

ഈ കുശുകുശുപ്പിൽ മനം മടുത്ത്, ആ സ്ത്രീ, താൻ സ്റ്റൈലിഷ് ആയതിന്റെ പിന്നിലെ ആർക്കും അറിയാത്ത ആ കഥ, ഫോട്ടോകൾ സഹിതം കാണിച്ചു പറഞ്ഞു കൊടുത്തപ്പോഴാണ് അതിന്റെ കഥ നാട്ടുകാർ അറിഞ്ഞു തുടങ്ങിയത്. ഇനി അറിഞ്ഞിട്ടില്ലാത്തവർക്കു ഈ കഥ ഉപകരിക്കുകയും ചെയ്യും.

അതായത് ഇവരുടെ ഭർത്താവിന് പളനിയിൽ പോയി മുടി വടിക്കാമെന്നു ഒരു നേർച്ച ഉണ്ടായിരുന്നു. ഭർത്താവിന് ആ നേർച്ച പൂർത്തീകരിക്കാൻ ആയില്ല. ആയതു കൊണ്ട് ഇവർ ഭർത്താവിന്റെ മരണ ശേഷം, പളനിയിൽ പോയി, ഭർത്താവിന് വേണ്ടി അവരുടെ മുടി വടിച്ചു കളഞ്ഞിട്ടു വന്നതാണ് ഈ ഫാഷന്റെ പിന്നിലെ കഥ എന്നറിഞ്ഞിട്ടും, ഇതറിയാത്ത ആളുകൾ അവിടെയും ഇവിടെയും ഇരുന്നു ആ പാവത്തിനെ കല്ലെറിയുന്നു.

ഇതാണ് പണ്ടുള്ളവർ പറയുന്നത്... കഥയറിയാതെ ആട്ടം കാണരുത്...

അവരെ അവരുടെ വഴിക്ക് വിടുക.. ഗതിക്കേട്‌ കൊണ്ട് അവർ കൈ നീട്ടേണ്ടി വന്നുവെന്നു കൊണ്ട് ജീവിതകാലം നമ്മൾക്ക് മുൻപിൽ അവർ ഓച്ഛാനിച്ചു നിൽക്കേണ്ടതുണ്ടോ... അവരുടെ ഇഷ്ടങ്ങൾ അടിയറ വെയ്‌ക്കേണ്ടതുണ്ടോ...







കാനഡയിൽ A. R. Rahman ന്റെ പേരിൽ ഒരു റോഡ് വന്നപ്പോൾ എന്തോരം വാർത്തകൾ ആയിരുന്നു. എന്നാൽ ദേ അടുത്തത് - അതങ്ങു അമേരിക്കയിലെ ...
23/09/2025

കാനഡയിൽ A. R. Rahman ന്റെ പേരിൽ ഒരു റോഡ് വന്നപ്പോൾ എന്തോരം വാർത്തകൾ ആയിരുന്നു.

എന്നാൽ ദേ അടുത്തത് - അതങ്ങു അമേരിക്കയിലെ ടെക്‌സാസിൽ Saritaയുടെ പേരിൽ റോഡ് തുറന്ന വിവരം ഞാൻ എല്ലാവരെയും അറിയിച്ചു കൊള്ളട്ടെ...

2015 മുതൽ Texas Governor ആയിരിക്കുന്ന Greg Abbottന്റെ പേര്, പീഡന ലിസ്റ്റിൽ വരാതിരിക്കാനുള്ള ഒരു സുഖിപ്പീരു ആകുമോ ഈ റോഡിനു ഈ പേര് വരാനുള്ള കാരണം..

അല്ലെങ്കിൽ പിന്നെ TEXASകാർക്ക് എന്തോന്ന് Sarita....

വഴികാട്ടി: ആ ബോർഡിലെ "ആരോ ↗️"കണ്ടിട്ട് ഈ വഴിക്ക് പോകുന്നവനൊക്കെ AIR ലാകുമെന്ന് തോന്നുന്നു.







മലയാളികൾക്ക് അഹങ്കരിക്കാൻ ഇതാ ഒരു കാര്യം കൂടി..മഞ്ഞിൽ വിരിഞ്ഞ പൂക്കളിൽ കൂടി നരേന്ദ്രൻ എന്ന വില്ലനായി മലയാളത്തിലേക്ക് കട...
22/09/2025

മലയാളികൾക്ക് അഹങ്കരിക്കാൻ ഇതാ ഒരു കാര്യം കൂടി..

മഞ്ഞിൽ വിരിഞ്ഞ പൂക്കളിൽ കൂടി നരേന്ദ്രൻ എന്ന വില്ലനായി മലയാളത്തിലേക്ക് കടന്നു വന്ന മോഹൻലാൽ വിശ്വനാഥൻ നായർ എത്ര വേഗം ആണ് മലയാളികളുടെ സ്വന്തമായി മാറിയത്. നാല് പതിറ്റാണ്ടുകൾ മോഹൻലാൽ മലയാളിക്ക് എത്ര എത്ര കഥാപാത്രങ്ങളെയാണ് സമ്മാനിച്ചത്.

ലാലേട്ടന്റെ ഏതു കഥാപാത്രമാണ് ഏറ്റവും മികച്ചത് എന്ന് ചോദിച്ചാൽ എല്ലാം തന്നെ ഒന്നിനൊന്നു അടിപൊളിയാണ്. എന്നാലും എനിക്ക് ഏതു ലാലേട്ടനെയാണ് കൂടുതൽ ഇഷ്‌ടം...

ചിരിപ്പിച്ച ലാലേട്ടനെയാണോ...

കരയിപ്പിച്ച ലാലേട്ടനെയാണോ...

അതോ മീശ പിരിച്ച ലാലേട്ടനെയാണോ

അതോ മീശ വടിച്ച ലാലേട്ടനെയാണോ ഇഷ്‌ടം എന്ന് ചോദിച്ചാൽ ഉത്തരം മുട്ടും.

ഉത്തരം തേടുമ്പോൾ ലാലേട്ടൻ അവതരിപ്പിച്ച എത്ര എത്ര കഥാപാത്രങ്ങൾ നമ്മുടെ മുന്നിലൂടെ കടന്നു പോകും.

ലാലേട്ടന്റെ നരേന്ദ്രൻ, സോളമൻ, സേതു മാധവൻ, ഗൂർഖ റാം സിങ്, ആട് തോമാ, വിഷ്‌ണു (ചിത്രം), രഘു റാം (ഗുരു), മംഗലശേരി നീലകണ്ഠൻ, ഡോ സണ്ണി, അങ്ങനെ എണ്ണം പറഞ്ഞ എത്ര എത്ര കഥാപാത്രങ്ങൾ ആണ് നമ്മുടെ മുന്നിലൂടെ കടന്നു പോയത്..

ലാലേട്ടൻ ഇന്നും നമ്മൾക്ക് അത്ഭുതമാണ്, ആവേശമാണ്.

ഡോ കേണൽ പത്മഭൂഷൺ ഭരത് ശ്രീ മോഹൻലാലിന് ഭാരത സർക്കാർ, ഇന്ത്യയിലെ സിനിമാക്കാരുടെ പരമോന്നത ബഹുമതിയായ ദാദാ സാഹിബ് ഫാൽക്കെ അവാർഡും സമ്മാനിച്ചിരിക്കുന്നു.

ദാദാ സാഹിബ് ഫാൽക്കെ അവാർഡ് ലഭിച്ച ലാലേട്ടന് ഹൃദയം നിറഞ്ഞ അഭിനന്ദനങ്ങൾ...

നെഞ്ചിനകത്ത് ലാലേട്ടൻ, നെഞ്ചു വിരിച്ചു ലാലേട്ടൻ.. മുണ്ടു മടക്കി ലാലേട്ടൻ, മീശ പിരിച്ചു ലാലേട്ടൻ.... എന്ന പാട്ട് ഓരോ മലയാളിയും ഇന്ന് ഏറ്റു പാടുകയാണ്.....LALETTA We ❤️❤️❤️❤️ you.....

(നിങ്ങൾക്ക് ലാലേട്ടന്റെ ഏറ്റവും ഇഷ്‌ടപ്പെട്ട സിനിമ ഏതാണ് എന്ന് കൂടി പറയുക... )






നമ്മുടെ ഇന്ത്യൻ കോഫി ഹൗസിലെ Cold Coffee 🥤എനിക്ക് ഏറ്റവും പ്രിയപ്പെട്ട ഒന്നായിരുന്നു. കാലം മാറിയതോടെ ഞാൻ കാപ്പിയും ചായയു...
19/09/2025

നമ്മുടെ ഇന്ത്യൻ കോഫി ഹൗസിലെ Cold Coffee 🥤എനിക്ക് ഏറ്റവും പ്രിയപ്പെട്ട ഒന്നായിരുന്നു. കാലം മാറിയതോടെ ഞാൻ കാപ്പിയും ചായയും ഉപേക്ഷിച്ചു (EX COFFEE DRINKER / EX TEA DRINKER) ആയി മാറിയതോടെ ആ Cold Coffeeയെയും നിഷ്ക്കരുണം ഞാൻ ഉപേക്ഷിച്ചു.

പക്ഷെ കാനഡായിൽ വന്നതിനു ശേഷം ഞാൻ ടിം ഹോർട്ടൻസിന്റെ 🥤ICE CAP കുടി ആരംഭിച്ചു. -22 ഡിഗ്രി തണുപ്പിലും ഞാൻ ICE CAP കുടി ആസ്വദിക്കുന്നു.

ഇവിടെ കിട്ടുന്ന വേറൊരു സംഭവമാണ് MOCHA. പൊടിയാടികാരനായ ഞാൻ ഇവനെ മോച്ചാ എന്ന് വിളിച്ചപ്പോൾ മോൾ പറഞ്ഞു.. അപ്പാ ഇത് മോച്ചാ അല്ലാ മോക്കാ ആണ്.. മോക്കാ ആണെങ്കിൽ MOKKA എന്ന് എഴുതണം അല്ലാതെ MOCHA എന്നെഴുതി, മോക്കാ എന്ന് വിളിക്കാൻ എന്നെ കിട്ടുകേലാ.. Jackie Chan നെ ഞാനും, നാട്ടുകാരെല്ലാം ജാക്കി ചാനെ എന്ന് തന്നെയാ വിളിക്കുന്നത്.. അല്ലാതെ ജാക്കി കാനേ എന്നല്ല തുടങ്ങിയ ഉദാഹരണങ്ങൾ നിരത്തി വെച്ച് ഘോര ഘോരം വാദിച്ചെങ്കിലും ഒടുക്കം TIM HORTON's ലെ ചേച്ചിയും എന്റെ മോൾക്ക് ഒപ്പം നിലയുറപ്പിച്ചതോടെ നമ്മുടെ ഗ്രിപ്പ് അങ്ങ് പോയി...

ഇന്നലെ നമ്മുടെ അടുത്തുള്ള ഒരു ചായ പീടികയിൽ കയറിയപ്പോൾ അവിടെ 🍵GREEN TEA MATCHA എന്നൊരു ബോർഡ്... കൊള്ളാല്ലോ... സംഭവം.. കൗണ്ടറിൽ കണ്ട തമിഴനോട്, MATCHA (മച്ചാ) ഒരു ടീ കൊട് എന്ന് പറയാൻ നാക്കു പൊക്കാൻ തുടങ്ങിയതും, കടയുടെ ഭിത്തിയിൽ ചില്ലിട്ടു വെച്ചിരിക്കുന്ന നുമ്മ തമിഴ് പുലി 🐯പ്രഭാകരൻ MATCHANന്റെ ഫോട്ടോ കണ്ടതും നാവു, പിന്നെ പൊങ്ങിയില്ല..

അതിനാൽ വിറയ്ക്കുന്ന കൈകളോടെ മെതു വടയും വാങ്ങി, MATCHA ബോർഡിന്റെ ഒരു ഫോട്ടോയും എടുത്ത് ഈ MATCHAN ഒരു മൂളി പാട്ടും പാടി ഇങ്ങു പോന്നു...

അറിയാൻ വയ്യാത്തോണ്ട് ചോദിക്യാ

സത്യത്തിൽ നീ ആരാ.....മച്ചാ....



കാനഡയിൽ പഠിക്കാൻ വന്ന മലയാളികളായ ആൺകുട്ടിയും, പെൺകുട്ടിയും. ഇവർ പഠന സമയത്ത് തന്നെ ഇഷ്‌ടത്തിൽ ആകുന്നു. വീട്ടുകാരോട് ഒന്നു...
18/09/2025

കാനഡയിൽ പഠിക്കാൻ വന്ന മലയാളികളായ ആൺകുട്ടിയും, പെൺകുട്ടിയും. ഇവർ പഠന സമയത്ത് തന്നെ ഇഷ്‌ടത്തിൽ ആകുന്നു. വീട്ടുകാരോട് ഒന്നും പറയാതെ രണ്ടാളും ലിവിങ് ടുഗെദർ ആണ്..

PR ഒക്കെ കിട്ടിയപ്പോൾ രണ്ടാളും ലിവിങ് ടുഗെദർ മതിയാക്കി കല്യാണം കഴിക്കാൻ തീരുമാനിച്ചപ്പോൾ ആണ് ജാതീയ ചിന്തകൾ കല്യാണത്തിന് വിലങ്ങു തടിയായി വന്നത് . ചെക്കൻ ക്രിസ്ത്യാനിയും, പെൺകുട്ടി നമ്പൂതിരിയും ആണ്. പെൺകുട്ടിക്ക് അമ്മ മാത്രമേ ഉള്ളു. ഒടുക്കം സഹിക്കെട്ട് ആ അമ്മ പറഞ്ഞു.. നിങ്ങൾ കല്യാണം കഴിച്ചോളൂ.. പക്ഷെ ദൈവത്തെ ഓർത്ത് ഇൻസ്റ്റായിലും, മറ്റും കല്യാണ ഫോട്ടോ ഒന്നും ഇട്ട് നാട്ടുകാരെ അറിയിച്ചു തറവാടിന് മാനക്കേട് ഉണ്ടാക്കരുത്. നാട്ടിലേക്ക് വരുമ്പോൾ ഇല്ലത്തേക്ക് നീ തനിയെ വന്നോണം. ഞാൻ ഒറ്റയ്ക്ക് ആയതു കൊണ്ട് നീ ഇങ്ങനെ ഒരു കൃസ്ത്യാനി കുട്ടിയെ കല്യാണം കഴിച്ചുവെന്ന് അറിഞ്ഞാൽ ബന്ധുക്കൾ എല്ലാം എന്നോട് പിണങ്ങും. ആരും പിന്നെ ഒന്നിനും എന്നെ സഹകരിപ്പിക്കില്ല. അമ്മ പറഞ്ഞതെല്ലാം പെൺകുട്ടി സമ്മതിച്ചു.. എന്നാൽ ചെക്കന്റെ വീട്ടുകാർ ഒരു വിട്ടു വീഴ്ച്ചയ്ക്കും തയ്യാർ ആയില്ല. അത് കൊണ്ട് ചെക്കനും പെണ്ണും ഇവിടെ കല്യാണം കഴിക്കാൻ തന്നെ തീരുമാനിച്ചു.

ഇവിടെ കല്യാണം കഴിക്കുന്നുവെന്നു അറിഞ്ഞപ്പോൾ പെൺകുട്ടിയുടെ അമ്മ മോളെ വിളിച്ചു പറഞ്ഞു... അതെ.. നിങ്ങൾ അവിടെ വെച്ച് കല്യാണം കഴിച്ചോളൂ.. അമ്മയുടെ പ്രാർത്ഥനയും അനുഗ്രഹവും നിങ്ങൾക്ക് ഒപ്പം ഉണ്ടാകും. പക്ഷെ മോളെ പറ്റുമെങ്കിൽ നീ ചെക്കനേയും കൂട്ടി, അവിടെയുള്ള ഏതെങ്കിലും അമ്പലത്തിൽ പോയി, പൂജാരിയുടെ സാന്നിധ്യത്തിൽ അവനെ കൊണ്ട് ഒരു താലി കെട്ടിക്കണം. അത് അമ്മയുടെ ഒരു ആഗ്രഹമാണെന്ന് പറഞ്ഞപ്പോൾ മോൾ എടുത്തടിച്ചതു പോലെ പറഞ്ഞു.. അമ്മെ.. എന്റെ വിശ്വാസത്തിൽ അവനും, അവന്റെ വിശ്വാസത്തിൽ ഞാനും ഇടപെടില്ല. അത് കൊണ്ട് അതൊന്നും നടക്കില്ല. ഇത് കേട്ട് അമ്മയ്ക്ക് വിഷമം ആയി.. എന്നാലും പറ്റുമെങ്കിൽ, അമ്മയ്ക്ക് വേണ്ടി ഒന്ന് ചോദിക്കാൻ പറഞ്ഞപ്പോൾ, മനസ്സിലാ മനസ്സോടെ അത് മൂളി കേട്ടു.

അടുത്ത ദിവസം പിന്നെയും അമ്മ വിളിച്ചു.. മോളെ... പയ്യന്റെ ജാതകം വല്ലോം കിട്ടുമോ.. അമ്മയ്ക്ക് ഒരു സമാധാനവും ഇല്ല. അമ്മയുടെ ഒരു സുഹൃത്തിന്റെ പരിചയത്തിൽ ഒരു ജ്യോത്സ്യൻ ഉണ്ട്. അതാകുമ്പോൾ അൽപം ദൂരത്താണ്.. വീട്ടുകാർ അറിയുകയും ഇല്ല.. അവൾ ജാതകം കാണിച്ചു സമയം ഒക്കെ കുറിപ്പിക്കാമെന്ന് പറഞ്ഞു...

ഇത് കേട്ട് പെണ്ണിന് ദേഷ്യം വന്നിട്ട് അമ്മയോട് ചോദിച്ചു.. അമ്മെ.. അമ്മയോട് പറഞ്ഞില്ലേ... അവന്റെ നാൾ എന്തെന്നോ, ജാതകം ഉണ്ടോന്നോ എന്ന് എനിക്ക് അറിയില്ല. അവന്റെ വിശ്വാസം വേറെ.... പ്ലീസ്.. പിന്നെ അമ്മ എന്ത് സമയം കുറിപ്പിക്കാൻ ആണെന്ന് ചോദിച്ചപ്പോൾ ആ അമ്മ പറയുകയാ..

ശാന്തി മുഹൂർത്തത്തിനു സമയം കുറിപ്പിക്കാം എന്ന്.....

അമ്മയുടെ നിഷ്‌കളങ്കമായ ഈ മെസ്സേജ്ജ് കണ്ടു പെണ്ണും ചെക്കനും പൊട്ടി ചിരിച്ചു...കഴിഞ്ഞ അഞ്ചു വർഷമായി ലിവിങ് ടുഗെദർ ആയി താമസിക്കുന്ന അവർക്ക് എന്തോന്ന് ശാന്തി മുഹൂർത്തം...

വിശ്വാസം അതല്ലേ എല്ലാം... പാവം ആ അമ്മയുടെ ഓരോരോ വിശ്വാസങ്ങളെ...







കഴിഞ്ഞ ആഴ്ച്ച ബ്രിട്ടീഷ് കൊളംബിയയിൽ നിന്നും എന്നെ ഒരു സുഹൃത്ത് വിളിച്ചു, ഫേസ് ബുക്കിൽ ഫ്രണ്ടായ എന്റെ ഒരു ഫ്രണ്ടിനെ പറ്റി...
17/09/2025

കഴിഞ്ഞ ആഴ്ച്ച ബ്രിട്ടീഷ് കൊളംബിയയിൽ നിന്നും എന്നെ ഒരു സുഹൃത്ത് വിളിച്ചു, ഫേസ് ബുക്കിൽ ഫ്രണ്ടായ എന്റെ ഒരു ഫ്രണ്ടിനെ പറ്റി തിരക്കി. സത്യത്തിൽ ഫേസ്ബുക്കിൽ ഉള്ള ആളുകളിൽ പലരെയും എനിക്ക് അറിയില്ലയെങ്കിലും, ഇവൻ എന്റെ ഫ്രണ്ടാണെന്ന് പറഞ്ഞത് കൊണ്ട് തന്നെ എന്താണ് കാര്യം എന്ന് തിരക്കി.

ഈ പയ്യൻ ടൊറന്റോയിൽ ആണെന്നും, നാട്ടിൽ നിന്ന് ഒരാൾക്ക് എന്നോട് സംസാരിക്കാൻ എന്റെ നമ്പർ കൊടുത്തോട്ടെയെന്നും തിരക്കി. ഒട്ടും അമാന്തിക്കാതെ കൊടുത്തോളാനും പറഞ്ഞു സംസാരം അവസാനിപ്പിച്ചു.

ഏതാണ്ട് അരമണിക്കൂറിനുള്ളിൽ നാട്ടിൽ നിന്നും ഫോൺ കോൾ വന്നു. എന്നോട് സംസാരിക്കുന്ന ആൾ സ്വയം പരിചയപ്പെടുത്തി. ഒരു കല്യാണ കാര്യം ആണ്. ഈ വിളിക്കുന്ന ആൾ, പെൺകുട്ടിയുടെ അമ്മാവൻ ആണ്. അത്രയും കേട്ടതേ ഞാൻ പറഞ്ഞു... ചേട്ടാ.. ദൈവത്തെ ഓർത്ത് എന്നെ ഇതിൽ നിന്നും ഒഴിവാക്കൂ.. കാരണം കല്യാണം, സ്വഭാവ സർട്ടിഫിക്കേറ്റ്, സാലറി സർട്ടിഫിക്കേറ്റ് മുതലായ കാര്യങ്ങൾ വല്യ റിസ്ക്ക് പിടിച്ച ഏർപ്പാടാണ്. പെണ്ണിനും ചെക്കനും അവരുടെ വീട്ടുകാർക്കും ഒക്കെ ഭാഗ്യം ഉണ്ടെങ്കിൽ കല്യാണം ഒക്കെ നന്നായി പോകുമെന്ന് അല്ലാതെ വേറെ വിശേഷിച്ചു കാര്യം ഒന്നും ഇല്ലായെന്ന് പറഞ്ഞപ്പോൾ അമ്മാവൻ കഥ പറയാൻ തുടങ്ങി.

ഈ പയ്യൻസ് ഇവിടെ പഠിക്കാൻ വന്നതാണ്. പഠിച്ചു, മിടുക്കനായി PR ഒക്കെ നേടി ഇപ്പോൾ നല്ല ജോലിയും ഉണ്ട്. ജോലി ഒക്കെ ആയ ശേഷം പയ്യൻസ് നാട്ടിലേക്ക് അവധിക്ക് പോയി. വീട്ടുകാർ കല്യാണാലോചനകൾ തുടങ്ങിയപ്പോൾ പയ്യൻസ് ഒരു കാര്യം പറഞ്ഞു.. പയ്യന്സിന്റെ വീടിന്റെ അടുത്ത്, അര കിലോമീറ്റർ ചുറ്റളവിൽ ഒരു പെൺ കുട്ടിയുണ്ട്. പയ്യൻസ് പ്രായം അറിയിച്ച കാലം മുതലേ ആ കുട്ടിയോട് താത്‌പര്യം ഉണ്ട്. പക്ഷെ രണ്ടാളും അങ്ങോട്ടും ഇങ്ങോട്ടും ഒന്നും പറഞ്ഞിട്ടൊന്നുമില്ല. ആ പെൺകുട്ടിയെ ആലോചിക്കൂ.. അവൾക്ക് ഇഷ്‌ടം ആണെങ്കിൽ എനിക്കും ഓക്കെ.. പയ്യന്റെ ഈ ആവശ്യം കേട്ടതേ വീട്ടുകാർക്ക് സന്തോഷം ആയി. അറിയാവുന്ന വീട്ടുകാർ.. അറിയാവുന്ന പെൺകുട്ടി... നല്ല കുടുംബം.. നല്ല ചുറ്റുപാട്.. അങ്ങനെ എല്ലാം നല്ലതു തന്നെ.

അങ്ങനെ ചെക്കന്റെ വീട്ടുകാർ ഒരു ബ്രോക്കറെ ഏർപ്പാടാക്കി, ബ്രോക്കർ മുഖേന കാര്യങ്ങൾ അവതരിപ്പിച്ചു. പെൺകുട്ടി M.Sc ഒന്നാം വർഷം പഠിക്കുന്നു. പഠിത്തം കഴിയാതെ കല്യാണത്തെ പറ്റി ആലോചിക്കുന്നില്ല എന്ന് പറഞ്ഞുവെങ്കിലും, അടുത്തുള്ള വീട്ടുകാർ അല്ലെ, അറിയുന്നവർ അല്ലെ എന്നൊക്കെയുള്ള കാര്യങ്ങൾ പരിഗണിച്ചു, ചെക്കൻ വന്നു കണ്ടു പോകട്ടെ എന്ന് പറഞ്ഞു..

അങ്ങനെ വീട്ടുകാർ ഒഫിഷ്യലായി പെൺകുട്ടിയുടെ വീട്ടിൽ എത്തി. സംസാരം ആയി. പെൺകുട്ടിക്ക് താത്‌പര്യം ഇല്ല. അവൾക്ക് നാട്ടിൽ ജീവിതം തുടരാൻ ആണ് ഇഷ്‌ടം. കൂടി പോയാൽ ദുബായി വരെയുള്ള കാര്യങ്ങൾ ഓക്കേ. അതിനപ്പുറം വേണ്ട എന്ന ചിന്തയിൽ ആണ് പെൺകുട്ടി. ചെക്കൻ അവന്റെ കുട്ടിക്കാലം മുതലേയുള്ള ഇഷ്‌ടം ഒക്കെ തുറന്നു പറഞ്ഞു.. ചെക്കന്റെ പെങ്ങൾ, പെൺകുട്ടിയുമായി ഏറെ നേരം സംസാരിച്ചു.. ചുരുക്കി പറഞ്ഞാൽ ഒരാഴ്ച്ചയ്ക്കുള്ളിൽ, പെൺകുട്ടി കല്യാണത്തിന് YES മൂളി.. പക്ഷെ പെൺകുട്ടിക്ക് പഠിത്തം പൂർത്തിയാക്കണം. അതിനു ശേഷമേ കാനഡയെ പറ്റി ചിന്തിക്കൂ.. ചെക്കൻ അതിനും സമ്മതിച്ചു.. സാവകാശം പേപ്പർ വർക്ക് നടത്തിയാൽ മതിയല്ലോ.. ഇപ്പോൾ കല്യാണം ഉറപ്പിക്കുന്നു. കല്യാണം അടുത്ത വർഷം പരീക്ഷ കഴിഞ്ഞാൽ ഉടനെ..

അങ്ങനെ കല്യാണ ഉറപ്പു കെങ്കേമമായി നടത്തി.. ചെക്കനും പെണ്ണും ദിനവും മണിക്കൂറുകളോളം ഫോൺ വിളിയും ഒക്കെയായി അവർ അങ്ങ് കൂടുതൽ അടുത്തു.. അങ്ങനെ അവധി കഴിഞ്ഞു ചെക്കൻ തിരികെ കാനഡയിൽ വന്നു.

ഇപ്പോൾ ആറു മാസമായി. ചെക്കൻ ഒരു രീതിയിലും പെൺകുട്ടിയും ആയിട്ട് സംസാരിക്കുന്നേയില്ല. ഫോണിലും, ഫേസ്ബുക്കിലും എല്ലാം ചെക്കൻ, പെണ്ണിനേയും, ബന്ധത്തിലുള്ളവരെയും എല്ലാം ബ്ലോക്ക് ചെയ്‌തു.. ചെക്കന്റെ വീട്ടുകാർക്ക് ആണെങ്കിലും ഒരു ഉത്തരം പറയാൻ ഇല്ല.. ചെക്കന്റെ അമ്മയും പെങ്ങളും ചെക്കനെ വിളിച്ചു ആത്‍മഹത്യ ഭീഷണി വരെ മുഴക്കിയിട്ടും, ചെക്കൻ കുലുങ്ങിയില്ല. പെൺക്കുട്ടി ഇപ്പോൾ കടുത്ത ഡിപ്രഷനിലും ആണ്.. ഈ പയ്യനെ ഒന്ന് തപ്പി എന്താണ് കുഴപ്പം എന്ന് അറിയുക എന്നതാണ് എന്റെ ജോലി.

കാര്യം കേട്ടപ്പോൾ തന്നെ കാര്യത്തിന്റെ ഗൗരവം മനസിലായി.. ഏതായാലും പയ്യന്സിന്റെ നമ്പർ വാങ്ങി വിളിച്ചു..

പയ്യൻ ഫോൺ എടുത്തു.. സൗമ്യമായ സംസാരം. ഞാൻ വിഷയം പറഞ്ഞപ്പോൾ, വൈകിട്ട് ഞാൻ ഫ്രീ ആണെങ്കിൽ അവൻ വീട്ടിലേക്ക് വരട്ടെ എന്ന് തിരക്കി. ഞാൻ സന്തോഷത്തോടെ അത് സമ്മതിച്ചു.. ഒരു ഫ്രണ്ടും കൂടെ കാണുമെന്നു പറഞ്ഞപ്പോൾ അതും സമ്മതിച്ചു..

വൈകിട്ട് പയ്യൻസ് വന്നു.. ഒപ്പം കൂട്ടുകാരനും. പയ്യൻ എന്നോട് പറഞ്ഞ കാര്യങ്ങൾ ഇങ്ങനെ...അവനു പെൺകുട്ടിയെ ഇഷ്‌ടം ആയിരുന്നുവെന്നതും, അവനാണ് ഇതിന് മുൻക്കൈ എടുത്തതും എന്നത് സത്യം തന്നെ. പക്ഷെ കല്യാണ നിശ്ചയം കഴിഞ്ഞു അവർ ഫോണിൽ മണിക്കൂറുകളോളം സംസാരിച്ചപ്പോൾ ഇവർ തമ്മിൽ ഒരു പാട് പൊരുത്തക്കേടുകൾ ഉണ്ടെന്നു മനസ്സിലായി. അവന്റെ പല ഇഷ്‌ടങ്ങളും അവൾക്ക് അനിഷ്ടങ്ങൾ ആണ്. അത് കൊണ്ട് തന്നെ ആണ് ചെക്കൻ ഇതിൽ നിന്നും പിന്മാറാൻ തീരുമാനിച്ചതെന്ന് പറഞ്ഞു.. അവനെ പല രീതിയിലും ഞാനും ബെറ്റിയും അനുനയിപ്പിക്കാൻ ശ്രമിച്ചെങ്കിലും അവൻ അവന്റെ തീരുമാനത്തിൽ ഉറച്ചു നിന്നു. എന്നിട്ട് എന്നോട് ഒരു ചോദ്യവും.. ഞാൻ നിങ്ങൾ പറയുന്നത് കേട്ട് ഇവളെ കല്യാണം കഴിച്ചു, ഇവിടെ കൊണ്ടു വന്നു...കുട്ടികളും ഒക്കെ ആയി അടിച്ചു പിരിയുന്നതിലും ഭേദം അല്ലെ ഇപ്പോഴേ പിരിയുന്നത്..

ഒടുക്കം എന്റെ ആവശ്യ പ്രകാരം അവൻ പെൺകുട്ടിയെ വിളിച്ചു സംസാരിക്കാമെന്ന് പറഞ്ഞു.. എന്റെ ഫോണിൽ ഞാൻ പെൺകുട്ടിയെ വിളിച്ചു കൊടുത്തു.. അവർ തമ്മിൽ സംസാരിച്ചു.. രണ്ടു പേരും കരഞ്ഞു... ഒടുക്കം പിരിയാമെന്നു തന്നെ തീരുമാനിച്ചു..

വീട്ടിൽ നിന്നും ചെക്കനും കൂട്ടുകാരനും പോയിട്ടും ഞങ്ങൾ ഇപ്പോഴും ആ വേദനയിൽ നിന്നും മാറിയിട്ടില്ല. വെറുതെ ഇരുന്ന പെൺകുട്ടി... അവളുടെ വീട്ടുകാർ... കല്യാണ നിശ്ചയവും കഴിഞ്ഞു ഒരു കല്യാണം മാറി പോകുമ്പോൾ അവർക്കു നാട്ടുകാരിൽ നിന്നും, ബന്ധുക്കളിൽ നിന്നും ഉണ്ടാകുന്ന ചോദ്യങ്ങൾ... കുശുകുശുക്കലുകൾ....

ചെക്കന്റെ ഭാഗം കേട്ടപ്പോൾ അവൻ പറയുന്നതിലും കാര്യമുണ്ട്‌.. ഈ പെൺകുട്ടിയെ കല്യാണം കഴിച്ചു കുട്ടികളും ആയിട്ട് ഉപേക്ഷിക്കുന്നതിലും നല്ലതല്ലേ ഇത്...

ആ ചെക്കനും, പെൺകുട്ടിക്കും നല്ലത് മാത്രം വരട്ടെ എന്ന പ്രാർത്ഥന മാത്രമേ ഉള്ളു ഇപ്പോൾ...





കാനഡയിൽ താമസിക്കുന്ന, മലയാളിയായ എന്റെ സുഹൃത്ത് എനിക്ക് മെസഞ്ചറിൽ അയയ്ച്ച അവരുടെ അനുഭവം ആണിത്. ആ കുറിപ്പ് അതെ പോലെ ഞാൻ ഇ...
16/09/2025

കാനഡയിൽ താമസിക്കുന്ന, മലയാളിയായ എന്റെ സുഹൃത്ത് എനിക്ക് മെസഞ്ചറിൽ അയയ്ച്ച അവരുടെ അനുഭവം ആണിത്. ആ കുറിപ്പ് അതെ പോലെ ഞാൻ ഇവിടെ പോസ്റ്റുന്നു.

വായിച്ചു നിങ്ങളുടെ വിലയേറിയ അഭിപ്രായവും, നിർദ്ദേശങ്ങളും അറിയിച്ചാലും. (തെറി അരുതേ.... )

🇮🇳 When My Own Country Shut Its Doors on Me

Is Kashmir not a part of India anymore? Or are we simply not welcome?

I went back to India with hope.

Not for vacation. Not for leisure.
But for my child’s treatment — a child who is neurodivergent, who needed care, therapy, and the comfort of familiarity in my own motherland.

But I returned hurt. Deeply hurt. Why?
Because I married a Kashmiri.

And suddenly, without saying it outright, my own country started treating me like an outsider.

Our entry visa was silently delayed — no rejection letter, just excuse after excuse. Our tourist visa expired. We paid the exit fees. We waited patiently. We reapplied. We hoped they’d show some humanity.

But instead of support, we got stone walls.

They demanded documents that don’t even exist for my Canadian-born children. They asked for Indian passports and surrender certificates from kids who were never Indian citizens in the first place.

Let that sink in.

I was denied entry into India — my own country — because of my husband’s Kashmiri origin.
A man who holds an Indian passport, Indian birth certificate, and has never surrendered his Indian citizenship.

I had only one question:

Is Kashmir not part of India anymore?

I am a mother. I am a Canadian citizen(Indian Origin).
But India is the land of my birth — my roots, my memories, my mother tongue.

And today, I’m not just angry for being denied a visa. I’m heartbroken… because the country I once called home didn’t just shut its doors —It closed its heart.

I am deeply disappointed in a system that chooses:
• Politics over people
• Power over compassion
• Suspicion over humanity

Let justice wake up.
Let humanity return.
Let us be heard.

Enough is enough.

I didn’t ask for special treatment.
I asked for basic compassion — a mother seeking help for her child.

Instead, I was met with bureaucratic walls, outdated mindsets, and an utter lack of humanity.




രാവിലെ ജോലിക്കു ചെന്ന് കയറി, വെറുതെ ഒന്ന് ഫോൺ നോക്കിയപ്പോൾ, ഭാര്യയുടെ 7 മിസ്സ്കോൾ.. ആദ്യമേ തന്നെ മുൻ‌കൂർ ജാമ്യം എടുക്കട...
15/09/2025

രാവിലെ ജോലിക്കു ചെന്ന് കയറി, വെറുതെ ഒന്ന് ഫോൺ നോക്കിയപ്പോൾ, ഭാര്യയുടെ 7 മിസ്സ്കോൾ..

ആദ്യമേ തന്നെ മുൻ‌കൂർ ജാമ്യം എടുക്കട്ടെ... ഇത് എന്റെ കഥയല്ല.. നമ്മൾക്ക് ബെൻസ്‌ കാറും ഇല്ല)

ഇത് നമ്മുടെ കൂട്ടുകാരന്റെ കഥയാണ്.

മോളെയും കൊണ്ട് സ്‌കൂളിൽ പോയതാണ് ഭാര്യ. പിന്നെ വാൾ മാർട്ടിലും പോകുമെന്ന് പറഞ്ഞിരുന്നു. അതിനിടയിൽ ഈ 7 തവണ മിസ്കോൾ തരാനും മാത്രം എന്ത് സംഭവിച്ചുവോ ആവോ? ഏതായാലും വിളിച്ചു..

സാധാരണ പത്തു തവണ വിളിച്ചാൽ പോലും ഫോൺ എടുക്കാത്ത ഭാര്യ, ഒറ്റ ബെല്ലിനു തന്നെ ഫോൺ എടുത്തു.. അതെ നിങ്ങൾ ഓഫീസിൽ ആണോ??

അല്ല സെമിത്തേരിയിൽ... എന്താ??? നീ എന്തിനാ വിളിച്ചത്??

അതെ നമ്മുടെ കാറിന്റെ ടയറിനു എന്തോ ആയി.. ഇനി ഇപ്പോൾ എന്താ ചെയ്യുക? നീ എവിടെയാ?? ടയറിനു എന്താ പറ്റിയത്? വണ്ടി ഓടിക്കാൻ വയ്യേ.. നീ ആ ടയറിന്റെ ഫോട്ടോ ഒന്ന് അയയ്ക്ക്..

ഒരു മിനിറ്റിനുള്ളിൽ ഫോട്ടോ വന്നു..

ഫോട്ടോ ഒന്നേ നോക്കിയുള്ളൂ... ഭാഗ്യം ആൾ ജീവനോടെ ഉണ്ടല്ലോ...

പണ്ട് ഇതേ കാറിൽ (-4°) എന്നത് കണ്ട്, ദേ ഒരുത്തൻ കക്കൂസിൽ ഇരിക്കുന്ന ഫോട്ടോ വണ്ടിയിൽ കാണുന്നു എന്ന പറഞ്ഞ അതെ ചേച്ചിക്കാണ് ഇതും പറ്റിയത്...

ഫോട്ടോയിൽ സൂക്ഷിച്ചു നോക്കി ചേച്ചിയെ കണ്ടു പിടിക്കാൻ നോക്കേണ്ട... ഇത് നിങ്ങൾ ഉദ്ദേശിക്കുന്ന ചേച്ചി അല്ലെ അല്ല..





ചാർളി കിർക്ക് എന്ന പേര് ഞാൻ ആദ്യമായി കേട്ടത് എന്റെ മകനിൽ നിന്നാണ്. അവൻ ഒരു വീഡിയോ ലിങ്ക് അയയ്ച്ചു തന്നിട്ട്, അപ്പ ഇത് സമ...
12/09/2025

ചാർളി കിർക്ക് എന്ന പേര് ഞാൻ ആദ്യമായി കേട്ടത് എന്റെ മകനിൽ നിന്നാണ്. അവൻ ഒരു വീഡിയോ ലിങ്ക് അയയ്ച്ചു തന്നിട്ട്, അപ്പ ഇത് സമയം പോലെ കാണൂ എന്ന് പറഞ്ഞപ്പോൾ ഞാൻ ആ ലിങ്ക് ക്ലിക്ക് ചെയ്യുമെന്ന് പോലും അവൻ പ്രതീക്ഷിച്ചു കാണില്ല.. ഞാൻ ലിങ്ക് ക്ലിക്ക് ചെയ്തുവെന്ന് മാത്രമല്ല ആ ഡിബേറ്റ് മുഴുവൻ കാണുകയും ചെയ്‌തു.

അന്ന് മുതൽ എന്റെ ജോലി കഴിഞ്ഞുള്ള യാത്രയിൽ ചാർളി കിർക്കിന്റെ ഡിബേറ്റുകൾ കാണാനും Podcast കേൾക്കാനും തുടങ്ങി. പല കാര്യങ്ങളിലും ആശയപരമായി വിയോജിപ്പ് ഉണ്ടായിരുന്നെങ്കിലും, ചാർളിയുടെ ആ അവതരണവും, കാര്യങ്ങൾ അവതരിപ്പിച്ചു ഫലിപ്പിക്കുവാനുള്ള കഴിവും ഒക്കെയാണ് എന്നെ ചാർളിയുടെ ഫാൻ ആക്കി മാറ്റിയത്.

2025 സെപ്റ്റംബർ പത്താം തീയതി, Turning Point USA-യുടെ സഹസ്ഥാപകനുമായ ചാർളി കിർക്ക്, Utah Valley University-യിൽ നടന്ന "The American Comeback Tour" എന്ന പരിപാടിക്കിടെ വെടിയേറ്റ് മരിച്ചു എന്ന വാർത്തയും എന്റെ മകൻ തന്നെ ആണ് ഫോണിൽ വിളിച്ചു പറഞ്ഞത്. നമ്മുടെ കുടുംബത്തിലെ ആരോ നമ്മളെ വിട്ടു പിരിഞ്ഞു പോയ വേദനയോടെ ആയിരുന്നു ഞാൻ ആ വാർത്ത അവനിൽ നിന്നും കേട്ടത്. ഭാര്യയുടെയും, കുഞ്ഞുങ്ങളുടെയും കൺ മുൻപിൽ വെച്ചാണ് അജ്ഞാതൻ ചാർളിയുടെ നേർക്ക് വെടി ഉതിർത്തത് എന്ന് കൂടി അറിഞ്ഞപ്പോൾ അതൊരു വല്ലാത്ത നോവായി, വിങ്ങലായി ഇപ്പോഴും അവശേഷിക്കുന്നു.

ചാർളിയുടെ മരണത്തിൽ ആദരാഞ്ജലികൾ നേർന്നു കൊണ്ട്.. ആ കുടുബത്തിനായി പ്രാർത്ഥിച്ചു കൊണ്ട്...

"Ideas are more powerful than guns. We would not let our enemies have guns; why should we let them have ideas?"
— Joseph Stalin



കാനഡയിലെ Brampton (ബ്രാംപ്ടൺ) മിനി ഇന്ത്യ എന്നാണറിയപ്പെടുന്നത്. വെള്ളക്കാരാകട്ടെ ഇതിനെ ബ്രൗൺ ടൗൺ എന്ന് രഹസ്യമായി വിളിക്ക...
11/09/2025

കാനഡയിലെ Brampton (ബ്രാംപ്ടൺ) മിനി ഇന്ത്യ എന്നാണറിയപ്പെടുന്നത്. വെള്ളക്കാരാകട്ടെ ഇതിനെ ബ്രൗൺ ടൗൺ എന്ന് രഹസ്യമായി വിളിക്കുന്നുണ്ടെന്നത് പരസ്യമായ രഹസ്യമാണ്. ഇവിടുത്തെ വെള്ളക്കാരനായ മേയറുടെ പേര് പാട്രിക്ക് ബ്രൗൺ എന്നായത് തികച്ചും യാദൃശ്ചികം മാത്രമാണ്.

കഴിഞ്ഞ കൊല്ലം ഹനുമാൻ ജയന്തിയോട് അനുബന്ധിച്ചു ബ്രാംപ്ടണിൽ ഹിന്ദു സഭാ മന്ദിർ, 55 അടി പൊക്കമുള്ള ഒരു ഹനുമാൻ പ്രതിമ സ്ഥാപിച്ചു. (9225 The Gore Rd, Brampton, ON, Ontario)

കഴിഞ്ഞ മാസം കാനഡയിലെ മിസ്സിസ്സാഗായിൽ നോർത്ത് അമേരിക്കയിലെ ഏറ്റവും വല്യ ശ്രീരാമ പ്രതിമ (51 അടി) സ്ഥാപിച്ചു...(6300 Mississauga Rd, Mississauga, ON L5N 1A7)

ഈ മാസം ഇതാ വീണ്ടും ബ്രാംപ്ടണിൽ തന്നെ നോർത്ത് അമേരിക്കയിലെ ഏറ്റവും വല്യ പരമശിവന്റെ (54 അടി) സ്ഥാപിച്ചു.. (90 Nexus Ave, Brampton, Ontario)

ഇനി ഏതൊക്കെ ദൈവങ്ങൾ വരാൻ ഉണ്ടെന്ന് കാത്തിരുന്നു കാണാം





ഇക്കഴിഞ്ഞ ദിവസങ്ങളിൽ നവ്യാ നായരുടെ ഓസ്‌ട്രേലിയായിലേക്കുള്ള വിമാന യാത്ര ശ്രദ്ധേയമായിരുന്നു. നവ്യാ ഓസ്‌ട്രേലിയൻ മലയാളികളുട...
10/09/2025

ഇക്കഴിഞ്ഞ ദിവസങ്ങളിൽ നവ്യാ നായരുടെ ഓസ്‌ട്രേലിയായിലേക്കുള്ള വിമാന യാത്ര ശ്രദ്ധേയമായിരുന്നു. നവ്യാ ഓസ്‌ട്രേലിയൻ മലയാളികളുടെ ഓണാഘോഷ പരിപാടികൾക്ക് പങ്കെടുക്കാൻ പോകവേ, നവ്യയുടെ ബാഗിൽ കരുതിയിരുന്ന 15 സെന്റീമീറ്റർ നീളമുള്ള മുല്ലപ്പൂവ് മാല ബാഗിൽ കണ്ടെത്തിയതിനെ തുടർന്ന് നടിക്ക് മെൽബൺ കസ്റ്റംസ്, (ഓസ്‌ട്രേലിയൻ ഡോളർ 1980) , ഉദ്ദേശം ഒരു ലക്ഷത്തിപതിനാലായിരത്തോളം ഇന്ത്യൻ രൂപ പിഴ ചുമത്തി.

നവ്യാ നായർ തനിക്കു ഉണ്ടായ ഈ അനുഭവം സാമൂഹ്യ മാധ്യമത്തിൽ പങ്കു വെച്ചതോടെ സംഭവം വൈറലായി.

മുല്ല പൂവ് അല്ലെ... അല്ലാതെ സ്വർണ്ണം ഒന്നും അല്ലല്ലോ... ഇന്ത്യക്കാരോടുള്ള ഓസ്‌ട്രേലിയക്കാരുടെ വിവേചനം തുടങ്ങിയ രീതിയിലുള്ള പല തെറ്റിദ്ധാരണ പരത്തുന്ന കമന്റുകൾ കണ്ടത് കൊണ്ടാണ് ഈ പോസ്റ്റ് എഴുതുന്നത്.

നമ്മൾ വിദേശ രാജ്യങ്ങളിലേക്ക് പോകുമ്പോൾ വിമാനത്തിൽ വെച്ച് നമ്മൾക്ക് ഒരു ഫോം പൂരിപ്പിക്കാൻ തരാറുണ്ട്. കാനഡയിൽ ഇതിനു Customs Declaration Card എന്നാണ് പറയുന്നത്. ഇതിലെ ഒരു ചോദ്യം ഇങ്ങനെ ആണ് - നിങ്ങൾ ഭക്ഷണം, ചെടികൾ, ചെടിയുടെ വിത്തുകൾ, പൂവുകൾ മൃഗങ്ങളുടെ ഉത്പന്നങ്ങൾ തുടങ്ങിയവ കൈവശം വെച്ചിട്ടുണ്ടോ???

ഈ ചോദ്യത്തിന് നമ്മൾ NO എന്ന് ഉത്തരം പറയുകയും, കസ്റ്റംസ് നമ്മുടെ കൈയിൽ നിന്നും ഇത്തരം സാധനങ്ങൾ കണ്ടെത്തുകയും ചെയ്‌താൽ നല്ല പിഴ ചുമത്തുകയും, സാധനം നശിപ്പിക്കുകയും ചെയ്യുക എന്നതാണ് പതിവ്.

നമ്മൾ YES എന്ന് ഉത്തരം ആണ് പറഞ്ഞതെങ്കിൽ, കസ്റ്റംസ് ആ സാധനം നശിപ്പിച്ചു കളയുക മാത്രമേ ചെയ്യുകയുള്ളൂ..

നാട്ടിൽ നിന്നും ഏതാണ്ട് ഒരു കിലോ മഞ്ചാടി കുരു കൊണ്ട് വന്ന നമ്മുടെ ഒരു സുഹൃത്തിനു പിഴ കിട്ടിയിട്ടുണ്ട്.

ചക്ക, ചക്ക കുരു, ബീഫ്, ഉണക്ക മീൻ, മയിൽ പീലി, കറിവേപ്പ്, തുളസി തുടങ്ങിയവ കൊണ്ട് വന്നതിനു നമ്മുടെ മലയാളികൾക്ക് നല്ല സ്വയമ്പൻ ഫൈൻ കിട്ടിയിട്ടുണ്ട്.

എയർപ്പോർട്ടിൽ നമ്മുടെ ബാഗുകൾ പരിശോധിക്കാനായി പരിശീലനം ലഭിച്ച പ്രത്യേകം നായകളെ നിയോഗിച്ചിട്ടുണ്ട്. അത്തരം നായകൾ നമ്മുടെ ബാഗിൽ നോട്ടം വെച്ചാൽ, അത്തരം ബാഗുകൾ കസ്റ്റംസ് അധികൃതർ തുറന്നു പരിശോധിക്കാർ ഉണ്ട്.

അത് കൊണ്ട് യാത്ര ചെയ്യുമ്പോൾ വളരെ കരുതലോടെ യാത്ര ചെയ്യുക. യാത്ര നിബന്ധനകൾ പാലിക്കാൻ പ്രത്യേകം ശ്രദ്ധിക്കുക..









Address

Podiyadi Post
Thiruvalla
689110

Telephone

+914692642302

Website

Alerts

Be the first to know and let us send you an email when Pazhampuranams പഴമ്പുരാണംസ് posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pazhampuranams പഴമ്പുരാണംസ്:

Shortcuts

Share

Category