25/08/2026
കേരളത്തിലെ ബഹുമാനപ്പെട്ട എല്ലാ പാർലമെന്റ് അംഗങ്ങളുടെയും പ്രത്യേക ശ്രദ്ധയ്ക്ക്,
National Health Mission വഴി കേന്ദ്ര സർക്കാർ കേരളത്തിലെ 14 ജില്ലകൾക്കായി അനുവദിച്ച ഫണ്ടിന്റെ വിശദവിവരങ്ങളും, കേന്ദ്ര ആരോഗ്യ മന്ത്രാലയത്തിന്റെ കർശന നിർദ്ദേശങ്ങളും അടങ്ങിയ രേഖകൾ ഇവിടെ പങ്കുവെക്കുകയാണ്.
2025-26 സാമ്പത്തിക വർഷത്തിൽ ₹1,200.92 കോടിയും, 2026-27 സാമ്പത്തിക വർഷത്തിൽ (2026 ആഗസ്റ്റ് 24 വരെ) ₹558.73 കോടിയും ഉൾപ്പെടെ വൻ തുകയാണ് കേന്ദ്രം നമ്മുടെ ആരോഗ്യ മേഖലയ്ക്കായി അനുവദിച്ചിട്ടുള്ളത്:
(2026-27 വർഷത്തെ കണക്കുകൾ 24.08.2026 വരെയുള്ളതാണ്)
നമ്മൾ തിരിച്ചറിയേണ്ടതും കർശനമായി നിരീക്ഷിക്കേണ്ടതുമായ പ്രധാന കാര്യങ്ങൾ:
* ജനക്ഷേമത്തിനായുള്ള തുക: ഈ തുക സാധാരണക്കാരായ ജനങ്ങൾക്ക് മെച്ചപ്പെട്ട ചികിത്സ ഉറപ്പാക്കാനും, ആശുപത്രികളുടെ അടിസ്ഥാന സൗകര്യങ്ങൾ (Infrastructure) വികസിപ്പിക്കാനും, മരുന്നുകളും മറ്റ് ആരോഗ്യ സേവനങ്ങളും ലഭ്യമാക്കാനും വേണ്ടിയുള്ളതാണ്.
* ശമ്പള ചെലവുകൾക്ക് പരിധി: NHM വിഹിതത്തിന്റെ പകുതിയിലധികം തുക മാനവവിഭവശേഷിക്ക് (HRH) മാത്രമായി മാറ്റിവെക്കരുതെന്നും, പ്രോഗ്രാം മാനേജ്മെന്റ് ഫണ്ട് ഉപയോഗിച്ച് സ്ഥിരം ജീവനക്കാരുടെ ശമ്പളം വിതരണം ചെയ്യരുതെന്നും കേന്ദ്രം വ്യക്തമാക്കിയിട്ടുണ്ട്. സ്ഥിരം ജീവനക്കാരുടെ ശമ്പളം സംസ്ഥാന സർക്കാരിന്റെ ബജറ്റിൽ നിന്നാണ് വഹിക്കേണ്ടത്.
ഈ സാഹചര്യത്തിൽ, കേന്ദ്രത്തിൽ നിന്നും അനുവദിച്ച ഈ വിഹിതത്തിൽ എത്ര ശതമാനം തുക ശമ്പളത്തിനായി മാറ്റിവെക്കുന്നുണ്ടെന്നും, എത്ര ശതമാനം തുക ജനങ്ങളിലേക്ക് നേരിട്ടെത്തുന്ന ചികിത്സാ-അടിസ്ഥാന സൗകര്യങ്ങൾക്കായി വിനിയോഗിക്കുന്നുണ്ടെന്നും ഓരോ ജില്ലയിലും കൃത്യമായി അന്വേഷിക്കേണ്ടതുണ്ട്.
രാഷ്ട്രീയ വ്യത്യാസങ്ങൾ മറന്ന്, ഈ ഫണ്ട് അർഹരായ സാധാരണ ജനങ്ങളിലേക്ക് പൂർണ്ണമായും എത്തുന്നുണ്ടെന്ന് ഉറപ്പുവരുത്താൻ കേരളത്തിലെ എല്ലാ ബഹുമാനപ്പെട്ട എംപിമാരും അതത് ജില്ലാ വികസന സമിതികളിൽ (DISHA) ഇത് കർശനമായി ഫോളോ-അപ്പ് (Follow-up) ചെയ്യണമെന്ന് വിനീതമായി അഭ്യർത്ഥിക്കുന്നു.
നമ്മുടെ നാടിന്റെയും ജനങ്ങളുടെയും ആരോഗ്യ സുരക്ഷയ്ക്കായി ഒന്നിച്ച് നിൽക്കാം.
സുരേഷ് ഗോപി
