M7news

M7news M7news is a first web based news channel in malayalam
(1)

ഹരിപ്പാട് ശ്രീ സുബ്രഹ്മണ്യ ക്ഷേത്രത്തിലെ 101-ാം പുനപ്രതിഷ്ഠ വാർഷിക എഴുന്നള്ളത്ത്...
31/05/2026

ഹരിപ്പാട് ശ്രീ സുബ്രഹ്മണ്യ ക്ഷേത്രത്തിലെ 101-ാം പുനപ്രതിഷ്ഠ വാർഷിക എഴുന്നള്ളത്ത്...

ഗുരുവായൂർ ദേവസ്വം അഡ്മിനിസ്ട്രേറ്ററുടെ ചുമതല തൃശൂർ ജില്ലാ കളക്ടർ ശ്രീമതി. ശിഖ സുരേന്ദ്രൻ ഏറ്റെടുത്തു... ഇന്നലെ വൈകിട്ട് ...
31/05/2026

ഗുരുവായൂർ ദേവസ്വം അഡ്മിനിസ്ട്രേറ്ററുടെ ചുമതല തൃശൂർ ജില്ലാ കളക്ടർ ശ്രീമതി. ശിഖ സുരേന്ദ്രൻ ഏറ്റെടുത്തു...

ഇന്നലെ വൈകിട്ട് ദേവസ്വം കാര്യാലയത്തിലെത്തി അഡ്മിനിസ്ട്രേറ്ററായിരുന്ന ഒ.ബി.അരുൺകുമാറിൽനിന്ന് ജില്ലാ കളക്ടർ ചുമതലയേറ്റെടുക്കുകയായിരുന്നു.
അഡ്മിനിസ്ട്രേറ്ററായിരുന്ന ഒ.ബി. അരുൺകുമാറിനെ മാതൃ വകുപ്പിലെ സേവനത്തിലേക്ക് സർക്കാർ
തിരികെ വിളിച്ച സാഹചര്യത്തിലാണ് നടപടി.

ദേവസ്വം ചെയർമാൻ എ.വി.ഗോപിനാഥ്, ഭരണ സമിതി അംഗം സി.മനോജ് ,സ്ഥാനമൊഴിഞ്ഞ അഡ്മിനിസ്ട്രേറ്റർ ഒ.ബി.അരുൺകുമാർ ,ദേവസ്വം ജീവനക്കാർ എന്നിവർ ചേർന്ന് കളക്ടറെ വരവേറ്റു. തുടർന്ന് അഡ്മിനിസ്ട്രേറ്ററുടെ കാര്യാലയത്തിലെത്തി രേഖകളിൽ ഒപ്പിട്ടു കളക്ടർ സ്ഥാനമേറ്റു. പുതിയ അഡ്മിനിസ്ട്രേറ്ററെ സർക്കാർ നിയമിക്കുന്നതു വരെ ജില്ലാ കളക്ടർ ശിഖാ സുരേന്ദ്രനാകും അഡ്മിനിസ്ട്രേറ്ററുടെ ചുമതല നിർവ്വഹിക്കുക. സെക്രട്ടറിയേറ്റ് സർവ്വീസിലേക്ക് മടങ്ങുന്ന ഒ.ബി.അരുൺകുമാറിന് ജീവനക്കാർ സ്നേഹനിർഭരമായ യാത്രയയപ്പ് നൽകി.

31/05/2026

കന്യാകുമാരി ഭഗവതീ ക്ഷേത്രത്തിലെ വൈകാശി വിശാഖം ഉത്സവത്തിന്റെ ഭാഗമായി തന്ത്രി മണലിക്കര മഠം സജിത് ശങ്കരനാരായണരുവിന്റെ മുഖ്യകാർമ്മികത്വത്തിൽ നടന്ന ആറാട്ട്

ക്യാമറ : സുകേഷ് വൈഖരി

30/05/2026

ജലവിതരണം തടസ്സപ്പെടും

തിരുവനന്തപുരം: കേരള വാട്ടർ അതോറിറ്റിയുടെ വെള്ളയമ്പലത്തുള്ള ജല ശുദ്ധീകരണ ശാലയിൽ ജൂൺ 4,5,6 തീയതികളിൽ ശുചീകരണ പ്രവർത്തനങ്ങൾ നടക്കുന്നതിനാൽ കുര്യാത്തി സെക്ഷൻ പരിധിയിൽ വരുന്ന തമ്പാനൂർ, ഫോർട്ട്, ശ്രീവരാഹം, ചാല, വലിയശാല, മണക്കാട്‌, ആറ്റുകാൽ, വള്ളക്കടവ്‌, കമലേശ്വരം, കളിപ്പാൻകുളം, പെരുന്താന്നി ,വലിയതുറ, ചാക്ക,അമ്പലത്തറ തുടങ്ങിയ വാർഡുകളിലും പാറ്റൂർ സെക്ഷൻ പരിധിയിൽ വരുന്ന ശ്രീകണ്ഠേശ്വരം വാർഡിലും ശുദ്ധജലവിതരണം 6 ന് ഉച്ചയ്ക്ക് 12 മുതൽ രാത്രി 8 മണി വരെ പൂർണ്ണമായും തടസ്സപ്പെടും. ഉപഭോക്താക്കൾ വേണ്ട മുൻകരുതലുകൾ സ്വികരിക്കേണ്ടതാണെന്ന്‌ വാട്ടർ അതോറിറ്റി അറിയിച്ചു.

കന്യാകുമാരി ദേവിയുടെ ആറാട്ട്...ഫോട്ടോ :സുകേഷ് വൈഖരി
30/05/2026

കന്യാകുമാരി ദേവിയുടെ ആറാട്ട്...

ഫോട്ടോ :സുകേഷ് വൈഖരി

ആറ്റുകാൽ ഭഗവതി ക്ഷേത്രത്തിൽ നടക്കുന്ന സഹസ്ര കലശാഭിഷേകത്തിന്റെ സമാപന ദിവസമായ നാളെ( 31/05/2026 ഞായറാഴ്ച) ക്ഷേത്ര നട തുറക്ക...
30/05/2026

ആറ്റുകാൽ ഭഗവതി ക്ഷേത്രത്തിൽ നടക്കുന്ന സഹസ്ര കലശാഭിഷേകത്തിന്റെ സമാപന ദിവസമായ നാളെ( 31/05/2026 ഞായറാഴ്ച) ക്ഷേത്ര നട തുറക്കുന്നതിലും പൂജാ സമയങ്ങളിലുമുള്ള മാറ്റം ചുവടെ ചേർക്കുന്നു..

പള്ളി ഉണർത്തൽ - രാവിലെ 3.00 മണിക്ക്
നട തുറക്കുന്നത്. - രാവിലെ 3.30 മണിക്ക്
ദീപാരാധന. - രാവിലെ 4.35 മണിക്ക്
ഉഷ :പൂജാ, ദിവാരാധന - രാവിലെ 5.15 മണിക്ക്
ഉഷ : ശ്രീബലി. - രാവിലെ 5.30 മണിക്ക്
കളഭാഭിഷേകം. - രാവിലെ 6.15 മണിക്ക്
പന്തീരടി പൂജ, ദീപരാധന - രാവിലെ 7.00 മണിക്ക്.

തുടർന്ന് സഹസ്ര കലശാഭിഷേകം അഭിഷേക ചടങ്ങുകൾ നടക്കും.

തിരുവനന്തപുരം മണ്ഡലത്തിലെ തീരദേശ മേഖലയിൽ കാലവർഷ മുന്നൊരുക്കം ഏകോപിപ്പിക്കുന്നത് സംബന്ധിച്ച് ഗതാഗത വകുപ്പ് മന്ത്രി ശ്രീ ...
30/05/2026

തിരുവനന്തപുരം മണ്ഡലത്തിലെ തീരദേശ മേഖലയിൽ കാലവർഷ മുന്നൊരുക്കം ഏകോപിപ്പിക്കുന്നത് സംബന്ധിച്ച് ഗതാഗത വകുപ്പ് മന്ത്രി ശ്രീ സി പി ജോൺ, നഗരസഭ മേയർ ശ്രീ വി വി രാജേഷിന്റെ സാന്നിധ്യത്തിൽ ഉന്നതതല അവലോകനയോഗം നടത്തി.

കടലാക്രമണം തടയുന്നതിനാവശ്യമായ ജിയോബാഗുകൾ സജ്ജീകരിക്കുന്നതിനും ആവശ്യമായ ദുരിതാശ്വാസ ക്യാമ്പുകൾ സജ്ജീകരിക്കുന്നതിനുള്ള മുന്നൊരുക്കങ്ങൾ നടത്തുന്നതിനുള്ള അടിയന്തര നടപടികൾ സ്വീകരിക്കുന്നതിന് മന്ത്രി നിർദേശം നൽകി.

തിരുവനന്തപുരം കോർപ്പറേഷന്റെ ഭാഗത്തു നിന്നും ഇക്കാര്യത്തിൽ പൂർണ്ണ സഹകരണമുണ്ടാകുമെന്ന് മേയർ ശ്രീ വി വി രാജേഷ് ഉറപ്പ് നൽകി.

ഡെപ്യൂട്ടി മേയർ ശ്രീമതി ആശാനാഥ്, തിരുവനന്തപുരം നിയോജകമണ്ഡലപരിധിയിൽ ഉൾപ്പെടുന്ന കൗൺസിലർമാർ, ഇറിഗേഷൻ വകുപ്പ് എക്സിക്യൂട്ടീവ് എഞ്ചിനീയർമാർ, ഫിഷറീസ് വകുപ്പ് ഉദ്യോഗസ്ഥർ, റവന്യൂ വകുപ്പ് ഉദ്യോഗസ്ഥർ, ജില്ലാ വിദ്യാഭ്യാസ ഓഫീസർ മുതലായവർ യോഗത്തിൽ പങ്കെടുത്തു.

കെ. പി.ധനപാലൻ അന്തരിച്ചു...മുൻ ചാലക്കുടി എംപിയും,തൃശൂർ ജില്ലാ കോൺഗ്രസ് കമ്മിറ്റി പ്രസിഡന്റും , കെപിസിസി വൈസ് പ്രസിഡന്റും...
30/05/2026

കെ. പി.ധനപാലൻ അന്തരിച്ചു...

മുൻ ചാലക്കുടി എംപിയും,തൃശൂർ ജില്ലാ കോൺഗ്രസ് കമ്മിറ്റി പ്രസിഡന്റും , കെപിസിസി വൈസ് പ്രസിഡന്റും, രാഷ്ട്രീയകാര്യ സമിതി അംഗവുമായിരുന്ന കെ പി ധനപാലൻ അന്തരിച്ചു.

30/05/2026

ആറ്റുകാൽ ഭഗവതി ക്ഷേത്രത്തിൽ മെയ് 26 ന് ആരംഭിച്ച സഹസ്ര കലശാഭിഷേകം നാളെ സമാപിക്കും.

ക്ഷേത്രം തന്ത്രി ബ്രഹ്മശ്രീ പരമേശ്വരൻ വാസുദേവൻ ഭട്ടതിരിപ്പാടിന്റെ മുഖ്യ കാർമ്മികത്വത്തിലാണ് സഹസ്ര കലശാഭിഷേകം നടക്കുന്നത്.

അതിവേഗ റെയിൽ പാതയുടെ ബദൽ രൂപരേഖയുമായി ബന്ധപ്പെട്ട് ഇ. ശ്രീധരൻ മുഖ്യമന്ത്രി വി.ഡി. സതീശനുമായി ചർച്ച നടത്തി. മുഖ്യമന്ത്രിയ...
30/05/2026

അതിവേഗ റെയിൽ പാതയുടെ ബദൽ രൂപരേഖയുമായി ബന്ധപ്പെട്ട് ഇ. ശ്രീധരൻ മുഖ്യമന്ത്രി വി.ഡി. സതീശനുമായി ചർച്ച നടത്തി.

മുഖ്യമന്ത്രിയുടെ ഓഫീസിൽ വെച്ച് നടന്ന 15 മിനിറ്റ് നീണ്ട കൂടിക്കാഴ്ചയിലാണ് പദ്ധതിയുടെ കരട് റിപ്പോർട്ട് അദ്ദേഹം സർക്കാരിന് കൈമാറിയത്.

കരട് റിപ്പോർട്ടിലെ നിർദ്ദേശങ്ങൾ വരും ദിവസങ്ങളിൽ മന്ത്രിസഭ വിശദമായി ചർച്ച ചെയ്യുമെന്നും, രണ്ടാഴ്ചയ്ക്കകം ഇതിൽ അന്തിമ മറുപടി അറിയിക്കാമെന്നും മുഖ്യമന്ത്രി വ്യക്തമാക്കി.

തിരുവനന്തപുരം മുതൽ കണ്ണൂർ വരെയുള്ള 430 കിലോമീറ്റർ ദൂരം വെറും 3 മണിക്കൂർ 15 മിനിറ്റ് കൊണ്ട് പിന്നിടാൻ സാധിക്കും.

മണിക്കൂറിൽ പരമാവധി 200 കിലോമീറ്റർ വേഗതയിലായിരിക്കും ട്രെയിനുകൾ സഞ്ചരിക്കുക. സംസ്ഥാനത്തെ നാല് പ്രധാന വിമാനത്താവളങ്ങളെയും പരസ്പരം ബന്ധിപ്പിച്ചുകൊണ്ടാണ് ഈ പാത കടന്നുപോകുന്നത്.

പാതയുടെ ഏകദേശം 70% തൂണുകളിലൂടെയുള്ള എലിവേറ്റഡ് (Elevated) രീതിയിലും, 20% ഭൂഗർഭ (Underground) പാതയായുമാണ് നിർമ്മിക്കാൻ ഉദ്ദേശിക്കുന്നത്. ഇത് ഭൂമിയേറ്റെടുക്കൽ ലഘൂകരിക്കും.

പദ്ധതിയുടെ ആകെ നിർമ്മാണച്ചെലവ് 86,000 കോടി രൂപ മുതൽ 1,00,000 കോടി രൂപ വരെയാണ് കണക്കാക്കുന്നത്.

Address

Thiruvananthapuram

Website

Alerts

Be the first to know and let us send you an email when M7news posts news and promotions. Your email address will not be used for any other purpose, and you can unsubscribe at any time.

Shortcuts

Share

Category