23/07/2025
നമസ്തേ🙏🏻
പിത്യതർപ്പണം
(വാവുബലി )
🐦⬛🐦⬛🐦⬛🐦⬛🐦⬛
🛐🛐🛐🛐🛐🛐🛐🛐പിതൃതർപ്പണമാണ് വാവുബലി എന്ന് പറയാം.
സനാതന സംസ്കൃതിയിൽ വളരെ പ്രധാനപ്പെട്ട ഒന്നാണ് പിതൃതർപ്പണം
അതിൽ തന്നെ കർക്കിടക വാവുബലിക്കാണ്
ഏറെ പ്രാധാന്യം കൽപ്പിക്കപ്പെടുന്നത്.
.ദക്ഷിണായനം പിതൃക്കൾക്കും ഉത്തരായനം ദേവതകൾക്കുമുള്ളതാണെന്ന് പറയാറുണ്ട്.
ദക്ഷിണായനത്തിലെ ആദ്യവാവാണ്
കർക്കിടക വാവ്
ദക്ഷിണായനത്തിലെ കറുത്ത പക്ഷത്തിൽ പിതൃക്കൾ ഉണരുന്നു എന്നതാണ് ഈ ബലിക്ക് കൂടുതൽ പ്രാധാന്യമുണ്ടാവാൻ ഒരു കാരണം..
ഭൂമിയിലെ ഒരു വർഷം ദേവലോകത്തിനും പിതൃ ലോകത്തിനും ഒരു ദിവസമാണത്രെ, ഭൂമിയിൽ പന്ത്രണ്ട്. മാസമാകുമ്പോൾ പിതൃക്കൾക്ക് 1ദിവസമാണ്.
അവർക്ക്
സമയാ സമയത്തിന് അന്നം എത്തിച്ചു കൊടുക്കുകയെന്നതാണ് നമ്മൾ വർഷത്തിൽ അനുഷ്ടിച്ചുവരുന്ന ഓരോ വാവുബലികളുടെടെയും വലിയ വിശ്വാസ പ്രണാമമായി മാറുന്നത്.
(ഭുമിയിലെ ഒരു വർഷമാണ് പിതൃ ലോകത്തെ ഒരു ദിവസം എന്നും ആ ഒരു ദിവസത്തെ മധ്യാഹ്നം കണക്കാക്കിയാണ് കർക്കിടക വാവുബലി, എന്നും കർക്കിടക മാസം മുഴുവൻ ദേവന്മാരുടെയും പിതൃക്കളുടെയും സന്ധ്യാസമയമാണെന്നും തുടങ്ങി ഇതിൽ അഭിപ്രായങ്ങൾ പലതും പറയുന്നുണ്ട്.)
അതാണ് 12 മാസത്തിനിടയിൽ നാം നടത്തുന്ന കർക്കിടവാവുബലിയും മറ്റു വാവുബലികളും
ഇതിൽ കർക്കിടവാവുബലിയെങ്കിലും ഒഴിച്ചുകൂടാതെ അനുഷ്ടിക്കണമെന്നാണ് പൊതുവെ പറയപ്പെടുന്നത്
ഭൂമിക്ക് മുകളിലുള്ള ലോകമാണ് പിതൃലോകം'
ഇവിടെ പിതൃക്കളുടെ
ആത്മപ്രാണൻ നിലനിർത്തുന്നത് ജലമാണത്രെ.
പിതൃക്കൾക്ക് ജലത്തിലൂടെയെ അന്നം നൽകാനാവു
അതാണ് ജലസാന്നിദ്ധ്യത്തിൽ ജലമുപയോഗിച്ച് തർപ്പണം നടത്തുന്നതിന്റെ പ്രധാന സാംഗ്യത്വവും
ശാസ്ത്രിയമായി വലിയ അർത്ഥമൊന്നും
ഇത്തരം അനുഷ്ടാനങ്ങളിൽ പലരും കാണില്ലായിരിക്കാം.
എന്നാൽ വിശ്വസിച്ചാലും ഇല്ലെങ്കിലും ,
ഈ ആചാര അനുഷ്ടാനചടങ്ങുകൾ വലിയ ഒരു ദൗത്യമായാണ് അല്ലെങ്കിൽ ഓരോരുത്തരുടെയും കടമയായാണ് പാരമ്പര്യമായി നാം അനുവർത്തിച്ചു കണക്കാക്കിവരുന്നത്.
നേരിട്ട് അധികമൊന്നുമറിവില്ലെങ്കിലും നമ്മൾ ജനിച്ചു വളർന്ന കുലത്തിന്റെ ഒരു സ്മരണ
പിന്നെ നമ്മളെ, നമ്മളാക്കിയ പിതാമഹൻമാരോട് അവരുടെയും പിതാമഹാൻമാരോട്
മൺമറഞ്ഞു പോയ അറിഞ്ഞതോ, അറിയാത്തതോ ആയ
അനേകം ഗുരു കാരണവന്മാരോട്
ഒക്കെയുള്ള കടപ്പാടിന്റെയും,
കണ്ണി മുറിയാത്ത രക്ത-ജനിതക -ബന്ധങ്ങളുടെയും മറ്റും മങ്ങാത്ത മായാത്ത ഒരു ദീപ്തസ്മരണയാണത്
.
അവർക്കു വേണ്ടി,
അകം നിറഞ്ഞ
ആത്മാർത്ഥമായ
സ്വയം സമർപ്പിതമായ ചില അർച്ചനകളാണത്.
അതാണ് ശരിക്കും പറഞ്ഞാൽ ഓരോ ബലിതർപ്പണവും
ഇത് കൊണ്ട് എന്താണ് ഫലമെന്ന് ചോദിച്ചാൽ അത് പറഞ്ഞറിയിക്കാനാവാത്ത നിർവൃതിയുടെ - സംതൃപ്തിയുടെ ഒരു സങ്കൽപ്പ മാനസികതലം നമ്മളിൽ ഓരോരുത്തരിലുമുണർത്തുന്നു എന്നത് തന്നെയാണ്.
ശരീരത്തിനും മനസ്സിനും കഴിയുന്ന കാലം വരെയും ഈ ആത്മീയകർമ്മം തുടരേണ്ടത് ഓരോരുത്തരുടെയും ധർമ്മമാണെന്നും നാം ഉറച്ച് വിശ്വസിക്കണം
ശരിയ്ക്കും മനസ്സിലാക്കണം
ബലി തര്‍പ്പണം എന്തിനു?
എന്തിനാണ് ബലി ഇടുന്നത് ?
നമ്മുടെ ഓരോരുത്തരുടെയും ഉള്ളില്‍ പൂര്‍വികരുടെതായ ഒരു ചൈതന്യം എപ്പോഴും ഉണ്ട് ,
ആധുനിക വൈദ്യശാസ്ത്രവും ഇത് അംഗീകരിക്കുന്നുണ്ട്.
തന്ത്ര ശാസ്ത്രവും ഇത് പണ്ടേ പറഞ്ഞു തന്നിട്ടുണ്ട്.
വിശ്വാസം ഇല്ലാത്തവർക്ക് ഇതൊന്നും മനസ്സിലാവില്ല.
ചിലപ്പോൾ വലിയ
തമാശയായും തോന്നാം.
സത്യത്തില്‍ മരിച്ചവർക്ക് വേണ്ടിയല്ല, മരിക്കാത്ത അവരുടെ
ചൈതന്യത്തിനു വേണ്ടി -
ഓർമ്മകൾക്ക് വേണ്ടി -
അവരുടെ സ്മരണകൾ,
നിരന്തരം പുതുക്കുന്നതിന് വേണ്ടി സർവ്വോപരി ജിവിക്കുന്നവരുടെ ആത്മ സംതൃപ്തിക്ക് വേണ്ടിയാണ് ഓരൊ ബലിയും അർപ്പിക്കുന്നതെന്ന് സാരം.
മരിച്ചുപോയവര്‍ക്ക് വേണ്ടി എന്തിനാണ് അന്നം?
എന്നതിലല്ല,
പകരം അവരുടെ ചൈതന്യധാര
നമ്മിലേക്ക്,
നമ്മുടെ അകതാരിലെ ആത്മചൈതന്യത്തിലേക്ക്
പരമ്പരയായി പകർന്നു കിട്ടുന്നതിന് വേണ്ടിയാണ് എന്ന് തന്നെ തീർച്ചയായും ധരിക്കണം.
ആ അർത്ഥ തലത്തിൽ നിന്നു വേണം ശരിക്കും പറഞ്ഞാൽ ഓരോ ബലിദർപ്പണവും ആത്മാർത്ഥമായി നാം നടത്തേണ്ടത്...
നമുടെ ഈ ശരീരം ലഭിച്ചത് അച്ഛന്‍റെയും അമ്മയുടെയും ഓരോ സെല്ലില്‍ നിന്നാണല്ലോ
അതിലാർക്കും ഒരു തർക്കവുമുണ്ടാവില്ലല്ലോ.അവയ്ക്ക് പുറകില്‍ സങ്കീര്‍ണമായ genetic ഘടകങ്ങളും മറ്റനേകം ഘടകങ്ങളും തീർച്ചയായും ബന്ധപ്പെട്ടിരിക്കുന്നുവെന്നും നാം മനസ്സിലാക്കണം....
ആധുനിക ശാസ്ത്രം പറയുന്നു ,
"ഒരാളുടെ ശരീരത്തില്‍ തന്‍റെ 32 തലമുറകൾ വരെയുള്ള ജീനുകള്‍ ഉണ്ടെന്നും ,
അതില്‍ തന്നെ 7 തലമുറകൾ വരെ
ഓരോ ഗരീരത്തിലും സജീവമായിരിക്കുമെന്നുമാണ്. "
നമ്മള്‍ ബലി ഇടുന്നത് 7 തലമുറകൾക്കും അതിനപ്പുറം അറിയപ്പെട്ടിട്ടില്ലാത്ത കേട്ടറിവു പോലുമില്ലാത്ത എത്രയോ തലമുറകൾക്കും വേണ്ടി വിളിച്ചു ചൊല്ലി തന്നെയാണല്ലോ.
ആധുനിക ശാസ്ത്രം ഇതെല്ലാം
കണ്ടു പിടിക്കുന്നതിനും എത്രയോ മുമ്പുതന്നെ ഈയൊരു വിശ്വാസം നാം അനുഷ്ടിച്ചുവരുന്ന വാവുബലിക്ക് ഉണ്ടായിയിരുന്നുവെന്നതാണ് നാം മനസ്സിലാക്കേണ്ട ശരിയായ സത്യം ..
തലമുറകൾ കൈമാറേണ്ടതായ ഒരാചാര അനുഷ്ടാനമായിതന്നെ ഇതിനെ കണക്കാക്കണം.
അടുത്ത തലമുറ ഇത് കണ്ട് പഠിക്കണം
ഈ അറിവ് ഊനം തട്ടാതെ അവർക്ക് തലമുറകൾ തോറും പകര്‍ന്നു കൊടുക്കാനുമാവണം
തന്‍റെ പൂര്‍വികരുടെ ചൈതന്യം
തന്‍റെ അകതാരിൽ
ആത്മ പ്രാണന്റെ - അകം പൊരുളിന്റെ - ഭാഗമായി തന്നെ എപ്പോഴും ഉണ്ട്
എന്ന തിരിച്ചറിവ്‍ കൂടിയാണ് ഓരോ ബലിതർപ്പണവും കൊണ്ട് നമുക്ക് ഉറപ്പിക്കാനാവുന്നത്.
എന്താണ് ബലിദര്‍പ്പണക്രിയ ?
ബലി കര്‍മം ചെയുമ്പോള്‍ അവാഹിക്കുനത് , കൈകൾ സ്വന്തം നെഞ്ചോടു ചേര്‍ത്ത് പിടിച്ചാണ്
അപ്പോള്‍ ആവാഹനം നടക്കുന്നത് സ്വന്തം ഉള്ളില്‍ നിന്നും അല്ലെ , അങ്ങനെ അവാഹിക്കുനത്
സ്വന്തം ബോധത്തെ അല്ലെ ....
ഇനി ആവാഹിച്ചു പൂജ ചെയ്തു എന്ത് ചെയുന്നു , ???
ഈശ്വരനില്‍ ലയിപ്പിക്കുന്നു ...അപ്പൊ നമ്മുടെ ബോധത്തെ പരിമിതം ആയ അവസ്ഥയില്‍ നിന്നും പ്രപഞ്ചത്തോളം എത്തിക്കുന്ന ഒരു ആത്മീയപൂജ തന്നെയാകുന്നു ഈ കര്‍മം
ഇത് തന്നെയല്ലെ എല്ലാ ആത്മീയ വഴികളുടെ മാർഗ്ഗവും, പിന്നെ ലക്ഷ്യവും
ആരാണ് ബലി ഇടേണ്ടത് ?
എല്ലാവർക്കും ബലി ഇടാം , മാതാ -പിതാക്കള്‍ മരിച്ചവര്‍ മാത്രം അല്ല .
കാരണം ബലി ഇടുന്നത് മുഴുവന്‍ പിതൃ പരമ്പരയെ കണക്കില്‍ എടുത്തുകൊണ്ടാണ്
എന്ത് കൊണ്ടാണ് കര്‍ക്കിടകവാവിനു മാത്രം ഇത്ര പ്രാധാന്യം ?
ഉത്തരായനം ഈശ്വരീയ കാര്യങ്ങള്‍ക്കും ,
ദക്ഷിണായാനം പിതൃ കാര്യങ്ങള്‍ക്കും ആണ് നീക്കി വക്കുക
ദക്ഷിണായത്തിലെ ആദ്യത്തെ കറുത്ത വാവ് ആണ് , കര്‍ക്കിടക വാവ് എന്ന് ആദ്യമെ സൂചിപ്പിച്ചുവല്ലോ.
എന്ത് കൊണ്ടാണ് വാവിന് തന്നെ ബലി ഇടണമെന്ന് പറയുന്നത് വാവല്ലാത്ത സമയങ്ങളിൽ നടത്തിക്കൂടെ. .?
ഗ്രഹണ സമയത്ത് പോലെ അല്ലെങ്കിലും ,
ഭൂമിയും ചന്ദ്രനും സൂര്യനും എന്താണ്ട് ഒരേ രേഖയില്‍ വരുന്ന സമയം ആണല്ലോ വാവ് ,
ഭൂമിയുടെ നിഴല്‍ ചന്ദ്രനില്‍ വീഴുന്നതാണല്ലോ കറുത്ത വാവ് .
ഇത് നമ്മുടെ ശരീരത്തില്‍ ഉള്ള , അഗ്നി ,സോമ , സൂര്യ മണ്ഡലങ്ങളുമായി സൂക്ഷ്മ -സ്ഥൂല തലങ്ങളിൽ സ്വാധീനം ചെലുത്തുന്നുണ്ട്.
കൂടാതെ ശരീരത്തിലെ
ഇട ,പിംഗള സുഷുമ്ന നാഡികൾ
ഈ മണ്ഡലങ്ങളുമായി പരസ്പരം ബന്ധപെടുന്നുമുണ്ട്..
പ്രപഞ്ചത്തില്‍ ഉണ്ടാകുന്ന മാറ്റങ്ങൾ ഓരോന്നും , ഓരോ ശരീരത്തിലും നമ്മളറിയാതെ ചില മാറ്റങ്ങൾ ഉണ്ടാക്കുന്നുമുണ്ട്. "
Macrocosm "പോലെ തന്നെ
" microcosm " ഉം ഉണ്ട്.
ഈ സമയത്ത് സുഷുമ്നയിലൂടെ ചില ഊര്‍ജ പ്രവാഹം ഉണ്ടാകുന്നു. ,
ഇത് മനുഷ്യരുടെ ബോധമണ്ഡലത്തെ തന്നെ
സ്വാധീനിക്കുന്നുണ്ട്. .
മാത്രമല്ല,
ചന്ദ്രന് മനസ്സുമായും നല്ല ബന്ധവും ഉണ്ട്.,
ചന്ദ്രനില്‍ ഉണ്ടാകുന്ന ഈ മാറ്റങ്ങൾ മനുഷ്യ മനസ്സിന്റെ , ബോധതലത്തിലും സ്വാധീനം ചെലുത്തുമെന്നതിൽ സംശയിക്കേണ്ട.
ശാരീരിക തലത്തിലെ മാറ്റങ്ങൾ ആസ്മ രോഗികളിലും മൃഗങ്ങളിലുമെല്ലാം നാം കാണുന്നതല്ലേ?
ഗ്രഹണ സമയങ്ങളില്‍ സാധന ചെയ്യണം എന്ന് പറയുന്നതും മറ്റും ഇത് കൊണ്ടാണ്
ഇതൊക്കെ വലിയ വിശ്വാസം തന്നെയാണ്
ആ വിശ്വാസങ്ങളിൽ ചില യുക്തികളും സത്യങ്ങളും ഉണ്ടെന്ന് തന്നെ ഉറപ്പിച്ചു പറയാം.
വിശ്വാസമില്ലാത്തവരും യുക്തിവാദികളും വർഷംതോറും അന്തരിച്ച നേതാക്കളുടെയും മറ്റും സ്മൃതിദിനങ്ങളും സ്മരണാഞ്ജലികളും പുഷ്പാർച്ചനകളും പരിപാടികളും ഒക്കെ നടത്തുന്നില്ലേ ?
ഒരു തരം ഐക്യപ്പെടലിന് വേണ്ടി
മാനസികമായ ഒരു തരം ഊർജ്ജത്തിന് വേണ്ടിയെന്ന് അതിനെ കുറിച്ചെല്ലാം അവിശ്വാസികളും പറയാറില്ലേ.
വേണമെങ്കിൽ അങ്ങിനെയും ബലിതർപ്പണത്തെ കാണാം.
ഇതൊക്കെ പലർക്കും വേണ്ടെന്നും വക്കാം. അതെല്ലാം അവരവരുടെ ഇഷ്ടം
ബലിയിട്ടില്ലെങ്കിൽ എന്താണ് കുഴപ്പം ?
എന്നൊന്നും പറഞ്ഞ്
ഇനി ഇതിന്റെ പേരിൽ ആരും വിമർശിക്കാനൊന്നും ദയവായി വരേണ്ട.
വിശ്വാസം അതല്ലേ എല്ലാം ....
നന്ദി, നമസ്ക്കാരം
ഹരി ഓം.....
അറിവ് പകർന്നു തന്നവരോടുള്ള കടപ്പാട് വിനയപൂർവ്വം സ്മരിക്കുന്നു
👣🪷🙏🏻
