11/04/2026
ഞാൻ മാർച്ച് 8 ന് ഇതോടൊപ്പം കാണുന്ന ദൃശ്യങ്ങൾ വച്ച് പോസ്റ്റ് ഇട്ടതിന്റെ പേരിൽ കേൾക്കേണ്ടിവന്നത് വലിയ ആരോപണമാണ്.
പലരും ഈ പോസ്റ്റിനെ രാഷ്ട്രീയവത്ക്കരിച്ചു.
ഞാൻ എന്തോ കൊടിയ അപരാതം ചെയ്ത പോലെയുള്ള നിലപാടുകളാണ് പലരും സ്വീകരിച്ചത്.
ഇത്തരം നിലപാടുകൾ സ്വീകരിച്ചതിൽ എന്റെ ആത്മാർത്ഥ സുഹൃത്തുക്കളും ഉണ്ടായിരുന്നു എന്നതാണ് എന്നെ ആഴത്തിൽ ചിന്തിപ്പിച്ചത്....
എന്നാൽ ഇതിൻ്റെ സത്യാവസ്ഥ എന്താണെന്ന് നിങ്ങൾ അറിഞ്ഞിരിക്കണം.
എൻ്റെ മകന് ഞാൻ പുതിയൊരു എൻഫീൽഡ് ബുള്ളറ്റ് മേടിച്ചു.
മകൻ ഇതുമായി അവൻ പഠിക്കുന്ന തമിഴ്നാട് പെരിയകുളം
മേരിമാതാ ആർട്സ് & സയൻസ് കോളേജിലേയ്ക്ക് അന്ന് തന്നെ പോയി.
വാഹനം എടുത്ത ശേഷം ഒരു മാസം കഴിഞ്ഞപ്പോഴാണ് അവൻ തിരിച്ചുവന്നത്.
പണ്ടുമുതലേ ബുള്ളറ്റ് ഭ്രാന്തനായ ഞാൻ മകൻ വന്ന അന്ന് ഈ വാഹനവുമായി,
ഞാൻ താമസിക്കുന്ന പ്രകാശ് എന്ന എൻ്റെ സ്വന്തം ഗ്രാമത്തിൽ കറങ്ങാൻ ഇറങ്ങി.
അപ്പോൾ അപ്രതീക്ഷിതമായി സംസ്ഥാന ജല
വിഭവ വകുപ്പ് മന്ത്രിയും എൻ്റെ സഹോദര തുല്യനായ സുഹൃത്തുമായ
റോഷി അഗസ്റ്റിൻ എൻ്റെ സ്വന്തം ഗ്രാമത്തിൽ നിൽക്കുന്നു.
ബുള്ളറ്റ് കണ്ടതെ പുതിയ വാഹനമാണെന്നതിനാൽ അദ്ദേഹം എന്റെ വാഹനം വാങ്ങി എന്റെ കൊച്ചു ഗ്രാമത്തിൽ
ഒരു റൗണ്ട് ഓടിച്ചു.
അദ്ദേഹവും പണ്ടുമുതലേ ബുള്ളറ്റ് ഭ്രാന്തനും,
വോളിബോൾ ഭ്രാന്തനുമാണ്....
സ്വാഭാവികമായും ഞാൻ അതിൻ്റെ വീഡിയോ എടുത്തു.
ഈ സമയം ഇടത്, വലത്,എൻഡിഎ മുന്നണിയിൽപ്പെട്ട ആൾക്കാർ ദൃക്സാക്ഷികളാണ്..
റോഷി അഗസ്റ്റിനും ഞാനുമായി നല്ല ആത്മാർത്ഥ സൗഹൃദമാണ് ഉള്ളതെന്ന് എന്നെ അറിയാവുന്ന എല്ലാവർക്കും വ്യക്തമായിട്ട് അറിയാം.
കാരണം എൻ്റെ പിതാവ് അതീവഗുരുതരാവസ്ഥയിൽ തൊടുപുഴയിലെ സ്വകാര്യ ആശുപത്രിയിൽ കഴിഞ്ഞപ്പോഴും,
2018 ൽ അദ്ദേഹം മരണമടഞ്ഞപ്പോഴും
ആശുപത്രിയിലും വീട്ടിലും റോഷി അഗസ്റ്റിന്റെ സാന്നിധ്യം വളരെ ഏറെനേരം സഹോദരനെപ്പോലെ ഉണ്ടായിരുന്നു.
അതിൻ്റെ കാരണം എനിക്കദ്ദേഹത്തോടും അദ്ദേഹത്തിന് എന്നോടുമുള്ള ആത്മാർത്ഥ ബന്ധമാണ് ...
ഈ ബന്ധം അറിയാവുന്ന പലരും കഴിഞ്ഞ 25 വർഷങ്ങൾക്കുള്ളിൽ ഞാൻവഴി അദ്ദേഹത്തിൽ നിന്നും നേരായ മാർഗ്ഗത്തിൽ ആവത് സഹായങ്ങൾ നേടിയിട്ടുമുണ്ട്....
ഏതൊരു ആവശ്യം പറഞ്ഞാലും സഹായിക്കാൻ പറ്റുന്നതാണെങ്കിൽ പൂർണമനസ്സോടു
കൂടി സഹായിക്കുന്ന വ്യക്തിത്വമാണെന്നത് എൻ്റെ നേരനുഭവമാണ് ....
അതിൽ രാഷ്ട്രീയം ഞാൻ നോക്കിയിട്ടില്ല ....
അദ്ദേഹം എന്നോട് കാണിക്കുന്ന കരുതലിനൊപ്പം
ഞാനും അദ്ദേഹത്തെയും സ്നേഹിച്ചിട്ടും ചേർത്ത് നിർത്തിയിട്ടുമുണ്ട്.
അദ്ദേഹത്തിൻ്റെ കുടുംബത്തിൽ രണ്ട് മരണങ്ങൾ ഉണ്ടായപ്പോഴും ഞാനും രാവെളുക്കുവോളം ഉറക്കമിളച്ചിട്ടുണ്ട്..
ഞാനിത് ഇവിടെ കുറിക്കാൻ കാരണം. സമീപകാലത്ത് എൻ്റെ മകൻ്റെ ബുള്ളറ്റ് അദ്ദേഹം ഒന്ന് ഓടിച്ചു നോക്കുന്ന ചിത്രം ഞാനെൻ്റെ മുഖപുസ്തകത്തിൽ പോസ്റ്റ് ചെയ്തപ്പോൾ അത് അദ്ദേഹത്തിന് വോട്ട് ചെയ്യണം എന്ന സന്ദേശമാണന്നും, ഞാൻ ചെയ്തത് തെറ്റാണന്നും എന്ന രീതിയിൽ രാഷ്ട്രീയപരമായി കണ്ട സുഹൃത്തുക്കളോടുള്ള മറുപടിയാണ് ഈ കുറിപ്പ് ....
റോഷി അഗസ്റ്റിൻ ഏതു പാർട്ടിയാണ് എന്നതല്ല. അദ്ദേഹം യുഡിഎഫിൽ നിന്നപ്പോഴും എൽഡിഎഫിൽ നിന്നപ്പോഴും എനിക്ക് അദ്ദേഹം എൻ്റെ സഹോദര തുല്യനായ സുഹൃത്താണ്.
അത് ഇന്നും നാളെയും എന്നും എക്കാലവും തുടരും.....
അദ്ദേഹം ഇലക്ഷനിൽ ജയിച്ചാലും തോറ്റാലും ഞങ്ങൾക്കിടയിലെ സൗഹൃദത്തിന് തോൽവിയില്ല ....
മറ്റേതൊരാളെപ്പോലെയും എൻ്റെയും സ്വന്തം സുഹൃത്ത് ജയിച്ചു
കാണുവാനാണ് ഞാൻ ആഗ്രഹിക്കുന്നത്.
കാരണം സുഹൃത്തുക്കൾക്കിടയിൽ രാഷ്ട്രീയമില്ല.....
അദ്ദേഹം ജയിച്ചാലും ഇല്ലെങ്കിലും എൻ്റെ ചങ്കാണ് ചങ്കിടിപ്പാണ്....
നിങ്ങൾക്കും ഇങ്ങനെ ഒരു ആത്മാർത്ഥ സുഹൃത്തുണ്ടങ്കിലെ ഈ സൗഹൃദത്തിന്റെ ആഴം മനസ്സിലാകൂ....
NB:
1,തെരഞ്ഞെടുപ്പിൽ റോഷി തോൽക്കും, അതുകൊണ്ടുള്ള മുൻകൂർ ജാമ്യമാണ് എന്ന് പറഞ്ഞുള്ള ക്യാപ്സൂൾ ഒന്നും ഇങ്ങോട്ട് വേണ്ട.
ചുട്ട മറുപടി ഞാൻ നൽകും ....
2, റോയി കെ പൗലോസും എൻ്റെ ആത്മാർത്ഥ സുഹൃത്താണ്.
അദ്ദേഹം കഴിഞ്ഞ ഏതാനും ദിവസങ്ങളായി ആവർത്തിച്ചു പറയുന്ന ഒരു കാര്യമുണ്ട്. ഇലക്ഷൻ വാർത്തകളിൽ വൈശ്യൻ (ഞാൻ )നിഷ്പക്ഷത പാലിച്ചു എന്ന് ...
3,ഞാൻ ജോലി ചെയ്യുന്ന ചാനലിൽ രാത്രി 7 മണിക്ക് വാർത്ത കാണുന്ന ഏവർക്കും മനസ്സിലാകും ഞാൻ എവിടെയെങ്കിലും എന്തെങ്കിലും വ്യക്തിപരമായ നിലപാട് സ്വീകരിച്ചു എന്ന് ....
ഞാനൊരിക്കലും ജോലിയിൽ വ്യക്തിപരമായ നിലപാട് സ്വീകരിക്കാറില്ല....
എന്നാലും എൻ്റെ സുഹൃത്ത് എന്റെ സുഹൃത്താണ്.... സൗഹൃദത്തിനിടയിൽ എന്ത് വലിയ വിലങ്ങുതടി വന്നാലും ഞാൻ നോക്കാറുമില്ല.....
