VBC News LIVE

14/06/2025

ബന്ധങ്ങളും സൗഹൃദങ്ങളും നഷ്ടപ്പെടുന്ന ഇക്കാലത്ത് ഒരു പുതിയ ആശയവുമായി ഞങ്ങൾ നിങ്ങളുടെ മുമ്പിൽ എത്തുന്നു. അതിരുകളില്ലാത്ത കൂട്ടായ്മ .......... നികുഞ്ജം .

14/06/2025

13/06/2025

തൊടുപുഴ താലൂക്ക് വികസന സമിതി യോഗം താലൂക്ക് കോൺഫറൻസ് ഹാളിൽ ചേർന്നു. ജില്ലാ ആശുപത്രിയിലെ ലിഫ്റ്റ് തകരാറിലാകുന്നതു മൂലം രോഗികൾ ബുദ്ധിമുട്ട് അനുഭവിക്കുന്നുണ്ടെന്നും എത്രയും വേഗം പ്രശ്നത്തിന് പരിഹാരം കാണണമെന്നും കോൺഗ്രസ്‌ (എസ് ) നേതാവ് ദിലീപ് മൈദീൻ ആവശ്യപ്പെട്ടു. മുള്ളരിങ്ങാട് ആദിവാസി മേഖലയിലെ കാട്ടാന ശല്യത്തെ കുറിച്ച് ആർ.എസ്.പി (ലെനിനിസ്റ്റ്) ജില്ലാ സെക്രട്ടറി എ.ആർ രതീഷ് ചൂണ്ടിക്കാട്ടി. യോഗത്തിൽ കരിങ്കുന്നം പഞ്ചായത്ത് പ്രസിഡണ്ട്‌ കെ.കെ തോമസ് അധ്യക്ഷത വഹിച്ചു. മറ്റ് നിരവധി വ്യക്തികൾ പങ്കെടുത്തു.

13/06/2025

കട്ടപ്പന താലൂക്ക് ആശുപത്രിയിലെ പാർക്കിങ്ങ് ഗ്രൗണ്ടിന്റെ പ്രവേശന റോഡ് തകർന്നിട്ട് നാളുകൾ പിന്നിട്ടിട്ടും നടപടിയായില്ല. വലിയ കട്ടിങ്ങാണ് ഇവിടെ രൂപപെട്ടിട്ടുള്ളത്. ഇവിടെ പാർക്ക് ചെയ്യാൻ എത്തുന്ന കാർ അടക്കമുള്ള വാഹനങ്ങൾക്ക് കേടുപാടുകൾ ഉണ്ടാവുന്നതും സ്ഥിരമാണ്.

13/06/2025

തൊടുപുഴ വിമല പബ്ലിക് സ്കൂളിൽ മെറിറ്റ് ഡേ ആഘോഷം സംഘടിപ്പിച്ചു. മഹാത്മാ ഗാന്ധി യൂണിവേഴ്സിറ്റി മുൻ വൈസ് ചാൻസിലർ ബാബു സെബാസ്റ്റ്യൻ ഉദ്ഘാടനം ചെയ്തു. സ്കൂൾ പ്രിൻസിപ്പൽ റവറന്റ് സിസ്റ്റർ എലൈസ് സി.എം.സി അധ്യക്ഷത വഹിച്ചു. കുട്ടികളും അധ്യാപകരും മറ്റ് സ്റ്റാഫ് അം​ഗങ്ങളും ഉൾപ്പെടെ നിരവധി വ്യക്തികൾ യോ​ഗത്തിൽ സന്നിഹിതരായിരുന്നു.

13/06/2025

മേമാരി ആദിവാസി കോളനിയിൽ അംഗനവാടിയും റോഡും നിർമ്മിക്കണമെന്ന പരാതി എട്ട് മാസത്തിനകം പരിഹരിക്കണമെന്ന് മനുഷ്യാവകാശ കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ്. ഉപ്പുതറ പഞ്ചായത്ത് സെക്രട്ടറിക്കാണ് നിർദ്ദേശം നൽകിയത്. മനുഷ്യാവകാശ പ്രവർത്തകനായ ഡോക്ടർ ഗിന്നസ് മാടസാമി നൽകിയ പരാതിയിലാണ് നടപടി.

13/06/2025

ശാന്തിഗിരി കോളേജും പുറപ്പുഴ ഗ്രാമപഞ്ചായത്തും സംയുക്തമായി നശാ മുക്ത് ഭാരത് അഭിയാന്റെ സഹകരണത്തോടെ ലഹരിവിരുദ്ധ ക്യാമ്പയിൻ സംഘടിപ്പിച്ചു. കോളേജ് പ്രിൻസിപ്പൽ റവറന്റ് ഫാദർ ജോസ് ജോൺ ഉദ്ഘാടനം നിർവ്വഹിച്ചു. കുടുംബശ്രീ ചെയർപേഴ്സൺ സരസ്വതി അധ്യക്ഷത വഹിച്ചു. സൈക്കോളജിസ്റ്റും നശാ മുക്ത് ഭാരത് അഭിയാൻ മാസ്റ്റർ ട്രെയിനറും ആയ പ്രിൻസി മേടയിൽ ബോധവത്കരണ ക്ലാസ്സ്‌ നയിച്ചു.

13/06/2025

ഇടുക്കി ജില്ലയിൽ പീരുമേടിനു സമീപം വനത്തിനുള്ളിൽ കാട്ടാന ആക്രമണത്തിൽ ഒരാൾ കൊല്ലപ്പെട്ടു. ആദിവാസി സ്ത്രീയാണ് മരിച്ചത്. മലമ്പണ്ടാര വിഭാഗത്തിൽപെട്ട സീതയാണ്(54) മരിച്ചത്. ഇന്ന് വന വിഭവങ്ങൾ ശേഖരിക്കാൻ വനത്തിനുള്ളിൽ പോയപ്പോഴായിരുന്നു കാട്ടാന ആക്രമിച്ചത്. മൃതദേഹം പീരുമേട് താലൂക്ക് ആശുപത്രിയിൽ എത്തിച്ചു. പോസ്റ്റ്മോർട്ടം അടക്കം നിയമപരമായ നടപടിക്രമങ്ങൾക്ക് ശേഷം ബന്ധുക്കൾക്ക് വിട്ടുകൊടുക്കും.

13/06/2025

VBC NEWS 13 06 2025

13/06/2025

സി.പി.ഐ(എം) ജില്ലാ കമ്മിറ്റിയുടെയും എം ജിനദേവൻ സ്‍മാരക ട്രസ്‍റ്റിന്റെയും സംയുക്ത ആഭിമുഖ്യത്തിൽ എം ജിനദേവന്റെ 31ആം ചരമ വാർഷികം ആചരിച്ചു. തൊടുപുഴ ടൗൺ ഹാളിൽ സംഘടിപ്പിച്ച യോഗം എം.എം മണി എം.എൽ.എ ഉദ്ഘാടനം ചെയ്‍തു. ജില്ലാ കമ്മിറ്റിയംഗം വി.വി മത്തായി അധ്യക്ഷത വഹിച്ചു. നിരവധി വ്യക്തികൾ സന്നിഹിതരായിരുന്നു.

13/06/2025

കുമാരമംഗലം പഞ്ചായത്തിലെ ഏഴല്ലൂരിൽ പ്രവർത്തിച്ചിരുന്ന കേരള ബാങ്ക് എ.ടി.എം പൂട്ടിയിട്ട് ആറ് മാസം. മെയിന്റനൻസ് എന്ന പേരിൽ പൂട്ടിയ എ.ടി.എം തുറക്കുവാൻ നടപടി എടുക്കണമെന്നാണ് നാട്ടുകാരുടെ ആവശ്യം.