09/08/2025
ഇടുക്കി സര്‍ക്കാര്‍ എഞ്ചിനീയറിങ് കോളേജിലെ ഒന്നാം വര്‍ഷ വിദ്യാര്‍ഥികളായ ആണ്‍കുട്ടികള്‍ക്കായി നിര്‍മ്മിച്ച ഹോസ്റ്റലിന്റെ ഉദ്ഘാടനം ജില്ലാ കളക്ടര്‍ വി. വിഗ്നേശ്വരി നിര്‍വഹിച്ചു. കോളേജ് പ്രിന്‍സിപ്പല്‍ ഡോ. ബൈജു ശശിധരന്‍ അധ്യക്ഷനായിരുന്നു പിഡബ്ല്യുഡി വിട്ടു നല്‍കിയ കെട്ടിടത്തിലാണ് പുതുതായി ഹോസ്റ്റല്‍ ആരംഭിച്ചത്. ഉപയോഗിക്കാതിരുന്ന കെട്ടിടം ഇടുക്കി ജില്ലാ കളക്ടറുടെ പ്രത്യേക നിര്‍ദേശപ്രകാരമാണ് കോളേജിന് വിട്ടുനല്‍കിയത്. കോളേജിന്റെ പിടിഎ മുന്‍കൈയെടുത്ത് 5 ലക്ഷത്തോളം രൂപ ചെലവാക്കിയാണ് നിര്‍മ്മാണപ്രവര്‍ത്തനങ്ങള്‍ നടത്തിയത്.
