VBC News Thodupuzha

13/09/2025

ഇടുക്കി ജില്ലയിൽ കൂടുതൽ ആൻജിയോപ്ലാസ്റ്റികൾ നടക്കുന്ന സൂപ്പർ സ്പെഷ്യാലിറ്റി ഹോസ്പിറ്റൽ എന്ന മികച്ച നേട്ടം കൈവരിച്ച് തൊടുപുഴ സെന്റ് മേരീസ് ആശുപത്രി. കോഴിക്കോട് നടന്ന ഇന്റർവെൻഷനൽ കാർഡിയോളജി കൗൺസിൽ ഓഫ് കേരളയുടെ സമ്മേളനത്തിലാണ് പ്രഖ്യാ പനം. കേരളത്തിലെ തന്നെ സീനിയർ കാർഡിയോളജിസ്റ്റുമാരിൽ ഒരാളായ ഡോക്ടർ മാത്യു എബ്രഹാമിൻ്റെ നേതൃത്വത്തിൽ സീനിയർ ഇൻ്റർവെൻഷനൽ കാർഡിയോളജിസ്റ്റുമാരായ ഡോക്ടർ മുസ്‌ന ജമാൽ, ഡോക്ടർ ബിജോയ് വി ഏലിയാ സ്, ക്ലിനിക്കൽ കാർഡിയോളജിസ്റ്റ് ഡോക്ടർ നിതിൻ പരീദ് എന്നിവരാണ് ഹൃദ്രോഗ വിഭാഗത്തിൽ സേവനം അനുഷ്ഠിക്കുന്നത്.

13/09/2025

കരിങ്കുന്നം പഞ്ചായത്തിൽ ഓണാഘോഷം സംഘടിപ്പിച്ചു. രാവിലെ ഏട്ട് മുതൽ രാത്രി എട്ട് വരെ വിവിധ പരിപാടികളോട് കൂടിയാണ് ഓണാഘോഷം സംഘടിപ്പിച്ചത്. പഞ്ചായത്തിലെ ജീനക്കാരും സമീപത്തുള്ള സർക്കാർ സ്ഥാപനത്തിലെ ഉദ്യോ​ഗസ്ഥരും പോലീസും ഉൾപ്പെടെ നിരവധി പേരാണ് ഓണാഘോഷത്തിൽ പങ്കെടുത്തത്. ഓണക്കളികളും ചാക്യാർകൂത്തും ഒപ്പനയും മാർ​ഗം കളിയും ഉൾപ്പെടെ വിവിധ കലാപരിപാടികളും ഓണാഘോഷത്തിന് കൊഴുപ്പേകി.

13/09/2025

അറക്കുളത്ത് ത്രിതല പഞ്ചായത്ത് തിരഞ്ഞെടുപ്പിൻ്റെ മുന്നൊരുക്കങ്ങൾ പൂർത്തിയാക്കി ബിജെപി. വാർഡ്തല കൺവൻഷനുകളുടെ സമാപനമായി പതിനാലാം വാർഡിൽ നടത്തിയ പ്രവർത്തകയോഗത്തിൽ നിരവധി പേർ പങ്കെടുത്തു. ബിജെപി സംസ്ഥാന സെക്രട്ടറി അഡ്വക്കേറ്റ് പന്തളം പ്രതാപൻ ഉദ്ഘാടനം ചെയ്തു.

13/09/2025

13/09/2025

ലോകോത്തര ഇന്റീരിയർ നിർമാണ കമ്പനിയായ സിഗ്മയുടെ ഇന്റീരിയർ ഡിസ്പ്ലേ സെന്റർ തൊടുപുഴയിൽ ആരംഭിച്ചു. ഗ്രാവിറ്റി ഇന്റീരിയർ ഡിസൈൻ സ്റ്റുഡിയോ എന്ന പേരിൽ വെങ്ങല്ലൂർ സുലഭ ഹൈപ്പർ മാർക്കറ്റിന് എതിർവശത്തായാണ് പ്രവർത്തനം ആരംഭിച്ചത്. ഗ്രാവിറ്റി ഇന്റീരിയർ ഡിസൈൻ സ്റ്റുഡിയോയുടെ ഉദ്ഘാടനം മൈൻഡ് സ്‌കേപ്പ് ആർക്കിടെക്ട്സിന്റെ ഫൗണ്ടറും പ്രിൻസിപ്പൽ ആർ കിടെക്റ്റുമായ എം എം ജോസ് നിർവഹിച്ചു.

13/09/2025

നെടുങ്കണ്ടം പഞ്ചായത്ത് സിന്തറ്റിക് സ്റ്റേഡിയത്തിൽ നടക്കുന്ന ആര്‍മി റിക്രൂട്ട്‌മെന്റ് ക്യാമ്പില്‍മൂന്നാം ദിനം 715 ഉദ്യോഗാർഥികൾ പങ്കെടുത്തു. കൊല്ലം ജില്ലയിൽ നിന്ന് ജനറൽ ഡ്യൂട്ടി വിഭാഗത്തിലെ 715 ഉദ്യോഗാർഥികളാണ് മൂന്നാം ദിനത്തിൽ കായിക ക്ഷമതാ പരീക്ഷയിൽ പങ്കെടുത്തത്. ഇതോടെ ഏഴ് ജില്ലകളിൽ നിന്നുള്ള ജനറൽ ഡ്യൂട്ടി വിഭാഗം കായിക ക്ഷമതാ പരീക്ഷ പൂർത്തിയായി.

13/09/2025

കുരുമുളക് കൃഷിയിലെ പോലിസ് മുറയാണ് ഇനി. കാർഷിക രംഗത്ത് പുതു മാതൃകകൾ സൃഷ്ടിയ്ക്കുന്ന ഇടുക്കി നെടുംകണ്ടം സ്വദേശിയായ പോലിസ് ഉദ്യോഗസ്ഥൻ രാധാകൃഷ്ണന്റെ വിജയ ഗാഥ. കാണാം കാർഷിക വിപ്ലവ കാഴ്ചകൾ. റോജൻ തോമസ് തയ്യാറാക്കിയ റിപ്പോർട്ട്.....

13/09/2025

വാഹനാപകടത്തിൽ ​പരിക്കേറ്റ് ആശുപത്രിയിൽ കഴിയുന്ന യുവാവ് ചികിത്സാ സഹായം തേടുന്നു. ഇടുക്കി വണ്ടിപ്പെരിയാർ സ്വദേശി മധുവാണ്(44) ശസ്ത്രക്രിയയ്ക്കും അനുബന്ധ ചികിത്സകൾക്കുമായി സുമനുസകളുടെ കരുണ കാത്തിരിക്കുന്നത്. ഭാര്യയും വിദ്യാർത്ഥികളായ രണ്ട് കുട്ടികളും ഉൾപ്പെ‌ടുന്ന കുടുംബത്തിന് ചികിത്സക്ക് ആവശ്യമായി വരുന്ന തുക താങ്ങാവുന്നതല്ല. വെഞ്ഞാറമൂട് വച്ചുണ്ടായ വാഹന അപകടത്തിൽ പരിക്കേറ്റ മധു ഇപ്പോൾ ശ്രീ ഗോകുലം മെഡിക്കൽ കോളേജ് ആശുപത്രിയിൽ തീവ്രപരിചരണ യൂണിറ്റിലാണ്.

13/09/2025

പല്ലാരിമംഗലം സി എച്ച് ഗ്ലോബൽ കമ്മറ്റിയുടെ നേതൃത്വത്തിൽ കോതമംഗലം താലൂക്കിലെ കോളേജ് തിരഞ്ഞെടുപ്പുകളിൽ വിജയിച്ച എം എസ് എഫ് പ്രതിനിധികൾക്ക് അനുമോദനവും വിദ്യാർത്ഥി സംഗമവും നടത്തി. കൂവള്ളൂർ സ്കൂളിൽ നടത്തിയ അനുമോദന യോഗവും വിദ്യാർത്ഥി സംഗമവും മുസ്ലിം ലീഗ് സംസ്ഥാന സെക്രട്ടറ് അഡ്വക്കേറ്റ് മുഹമ്മദ് ഷാ ഉദ്ഘാടനം ചെയ്തു.