Kshethra Media

31/05/2026

ഒരു ക്ലാസിക് ക്ലൈമാക്സ്

31/05/2026

തിമില കലാശം

30/05/2026

ഈ രൂപത്തിന് പിന്നിൽ പ്രധാനമായും രണ്ട് ഐതിഹ്യങ്ങളാണുള്ളത്:
​1. ഭൃംഗി മഹർഷിയുടെ കഥ (ഏറ്റവും പ്രശസ്തമായ ഐതിഹ്യം):
ഭൃംഗി എന്ന മഹർഷി ശിവൻ്റെ പരമഭക്തനായിരുന്നു. എന്നാൽ അദ്ദേഹം ശക്തിസ്വരൂപിണിയായ പാർവ്വതീദേവിയെ ആരാധിച്ചിരുന്നില്ല. ഒരിക്കൽ കൈലാസത്തിൽ എത്തിയ ഭൃംഗി മഹർഷി ശിവനെ മാത്രം വലംവെക്കാൻ (പ്രദക്ഷിണം വെക്കാൻ) തീരുമാനിച്ചു. ഇതുകണ്ട് പാർവ്വതീദേവി ശിവൻ്റെ അടുത്തേക്ക് ചേർന്നിരുന്നു. അപ്പോൾ ഭൃംഗി ഒരു വണ്ടിന്റെ (ഭൃംഗം) രൂപമെടുത്ത് അവർക്കിടയിലൂടെ നൂഴ്ന്നുപോയി ശിവനെ മാത്രം വലംവെച്ചു.
​ശിവനും ശക്തിയും രണ്ടാല്ല, ഒന്നാണെന്ന് മഹർഷിക്ക് മനസ്സിലാക്കിക്കൊടുക്കാൻ വേണ്ടി അവർ രണ്ടുപേരും ചേർന്ന് പകുതി പുരുഷനും പകുതി സ്ത്രീയുമായ അർദ്ധനാരീശ്വര രൂപം സ്വീകരിച്ചു. എന്നാൽ കടുംപിടുത്തക്കാരനായ ഭൃംഗി വീണ്ടും വണ്ടിന്റെ രൂപമെടുത്ത് ഈ അർദ്ധനാരീശ്വര രൂപത്തിന്റെ നടുവിലൂടെ തുരന്ന് കയറി ശിവനെ മാത്രം വലംവെച്ചു. ഇതിൽ കോപിച്ച പാർവ്വതി ദേവി, ഭൃംഗിയുടെ ശരീരത്തിൽ മാതാവിൽ നിന്ന് ലഭിച്ച മാംസവും രക്തവും നഷ്ടപ്പെടട്ടെ എന്ന് ശപിച്ചു. അസ്ഥിമാത്രമായി മാറിയ ഭൃംഗിക്ക് നിൽക്കാൻ പോലുമാകാതെ വന്നപ്പോൾ, ശിവൻ അദ്ദേഹത്തിന് മൂന്നാമതൊരു കാൽ നൽകി അനുഗ്രഹിച്ചു. ഒടുവിൽ ശിവനും ശക്തിയും പ്രപഞ്ചത്തിൽ പരസ്പരം വേർപെടുത്താനാകാത്ത ഒന്നാണെന്ന സത്യം ഭൃംഗി മഹർഷി തിരിച്ചറിഞ്ഞു.
​2. പ്രപഞ്ച സൃഷ്ടിയുടെ കഥ (ശിവപുരാണം):
ബ്രഹ്മാവ് പ്രപഞ്ചസൃഷ്ടി ആരംഭിച്ച സമയത്ത്, അദ്ദേഹം സൃഷ്ടിച്ച ജീവജാലങ്ങൾക്കൊന്നും വംശവർദ്ധനവ് നടത്താൻ കഴിഞ്ഞിരുന്നില്ല. പുരുഷന്മാരെ മാത്രം സൃഷ്ടിച്ചതായിരുന്നു അതിന് കാരണം. ഇതിൽ മനംനൊന്ത ബ്രഹ്മാവ് ശിവനെ തപസ്സുചെയ്തു. അപ്പോൾ ശിവൻ അർദ്ധനാരീശ്വര രൂപത്തിൽ ബ്രഹ്മാവിന് ദർശനം നൽകി. പ്രപഞ്ച സൃഷ്ടിക്കും നിലനിൽപ്പിനും പുരുഷനോടൊപ്പം തന്നെ സ്ത്രീയും അനിവാര്യമാണെന്ന് ബ്രഹ്മാവിന് മനസ്സിലാക്കിക്കൊടുക്കാനായിരുന്നു ഈ ദർശനം. തുടർന്ന് ശിവൻ തൻ്റെ ശരീരത്തിൽ നിന്ന് സ്ത്രീ ഭാഗമായ പാർവ്വതിയെ വേർപെടുത്തി ബ്രഹ്മാവിൻ്റെ സൃഷ്ടികർമ്മത്തിന് സഹായിക്കാൻ നൽകി എന്നാണ് ശിവപുരാണത്തിൽ പറയുന്നത്.

30/05/2026

ശ്രീ ഗുരുവായൂരപ്പന്റെ ഇന്നത്തെ ഉച്ചപൂജ അലങ്കാരം🙏🙏🙏 ഇന്ന്‌ (30/05/26)
വെണ്ണക്കണ്ണൻ ആയിട്ടാണ് ഭഗവാന്റെ ദർശനസൗഭാഗ്യം🙏🏻 വലതു കയ്യിൽ നിറയെ തൃക്കൈവെണ്ണയും ഇടതുകയ്യിൽ ഓടക്കുഴലുമായി പുഞ്ചിരിച്ചു കൊണ്ട് നിൽക്കുകയാണ് കണ്ണൻ!!!!

കുസൃതിയോ, സന്തോഷമോ ഒക്കെ കാണാം ആ സുന്ദരമായ മുഖത്ത്!!! ഗോപൻമോരോടൊപ്പം കളിക്കാൻ പുറപ്പെടുകയാണോ കണ്ണാ !!! അതോ പശുക്കുട്ടിയുടെ വാലിൽ തൂങ്ങിയാടിയത് ആരെങ്കിലും കണ്ടുവോ എന്ന ഭാവമാണോ 🙏🏻
ഭക്തരും, വെണ്ണയും, മുരളിയുമാണ് ഭഗവാന് ഏറ്റവും ഇഷ്ടമുള്ളതത്രെ!!! തന്റെ ഭക്തനെ ഭഗവാൻ എന്നും ചേർത്തുപിടിക്കുന്നു.... ഭക്തരുടെ ഹൃദയത്തിൽ സദാ വിളങ്ങുന്ന ഭഗവാനേ... കാരുണ്യത്തിന്റെ നിറവെണ്ണക്കുടം ഭക്തന് നല്കാൻ വെണ്ണയുണ്ണുന്ന എന്റെ കണ്ണാ... സകല ജീവാത്മാക്കളെയും അവിടുത്തെ കാരുണ്യക്കടലിന്റെ ആഴം അറിയാൻ പ്രാപ്തരാക്കണേ കൃഷ്ണാ...

പട്ടുകോണകവും, മണികിങ്ങിണി പൊന്നരഞ്ഞാണം, പീലിത്തിരുമുടിയും അലങ്കാരങ്ങളും, മാലകൾ, കൈവളകൾ, കാൽത്തളകൾ, ഒക്കെ ചാർത്തി ഒരുക്കിയ ഈ പൊന്നോമനക്കണ്ണൻ മനസ്സിലങ്ങനെ വിളയാടാൻ എന്നും അനുഗ്രഹിക്കണേ🙏 സുന്ദരമന്ദഹാസത്തോടെയുള്ള ആ മുഖം ദർശിക്കാൻ എല്ലാ സുകൃതികൾക്കും സാധിക്കണേ ഹരേ ഗുരുവായൂരപ്പ!!!

ആനന്ദമയമായ ആ തിരുവുടൽ മനസ്സിൽ തെളിയുമ്പോൾ അനുഭവിക്കുന്ന ആ ആനന്ദം❣️❣️അവർണ്ണനീയം❣️❣️ ആശ്രിതവത്സലനായ ഭഗവാനേ, എന്നും അവിടുത്തെ തൃപ്പാദത്തിൽ മനസ്സുറപ്പിച്ചു നിർത്താൻ അനുഗ്രഹിക്കണേ തമ്പുരാനേ🙏🙏🙏 ഹരേ കൃഷ്ണ 🙏🙏🙏
ഹരേ നവനീത കൃഷ്ണ പാഹി പാഹി ഹരേകൃഷ്ണാ🍁🙏🙏🙏

30/05/2026

#ഹനുമാൻ സ്വാമിയും #ശനീശ്വരനും
ഹിന്ദു വിശ്വാസപ്രകാരം ഹനുമാൻ സ്വാമിയും ശനിദേവനും തമ്മിൽ സവിശേഷമായ ഒരു ബന്ധമുണ്ട്. ശനിദോഷത്തിന്റെ കാഠിന്യം കുറയ്ക്കാൻ ഹനുമാൻ ആരാധനയോളം മികച്ച മറ്റൊന്നില്ലെന്നാണ് കരുതപ്പെടുന്നത്.

​ഇതിനെക്കുറിച്ച് നിലവിലുള്ള ചില പ്രധാന കാര്യങ്ങൾ താഴെ നൽകുന്നു:

​1. എന്തുകൊണ്ട് ഹനുമാൻ ആരാധന?

​പുരാണങ്ങൾ അനുസരിച്ച്, ലങ്കാദഹന സമയത്ത് രാവണന്റെ തടവിലായിരുന്ന ശനിദേവനെ ഹനുമാൻ മോചിപ്പിക്കുകയുണ്ടായി. ഇതിൽ പ്രീതനായ ശനിദേവൻ, ഹനുമാൻ ഭക്തരെ താൻ ഒരിക്കലും ഉപദ്രവിക്കില്ലെന്ന് വാക്ക് നൽകിയതായാണ് ഐതിഹ്യം. അതിനാൽ ശനിദോഷം അനുഭവിക്കുന്നവർ ഹനുമാനെ ഭജിക്കുന്നത് ഗുണകരമാണ്.
🙏🌹🙏

30/05/2026

കൊഴിഞ്ഞംപാറ ഫെസ്റ്റ്

30/05/2026

കൊട്ടിയൂരിലെ ആ 'വെഞ്ചാമരം' പോലെ തിളങ്ങുന്ന ഓടപ്പൂക്കൾ! ഇതിനു പിന്നിലെ ഐതിഹ്യവും ദോഷപരിഹാരങ്ങളും അറിയാമോ?
ക്ഷേത്രമില്ലാ ക്ഷേത്രമായ കണ്ണൂരിലെ അക്കരെ കൊട്ടിയൂരിൽ വൈശാഖ മഹോത്സവത്തിന് തുടക്കമായിക്കഴിഞ്ഞു! ബാവലിപ്പുഴയുടെ തീരത്ത് നെയ്യാട്ടത്തിന്റെ പുണ്യം നിറയുമ്പോൾ ഭക്തർ ഏറെ ഭക്തിയോടെ പ്രസാദമായി വാങ്ങി സൂക്ഷിക്കുന്ന ഒന്നാണ് #ഓടപ്പൂവ്'
ആനപ്പുറത്ത് വീശുന്ന വെഞ്ചാമരം പോലെ മനോഹരമായ ഈ ഓടപ്പൂക്കൾ വെറുമൊരു അലങ്കാരമല്ല, മറിച്ച് വലിയൊരു ഐശ്വര്യത്തിന്റെ പ്രതീകമാണ്!
എന്താണ് ഓടപ്പൂവിന് പിന്നിലെ ഐതിഹ്യം
ശിവനിന്ദ നടത്തിയ ദക്ഷന്റെ യാഗശാല തകർത്ത വീരഭദ്രൻ, യാഗാചാര്യനായ ഭൃഗുമുനിയുടെ താടി പറിച്ചെറിഞ്ഞു എന്നാണ് വിശ്വാസം. അങ്ങനെ തിരുവൻചിറയിൽ വന്നു വീണ ഭൃഗുമുനിയുടെ താടിയാണ് പിന്നീട് 'ഓടപ്പൂവ്' ആയി മാറിയത്. യാഗസ്മരണ പുതുക്കാനാണ് ഭക്തർ ഇന്നും ഇത് വീട്ടിലേക്ക് കൊണ്ടുപോകുന്നത്.
വീട്ടിൽ ഓടപ്പൂവ് സൂക്ഷിച്ചാലുള്ള ഗുണങ്ങൾ:
വിധിപ്രകാരം വീടിന്റെയോ വ്യാപാര സ്ഥാപനങ്ങളുടെയോ പ്രധാന വാതിലിന് മുന്നിൽ ഓടപ്പൂവ് സ്ഥാപിക്കുന്നത് വഴി:
വാസ്തു ദോഷം മാറുന്നു.
ശനി ദോഷം, ഗുളിക ദോഷം എന്നിവയകറ്റുന്നു.
രാഹു-കേതു ദോഷങ്ങൾ ഇല്ലാതാക്കി കുടുംബത്തിൽ ഐശ്വര്യവും സമൃദ്ധിയും കൊണ്ടുവരുന്നു.
വയനാടൻ മലനിരകളിൽ നിന്നുള്ള ഈറ്റ പ്രത്യേക രീതിയിൽ ചതച്ച് ചീകിയെടുത്താണ് ഭക്തിയുടെ ഈ വെൺമയാർന്ന പൂക്കൾ നിർമ്മിക്കുന്നത്.

29/05/2026

ഗരുഡ പഞ്ചാക്ഷരി മന്ത്രം: വിഷഭയങ്ങൾ അകറ്റാനും സർപ്പദോഷങ്ങൾ മാറാനും അതിശക്തമായ മന്ത്രം! 🦅✨
മഹാവിഷ്ണുവിന്റെ വാഹനവും പരമഭക്തനുമായ ഗരുഡ ഭഗവാനെ ഉപാസിക്കുന്നതിനുള്ള അഞ്ചക്ഷരങ്ങൾ അടങ്ങിയ അതിശക്തമായ മന്ത്രമാണ് 'ഗരുഡ പഞ്ചാക്ഷരി മന്ത്രം'. സർപ്പദോഷങ്ങളിൽ നിന്ന് മുക്തി നേടാനും രോഗശാന്തിക്കും ഭയനിവാരണത്തിനും ഈ മന്ത്രം അത്യുത്തമമാണ്. 🙏
🕉️ പ്രധാന മന്ത്രം:
"ഓം ക്ഷിപ ഓം സ്വാഹാ"
(ചില സമ്പ്രദായങ്ങളിൽ "ക്ഷിപ ഓം സ്വാഹാ" എന്ന് മാത്രമായും ജപിക്കാറുണ്ട്. ഇതിൽ 'ക്ഷിപ' എന്നത് ഗരുഡന്റെ പ്രതീകാത്മകമായ ബീജാക്ഷരമാണ്).
✨ ഈ മന്ത്രം ജപിക്കുന്നതിലൂടെയുള്ള പ്രധാന ഗുണങ്ങൾ:
🐍 സർപ്പദോഷ നിവാരണം: ജാതകത്തിലെ രാഹു-കേതു ദോഷങ്ങൾ, കാളസർപ്പ ദോഷം എന്നിവ മൂലമുള്ള തടസ്സങ്ങൾ മാറാൻ ഈ മന്ത്രജപം അതിവിശേഷമാണ്.
🛡️ വിഷഭയ മോചനം: പണ്ടുകാലം മുതൽക്കേ പാമ്പ്, മറ്റ് വിഷജന്തുക്കൾ എന്നിവയെക്കുറിച്ചുള്ള ഭയത്തിൽ നിന്നും വിഷബാധകളിൽ നിന്നും രക്ഷനേടാൻ ഭക്തിപൂർവ്വം ഈ മന്ത്രം ജപിച്ചുപോരുന്നു.
💪 മാനസിക ധൈര്യവും സംരക്ഷണവും: അനാവശ്യമായ ഭയവും ഉത്കണ്ഠയും അകറ്റി മനസ്സിന് അത്യപൂർവ്വമായ ദൃഢതയും ആത്മവിശ്വാസവും നൽകാൻ ഗരുഡ ഉപാസന സഹായിക്കും.
🌿 രോഗശാന്തി: മാറാവ്യാധികളിൽ നിന്നും ശാരീരിക അസ്വസ്ഥതകളിൽ നിന്നും മോചനം നേടാൻ ഈ മന്ത്രം ജപിക്കുന്നത് ഉത്തമമാണെന്നാണ് വിശ്വാസം.
📿 ജപിക്കേണ്ട രീതി:
രാവിലെ കുളിച്ച് ശരീര ശുദ്ധിയോടെ, കിഴക്കോട്ടോ പടിഞ്ഞാറോട്ടോ തിരിഞ്ഞിരുന്ന് വേണം ജപിക്കാൻ.
വിഷ്ണു പൂജയോടൊപ്പമോ ഗരുഡ ഭഗവാനെ മനസ്സിൽ പൂർണ്ണമായി ധ്യാനിച്ചുകൊണ്ടോ ജപിക്കാം.
പതിവായി 108 തവണ ജപിക്കുന്നത് മികച്ച ഫലം നൽകും.
(ശ്രദ്ധിക്കുക: ഏതൊരു മന്ത്രവും പൂർണ്ണമായ ഭക്തിയോടും ശുദ്ധിയോടും കൂടി ജപിക്കുമ്പോഴാണ് അതിന്റെ ഗുണം പൂർണ്ണമായി ലഭിക്കുക).
ഓം നമോ ഭഗവതേ വാസുദേവായ 🌺

29/05/2026

29/05/2026

അര്‍ജുനന്റെ പത്ത് നാമങ്ങള്‍
പേടിസ്വപ്നം കണ്ടാലോ ,രാത്രികാല സഞ്ചാരത്തിനിടയില്‍ ഭയം ഉളവായാലോ പണ്ടുകാലത്ത് മുത്തശ്ശിമാര്‍ കുട്ടികളോട് പറയുമായിരുന്നു “അര്‍ജുനന്റെ പത്ത് നാമങ്ങള്‍ ചൊല്ലിയാല്‍ മതി”യെന്ന് ..
പഞ്ചപാണ്ഡവരില്‍ മൂന്നാമനും വില്ലാളിവീരനും ഭഗവാന്‍ ശ്രീകൃഷ്ണന്റെ ഇഷ്ടസഖാവുമായ അര്‍ജുനന്റെ പത്തുപേരുകള്‍ യഥാക്രമം..
1 : അര്‍ജ്ജുനന്‍
2 : ഫല്‍ഗുനന്‍
3 : പാര്‍ത്ഥന്‍
4: കിരീടി
5 : വിജയന്‍
6 : ശ്വേതാശ്വന്‍
7: ജിഷ്ണു
8 : ധനഞ്ജയന്‍
9: സവ്യസാചി
10: ബീഭത്സു
വെളുത്ത നിറമായതിനാല്‍ ‘അര്‍ജ്ജുനന്‍’ എന്നും ഫാല്‍ഗുനമാസത്തില്‍ ഫാല്‍ഗുനനക്ഷത്രത്തില്‍ (ഉത്രം) ജനിച്ചതിനാല്‍ ‘ഫല്‍ഗുനന്‍ ‘എന്നും പൃഥ (കുന്തി)യുടെ പുത്രനായതിനാല്‍ ‘പാര്‍ത്ഥന്‍ ‘ എന്നും അസുരനാശം വരുത്തിയപ്പോള്‍ പിതാവായ ഇന്ദ്രന്‍ ദേവകിരീടം ശിരസ്സില്‍ അണിയിച്ചതിനാല്‍ ‘കിരീടി ‘എന്നും എപ്പോഴും വിജയം വരിക്കുന്നതിനാല്‍ ‘വിജയന്‍ ‘എന്നും വെള്ളകുതിരകളെ കെട്ടിയ രഥമുള്ളവനായതിനാല്‍ ‘ശ്വേതാശ്വന്‍ ‘എന്നും ഖാണ്ഡവദാഹത്തില്‍ ജിഷ്ണു (ഇന്ദ്രന്‍ )വിനെ ജയിച്ചതിനാല്‍ ‘ജിഷ്ണു ‘എന്നും അശ്വമേധയാഗത്തിന് ഉത്തരദിക്കില്‍നിന്നും ധാരാളം ധനം കൊണ്ടുവന്നതിനാല്‍ ‘ധനഞ്ജയന്‍ ‘എന്നും രണ്ടുകൈകള്‍കൊണ്ടും അസ്ത്രങ്ങള്‍ അയക്കുന്നതിനാല്‍ ‘സവ്യസാചി ‘ എന്നും യുദ്ധത്തില്‍ ഭീകരനായതിനാല്‍ ‘ബീഭത്സു’എന്നും അര്‍ജ്ജുനനു പേര് ലഭിച്ചു …
അര്‍ജുനന്‍ ,ഫല്‍ഗുനന്‍, പാര്‍ഥന്‍, വിജയനും വിശ്രുതമായ പേര്‍ പിന്നെ കിരീടിയും ,ശ്വേതശ്വനെന്നും ധനഞ്ജയന്‍ ജിഷ്ണുവും ബീഭത്സുവും സവ്യസാചിയും ഞാനെടോ. പത്തു നാമങ്ങളും ഭക്ത്യാ ജപിക്കിലോ നിത്യ ഭയങ്ങള്‍ അകന്നു പോം നിര്‍ണ്ണയം..