Our Pattikkad

24/06/2026

തീർച്ചയായും വേണം 👍

#പട്ടിക്കാട് ബസാർ റോഡിൽ ഫുട്പാത്തും കോൺക്രീറ്റിംഗും വേണമെന്ന് നാട്ടുകാർ:-

പട്ടിക്കാട്: നിരവധി വിദ്യാർഥികളും കാൽനട യാത്രക്കാരും ദിവസേന ആശ്രയിക്കുന്ന പട്ടിക്കാട് ബസാർ റോഡിൽ സുരക്ഷിതമായ യാത്രാസൗകര്യം ഉറപ്പാക്കാൻ ഫുട്പാത്ത് നിർമ്മിക്കുകയും റോഡിന്റെ ഇരുവശങ്ങളും കോൺക്രീറ്റ് ചെയ്യുകയും വേണമെന്ന് നാട്ടുകാർ ആവശ്യപ്പെട്ടു.

പട്ടിക്കാട് മുതൽ പഞ്ചായത്ത്‌ വരെയുള്ള റോഡിന്റെ ഇരുവശങ്ങളിലും വാഹനങ്ങൾ അനിയന്ത്രിതമായി പാർക്ക് ചെയ്യുന്നത് വിദ്യാർഥികൾക്കും കാൽനട യാത്രക്കാർക്കും വലിയ ബുദ്ധിമുട്ടുണ്ടാക്കുന്നുവെന്നാണ് പരാതി. പാർക്ക് ചെയ്ത വാഹനങ്ങൾ കാരണം പലപ്പോഴും വിദ്യാർഥികൾ റോഡിലൂടെയാണ് നടക്കേണ്ടിവരുന്നത്. ഇത് അപകടസാധ്യത വർധിപ്പിക്കുന്നതായും നാട്ടുകാർ ചൂണ്ടിക്കാട്ടുന്നു.

സ്കൂൾ പരിസരത്ത് ചെറിയ ഭാഗത്ത് മാത്രമാണ് നിലവിൽ ഫുട്പാത്ത് ഉള്ളത്. റോഡിന്റെ മറ്റ് ഭാഗങ്ങളിൽ ഫുട്പാത്ത് സൗകര്യമില്ലാത്തത് വിദ്യാർഥികൾ ഉൾപ്പെടെയുള്ള യാത്രക്കാരെ ദുരിതത്തിലാക്കുകയാണ്. മഴക്കാലത്ത് സ്ഥിതി കൂടുതൽ ദുഷ്‌കരമാകുന്നതായും പ്രദേശവാസികൾ പറയുന്നു.

റോഡിന്റെ ഇരുവശങ്ങളും കോൺക്രീറ്റ് ചെയ്ത് ഫുട്പാത്ത് നിർമ്മിക്കുന്നതിനൊപ്പം അനധികൃത പാർക്കിംഗ് നിയന്ത്രിക്കുന്നതിനും ബന്ധപ്പെട്ട അധികൃതർ അടിയന്തര നടപടി സ്വീകരിക്കണമെന്നാണ് നാട്ടുകാരുടെയും രക്ഷിതാക്കളുടെയും ആവശ്യം. വിദ്യാർഥികളുടെ സുരക്ഷ മുൻനിർത്തി പ്രശ്നത്തിന് ശാശ്വത പരിഹാരം കാണണമെന്ന ആവശ്യവും ശക്തമാകുകയാണ്.

🅜︎ 🅝︎🅔︎🅦︎🅢︎
7356766336

Whatsapp link 👇

https://chat.whatsapp.com/L5RqTeXc5bV3Hg3mVRZB8s?s=cl&p=a&mlu=4

Youtube link 👇

https://www.youtube.com/

05/06/2026

01/06/2026

100% സത്യം, ഒല്ലൂർ മുതൽ കൊടുങ്ങല്ലൂർ വരെ, നോക്കിയാൽ ഇവിടെ kg 25-30 വരെ വില അധികമാണ്.

#കോഴിയിറച്ചി വില വ്യത്യാസം: പട്ടിക്കാടിൽ ഹോട്ടൽ മേഖല ആശങ്കയിൽ:-

പട്ടിക്കാട് മേഖലയിൽ കോഴിയിറച്ചിയുടെ ഉയർന്ന വില ഹോട്ടൽ ഉടമകളെയും ഉപഭോക്താക്കളെയും ഒരുപോലെ ആശങ്കയിലാഴ്ത്തുന്നു. സമീപ പ്രദേശങ്ങളായ മണ്ണുത്തി ഉൾപ്പെടെയുള്ള സ്ഥലങ്ങളുമായി താരതമ്യം ചെയ്യുമ്പോൾ പട്ടിക്കാട്ടിൽ കോഴിയിറച്ചിക്ക് കിലോയ്ക്ക് ഏകദേശം 24 രൂപയുടെ അധിക വിലയുണ്ടെന്നാണ് ഹോട്ടൽ ഉടമകളും നാട്ടുകാരും പറയുന്നത്.
വാണിജ്യ എൽപിജി സിലിണ്ടറിന്റെ വിലയും അടുത്തിടെ വർധിച്ച സാഹചര്യത്തിൽ ഹോട്ടൽ നടത്തിപ്പിനുള്ള ചെലവ് ഗണ്യമായി ഉയർന്നിട്ടുണ്ട്. പട്ടിക്കാടിൽ നിന്ന് തന്നെ കോഴിയിറച്ചി വാങ്ങി ഭക്ഷണം തയ്യാറാക്കുകയാണെങ്കിൽ ഒരു പ്ലേറ്റ് ബിരിയാണിയുടെ വില 190 രൂപയെങ്കിലും ഈടാക്കേണ്ടി വരുമെന്നാണ് ചില ഹോട്ടൽ ഉടമകൾ പറയുന്നത്.
ഇതേത്തുടർന്ന് പല ഹോട്ടലുകളും കുറഞ്ഞ വിലയ്ക്ക് കോഴിയിറച്ചി ലഭിക്കുന്ന മണ്ണുത്തി പോലുള്ള സ്ഥലങ്ങളെയാണ് ആശ്രയിക്കുന്നത്. മണ്ണുത്തിയിൽ നിന്ന് നേരിട്ട് ഹോട്ടലുകളിലേക്ക് കോഴിയിറച്ചി എത്തിച്ചു നൽകുന്ന വിതരണക്കാരും പ്രവർത്തിക്കുന്നതിനാൽ ഹോട്ടൽ ഉടമകൾക്ക് അത് കൂടുതൽ പ്രായോഗികമായ മാർഗമായി മാറിയിരിക്കുകയാണ്.
അവശ്യസാധനങ്ങളുടെ വിലക്കയറ്റവും ഇന്ധനച്ചെലവിലെ വർധനവും ഭക്ഷ്യവ്യാപാര മേഖലയെ സമ്മർദത്തിലാക്കുന്ന സാഹചര്യത്തിൽ, പ്രാദേശിക വിപണിയിലെ വില വ്യത്യാസം നിയന്ത്രിക്കാൻ ബന്ധപ്പെട്ട അധികൃതർ ഇടപെടണമെന്നാണ് ഹോട്ടൽ ഉടമകളുടെയും ഉപഭോക്താക്കളുടെയും ആവശ്യം.

🅜︎ 🅝︎🅔︎🅦︎🅢︎
7356766336

Whatsapp link 👇

https://chat.whatsapp.com/L5RqTeXc5bV3Hg3mVRZB8s?s=cl&p=a&mlu=4

Youtube link 👇

https://www.youtube.com/

21/05/2026

*കേരളത്തിലെ രണ്ടാമത്തെ യുഐഡിഎഐ ആധാര്‍ സേവാ കേന്ദ്രം തൃശ്ശൂരില്‍*

യൂണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയുടെ (യുഐഡിഎഐ) പുതിയ ആധാര്‍ സേവാ കേന്ദ്രം (എ എസ് കെ) തൃശ്ശൂര്‍ പാട്ടുരായ്ക്കലില്‍ പ്രവര്‍ത്തനമാരംഭിച്ചു. ജില്ലാ കളക്ടര്‍ ശിഖ സുരേന്ദ്രന്‍ ആധാര്‍ സേവാ കേന്ദ്രത്തിന്റെ ഉദ്ഘാടനം നിര്‍വ്വഹിച്ചു. കേന്ദ്രം സ്ഥാപിക്കുന്നതിനായി കേരളത്തിലെ രണ്ടാമത്തെ സ്ഥലമായി തൃശ്ശൂരിനെ തിരഞ്ഞെടുത്തതിന് ജില്ലാ കളക്ടര്‍ യുഐഡിഎഐയ്ക്ക് നന്ദി രേഖപ്പെടുത്തി. ജില്ലയിലുടനീളം ആധാറും അനുബന്ധ സേവനങ്ങളും പ്രോത്സാഹിപ്പിക്കുന്നതിന് ജില്ലാ ഭരണകൂടത്തിന്റെ പിന്തുണ ഉറപ്പുനല്കുകയും ചെയ്തു.

പൊതുജനങ്ങള്‍ക്ക് തടസ്സമില്ലാത്ത ആധാര്‍ അനുബന്ധ സേവനങ്ങള്‍ ലഭ്യമാക്കുന്നതിനായി എട്ട്തരം സൗകര്യങ്ങളോടെയാണ് കേന്ദ്രം സജ്ജീകരിച്ചിരിച്ചിട്ടുള്ളത്. പുതിയ ആധാര്‍ എന്റോള്‍മെന്റ്, ഡെമോഗ്രാഫിക്-ബയോമെട്രിക് പുതുക്കലുകള്‍, പിശക് തിരുത്തല്‍, പരാതി പരിഹാര സേവനങ്ങള്‍ എന്നിവയെല്ലാം ഒരു കുടകീഴില്‍ സാധ്യമാക്കുകയാണ് ആധാര്‍ സേവാ കേന്ദ്രത്തിന്റെ ലക്ഷ്യം. ആധാര്‍ സേവാ കേന്ദ്രങ്ങള്‍ നേരിട്ട് പ്രവര്‍ത്തിപ്പിക്കുന്നത് യുഐഡിഎഐയായാണ്. വീല്‍ചെയര്‍ സൗകര്യം, സൗകര്യപ്രദമായ ശുചിമുറികള്‍, സമര്‍പ്പിത പരാതി പരിഹാര സംവിധാനം തുടങ്ങിയ സൗകര്യങ്ങളോടെ ജനസൗഹൃദപരവുമായ രീതിയിലാണ് കേന്ദ്രങ്ങള്‍ രൂപകല്‍പ്പന ചെയ്തിരിക്കുന്നത്.

സംസ്ഥാനത്ത് എറണാകുളം ജില്ലയിലാണ് ആദ്യ യുഐഡിഎഐ ആധാര്‍ സേവാ കേന്ദ്രം ആരംഭിച്ചത്. വരും മാസങ്ങളില്‍ കേരളത്തിലെ ശേഷിക്കുന്ന ജില്ലകളില്‍ ആരംഭിക്കുമെന്നും, 2026 സെപ്റ്റംബറോടെ കേരളത്തിലെ മൊത്തം ആധാര്‍ സേവാ കേന്ദ്രങ്ങളുടെ എണ്ണം 14 ആയി ഉയര്‍ത്തുമെന്നും യുഐഡിഎഐ തിരുവനന്തപുരം സ്റ്റേറ്റ് ഓഫീസ് ഡയറക്ടര്‍ വിനോദ് ജേക്കബ് ജോണ്‍ പറഞ്ഞു.

ഉദ്ഘാടന ചടങ്ങില്‍ യുഐഡിഎഐ റീജിയണല്‍ ഓഫീസ് ബെംഗളൂരു, യുഐഡിഎഐ സ്റ്റേറ്റ് ഓഫീസ് തിരുവനന്തപുരം, പ്രസ് ഇന്‍ഫര്‍മേഷന്‍ ബ്യൂറോ, ആകാശവാണി, ദൂരദര്‍ശന്‍, സേവനദാതാവായ മെസ്സേഴ്‌സ് പ്രോട്ടീന്‍ ഇ-ഗവ് ടെക്‌നോളജീസ് എന്നിവയുടെ പ്രതിനിധികള്‍, ആധാര്‍ സേവാ കേന്ദ്രത്തിലെ ജീവനക്കാര്‍ ഉള്‍പ്പെടെയുള്ളവര്‍ പങ്കെടുത്തു.

യുഐഡിഎഐ ആധാര്‍ അപ്പോയിന്‍മെന്റ് പോര്‍ട്ടലായ https://bookappointment.uidai.gov.in/ സന്ദര്‍ശിച്ച് പൊതുജനങ്ങള്‍ക്ക് എഎസ്‌കെ-യിലെ ആധാര്‍ സേവനങ്ങള്‍ക്കായി ഓണ്‍ലൈനായി അപ്പോയിന്‍മെന്റുകള്‍ ബുക്ക് ചെയ്യാം. അഞ്ച് മുതല്‍ 17 വയസ്സ് വരെ പ്രായമുള്ള കുട്ടികള്‍ക്കായുള്ള നിര്‍ബന്ധിത ബയോമെട്രിക് പുതുക്കലുകള്‍ 2026 സെപ്റ്റംബര്‍ വരെ സൗജന്യമായി നല്‍കും. ഈ സൗകര്യം ആധാര്‍ സേവാ കേന്ദ്രങ്ങളിലും സ്‌കൂള്‍ ക്യാമ്പുകള്‍ വഴിയും ലഭ്യമാണ്.

13/04/2026

സംസ്ഥാനത്ത് ഉയർന്ന ചൂട് റിപ്പോർട്ട് ചെയ്യപ്പെടുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി പുറപ്പെടുവിക്കുന്ന ജാഗ്രത നിർദേശങ്ങൾ.

ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകും. ആയതിനാൽ പൊതുജനങ്ങൾ താഴെ പറയുന്ന നിർദേശങ്ങൾ പാലിക്കേണ്ടതാണ്.

* പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.

* ദാഹമില്ലെങ്കിലും വെള്ളം കുടിക്കുന്നത് തുടരുക. പരമാവധി ശുദ്ധജലം കുടിക്കുക.

* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.

* അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക.

* പുറത്തിറങ്ങുമ്പോൾ പാദരക്ഷകൾ ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും.

* പഴങ്ങളും പച്ചക്കറികളും ധാരാളമായി കഴിക്കുക. ORS ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക.

* മാർക്കറ്റുകൾ, കെട്ടിടങ്ങൾ, മാലിന്യശേഖരണ-നിക്ഷേപ കേന്ദ്രങ്ങൾ (ഡംപിങ് യാർഡ്) തുടങ്ങിയ ഇടങ്ങളിൽ തീപിടുത്തങ്ങൾ വർധിക്കാനും വ്യാപിക്കാനുമുള്ള സാധ്യത കൂടുതലാണ്. ഫയർ ഓഡിറ്റ് നടത്തേണ്ടതും കൃത്യമായ സുരക്ഷാ മുൻകരുതൽ സ്വീകരിക്കുകയും ചെയ്യേണ്ടതാണ്. ഇവയോട് ചേർന്ന് താമസിക്കുന്നവരും സ്ഥാപനങ്ങൾ നടത്തുന്നവരും പ്രത്യേകം ജാഗ്രത പാലിക്കുക.

* ചൂട് അധികരിക്കുന്ന സാഹചര്യത്തിൽ കാട്ടുതീ വ്യാപിക്കാനുള്ള സാധ്യതയുണ്ട്. വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങൾ ഒഴിവാക്കണം. വനം വകുപ്പിൻറെ നിർദേശങ്ങൾ കർശനമായി പാലിക്കണം.

* വിദ്യാഭ്യാസ സ്ഥാപനങ്ങളിൽ വിദ്യാർഥികൾക്ക് ശുദ്ധമായ കുടിവെള്ളവും ക്ലാസ്സ് മുറികളിൽ വായു സഞ്ചാരവും ഉറപ്പാക്കേണ്ടതാണ്. പരീക്ഷാക്കാലമായാൽ പരീക്ഷാഹാളുകളിലും ജലലഭ്യത ഉറപ്പാക്കണം.

* വിദ്യാർഥികളുടെ കാര്യത്തിൽ സ്കൂള്‍ അധിക‍ൃതരും രക്ഷിതാക്കളും പ്രത്യേകശ്രദ്ധ പുലര്‍ത്തേണ്ടതാണ്. കുട്ടികൾക്ക് കൂടുതൽ വെയിലേൽക്കുന്ന അസംബ്ലികളും മറ്റ് പരിപാടികളും ഒഴിവാക്കുകയോ സമയക്രമീകരണം നടത്തുകയോ ചെയ്യേണ്ടതാണ്. കുട്ടികളെ വിനോദ സഞ്ചാരത്തിന് കൊണ്ടുപോകുന്ന സ്കൂളുകള്‍ 11 am മുതല്‍ 3 pm വരെ കുട്ടികള്‍ക്ക് നേരിട്ട് ചൂട് ഏല്‍ക്കുന്നില്ല എന്ന് ഉറപ്പ് വരുത്തുക.

* അംഗനവാടി കുട്ടികൾക്ക് ചൂട് ഏൽക്കാത്ത തരത്തിലുള്ള സംവിധാനം നടപ്പാക്കാൻ അതാത് പഞ്ചായത്ത്‌ അധികൃതരും അംഗനവാടി ജീവനക്കാരും പ്രത്യേകം ശ്രദ്ധിക്കണം.

* കിടപ്പ് രോഗികൾ, പ്രായമായവർ, ഗർഭിണികൾ, കുട്ടികൾ, ഭിന്നശേഷിക്കാർ, മറ്റ് രോഗങ്ങൾ മൂലമുള്ള അവശത അനുഭവിക്കുന്നവർ തുടങ്ങിയ വിഭാഗങ്ങൾ പകൽ 11 മണി മുതൽ 3 മണി വരെ നേരിട്ട് സൂര്യപ്രകാശം ഏൽക്കാതെയിരിക്കാൻ പ്രത്യേകം ശ്രദ്ധിക്കണം. ഇത്തരം വിഭാഗങ്ങൾക്ക് എളുപ്പത്തിൽ സൂര്യാഘാതം ഏൽക്കാനുള്ള സാധ്യതയുള്ളതിനാൽ ഇവരുടെ കാര്യത്തിൽ പ്രത്യേക ശ്രദ്ധ പുലർത്തേണ്ടതാണ്.

* ഇരുചക്ര വാഹനങ്ങളിൽ ഓൺലൈൻ ഭക്ഷണ വിതരണം നടത്തുന്നവർ ഉച്ച സമയത്ത് (11 am to 3 pm) സുരക്ഷിതരാണെന്ന് അതാത് സ്ഥാപനങ്ങൾ ഉറപ്പുവരുത്തേണ്ടതാണ്. അവർക്കു ചൂട് ഏൽക്കാതിരിക്കാൻ ഉതകുന്ന രീതിയിലുള്ള വസ്ത്രധാരണം നടത്താൻ നിർദേശം നൽകുകയും, അതുപോലെ, ആവശ്യമെങ്കിൽ യാത്രക്കിടയിൽ അല്പസമയം വിശ്രമിക്കാനുള്ള അനുവാദം നൽകുകയും ചെയ്യേണ്ടതാണ്.

* മാധ്യമപ്രവർത്തകരും പോലീസ് ഉദ്യോഗസ്ഥരും ഈ സമയത്ത് (11 am to 3 pm) കുടകൾ ഉപയോഗിക്കുകയും നേരിട്ട് വെയിൽ ഏൽക്കാതിരിക്കാൻ ശ്രദ്ധിക്കുകയും ചെയ്യുക. ജോലിയിൽ ഏർപ്പെട്ടിരിക്കുന്ന ഉദ്യോഗസ്ഥർക്കു കുടിവെള്ളം നൽകി നിർജലീകരണം തടയുവാൻ സഹായിക്കുക.

* പൊതുപരിപാടികൾ, സമ്മേളനങ്ങൾ എന്നിവ നടത്തുമ്പോൾ പങ്കെടുക്കുന്നവർക്ക് ആവശ്യമായ കുടിവെള്ളം, തണൽ എന്നിവ ലഭ്യമാണെന്ന് സംഘാടകർ ഉറപ്പുവരുത്തുക. പകൽ 11 മുതല്‍ വൈകുന്നേരം 3 വരെ കഴിവതും സമ്മേളനങ്ങൾ ഒഴിവാക്കുക.

* യാത്രയിലേർപ്പെടുന്നവർ ആവശ്യമായ വിശ്രമത്തോടെ യാത്ര തുടരുന്നതാകും നല്ലത്. വെള്ളം കയ്യിൽ കരുതുക.

* നിർമാണത്തൊഴിലാളികൾ, കർഷകത്തൊഴിലാളികൾ, വഴിയോരക്കച്ചവടക്കാർ, മറ്റേതെങ്കിലും കാഠിന്യമുള്ള ജോലികളിൽ ഏർപ്പെടുന്നവർ എന്നിവർ ജോലി സമയം ക്രമീകരിക്കുക. ജോലിയിൽ ആവശ്യമായ വിശ്രമം ഉറപ്പ് വരുത്തുക.

* ഉച്ചവെയിലിൽ കന്നുകാലികളെ മേയാൻ വിടുന്നതും മറ്റു വളർത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം. മൃഗങ്ങൾക്കും പക്ഷികൾക്കും ജല ലഭ്യത ഉറപ്പാക്കുക.

* കുട്ടികളെയോ വളർത്തുമൃഗങ്ങളെയോ പാർക്ക് ചെയ്ത വാഹനങ്ങളിൽ ഇരുത്തി പോകാൻ പാടില്ല.

* ജലം പാഴാക്കാതെ ഉപയോഗിക്കാനും മഴ ലഭിക്കുമ്പോൾ പരമാവധി ജലം സംഭരിക്കാനുമുള്ള നടപടികൾ സ്വീകരിക്കണം. നിര്‍ജലീകരണം തടയാന്‍ കുടിവെള്ളം എപ്പോഴും ഒരു ചെറിയ കുപ്പിയില്‍ കയ്യില്‍ കരുതുക.

* അസ്വസ്ഥകൾ അനുഭവപ്പെട്ടാൽ ഉടനെ വിശ്രമിക്കുകയും വൈദ്യസഹായം തേടുകയും ചെയ്യുക.

* കാലാവസ്ഥ വകുപ്പിൻ്റെയും ദുരന്ത നിവാരണ അതോറിറ്റിയുടെയും ഔദ്യോഗിക മുന്നറിയിപ്പുകൾ ശ്രദ്ധിക്കുകയും അനുസരിക്കുകയും ചെയ്യുക.

പുറപ്പെടുവിച്ച സമയം 11.00 AM- 13/04/2026

KSEOC-KSDMA

13/04/2026

.EARTH ചാർജിങ് സ്പോട്ട് പട്ടിക്കാട്

ഇലക്ട്രിക് ടൂവീലർ ഉപഭോക്താക്കൾക്ക് സുവർണ്ണ അവസരവുമായി പട്ടിക്കാട് പുതിയ ചാർജിങ് സ്പോട്ട് ആരംഭിച്ചു. ആദ്യമായി റീച്ചാർജ് ചെയ്യുന്നവർക്ക് വാലറ്റിൽ ₹50 ക്രെഡിറ്റ് ലഭിക്കുന്ന പ്രത്യേക ഓഫറും ഒരുക്കിയിട്ടുണ്ട്.
എല്ലാവിധ ഇലക്ട്രിക് ടൂവീലറുകൾക്കും അനുയോജ്യമായ രീതിയിൽ 24 മണിക്കൂറും ചാർജിങ് സൗകര്യം ഇവിടെ ലഭ്യമാണ്. ഉപഭോക്താക്കളുടെ സൗകര്യം മുൻനിർത്തിയാണ് സംവിധാനങ്ങൾ ഒരുക്കിയിരിക്കുന്നത്.
പീച്ച് റോഡിൽ നിന്ന് സിറ്റി ഗാർഡനിലേക്ക് പോകുന്ന വഴിയിൽ വലതുവശത്താണ് ചാർജിങ് സ്പോട്ട് സ്ഥിതിചെയ്യുന്നത്.
ഇലക്ട്രിക് വാഹന ഉപഭോക്താക്കൾക്ക് ഏറെ ഉപകാരപ്രദമാകുന്ന ഈ സംവിധാനം പ്രദേശത്ത് വലിയ ശ്രദ്ധ നേടുകയാണ്. ⚡🔋

13/04/2026

👍👍

#പാണഞ്ചേരി പഞ്ചായത്തിൽ സിസിടിവികൾ പ്രവർത്തനരഹിതം: നടപടി ആവശ്യപ്പെട്ട് പരാതി:-

പാണഞ്ചേരി ഗ്രാമപഞ്ചായത്തിലെ വിവിധ പ്രദേശങ്ങളിൽ സ്ഥാപിച്ചിട്ടുള്ള സിസിടിവി ക്യാമറകൾ പ്രവർത്തനരഹിതമായതായി പരാതി. ലക്ഷങ്ങൾ ചെലവഴിച്ച് സ്ഥാപിച്ച സംവിധാനങ്ങൾ പ്രവർത്തിക്കാതിരിക്കുന്നത് സുരക്ഷാ സംവിധാനത്തെ തന്നെ ബാധിക്കുന്നതാണെന്ന ആശങ്ക ഉയർന്നിട്ടുണ്ട്.
സിസിടിവികൾ പുനഃസ്ഥാപിച്ച് പ്രവർത്തനക്ഷമമാക്കണമെന്നാവശ്യപ്പെട്ട് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വിനോദ് തേനം പറമ്പിൽ ബന്ധപ്പെട്ട അധികൃതർക്ക് പരാതി നൽകി.
പൊതുസുരക്ഷ ഉറപ്പാക്കുന്നതിനും കുറ്റകൃത്യങ്ങൾ നിയന്ത്രിക്കുന്നതിനും സിസിടിവി സംവിധാനങ്ങൾ അത്യന്താപേക്ഷിതമാണെന്ന് ചൂണ്ടിക്കാട്ടിയ അദ്ദേഹം, പ്രശ്നം അടിയന്തിരമായി പരിഹരിക്കണമെന്നും ആവശ്യപ്പെട്ടു.

🅜︎ 🅝︎🅔︎🅦︎🅢︎
7356866336

Whatsapp link 👇

https://chat.whatsapp.com/Bkof2UXNCGF23q0MISEwZw

Youtube link 👇

https://www.youtube.com/

02/04/2026

Ev charging station, pattikkad