https://www.facebook.com/372436479484743/

Nammude Swantham Chalakudy, Chalakudy, Thrissur (2025)

22/09/2025

കൊരട്ടി മുത്തിയുടെ തിരുനാളിന്റെ മുന്നൊരുക്കങ്ങൾ തുടങ്ങി. തിരുനാളിന്റെ ക്രമീകരണങ്ങൾക്കായി സർക്കാർ വകുപ്പുകളുടെ പ്രത്യേക യോഗം വിളിച്ചു. പഞ്ചായത്തിന്റെ നേതൃത്വത്തിൽ നടന്ന യോഗം സനീഷ് കുമാർ ജോസഫ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.സി. ബിജു അധ്യക്ഷനായി. ദേശീയപാതയിൽ നിർമാണം നടക്കുന്ന സാഹചര്യത്തിൽ തീർഥാടകർക്ക് ബുദ്ധിമുട്ടില്ലാതെ തിരുനാൾ ആഘോഷിച്ച് മടങ്ങാവുന്ന നിലയിൽ പ്രവർത്തനങ്ങളെ ഏകോപിപ്പിക്കും. ഗ്രാമപ്പഞ്ചായത്ത്, ആരോഗ്യവകുപ്പ്, പോലീസ്, എക്സൈസ്, കെ.എസ്ആർടിസി, പൊതുമരാമത്ത്, ഇറിഗേഷൻ, വാട്ടർ അതോറിറ്റി, അഗ്നിരക്ഷാസേന, ബസ് ഓണേഴ്സ് അസോസിയേഷൻ, ഓട്ടോ ടാക്സി അടക്കം വിവിധ വകുപ്പുകളുടെ പ്രതിനിധികൾ യോഗത്തിനെത്തി. വേണു കണ്ഠരുമഠത്തിൽ, കൊരട്ടി പള്ളി വികാരി ജോൺസൻ കക്കാട്ടിൽ, ഷൈനി ഷാജി, കെ.എ. ശ്രീലത, അസി. എക്സൈസ് ഇൻസ്പെക്ടർ കെ.കെ. രാജു, മർച്ചന്റ്സ് അസോസിയേഷൻ പ്രസിഡന്റ് ബെന്നി ജോസഫ് എന്നിവർ പ്രസംഗിച്ചു.

22/09/2025

കൊടകര നേത്ര ജ്യോതി കണ്ണാശുപത്രിയിൽ Free Eye Check Up...❤️

ആശുപത്രിയുടെ ഉദ്ഘടനത്തോട് അനുബന്ധിച്ച് സെപ്റ്റംബർ 30 വരെ സൗജന്യ നേത്ര പരിശോധന കൊടകര നേത്രജ്യോതി കണ്ണാശുപത്രിയിൽ ലഭ്യമാണ്....

22/09/2025

പാലിയേക്കരയിലെ ടോൾ പിരിവ് തുടരുന്നതു സംബന്ധിച്ച് വിധി പറയുന്നത് ഹൈക്കോടതി മാറ്റി വച്ചു. കേസിൽ വ്യാഴാഴ്ച വിധി പറയാമെന്ന് ഹൈക്കോടതി വ്യക്തമാക്കിയതോടെ അതുവരെ ടോൾ പിരിവ് നിർത്തിവച്ചത് തുടരും. മുരിങ്ങൂരിൽ സർവീസ് റോഡ് തകർന്ന് റോഡ് ഗതാഗതം താറുമാറായ കാര്യം തൃശൂർ ജില്ലാ കലക്ടർ ചൂണ്ടിക്കാട്ടിയതോടെയാണ് കേസിൽ വിധി പറയുന്നത് മാറ്റാൻ ജസ്റ്റിസുമാരായ എ.മുഹമ്മദ് മുഷ്താഖ്, ഹരിശങ്കർ വി.മേനോൻ എന്നിവരുടെ ബെഞ്ച് തീരുമാനിച്ചത്. ഇതിനെ ദേശീയപാത അതോറിറ്റിയും കരാറുകാരും എതിർത്തെങ്കിലും ഹൈക്കോടതി വഴങ്ങിയില്ല. ഇടപ്പള്ളി-മണ്ണുത്തി ദേശീയപാതയിലെ നിർമാണ പ്രവർത്തനങ്ങൾ മൂലം ഗതാഗത കുരുക്കുണ്ടാകുന്നത് ചൂണ്ടിക്കാട്ടി ഓഗസ്റ്റ് 6 മുതൽ പാലിയേക്കരയിൽ ടോൾ പിരിക്കുന്നത് ഹൈക്കോടതി തടഞ്ഞിരിക്കുകയാണ്.

22/09/2025

ടോൾ പിരിവിൽ ഹൈക്കോടതി
തീരുമാനം ഇന്ന്; മുരിങ്ങൂരിൽ ഗതാഗതക്കുരുക്ക്.....

തൃശ്ശൂര്‍ ചാലക്കുടി മുരിങ്ങൂരില്‍ പുതിയതായി പണികഴിപ്പിച്ച ദേശീയപാതയുടെ സര്‍വീസ് റോഡ് ഇടിഞ്ഞു വാഹനങ്ങള്‍ ഭാഗികമായി കടത്തിവിടുന്നതിനാൽ ടോൾ പിരിവിൽ ഹൈക്കോടതി തീരുമാനം ഇന്ന് വരാൻ ഇരിക്കെ മുരിങ്ങൂർ ദേശീയപാതയിൽ ഗതാഗതക്കുരുക്ക്....

20/09/2025

ചാലക്കുടി ടൗൺ ഹാൾ ഷോപ്പിങ് കോംപ്ലക്സ് കെട്ടിടത്തിലെ അഗ്നിസുരക്ഷാധാനത്തിന്റെ പൈപ്പ് തുരുമ്പിച്ചു നശിച്ചിട്ടും പരിഹരിക്കുന്നില്ലെന്നു പരാതി. മാസങ്ങളായി ഇതാണു സ്ഥിതിയെങ്കിലും അധികൃതർ തിരിഞ്ഞു നോക്കുന്നില്ല. താലൂക്ക് ഓഫിസും വിദ്യാഭ്യാസ സ്ഥാപനങ്ങളും മറ്റു സ്ഥാപനങ്ങളും പ്രവർത്തിക്കുന്ന നാലു നില കെട്ടിടത്തിലാണ് ഇതു കാരണം അപകടാവസ്ഥയുള്ളത്. ശുചിമുറി മാലിന്യം ചോരുന്നതിന്റെ പ്രശ്നം വർഷങ്ങൾ പഴക്കമുള്ളതാണെങ്കിലും പൂർണമായി പരിഹരിച്ചില്ലെന്നു ഷോപ്പിങ് കോംപ്ലക്സിലെ കടയുടമകൾ പറയുന്നു. ഷോപ്പിങ് കോംപ്ലക്സിലെ മുറികൾ വാടകയ്ക്ക് എടുത്ത വ്യാപാരികളും താലൂക്ക് ഓഫിസിലേക്കും കച്ചവട സ്ഥാപന ങ്ങളിലേക്കും വരുന്നവരും അതിരൂക്ഷമായ ദുർഗന്ധം സഹിക്കണം. കോടികൾ മുടക്കി നഗരസഭ നിർമിച്ച ടൗൺ ഹാളും തൊട്ടടുത്തുണ്ട്...

19/09/2025

അതിരപ്പിള്ളിയില്‍ കാലിന് പരിക്കേറ്റ നിലയില്‍ കണ്ടെത്തിയ കാട്ടാനയെ മയക്കുവെടി വെച്ച് ചികിത്സിച്ച് വിട്ടയച്ചു. എറണാകുളം അസിസ്റ്റന്റ് ഫോറസ്റ്റ് വെറ്റിനറി ഓഫീസര്‍ ഡോ. ബിനോയിയുടെ നേതൃത്വത്തിലുള്ള സംഘമാണ് ചികിത്സ നടത്തിയത്. അതേസമയം, സംഭവം നേരത്തെ അറിഞ്ഞിട്ടും വനംവകുപ്പ് ചികിത്സ വൈകിപ്പിച്ചതായി ആരോപണമുണ്ട്...

19/09/2025

ചാലക്കുടി താലൂക്ക് ഓഫീസ് പ്രവർത്തിക്കുന്ന മുനിസിപ്പൽ കെട്ടിടത്തിലെ ലിഫ്റ്റ് പ്രവർത്തനരഹിതമായത് കാരണം പ്രായമായവരും രോഗികളും ഉൾപ്പെടെയുള്ള പൊതുജനങ്ങൾ ദുരിതത്തിൽ. നാലാം നിലയിലുള്ള താലൂക്ക് ഓഫീസിലേക്ക് എത്താൻ 66 പടികൾ കയറേണ്ടി വരുന്നു. എത്രയും പെട്ടന്ന് ലിഫ്റ്റ് പ്രവർത്തനക്ഷമമാക്കാൻ മുനിസിപ്പാലിറ്റി അധികൃതർ നടപടി എടുക്കണമെന്ന് നാട്ടുകാർ ആവശ്യപ്പെടുന്നു.
ഈ വിഷയത്തിൽ മുനിസിപ്പാലിറ്റിയുടെ അനാസ്ഥയ്ക്കെതിരെ ശക്തമായ പ്രതിഷേധം ഉയരുന്നുണ്ട്. രണ്ട് ലിഫ്റ്റുകൾ സ്ഥാപിക്കുന്നതിനുള്ള സ്ഥലം ഉണ്ടെങ്കിലും ഒരെണ്ണമെങ്കിലും പ്രവർത്തനക്ഷമാക്കുന്നതിനുള്ള നടപടികൾ മുനിസിപ്പാലിറ്റി അധികൃതർ ഉടൻ സ്വീകരിക്കേണ്ടതാണ്.

19/09/2025

ഇടപ്പള്ളി-മണ്ണുത്തി ദേശീയപാതയിലെ ഗതാഗത കുരുക്കുമായി ബന്ധപ്പെട്ട് നിർത്തി വച്ചിരുന്ന പാലിയേക്കരയിലെ ടോൾ പിരിവ് തിങ്കളാഴ്ച മുതൽ വീണ്ടും ആരംഭിക്കും. ടോൾ പിരിവുമായി ബന്ധപ്പെട്ട് ചില ഉപാധികൾ ഏർപ്പെടുത്തുമെന്നും ഇതിന്റെ അടിസ്ഥാനത്തിൽ തിങ്കളാഴ്ച മുതൽ ടോൾ പിരിക്കാൻ അനുമതി നൽകാമെന്നും ജസ്റ്റിസുമാരായ എ.മുഹമ്മദ് മുഷ്താഖ്, ഹരിശങ്കർ വി.മേനോൻ എന്നിവരുടെ ബെഞ്ച് വ്യക്തമാക്കി. പാലിയേക്കരയിൽ ടോൾ നിരക്ക് പരിഷ്കരിച്ചതു സംബന്ധിച്ച രേഖകൾ ഹാജരാക്കാനും കോടതി നിർദേശിച്ചു. പുതുക്കിയ ടോൾ ആയിരിക്കുമോ ഇനി മുതൽ ഈടാക്കുക എന്നത് ഹൈക്കോടതിയുടെ ഉത്തരവിനു ശേഷമേ വ്യക്തമാകൂ. ദേശീയപാതയിലെ നിർമാണ പ്രവർത്തനങ്ങൾ മൂലം ഗതാഗത കുരുക്കുണ്ടാകുന്നത് ചൂണ്ടിക്കാട്ടി ഓഗസ്റ്റ് 6 മുതൽ പാലിയേക്കരയിൽ ടോൾ പിരിക്കുന്നത് ഹൈക്കോടതി തടഞ്ഞിരിക്കുകയാണ്. ഗതാഗതക്കുരുക്കിന് പരിഹാരം കാണാതെ ടോൾ പിരിക്കുന്നത് ശരിയല്ലെന്ന് ദേശീയപാത അതോറിറ്റിയോട് കോടതി വ്യക്തമാക്കുകയും ചെയ്തിരുന്നു. ദേശീയപാതയിൽ അടിപ്പാത നിർമാണവുമായി ബന്ധപ്പെട്ടുണ്ടായ ഗതാഗതക്കുരുക്കും സർവീസ് റോഡുകളുടെ ശോചനീയാവസ്ഥയും ചൂണ്ടിക്കാട്ടിയുള്ള ഹർജിയെ തുടർന്നായിരുന്നു ഹൈക്കോടതിബിഇടപെടൽ. ഇതിനെതിരെ കരാർ കമ്പനിയും എൻഎച്ച്ഐയും സുപ്രീം കോടതി വരെ പോയെങ്കിലും അനുകൂല ഉത്തരവ് ലഭിച്ചില്ല. ദേശീയപാതയിലെ ഗതാഗതക്കുരുക്കുകൾ പരിഹരിച്ചു എന്നും സർവീസ് റോഡുകൾ നന്നാക്കി എന്നും ദേശീയപാത അതോറിറ്റി നിരന്തരം അറിയിച്ചിരുന്നെങ്കിലും കലക്ടറുടെ നേതൃത്വത്തിലുള്ള ഇടക്കാല ഗതാഗത മാനേജ്മെന്റ് സമിതി (ഇന്ററിം ട്രാഫിക് മാനേജ്മെന്റ് കമ്മിറ്റി)യുടെ റിപ്പോർട്ടാണ് ഇക്കാര്യത്തിൽ കോടതി ആശ്രയിച്ചത്.

19/09/2025

അതിരപ്പിള്ളിയിൽ കാലിന് മുറിവേറ്റ കാട്ടാനയ്ക്ക് ചികിത്സ നൽകാൻ വനംവകുപ്പ്. ഇടത്തേ പിൻകാലിന് പരിക്കേറ്റ കാട്ടുകൊമ്പനാണ് ചികിത്സ നൽകുന്നത്. വെറ്ററിനറി ഡോക്ടർമാരുടെ നേതൃത്വത്തിലായിരിക്കും ചികിത്സ. എരുമത്തടം പ്ലാന്റേഷൻ ഭാഗത്ത് നിലയുറപ്പിച്ച കാട്ടാനയെ ആവശ്യമെങ്കിൽ മയക്കുവെടിവെച്ച് പിടിച്ച ശേഷമായിരിക്കും ചികിത്സ നൽകുക.

18/09/2025

തൃശ്ശൂർ പാലിയേക്കരയിലെ ടോൾ വിലക്ക് തുടരണോ എന്നതിൽ തിങ്കളാഴ്ച അന്തിമതീരുമാനമുണ്ടാകുമെന്ന് ഹൈക്കോടതി.ഗതാഗത പ്രശ്നങ്ങൾ പൂർണമായും പരിഹരിച്ചിട്ടില്ലെന്ന് ഗതാഗത മാനേജ്മെന്റ് കമ്മിറ്റി കോടതിയെ അറിയിച്ചു. ഹർജി നാളെ വീണ്ടും പരിഗണിക്കും. പാലിയേക്കരയിലെ ടോൾ വിലക്ക് ഉത്തരവ് മരവിപ്പിക്കണമെന്ന് ദേശീയപാത അതോറിറ്റി കോടതിയിൽ നിരന്തരം ആവശ്യപ്പെട്ടുകൊണ്ടിരിക്കുകയാണ്. നേരത്തെ ഈ ആവശ്യം കോടതി തള്ളിയിരുന്നു. ദേശീയപാതയിലെ ഗതാഗത തടസ്സം നേരിടുന്ന പ്രദേശങ്ങളിൽ പ്രശ്ന പരിഹാരത്തിനായി സ്വീകരിച്ച നടപടികളെക്കുറിച്ച് ജില്ലാ കലക്ടർ റിപ്പോർട്ട് സമർപ്പിച്ചിരുന്നു. ഈ റിപ്പോർട്ട് പരിശോധിച്ചതിന് ശേഷമാകും അന്തിമ തീരുമാനമെടുക്കുകയെന്നും കോടതി വ്യക്തമാക്കി. അതുവരെ ടോൾ പിരിക്കാൻ പാടില്ലെന്നും കോടതി നിർദേശം നൽകിയിട്ടുണ്ട്. ഹൈക്കോടതി നിർദേശപ്രകാരം രൂപവത്കരിച്ച ജില്ലാകലക്ടറുടെ നേതൃത്വത്തിലുള്ള സമിതി ദേശീയപാത പരിശോധിച്ച ശേഷം റിപ്പോർട്ട് കോടതയിൽ സമർപ്പിച്ചിരുന്നു.എന്നാൽ ഈ റിപ്പോർട്ടിന് വ്യക്തതയില്ലെന്നും കോടതി പറഞ്ഞു.

17/09/2025

കൊടകര നേത്ര ജ്യോതി കണ്ണാശുപത്രിയിൽ Free Eye Check Up...❤️

ആശുപത്രിയുടെ
ഉദ്ഘടനത്തോട് അനുബന്ധിച്ച് സെപ്റ്റംബർ 20 വരെ സൗജന്യ നേത്ര പരിശോധന കൊടകര നേത്രജ്യോതി കണ്ണാശുപത്രിയിൽ ലഭ്യമാണ്....

Nethrajyothi Eye Hospital

16/09/2025

നീണ്ട ഇടവേളക്ക് ശേഷം കാട്ടുകൊമ്പൻ കബാലി വീണ്ടും റോഡിലിറങ്ങി. തിങ്കളാഴ്ച രണ്ട് തവണകളിലായി കാട്ടാന റോഡിലിറങ്ങി ഗതാഗതം സ്തംഭിപ്പിച്ചു. മലക്കപ്പാറക്ക് സമീപം ശാന്തൻപാറ പരിസരത്ത് രാവിലെ 9ന് റോഡിലിറങ്ങിയ കബാലി രണ്ട് മണിക്കൂറോളം ഗതാഗതം സ്തംഭിപ്പിച്ചു. വീണ്ടും പകൽ 1.30ഓടെ റോഡിലിറങ്ങി. 3.30വരെ വാഹനങ്ങൾ തടഞ്ഞിട്ടു. ഹോണടിച്ചും മറ്റും ആനയെ റോഡിൽ നിന്നും നീക്കാൻ ശ്രമം നടത്തിയെങ്കിലും കാട്ടാന റോഡിൽ തന്നെ നിലയുറപ്പിച്ചു. രണ്ട് മണിക്കൂറോളം റോഡിൽ നിലയുറപ്പിച്ച കബാലി പിന്നീട് വനത്തിലേക്ക് കയറിപ്പോയി. തുടർന്നാണ് വാഹനഗതാഗതം പുനസ്ഥാപിച്ചത്. വാഹനങ്ങളുടെ നീണ്ടനിര കിലോമീറ്ററുകളോളം നീണ്ടിരുന്നു.

Nammude Swantham Chalakudy

22/09/2025

22/09/2025

22/09/2025

22/09/2025

20/09/2025

19/09/2025

19/09/2025

19/09/2025

19/09/2025

18/09/2025

17/09/2025

16/09/2025

Address

Telephone

Website

Alerts

Contact The Business

Shortcuts

Share

Category