Times of Thrissur

20/09/2025

ഉദിഷ്ട കാര്യത്തിന് ഉപകാരസ്മരണ... മണലൂർ കലുങ്ക് സംവാദത്തിൽ നിന്നും

20/09/2025

എല്ലാ ദിവസവും ആൺ ഗുണ്ടകളെ അല്ലെ പോസ്റ്റ് ഇടുന്നത് ഇന്ന് വേറൈറ്റി ആയാലോ.. രണ്ട് പെൺ ഗുണ്ടകളെ നാടുകടത്തി പൊലീസ്.

കുപ്രസിദ്ധ ഗുണ്ടകളായ വലപ്പാട് കരയാമുട്ടം സ്വദേശി ചിക്കവയലിൽ വീട്ടിൽ സ്വാതി (28), വലപ്പാട് സ്വദേശി ഈയാനി വീട്ടിൽ ഹിമ (25) എന്നിവർക്കെതിരെ കാപ്പ ചുമത്തി. ഒരു കവർച്ചക്കേസിലും, വീടുകയറി ആക്രമണം നടത്തിയ രണ്ട് കേസിലും, ഒരു അടിപിടിക്കേസിലും അടക്കം നാല് ക്രിമിനൽ കേസുകളിലെ പ്രതികളാണ് ഇരുവരും. കുറ്റകൃത്യങ്ങളിൽ ഏർപ്പെടാതിരിക്കുന്നതിനായി 2025 ജൂൺ 16 തിയ്യതി മുതൽ കാപ്പ നിയമപ്രകാരം ആറുമാസക്കാലത്തേക്ക് കൊടുങ്ങല്ലൂർ ഡി.വൈ.എസ്.പി ഓഫീസിൽ ഒപ്പിടുന്നതിനായി ഉത്തരവായിരുന്നു. ഈ ഉത്തരവ് ലംഘിച്ച് മരണവീട്ടിൽ കയറി ആക്രമണം നടത്തിയ കേസിൽ ഉൾപ്പെട്ടതിനെ തുടർനാണ് ഇവരെ കാപ്പ നിയമ പ്രകാരം നാടു കടത്തുന്നത്.

ഹിമ, സ്വാതി എന്നിവർ വലപ്പാട് പോലീസ് സ്റ്റേഷനിൽ ഒരു കവർച്ചക്കേസിലും, വീടുകയറി ആക്രമണം നടത്തിയ രണ്ട് കേസിലും, ഒരു അടിപിടിക്കേസിലും അടക്കം നാല് ക്രിമിനൽ കേസുകളിലെ പ്രതികളാണ്.

20/09/2025

പോക്സോ കേസിൽ ഒമ്പത് വർഷമായി ഒളിവിലായിരുന്ന പിടികിട്ടാപ്പുള്ളി പിടിയിൽ. 2016ൽ പൂജയുടെ മറവിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിലെ പ്രതിയായ കൊരട്ടി കൊനൂർ സ്വദേശി കരിങ്ങാപ്പിള്ളി വീട്ടിൽ മനോജ് (48)നെയാണ് പൊലീസ് അങ്കമാലിയിൽ അറസ്റ്റ് ചെയ്തത്. 2016 ൽ ഈ കേസിൽ മനോജിനെ അറസ്റ്റ് ചെയ്തതിൽ 90 ദിവസം ജയിലിൽ കഴിഞ്ഞിരുന്നു. തുടർന്ന് ജാമ്യത്തിലറങ്ങി മുങ്ങുകയായിരുന്നു. പല സ്ഥലങ്ങളിലായി ഒളിവിൽ കഴിഞ്ഞിരുന്ന പ്രതിയെ പിടികിട്ടാപ്പുള്ളികളെ പിടികൂടുന്നതിനായി തൃശൂർ റൂറൽ ജില്ലാ പോലീസ് മേധാവി ബി കൃഷ്ണകുമാർ രൂപീകരിച്ച പ്രത്യേക അന്വേഷണ സംഘമാണ് പ്രതിയെ അങ്കമാലിയിൽ നിന്നും പിടികൂടിയത്.

20/09/2025

20/09/2025

ഒല്ലൂർ കമ്പനിപ്പടിയിൽ സ്വകാര്യ ബസ് കടയിലേക്ക് ഇടിച്ചു കയറി 3 പേർക്ക് പരിക്ക്. പരിക്കേറ്റവരെ ഒല്ലൂർ ആക്ട്സ് പ്രവർത്തകർ തൃശൂർ ജില്ലാ ആശുപത്രിയിൽ പ്രവേശിപ്പിച്ചു.

20/09/2025

മൂലത്തിൽ പൊടി കടത്തിയവൻ പിടിയിൽ...

20/09/2025

തൃശ്ശൂരിൽ മലദ്വാരത്തിൽ ഒളിപ്പിച്ചു കടത്തിയ 20 ഗ്രാം എംഡി എം എയുമായി യുവാവ് എക്സൈസ് പിടിയിൽ.ആലുവ സ്വദേശി റിച്ചു ആണ് പിടിയിലായത്.തൃശ്ശൂർ റേഞ്ച് എക്സൈസ് സംഘമാണ് പിടികൂടിയത്.ബാംഗ്ലൂരിൽ നിന്നും ട്രെയിൻ മാർഗം തൃശ്ശൂർ റെയിൽവേ സ്റ്റേഷനിൽ എത്തിയപ്പോഴാണ് പിടിയിലായത്. മയക്കുമരുന്ന് പുറത്തെടുത്തത് ഡോക്ടറുടെ സഹായത്തോടെ.

19/09/2025

പന്നിയിറച്ചി അല്ല മൂരിയിറച്ചിയാണ് കണ്ടെടുത്തതെന്ന് മരിച്ച മിഥുൻ്റെ ബന്ധു സജ്‌ന പറഞ്ഞു. ഇത് മൂരിയുടെ ഇറച്ചിയാണെന്ന് അറിഞ്ഞിട്ടും കാട്ടുപന്നിയുടെ ഇറച്ചിയാണ് എന്ന് ആരോപിച്ചാണ് വകുപ്പ് കൊണ്ടുപോയത്. ലാബിൽ നടത്തിയ പരിശോധനയിലും മൂരി ഇറച്ചിയാണെന്ന് റിപ്പോർട്ട് വന്നിട്ടുണ്ട്. അതേസമയം ഗൂഗിൾ പേ ട്രാൻസാക്ഷൻ നോക്കിയാണ് കഴിഞ്ഞ ചൊവ്വാഴ്ച മിഥുനെ ഓട്ടോ സ്റ്റാൻഡിൽ നിന്ന് വനം വകുപ്പ് പിടികൂടി കൊണ്ടുപോയത്. കേസിൽ കുടുക്കുമെന്ന് വനംവകുപ്പ് ഉദ്യോഗസ്ഥർ വനവകുപ്പ് ഭീഷണിപ്പെടുത്തി. പിടിച്ചെടുത്ത ഫോൺ തിരികെ നൽകണമെങ്കിൽ പിറ്റേന്ന് ഫോറസ്റ്റ് ഓഫീസിൽ എത്താനും നിർദ്ദേശം നൽകി. ഫോൺ ചോദിക്കാൻ എത്തിയ മിഥുനെ ഉദ്യോഗസ്ഥർ മർദ്ദിച്ചതായി തിരികെ വീട്ടിലെത്തിയ മിഥുൻ മർദ്ദനവിവരം അമ്മയോട് പങ്കുവെച്ചിരുന്നു.

19/09/2025

കൊടുങ്ങല്ലൂർ അഴീക്കോട് പാലം നിർമ്മാണ തൊഴിലാളിയെ പുഴയിൽ കാണാതായി.മധ്യപ്രദേശ് സ്വദേശി 22 വയസുള്ള തേജ്പാലിനെയാണ് കാണാതായത്.അഴീക്കോട് - മുനമ്പം പാലം നിർമ്മാണ സ്ഥലത്ത് രാത്രിയിലായിരുന്നു അപകടം.പുഴയിൽ നിർമ്മാണത്തിലിരിക്കുന്ന തൂണിൽ നിന്നും പുഴയിലിറങ്ങി കരയിലേക്ക് നീന്തുന്നതിനിടയിലാണ് കാണാതായത്.
തീരദേശ പൊലീസ് തെരച്ചിൽ നടത്തിവരികയാണ്.

19/09/2025

തൃശൂർ സിറ്റി പോലീസിന് വീണ്ടും അഭിമാനനിമിഷം: ഇന്ത്യൻ അണ്ടർ 14 ടീമിൽ ഇടം നേടി ആയുഷ്

ഇന്ത്യൻ ഫുട്‌ബോൾ താരം വിബിൻ മോഹനനു ശേഷം തൃശ്ശൂർ ജില്ലാ പോലീസ് ഫുട്ബോൾ ട്രെയിനിംഗ് സെൻറ്ററിൽ നിന്നും വീണ്ടും ഒരു ഇന്ത്യൻ ഫുട്ബോൾ താരോദയം. 14 വയസ്സുകാരനായ ആയുഷാണ് ഇപ്പോൾ ഇന്ത്യൻ അണ്ടർ 14 ടീമിൽ ഇടം നേടിയത്.

2021 മുതൽ തൃശ്ശൂർ ജില്ലാ പോലീസ് ഫുട്‌ബോൾ ട്രെയിനിംഗ് സെൻറ്ററിൽ പരിശീലനം ആരംഭിച്ച ആയുഷ് ഇപ്പോൾ ഒറീസ്സയിലെ ഇന്ത്യൻ അണ്ടർ 14 ഫുട്‌ബോൾ ക്യാമ്പിലാണ്. ഇപ്പോഴത്തെ ഇൻറ്റലിജൻസ് A.D.G.P ശ്രീ വിജയൻ IPS തൃശ്ശൂർ കമ്മീഷണർ ആയിരിക്കെ ആരംഭിച്ച ഫുട്ബോൾ ട്രെയിനിംഗ് സെൻറ്ററിലാണ് ആയുഷ് ഫുട്ബോൾ പരിശീലനം നടത്തി വന്നിരുന്നത്. 2012 ൽ ആരംഭിച്ച ഫുട്ബോൾ ക്യാംപിൽ അനവധി കട്ടികൾക്ക് പരിശീലനം നൽകി കഴിഞ്ഞു.

ഇപ്പോഴത്തെ ജില്ലാ പോലീസ് കമ്മീഷണർ ഇളങ്കോ ഐ പി എസ് ൻെറ നേതൃത്വത്തിൽ നടന്നു വരുന്ന ഫുട്ബോൾ ക്യാംപിൽ ഐ എം വിജയൻെറ മേൽ നോട്ടത്തിൽ സബ്ബ് ഇൻസ്പെക്ടർമാരായ വിനയചന്ദ്രൻ, പയസ്.ഡി.കുഞ്ഞാപ്പു എന്നിവരുടെ പരിശീലനത്തിലാണ് ആയുഷ് വളർന്നത്. ജില്ലാ തലത്തിലും സംസ്ഥാന തലത്തിലും ആയുഷ് ശ്രദ്ധയാർന്ന പ്രകടനം നടത്തിയിട്ടുണ്ട്. കഴിഞ്ഞ തവണത്തെ അണ്ടർ 14 സംസ്ഥാന ടീമിൽ അംഗമായിരുന്നു. അത് ലറ്റിക്സിലും തൻെറ മികവു പ്രകടിപ്പിച്ചിട്ടുള്ള ആയുഷ് കഴിഞ്ഞ വർഷത്തെ ജില്ലാ അത് ലറ്റിക്സ് മീറ്റിലെ വ്യക്തിഗത ചാമ്പ്യനായിരുന്നു. വിയ്യൂർ K.S.EB SECTION OFFICE ജീവനക്കാരനായ അനൂപിൻറെയും നീതുവിൻറെയും മകനാണ് ആയുഷ്.
Congratulations Ayush

19/09/2025

കാഞ്ഞിരക്കോട് കാട്ടുപന്നിയുടെ മാംസം വിൽപ്പന നടത്തി എന്ന് ആരോപിച്ച് ഫോറസ്റ്റ് അറസ്റ്റ് ചെയ്തു ജാമ്യത്തിൽ വിട്ടയച്ച യുവാവ് ആത്മഹത്യ ചെയ്ത സംഭവത്തിൽ പോലീസിനോടും തഹസിൽദാർനോടും പ്രതിഷേധം പങ്കുവെച്ച് നാട്ടുകാർ.