Goosebery Books & Publications

28/10/2025

ഗൂസ്ബെറി പ്രസിദ്ധീകരിക്കുന്ന പുതിയ പുസ്തകമാണ് കെ. കെ. ബാബുരാജിൻ്റെ 'പ്രത്യാശയുടെ തുടിപ്പുകൾ'.

രാജ്യത്ത് ഹിന്ദുത്വശക്തികൾ ഭരണത്തുടർച്ച നിലനിർത്തുകയും, ലോകത്ത് പലയിടങ്ങളിലും ഫാഷിസ്റ്റ്‌ പ്രസ്ഥാനങ്ങൾ പിടിമുറുക്കുകയും ചെയ്യുന്ന സാഹചര്യമാണ് നിലനിൽക്കുന്നത്. ഒപ്പം മനസ്സിനെ മരവിപ്പിക്കുന്ന തരത്തിൽ ഗാസയിൽ പിഞ്ചുകുഞ്ഞുങ്ങളെവരെ പട്ടിണിക്കിട്ട് കൊല്ലുന്ന ഇസ്രയേലിന്റെ വംശഹത്യയും തുടരുന്നു. ഈ അവസ്ഥയിൽ സാംസ്കാരിക നൈരാശ്യത്തിന് കീഴടങ്ങാൻ പാടില്ലെന്നും, നിശ്ശബ്ദത കുറ്റകരമാണെന്നും ഉറപ്പിച്ചുപറയുകയാണ്‌ ഈ പുസ്തകം.

സമകാലീന വിഷയങ്ങളെ ചരിത്രത്തോട് ചേർത്തുവയ്ക്കുന്ന ഇതിലെ ലേഖനങ്ങൾക്ക് വൈയക്തിക പ്രതികരണങ്ങൾ എന്നതിനപ്പുറമുള്ള രാഷ്ട്രീയ-സാമൂഹ്യ-സാംസ്കാരിക വിശകലനത്തിന്റേതായ അതിസൂക്ഷ്മ വ്യവഹാരതലങ്ങളുണ്ട്.

ഭരണകൂടം മുതൽ വ്യക്തി വരേക്കുമുള്ള നിലകളിൽ, അപരങ്ങളുടെയും പലമകളുടെയും ബലതന്ത്രങ്ങളെ അനിതരസാധാരണമായ ഉൾക്കാഴ്ചയോടെയും കൃത്യതയോടെയും അടയാളപ്പെടുത്തുന്ന കൃതി.

പുസ്‌തകത്തിൻ്റെ കവർ പ്രകാശനം സാഭിമാനം, സസന്തോഷം ഇവിടെ നിർവഹിക്കുന്നു.

28/10/2025

ഗൂസ്ബെറി പ്രസിദ്ധീകരിക്കുന്ന പുതിയ പുസ്‌തകമാണ് ലീന തോമസ് കാപ്പൻ രചിച്ച 'പുതിയ മരുന്നറിവുകൾ'.

ആരോഗ്യമേഖലയുമായി ബന്ധപ്പെട്ട് മലയാളത്തിൽ പുറത്തിറങ്ങിയ ഏറ്റവും ആധികാരികവും അർഥപൂർണ്ണവും പ്രയോജനപ്രദവുമായ കൃതികളിൽ ഒന്നാണ് പുതിയ മരുന്നറിവുകൾ എന്ന് നിസ്സംശയം പറയാം.

വേദനസംഹാരികളുടെ ഉപയോഗം, ഉറക്കഗുളികകളുടെ പാർശ്വഫലങ്ങൾ, വയറിളക്കവും ഛർദിയും മാരകമാവുന്നതെപ്പോൾ, ചുമമരുന്നുകളുടെ ഉപയോഗത്തിൽ ശ്രദ്ധിക്കേണ്ട കാര്യങ്ങൾ, കാൻസറും പുകയിലയും തമ്മിലുള്ള ബന്ധം, മദ്യാസക്തി കാൻസറിനു കാരണമാകുമോ, മരുന്നലർജിയുണ്ടായാൽ ശ്രദ്ധിക്കേണ്ട കാര്യങ്ങൾ തുടങ്ങി വലുതും ചെറുതുമായ രോഗാവസ്ഥകളുടെ പിടിയിൽ അകപ്പെടുന്നവർ നിർബന്ധമായും അറിഞ്ഞിരിക്കേണ്ട കാര്യങ്ങൾ അതീവ ലളിതമായ ഭാഷയിൽ അവതരിപ്പിക്കുകയാണ് കാനഡയിൽ ഫാർമസിസ്റ്റായ എഴുത്തുകാരി.

രോഗത്തോടും രോഗികളോടും മരുന്നുകളോടുമുള്ള മനുഷ്യരുടെ സമീപനത്തിൽ കാതലായ മാറ്റങ്ങൾ വരുത്താൻ പ്രേരകമാവുന്ന ഗ്രന്ഥം.

ആരോഗ്യരംഗത്ത് ഫാർമസിസ്റ്റുകൾ അവശ്യം നിർവഹിക്കേണ്ട ഉത്തരവാദിത്വങ്ങളെ ഓർമ്മപ്പെടുത്തുന്ന പുസ്തകം.

'നല്ല' ഡോക്ടറും 'നല്ല' രോഗിയുമാവേണ്ടതിൻ്റെ ആവശ്യകതയെക്കുറിച്ചും, വികസിത രാജ്യങ്ങളിൽ നിരോധിക്കപ്പെട്ട മരുന്നുകൾ മൂന്നാംലോക രാജ്യങ്ങളിൽ ഉപയോഗത്തിലിരിക്കുന്നതിലെ അപകടങ്ങളെക്കുറിച്ചും അവബോധം പകരുന്നു.

'പുതിയ മരുന്നറിവുകൾ' എന്ന പുസ്‌തകത്തിൻ്റെ കവർ പ്രകാശനം സാഭിമാനം, സസന്തോഷം ഇവിടെ നിർവഹിക്കുന്നു.

28/10/2025

27/10/2025

ഗൂസ്ബെറി പ്രസിദ്ധീകരിക്കുന്ന പുതിയ പുസ്തകമാണ് ഡോ. പി. കെ. പോക്കറുടെ 'ഗ്രാംഷി മുതൽ വേടൻ വരെ'.

ബാബരിയാനന്തര ഇന്ത്യനവസ്ഥകളുടെ ഗ്രാംഷിയന്‍ പുനര്‍വായനകളാണ് പുസ്‌തകം മുന്നോട്ടുവയ്ക്കുന്നത്.

രാജ്യത്ത് ഹിന്ദുത്വ അക്രമങ്ങളും അപരവത്കരണവും ആഴത്തില്‍ വേരോടുന്ന സമയത്തും, കേരളത്തില്‍ ഫാഷിസ്റ്റ്‌ വംശീയതയ്ക്കെതിരെ പാട്ടിലെ കവിത കൊണ്ടു തമ്പ്രാക്കളുടെ മുഖത്തുകുത്തുകയാണ് വേടന്‍ എന്ന റാപ്പർ ചെയ്യുന്നതെന്ന് ഗ്രന്ഥകാരൻ പറയുന്നു.

ഇന്ത്യന്‍ വൈരുധ്യ യാഥാര്‍ഥ്യങ്ങളുടെ പൊരുളിനെ, നവീന മുതലാളിത്തം ചൂഴ്ന്ന വ്യാവസായിക യുഗത്തിന്റെ പശ്ചാത്തലത്തില്‍ നോക്കിക്കാണുകയാണ് ഡോ. പി. കെ. പോക്കർ.

കലയും സാഹിത്യവും കാലദേശങ്ങള്‍ക്കനുസരിച്ച് എന്നും പരിണമിക്കുന്നവയാണെങ്കിലും, ഒരു പ്രതിരോധ സംസ്കാരം ജനങ്ങളില്‍ ഉണരുന്നത് മര്‍ദിതവിഭാഗം തിരിച്ചറിവിലൂടെ പ്രതിരോധവര്‍ഗമായി ഉരുവെടുക്കുമ്പോഴാണെന്ന് പറഞ്ഞുറപ്പിക്കുന്ന ഗഹനമായ കുറിപ്പുകള്‍.

സംസ്കാരവിശകലനത്തില്‍ ഗ്രാംഷിയൻ ചിന്തകളുടെ വർധിത പ്രസക്തി വിളിച്ചോതുന്ന വിലപ്പെട്ട ഗ്രന്ഥം.

'ഗ്രാംഷി മുതൽ വേടൻ വരെ' എന്ന പുസ്‌തകത്തിൻ്റെ കവർ പ്രകാശനം സാഭിമാനം, സസന്തോഷം ഇവിടെ നിർവഹിക്കുന്നു.

23/10/2025

ഉടൻ വരുന്നു...

പുതിയ മരുന്നറിവുകൾ
ആരോഗ്യം
ലീന തോമസ് കാപ്പൻ

ആരോഗ്യമേഖലയുമായി ബന്ധപ്പെട്ട് മലയാളത്തിൽ പുറത്തിറങ്ങിയ ഏറ്റവും ആധികാരികവും അർഥപൂർണ്ണവുമായ കൃതികളിൽ ഒന്നാണ് ലീന തോമസ് കാപ്പൻ രചിച്ച 'പുതിയ മരുന്നറിവുകൾ.' വേദനസംഹാരികളുടെ ഉപയോഗം, ഉറക്കഗുളികകളുടെ പാർശ്വഫലങ്ങൾ, വയറിളക്കവും ഛർദിയും മാരകമാവുന്നതെപ്പോൾ, ചുമമരുന്നുകളുടെ ഉപയോഗത്തിൽ ശ്രദ്ധിക്കേണ്ട കാര്യങ്ങൾ, കാൻസറും പുകയിലയും തമ്മിലുള്ള ബന്ധം, മദ്യാസക്തി കാൻസറിനു കാരണമാകുമോ, മരുന്നലർജിയുണ്ടായാൽ ശ്രദ്ധിക്കേണ്ട കാര്യങ്ങൾ തുടങ്ങി വലുതും ചെറുതുമായ അസുഖങ്ങളുടെ പിടിയിൽ അകപ്പെടുന്നവർ നിർബന്ധമായും അറിഞ്ഞിരിക്കേണ്ട കാര്യങ്ങൾ ലളിതമായ ഭാഷയിൽ അവതരിപ്പിക്കുകയാണ് കാനഡയിൽ ഫാർമസിസ്റ്റായ എഴുത്തുകാരി. രോഗത്തോടും രോഗികളോടും മരുന്നുകളോടുമുള്ള മനുഷ്യരുടെ സമീപനത്തിൽ കാതലായ മാറ്റങ്ങൾ വരുത്താൻ പ്രേരകമാവുന്ന ഗ്രന്ഥം. ആരോഗ്യരംഗത്ത് ഫാർമസിസ്റ്റുകൾ അവശ്യം നിർവഹിക്കേണ്ട ഉത്തരവാദിത്വങ്ങളെ ഓർമ്മപ്പെടുത്തുന്ന പുസ്തകം, 'നല്ല' ഡോക്ടറും 'നല്ല' രോഗിയും ആയിരിക്കുന്നതിലെ നൈതികതയെക്കുറിച്ചും, വികസിത രാജ്യങ്ങളിൽ നിരോധിക്കപ്പെട്ട മരുന്നുകൾ മൂന്നാംലോക രാജ്യങ്ങളിൽ ഉപയോഗത്തിലിരിക്കുന്നതിലെ അപകടങ്ങളെക്കുറിച്ചും അവബോധം പകരുന്നു.

കാത്തിരിക്കൂ...