22/07/2025
📌বালিজানত মৰাণ মহোৎসৱস্থলীত অগ্নিকাণ্ড, দুৰ্বৃত্তৰ অগ্নি সংযোগৰ আশংকা...
📌তিনিচুকীয়া জিলাৰ মাকুমৰ বালিজান গাঁৱত অৱস্থিত মৰাণ মহোৎসৱস্থলীত মঙ্গলবাৰে এক শোকাবহ অগ্নিকাণ্ডৰ ঘটনা সংঘটিত হয়। পাপ্ত খবৰ অনুসৰি, মৰাণ জনগোষ্ঠীৰ বংশানুক্ৰমিক ঘৰসমূহত কোনো অজ্ঞাত দুৰ্বৃত্তই অগ্নি সংযোগ কৰি পলায়ন কৰে। অগ্নিকাণ্ডটোত বহু পৰিমাণৰ সামগ্রী ভস্মীভূত হোৱাৰ আশংকা।
স্থানীয় লোকসকলে অৱগত কৰামতে, ঘটনাৰ সময়ত উৎসৱস্থলীখনত কোনো লোক উপস্থিত নাছিল, যাৰ বাবে কোনো প্ৰাণহানিৰ ঘটনা নঘটিল। যদিও অগ্নিকাণ্ডৰ ফলত মৰাণ মহোৎসৱৰ পৰিৱেশত তীব্ৰ আতংক আৰু বিষাদৰ সৃষ্টি হয়।
ঘটনাৰ খবৰ পোৱাৰ লগে লগে অগ্নিনিৰ্বাপক বাহিনী ঘটনাস্থলীত উপস্থিত হৈ জুই নিয়ন্ত্ৰণ কৰিবলৈ সক্ষম হয়। বৰ্তমান ঘটনাটোৰ তদন্ত চলি আছে আৰু দুৰ্বৃত্তৰ সন্ধানত আৰক্ষীয়ে অভিযান আৰম্ভ কৰিছে।
স্থানীয় বুৰঞ্জীবিদ আৰু সমাজকৰ্মীসকলে এই ঘটনাক মৰাণ জাতিৰ সাংস্কৃতিক গৌৰৱৰ ওপৰত হোৱা এটা আঘাত ।
