21/06/2025
আজি বিশ্ব সংগীত দিৱস;
World Music Day 2024

✍🍁প্ৰতি বছৰে ২১ জুনত বিশ্ব সংগীত দিৱস পালন কৰা হয় । সংগীতে কেৱল মনোৰঞ্জন প্ৰদান কৰাই নহয় ই এক প্ৰকাৰৰ থেৰাপীও।
সংগীত প্ৰতিটো পৰিস্থিতিৰ সংগী-সুখ, দুখ, মানসিক চাপ, উদযাপনত সদায় আমাৰ এক সংগীস্বৰূপ হৈ আছে ৷ সংগীতে এক বেলেগ ধৰণৰ শান্তি প্ৰদান কৰে ৷ সংগীতক বহু ৰোগৰ চিকিৎসা হিচাপেও ইতিমধ্যে ব্যৱহাৰ কৰি অহা হৈছে ৷ সংগীতক পৃথিৱীৰ আটাইতকৈ সহজ আৰু শ্ৰেষ্ঠ ভাষা বুলি গণ্য কৰা হয় ৷
সংগীতৰ এই গুৰুত্ব সকলোৰে মাজত বিয়পাই দিয়াৰ লক্ষ্যৰে প্ৰতি বছৰে ২১ জুন তাৰিখে বিশ্ব সংগীত দিৱস পালন কৰা হয়৷ এই দিনটোত মানুহে সংগীতৰ প্ৰয়োজনীয়তা বুজি পোৱাৰ সুযোগ লাভ কৰে ৷ সংগীত এনেকুৱা এবিধ বস্তু যিয়ে সকলোকে নিজৰ পছন্দ আৰু প্ৰয়োজন অনুসৰি আদৰ কৰে।
বিশ্ব সংগীত দিৱস ফৰাচী লোকৰ সংগীতৰ সৈতে এক বিশেষ সম্পৰ্ক আছে ৷ ফৰাচী মানুহৰ সংগীতৰ প্ৰতি থকা প্ৰেমৰ প্ৰতি লক্ষ্য ৰাখি ১৯৮২ চনৰ ২১ জুন তাৰিখে সংগীত দিৱস পালন কৰাৰ কথা ঘোষণা কৰা হয় ৷ ১৯৮২ চনত তেতিয়াৰ ফ্ৰান্সৰ সংস্কৃতি মন্ত্ৰী জেক লেং আৰু সুৰকাৰ মৰিছ ফ্লেৰেটে সংগীত দিৱস পালনৰ প্ৰস্তাৱ আগবঢ়ায় ৷ ইয়াৰ পিছত প্ৰতি বছৰে ২১ জুন তাৰিখে এই দিৱস পালন কৰিবলৈ আৰম্ভ কৰা হয়।
প্ৰথমবাৰৰ বাবে যেতিয়া ফ্ৰান্সত সংগীত দিৱস পালন কৰা হয় তেতিয়া ই ৩২ খনতকৈও অধিক দেশৰ সমৰ্থন লাভ কৰে ৷ তেতিয়াৰ পৰাই বহু দেশত এই দিৱস পালন কৰি অহা দেখা গৈছে ৷
সংগীতৰ গুৰুত্ব হৈছে আমাৰ নিসংগতাৰো সংগীস্বৰূপ হৈ পৰে৷ আমাৰ ভাৰতৰ লগতে ইটালী, গ্ৰীচ, অষ্ট্ৰেলিয়া, আমেৰিকা, ব্ৰিটেইন, পেৰু, ব্ৰাজিল, ইকুৱেডৰ, মেক্সিকো, কানাডা, জাপান, চীন, মালয়েছিয়া আদি বহু দেশত সংগীত দিৱস পালন কৰা হয় ৷
সংগীতৰ এই বিশেষ দিনটোত বিভিন্ন ধৰণৰ অনুষ্ঠানৰ আয়োজন কৰি সংগীতৰ ক্ষেত্ৰখনৰ সৈতে জড়িত শিল্পীসকলক সন্মান জনোৱা হয়, মানুহে একেলগে গান শুনে, একেলগে গুণগুণাই, গানত একেলগে নাচে ৷ সংগীত কেৱল মনোৰঞ্জনৰ মাধ্যম হোৱাই নহয়, বৰঞ্চ ই দেশ আৰু বিশ্বৰ সংস্কৃতিৰ বিষয়ে বুজিবলৈও সহায় কৰে। ✍🍁
সংগীত শুনাৰ লাভালাভ
"""""""""""""""""""""""""
১/ হতাশাৰ পৰা সকাহ প্ৰদান কৰে।
২/ ই হৃদযন্ত্ৰৰ বাবে স্বাস্থ্যকৰ।
৩/ স্মৃতিশক্তি উন্নত কৰে।
৪/ কোনো বিষ বা কষ্ট দূৰ কৰে।
৫/ ৱৰ্কআউটৰ সময়ত সহনশীলতা বৃদ্ধি। কৰে
৬/ মেজাজ উন্নত কৰে : আপোনাৰ পছন্দৰ গীতে দুখতো সুখ প্ৰদান কৰে।
✍️ Winner Boruah.
