07/04/2026
"ഫസലിൻ്റെ ചോര"
എൻ്റെ കൗമാരക്കുതുഹുലങ്ങളിലെ ഏറ്റവും പ്രധാനപ്പെട്ട രണ്ട് സ്ഥലനാമങ്ങളാണ് തലശ്ശേരിയും മാഹിയും. ആദ്യമായി കടൽ കണ്ട, തീവണ്ടിയിൽ കയറിയ, സിനിമ കണ്ട നഗരമാണ് തലശ്ശേരി. നനവാർന്ന ആ ഓർമകൾക്കൊപ്പം, ഇപ്പോൾ രസം തോന്നുന്ന, അന്ന് വിറയാർന്ന ഓർമളുമുണ്ട്. ആ മേഖലയിൽ പൊടുന്നനെയുണ്ടാവുന്ന രാഷ്ട്രീയ സംഘർഷങ്ങളിൽ അവിചാരിതമായി പെട്ടു പോവുക എന്നതാണത്. വെറുതെ പെടുക എന്നത് ഒരു നിയോഗം പോലെ. ബസിൽ യാത്ര ചെയ്യവെ, മിന്നൽ ഹർത്താൽ വന്ന്, ബസ് തടഞ്ഞു നിർത്തപ്പെട്ട് പാറാലിൽ നിന്ന് പെരിങ്ങത്തൂർ വരെ, ഒരിക്കൽ മേക്കുന്ന് നിന്ന് നാദാപുരം വരെയൊക്കെ കിലോ മീറ്ററുകൾ നടന്നു പോകേണ്ട അനുഭവമുണ്ടായിട്ടുണ്ട്.
അമ്മട്ടിലൊരു പെടലായിരുന്നു 2006 ഒക്ടോബർ 22ലെത്. ഫസൽ വധം നടന്ന ദിവസം. നഗരത്തിലെത്തിയ ശേഷമാണ് ആ കൊലപാതകത്തെ കുറിച്ച് അറിയുന്നത്. അതെക്കുറിച്ച് ഇന്നലെ ഔട്ട് ഓഫ് ഫോക്കസിൽ സംസാരിച്ചിരുന്നു.
തലശ്ശേരി ജനറൽ ആശുപത്രിയിലാണ് ഫസലിൻ്റെ മയ്യിത്ത് സൂക്ഷിച്ചിരിക്കുന്നത്. ഭയം ജനിപ്പിക്കുന്ന അച്ചടക്കത്തോടെ ചെറുപ്പക്കാരുടെ വലിയൊരു സംഘം അവിടെയുണ്ട്. അവരെ അഭിസംബോധന ചെയ്ത് സുമുഖനായൊരാൾ സംസാരിക്കുന്നത് കാണുന്നു. അത് ഇ. അബൂബക്കർ എന്ന അബു സാഹിബ് ആണെന്നാണ് ഞാൻ വിചാരിച്ചത്. പല തലശ്ശേരിയോർമകളിൽ, അകത്തു പതിഞ്ഞു കിടക്കുന്നോരോർമ.
ആ ഓർമകളാണ് ഔട്ട് ഓഫ് ഫോക്കസിൽ പങ്കു വെച്ചത്. തലശ്ശേരി ജനറൽ ആശുപത്രിയിൽ വെച്ച് പോസ്റ്റുമോർട്ടം നടന്നു എന്ന് പറഞ്ഞത് തെറ്റാണ്. മൃതദേഹം അന്നേരം അവിടെയുണ്ടായിരുന്നു. പോസ്‌റ്റ് മോർട്ടത്തിനായി പിന്നീട് കോഴിക്കോടേക്ക് കൊണ്ടുപോയതാണ്. പ്രസംഗിച്ചയാൾ അബു സാഹിബ് അല്ല. അന്ന് എൻ.ഡി.എഫിൻ്റെ കണ്ണൂർ ജില്ലാ കമ്മറ്റി അംഗവും സംഘടനയുടെ ജില്ലയിലെ താരപ്രഭാഷകനുമായ എ.ടി മഹറൂഫ് എന്നയാളായിരുന്നു എന്ന് ഞാൻ ഇപ്പോൾ മനസ്സിലാക്കുന്നു. എൻ്റെ ഭാഗത്തു നിന്നുണ്ടായ ഓർമ്മപ്പിശകാണ്. ഓർമ്മപ്പിശകിനെ നുണ എന്ന് പറയാനും ഓർമ്മപ്പിശക് സംഭവിച്ചയാളെ നുണയൻ എന്ന് വിളിക്കാനും മറ്റൊരാൾക്ക് അവകാശമുണ്ട്. ആ അവകാശത്തെ മാനിക്കുന്നു.
ഫസൽ വധത്തിൽ സി.പി. എം ആണ് എന്ന കാര്യം 2008ൽ CBI അന്വേഷണം ഏറ്റെടുത്തതിന് ശേഷം പുറത്തു വന്ന എന്തോ പുതിയ വിശേഷം അല്ല എന്നും, കൊല നടന്ന അന്നു മുതൽ തന്നെ ആ സംശയം അന്തരീക്ഷത്തിലുണ്ടായിരുന്നു എന്നും സ്ഥാപിക്കാൻ വേണ്ടിയാണ് ഞാൻ അന്നത്തെ NDF നേതാവിൻ്റെ പ്രസംഗത്തെ ഓർത്തെടുത്തത്.
അപ്പോഴും എന്നെ ആശ്ചര്യപ്പെടുത്തുന്ന ചില സംശയങ്ങളുണ്ട്.
1. ഫസൽ വധത്തിൽ സി.പി.എമ്മിന് പങ്കുണ്ട് എന്ന, CBI കണ്ടെത്തിയ കാര്യം ഞാൻ പറയുമ്പോൾ CPMകാരെക്കാൾ SDPIക്കാർ അറഞ്ചം പുറഞ്ചം അസ്വസ്ഥരാകുന്നത് എന്തിനായിരിക്കും?
https://www.facebook.com/share/p/1LMrjWBo3h/
