02/06/2026
പ്രതിസന്ധികളിൽ കോൺഗ്രസ്സിന്റെ രക്ഷകൻ; രാഷ്ട്രീയ തന്ത്രജ്ഞതയുടെ വേണുഗോപാൽ സ്പർശം!
കർണാടക രാഷ്ട്രീയത്തിൽ വൻ ഭൂകമ്പം പ്രവചിച്ചവർക്കും, കോൺഗ്രസ്സ് ഭരണം പ്രതിസന്ധിയിലാകുമെന്ന് കാത്തിരുന്ന രാഷ്ട്രീയ എതിരാളികൾക്കും കനത്ത പ്രഹരം നൽകിക്കൊണ്ട് കർണാടകയിലെ മുഖ്യമന്ത്രി മാറ്റം തികച്ചും സമാധാനപരമായി പൂർത്തിയായിരിക്കുന്നു. സിദ്ധരാമയ്യ ജിയിൽ നിന്നും ഡി.കെ ശിവകുമാറിലേക്ക് അധികാരം കൈമാറുമ്പോൾ ഒരു ചെറിയ അസ്വാരസ്യം പോലും ഉണ്ടാകാതെ എല്ലാം ശുഭകരമായി കലാശിച്ചതിന് പിന്നിൽ ഒരൊറ്റ പേരേയുള്ളൂ — ശ്രീ. കെ.സി. വേണുഗോപാൽ!
ഇന്ത്യൻ രാഷ്ട്രീയത്തിലെ ഏറ്റവും മികച്ച 'ട്രബിൾ ഷൂട്ടർ' എന്ന് രാഹുൽ ഗാന്ധിയും മല്ലികാർജുൻ ഖാർഗെ ജിയും അദ്ദേഹത്തെ വിശേഷിപ്പിക്കുന്നത് വെറുതെയല്ല എന്ന് ഒരിക്കൽക്കൂടി തെളിയിക്കപ്പെട്ടിരിക്കുന്നു.
പ്രതിസന്ധികളെ അവസരമാക്കുന്ന തന്ത്രജ്ഞത: രാജസ്ഥാനായാലും ഹിമാചലായാലും ഇപ്പോൾ കർണാടകത്തിലായാലും, പാർട്ടിയിൽ അണയാൻ പോകുന്ന തീപ്പൊരികളെപ്പോലും ചർച്ചകളിലൂടെയും വിട്ടുവീഴ്ചയില്ലാത്ത നിലപാടുകളിലൂടെയും ഒതുക്കിത്തീർക്കാൻ കെ.സി എന്ന രണ്ടക്ഷരത്തിന് സാധിക്കുന്നുണ്ട്.
ഹൈക്കമാൻഡിന്റെ വിശ്വസ്തൻ: സോണിയാ ഗാന്ധിയുടെയും രാഹുൽ ഗാന്ധിയുടെയും പൂർണ്ണ വിശ്വാസമുള്ള ജനറൽ സെക്രട്ടറി എന്ന നിലയിൽ, ഇരുപക്ഷത്തെയും നേതാക്കളെ ഒരേപോലെ കേൾക്കാനും അവരെ ഒരേ മേശയ്ക്ക് ചുറ്റുമിരുത്തി സമവായത്തിലെത്തിക്കാനും അദ്ദേഹത്തിനുള്ള കഴിവ് അപാരമാണ്.
അഭ്യൂഹങ്ങൾക്ക് ഫുൾസ്റ്റോപ്പ്: ദിവസങ്ങളായി മാധ്യമങ്ങൾ പ്രവചിച്ച എല്ലാ നെഗറ്റീവ് വാർത്തകളെയും നിഷ്പ്രഭമാക്കിക്കൊണ്ടാണ് കെ.സി. വേണുഗോപാൽ കർണാടകയിലെ ഈ ഭരണം മാറ്റം സ്മൂത്തായി കൈകാര്യം ചെയ്തത്.
ശ്രീ. സിദ്ധരാമയ്യയുടെ പരിചയസമ്പത്തും ശ്രീ. ഡി.കെ ശിവകുമാറിന്റെ പോരാട്ടവീര്യവും ഒരുപോലെ കോൺഗ്രസ്സിന് ആവശ്യമാണെന്ന് ബോധ്യപ്പെടുത്തിക്കൊണ്ട്, അവരെ ഒരുമിച്ച് നിർത്തി കർണാടകയെ വികസനത്തിലേക്ക് നയിക്കാൻ കെ.സി വേണുഗോപാൽ നടത്തിയ അണിയറ നീക്കങ്ങൾ രാഷ്ട്രീയ വിദ്യാർത്ഥികൾക്ക് ഒരു പാഠപുസ്തകമാണ്.
പ്രതിസന്ധികളിൽ പതറാത്ത, തർക്കങ്ങളിൽ തളരാത്ത കോൺഗ്രസ്സിന്റെ യഥാർത്ഥ കരുത്താണ് കെ.സി. വേണുഗോപാൽ!
K.C. Venugopal
