Garo Digital News

26/07/2025

GHADC-ni budget session-ko salbrina tarisoaha indiba salgittamon matchoatani gimin nangchongmotgipa chanchirimna nangako chanchirimna somoi on·jaha. Uni gimin GHADC-o Special Session-ko ong·atchina Governor-ko mol·molgen:Tura-ni MDC.
.

25/07/2025

DRDA Project Director-na A·chik MCS officer-ko on·china GSMC Speaker-ko didianga

Tura, July 26, 2025: Garoland State Movement Committee (GSMC) CEC Tura aro A·chik State Peoples' Front (ASPF) HQ Tura, A·chik a·songni Skotong ong·a, uni gimin, Tura-o Senior ong·gipa aro namgipa A·chik MCS officer-rangko nangenga ine a·dokni Skotong Minister Pa Conrad K.Sangma aro North Tura-ni MLA aro Assembly-ni Speaker Pa Thomas A.Sangma-na sedoatgipa chittio janapataha.

Iani bidingo GSMC-ni Acting Chairman Te Balkarin Ch.Marak aro gipin NGO-ni dilgiparang, North Tura-ni MLA, Pa Thomas A.Sangma-ko mikkangrik gronge, Tura-ni DRDA Project Director-na gipin jat MCS officer-ko rimbaengani gimin, uni palo Senior ong·gipa A·chik MCS officer-ko DRDA Project Director-ni kamko on·china mol·molamgaha.

Meghalaya a·doko mongsonggipa jatgittam, Garo, Khasi aro Jaintia ong·a. Ia gittamna chamgimin job reservation policy-ko Garorang 40%, Khasi aro Jaintia-rang 40% ko man·enga, uni gimin Tura-o namgipa aro changgipa sapgipa, A·chik MCS officer-rangko nangenga ine GSMC aro ASPF, Assembly-ni Speaker-ko didiangaha.

Jedakode, A·chikrangni nangnikaniko ma·sigipa aro namgipa, A·chik officer-rangko Tura-o nangenga, maina Tura-an Garo Hills gimikni bijangchigipa biapba ong·a, ine Balkarin Marak parakataha.

25/07/2025

GHADC-o kam ka·giparang sal 13 asonge jingjengatani ja·man jinma re·jomaniko dakangskagen

Tura, July 26, 2026:Garo Hills Autonomous District Council (GHADC)-o kam ka·enggiparang, an·tangtangni man·na nangenggipa ja 42-ni dormaharangko on·china dabie, re·anggipa July 7 tarikoni asonge jingjengata, mijal July 25 tarik Sukrobar salo chu·gimik sal 13 gapaha.

Indiba, GHADC-ko chalaienggipa ruling EC maming aganchakaniko on·kujaengani gimin, re·baenghipa July 28 tarik Sombar salo uamangni duk mikchi ong·aniko mesokna jinma re·jomaniko ong·atna jinma tik ka·e ra·chakaha ine Non Gazetted Employees Association (NGEA)-ni President Brithen M.Sangma parakataha.

Uandake, NGEA-ni re·jomaniko William Point-oni a·bachenge, DC office gita Tura bajarko napake, apsan William Point-o matchotatgen ine NGEA-ni President parakataha.

Uni gisepon,GHADC-ko chalaienggipa EC maming ka·dongataniko on·na man·jaode, mikkangchi rakbata ja·kurangko de·anggen ineba, Brithen Sangma parakataha.

"Chinga indita bilsina duk mikchi ong·e, cha·a ringa gri nengskime kamrangko ka·aha, indiba chingni neng·nikaniko chingni dilgiparang ma·sichakjaha. Chingni man·gni dormaharang chu·gimik ja 42 ong·oba, chinga gimikkode bi·jaenga. Chinga ja 12, chong·motan bilsisanikosan bi·enga. Indiba uko on·jaode, jingjengataniko dontongja" ine NGEA-ni President parakaha.

25/07/2025

ADIL, Dadenggre Civil Sub Division-ni ning·o donggipa biaprango Infiltration Check Point-rangko kulichina sedoata

Tura, July 25, 2025: Assam a·doko niam gri songdongenggipa manderangko Assam sorkari a·rikgalengahani gimin ua manderang, Garo Hills-o katnape songdongskanaba donga ine A·chik Dedicated Integrity Leaders (ADIL) Western Zone, kenchaksoaniko parakatenba, Assam-oni niam gri napsrukbaaniko champengsona gita kamrangko ka·china Dadenggre Civil Sub-Division-ni dingtang dingtang biaprango Infiltration check point-rangko songchina Civil SDO-ko didiataha.

Iani bidingo Dadenggre Civil SDO-na see u·iatani gitade, Assam a·doko niam gri songdongenggipa manderangko Assam sorkari a·rikgalengahani gimin ua manderang, Garo Hills-ona napsrukbae songdongskanaba donga, ine ADIL Western Zone Phulbari parakatenba, Dadenggre Sub Division-ni ning·o donggipa Tikrikilla, Nidanpur, Chibinang, Bhaitbari aro Phulbari-o Infiltration Check Point-rangko songchina didiataha.

“Ia biaprangara, Assam-ni sima ario ong·ani gimin ia biaprang gita Garo Hills-ona napsruknaba donga. Uni gimin Garo Hills-o songdongenggipa Tribal-rangko chel·chakna aro niam gri napsrukanirangko champengsona gita Infiltration check point-rangko kulichina chinga didienga" ine ADIL Western Zone-ni President Jack Sangma parakataha.

25/07/2025

Rajabala, Balachanda jolrango bijoli wata tik ong·jani gimin Nokmarang aro songni dilgiparang CM-na chitti sedoanga

Tura, July 25, 2025: West Garo Hills a·jani ning·o ga·akgipa Rajabala aro Balachanda jolrango dongenggipa bang·a songrangan bijoliko name man·jaengani a·sel songni manderang ru·uta salrangonin neng·nikanirangko man·engani gimin, Rajabala aro Balachanda jolni Nokmarang, July 25 tarik Sukrobar salo a·dokni Skotong Minister Pa Conrad K. Sangma-ko Shillong-o gronge memorandum-ko on·eaha.

Rajabala aro Balachanda jolni wilwilao donggipa bang·a songrango songdongenggipa manderangni palo, "Chinga Nokmarang aro songni dilgiparang Rajabala, Balachanda, Singgimari aro una agreba a·bri jolo donggipa bang·a songrangon, 5000-KVA feeder transformer ge·sakon, ge 140 11-KVA feeder transformer-rangna jakkalenga. Ia 5000-KVA feeder transformer ge·sa mangmangde ge140-11KVA feeder transformer-rangde amchakjaenga. Uni a·sel overload ong·eming, jagittamrang batpile bijoliko tik ong·e jakkalna man·jaenga. Chingni salanti janggi tanganio nanga kamrang, mongsongbate skul poraigipa chatro chatrirang neng·nikaniko chagrongna nangenga" ine Nokmarang Skotong Minister-na seatgipa chittio janapataha.

Indake ong·engon, ia apsan dakgipa ge·gipin 5000-KVA feeder transformer-kode uamang ge 65 mang mang 11-KVA feeder transformer-nasan jakkalskaenga, uni gimin iako jakkalenggipa songrangde mamingba neng·nikani gri bijoliko man·enga.

Uni gimin, 11-KVA feeder transformer-rangna ia 5000-KVA feeder transformer ge·gniko jakkalna ong·jaode, Hallidayganj Lalmati Sub Station-o agitchae dongenggipa feeder transformer ge·sako jakkaldapchina mol·molataha. Jedakode, neng·nikaniko man·enggipa songrango nambate bijoliko jakkalna man·gen, ineba janapataha.

"Chinga bijolina neng·nikanirangko man·engani gimin, songni nokni dilgiparang, Nokma Sordar-rang aro songdong a·chagiparang changni chang, Power Department-na badi ka·genchimoba, maming namdapaniko man·jaengani gimin, chinga da·alo Skotong Minister Pa Conrad K. Sangma-ko ta·rake iani bidingo Department-ni officer-rangko didiatpachina mol·molenga" ine Nokmarang u·iataha.

25/07/2025

GHADC-o kam ka·giparang an·tangtangni man·gni dormaharangko on·china dabie sal 13 asonge jingjengatanio authority-rang mamingkoba aganchakjani gimin re·baenggipa July 28 tarik Sombar salo jinma re·jome jingjengatangskagen, ine NGEA-ni President Brithen M.Sangma parakataha.
.

25/07/2025

Assam-o nok jam pe·ruruani ja·mano Garo Hills-ona napdrabaenggipa manderangna simsaksona gita GHADC ja·ku de·aniko dakna gita re·baenggipa Sombar salo Tikrikilla Nokma Council office-o tom·aniko ong·ate pilak Nokma Sodar-rang, Lasker-rang, NGO-rang baksa chanchirimgen ine GHADC-ni Deputy CEM Pa Nikman Ch.Marak parakataha.
.

24/07/2025

https://ghdnews.in/chokpot-jolo-sanna-bananirangko-namdapatchina-ngo-rang-skotong-minister-ko-didiata/

Shillong, July 25, 2025: Chokpot jolni nangrimgimin NGO-rang, Butbar salo a·dokni Skotong Minister Conrad Sangma-ko gronge, Chokpot jolo nangchongmotgipa dingtang dingtang kamrangko nirokatpachina, dabie segimin chittiko on·angaha. Chokpot jolo sanna bananirangko namdapatna gita Chokpot CHC, Silki...

24/07/2025

https://ghdnews.in/chokpot-ni-ngo-rang-education-minister-ko-gronge-chokpot-degree-college-ko-affiliate-ka%c2%b7china-mol%c2%b7molanga/

Shillong, July 24, 2025: Chokpot jolni nangrimgimin NGO-rang chong·motan, GSU, CAVC, AHAM, GSMC, FKJGP, AYWO Butbar salo a·dokni Education Minister Rakkam A.Sangma-ko Shillong-o salo gronge, Chokpot Degree College-ko ta·rake NEHU-o Affiliation ka·e on·china mol·mole segimin chittiko on·enba a...

24/07/2025

Chang 14-gipa GHADC-ni budget session-ko ong·atna salbrini agenda-ko gittamgipa salon dontongatani gimin, warachakenggipa dolni MDC-rang suk ong·gijaniko parakata.
.

24/07/2025

Tura-ni MDC Bernard N.Marak 14-gipa GHADC-ni budget session-o nangchongmotgipa sing·na nanganirangko GHADC-ni Deputy Chairman ra·chakjani gimin suk ong·gijaniko parakata.
.

24/07/2025

https://ghdnews.in/gnc-skanggipa-changna-williamnagar-o-tom%c2%b7aniko-ong%c2%b7ate-dilgiparangko-seoka/

Tura, July 24, 2025: Garo National Council (GNC), Butbar salo skanggipa changna East Garo Hills, Singsanggre-o tom·bimonganiko ong·atangaha. Ia dal·begipa tom·bimonganio GNC-ni President Ma Kalpana D. Sangma, Vice President Pa Henising A.Sangma, Vice President aro GHADC-ni Deputy CEM Pa Nikman C...