The Garo Songbad

The Garo Songbad The Garo Songbad Page oniko nasimang gital koborrangko knasona mangen.

22/08/2025

Sixth schedule-ko jensalo an·ching A·chikrang gamchate ra·a unode 'Milam' ra·aigenok, Council ko namatnade tangkana mikpakma nie vote onabe : David Marak

22/08/2025

Batangipa August ni 18 tarikko GHADC ni CEM Pa. Albhinus R Marak officer rangni kam cholijani a·sel council siljaenga aro dormaha rangko o·na manjaeng·a ine agangipa katta chu·gimikan kakket ong·ja aro social mediao ke·ma bina gita nangen unbaksana Officer- rang jinma tome "Officer Forum" ko bimang dake Councilni namgnina kamko ka·genok ine BAKAIJA Officer Pa. Jarnash C. Marak parakataha.

21/08/2025

Dol bongga NGO rang poster Campaign ko Tura oni Garo Hills ki·tik briona a·bachengataha.

Tura,Aug 21, 2025 : Dol bongga NGO' ADE , AYWO , GSU, FKJGP, FAF Doldigre o rikenggipa Tura Government Medical College ko PPP (Public Private Partnership) mode chi chalaianiko jegalenba poster rango "Tura Medical College-ko PPP Mode- na onabe" aro " The Idea of PPP Mode For Tura Medical College Shows The Incompetency Of The State Government" kattarangko se·e Poster rangko dokan aro petrol pump rango tapaha .

Da·o re·baenggipa sombar 25 tarikko pilak dokan dakgiparangko 12 bajioni 2 bajiona konta gni na chipchina gitaba ui·ataha, maina ian skanggipa Government Medical College ko A·chik A·songo rikchengipako PPP mode dakgenchimode, kam ka·giparangba Govt. Service ong·jawaha aro Doctor na poraiatna admission aro fees rangko choligija nokdangni manderangde gamsokjawa aro sana bananio indin sana man·jawa maina company jakko ra·jokode sa·gipako san·na nengnikgen uni gimin dol bongga NGO' rang PPP mode ko A·chik A·songni namgnina raken jegalenga.

21/08/2025

Public Private Partnership (PPP) mode ko NGO rang jegala

Tura, Aug, 21,2025 : Tura Government Medical College ko PPP mode dakode kangal cholgrini bi·sarangko poraiatana nengnikgen, RIIMS ode bilsi 5 ata ni course ko porainan Lakh 5 ni ningo matchotna manaia, indiba an·chingni Tura Medical College ko PPP mode dakjokode bilsi antin Lakh 18 dakerangsa admission rangko ka·ana nangen uni gimin poraina sengipa bi·sarang ongenchimoba nokdangni gita maa paa indita bangbea Lakh tangkarangko gamsokjawa .

Tura Government Medical College ko gitcham CM Dr. Mukul Sangma ni somoi government chi chalainasa ua mane on·baaha aro Doldigre A·kingni Nokma ba uamangni a·ako Tura Government Medical Collegeko riknasa on·aha, da·o a·dok sorkari ni skotong Minister Conrad K Sangma ni PPP mode dakna tik ka·aniko
Chinga dol bongga NGO' ADE, AYWO, FKJGP, FAF, GSU raken jegalenga ine FKJGP ni President Pritam Marak parakataha.

20/08/2025

EC ko rikgipa MDC rang dacoit-rangsa : GSU President, Zikku Balgra N Marak

20/08/2025

Crore 24 Lakh 45 Ritcha 900, Kolgrik ko watataha NGEA na jabrini dormaharangko ona mangen , kosak gadango kam ka·gipa officer rang kam kana changja uni giminsa Council siljaenga : CEM Albhinus R Marak

19/08/2025

Opposition dol ni MDC rang NGEA ni dormahana apsan dake duk chakrimpaa

Tura Aug 19,2025 : NGEA ni Ja 43 ni dormaha mangija dukko chakengon MDC rangba opposition ine changija uamang baksa bakrimpaanio maming political move dong·ja ine aganaha.

An·chingni GHADC na India A·songni notibegipa Article 244 one sixth scheduleo pangchake bil ongiminko napsrimanganiko dedorikpilna an·ching A·chik jat sakantini jakon ong·a ine ku·mongpana aro NGEA ni dormahana jingjengatengon ua mangni dormaha ko tarake on·china, Garo Customary Law aro separate Electoral Roll tarake chusokatchina dabienga.

2024-2025 bilsio sandiani gisepon Garo Customary Law ni bill banona sokangjok uko sandion Law department ona sokangaha ine chingna aganronga indiba chinga uamangni aganchakaniko chu·ongnikjae sandion District Council Affairs Department on dongkuenga jekon State Govt. jakko rae chalaienga .

2021 bilsio MDC seokako mangipa MDC rang apsan chasong dambeni MDC rangko seokaha indiba jensalo EC ko bimang ongataha unon duk aro kaa beanisan ongaiaha maina ang·a ant·angba William Nagar NGO GSU ni Additional General Secretary ni kamko ka·bagipa ongachim aro Rongrikkimgre ni MDC Nikman Ch Marak ba GHSMC ni saksa dilgipa, Council ni chairman ba GSU ni dilgipa aro Baghmara ni MDC Nathwal S Marak ba saksa GSU ni dilgipan ongpaachim , MDC seokako mana skangde Campaign kamitingo jatni nangnikenggipa GCL, SER aro Councilni napsripanganiko dedorikpile tangchatpilna ine dingtang dakgipa gadango kamkana inesa rebaachim indiba jatni nangnikgipa pilakon je MDC rangan NGO' o kamkabagiparang MDC seokako mana sikang agangipa pilakon janggilo done chokina mikbokgiparang ongskaaha da·alo ia katta agana sikjaoba agana draatako manaha ine William Nagar ni MDC Pa. Alphonsus R Marak jinmana parakaha.

Chugimik video 👇 https://youtu.be/Szoi5K4o4FA?si=rST68oCHbrj2v41m

19/08/2025

NGEA ni dormahana jasa sal 11 na jingjengataniko sorkari kna·chakgija jaksue galani gimin aro councilni bonanganina dol 5 nangrimgimin NGO' rang chusoke on·china apsan bakrimtoka

Tura,Aug19,2015 : JHADC nade ja 7 ni dormahako salgni jingjengaton ₹35 crore ko rangsan ongataha, indiba GHADC-o kam kaengipa NGEA ni Ja 43 ni dormaha na jingjengata jasa sal 11 ong·omangba knachakjaenga A·chik Jatnade mamingsaloba kna·chakrongja indiba Khasi Jatrang jinjengatgenchimode A·dok ni CM ba kena.

Batangimin 2015 bilsio NPP EC ko rike Denang T Sangma ni CEM ongmitimgo da·o CM ongengipa Conrad K Sangma uno miting MLA, MP ongija ua ramram mandesan ong·e dongmitingo ua an·tangko District Council ni MDC na an·tangko nominate ka·e approve ka·a jaman CEM songchina Governor chi ra·angahachim indiba Meghalaya A·dokni Governor ra·chakjaha.

Uni jaman High Power Committee ni chairman jakko ra·skaaha, jekon da·o Rakesh Sangma daitoko ra·eba Council ko bonatna NGEA ni mikkango aganaha indide MDC se·oka jaman Council ona re·baon Council ko bonatna inesa re·batokengama?

2026 bilsion MDC se·okna election-ko ongataigenok uni gimin da·o a·songe EC ko rikenggipa gadangni MDC rangko se·oktaiode mikang bilsiode council sichipnaba gnange ine ADE ni President Pa. Dalseng Bira Ch. Momin A·chik Jat gimikna mikrakatani kattarangko aganangaha.

Dormahana dakrike chu·sokgenchimoba maidake jaanti dormaharangko na·simang mangen aro GHADC ni begruangako ripingangna gita mingdok agendarang
1) Separate Electoral Roll
2) Garo Customary Law
3) Finance Rule
4) Service Rule
5) Finance Account Committee aro
6) Digitalise
Ia mingdokrangko chu·sokjana kingking dakrikangkugen ine dol bongga NGO ni pal ong·e Pa. Ch. Momin aganangaha.

Chu·gimik video👇https://youtu.be/XXYsHfqmBwc?si=6PRA0tytgflkIoBF

15/08/2025

NGEA ni dormahana kalime dong·engipa bi·apona Dr. Mukul M Sangma re·ange grongeaha.

14/08/2025

NGEA ni dormaha mangija ja 43 ongengani gimin opposition ba me·jal saloni dormahana jingjengatna abachengaha, GHADC-o kam ka·engiparang maidake dormaha man·jaenga aro EC ko chalaigipa MDC rang maidake dormahako ona mangenchim uko talatan baksa A·dok ni CM NGEA ni dabiengipa ko jaksuegalaha.

Opposition dolni ming gittam dabianirangni
1) Taraken dormahako on·china dabienga ;
2) Garo Customary Law aro
3) Separate Electoral Roll

14/08/2025

Dr. Mukul Sangma Shillongo ongatgipa Business Advisory Committee meeting ko Tura oni online meetingo dong·paa

Tura Aug 14, 2025 : Mejal sal Autumn session ko September ni 8 tarikoni abachengen ine tik ka·angaha, Government ni rabagipa govt. businessna sal gittamna salko ra·aha. Salgni de private members dedicate na salko onaha.

Uno dingtang dingtang issue rangni gimin chanchirimangen aro GHADC ni obosta rangkoba chanianiko daken aro Kam gri professional course Agriculture, veterinary, Horticulture rangko poraia matchote kam mangija, chona gadango poraigipana kam nakatgiparango kam kana nangengaha unode chona gadango poraigipa aro dala gadango poraigiparang apsan kamna porikarangko segenchimode bilsi chikking ming bilsi kolgrik ongiparangni robol kalagita dakaigenok, Sorkari Govt. Service na kam gitalko taridapa baksana kam na mande rakina nangipakoba rakijani gimin chadamberang Kam gri dongenga uni gimin chadamberangni giminba chanchianiko dakangen.

Address

Tura
794101

Website

Alerts

Be the first to know and let us send you an email when The Garo Songbad posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Garo Songbad:

Shortcuts

Share

Category