07/04/2026
2030 Agenda. Antichrist ni sason ong·gnok. Bilsi 4 sanjok.
Ong·benaba mai tik 2029 ode aiao mai ong·gen, ine salgi ko vision o nike agane sianggi pa Jangrik Sangma ba aganangaha.
Iako aganengon tol·e katchinkgipasa intainaba donga. Indba uan sound doctrine ong·a. Katchinikna man·a, kndba namako rakibo katchinikgipako choniknabe ine agana.
Watatarang, 2 :17-18.
"Aro Isol aganaha, "Bon·kamani salo indake ong·gen anga pilak be·en ni kosako angni gisikoniko rudapgen. Aro na·simangni depanterang aro na·simangni demechikrang katchinike agangen, aro na·simangni panterang nikaniko nikgen. Aro na·simangni budepa rang jumangko nikgen, Aro uororo angni nokol me·asarang aro nokkol me·chikrangni kosakoba anga angni gisikoniko rudapgen aro uamang katchinike agangen."
Johan,16: 12-13.
"Na·simangna aganna angni katta bang·en gnangpiti, indiba na·simang da·on uarangko ra·chakna amja. Indiba ua bebeni gisik re·baoa ua na·simangko pilak bebeona dilgen; maina ua an·tangoni aganjawa, indiba jeko knagen uko agangen; aro ua ong·gnirangkoba na·simangna parakgen."
1 Thesal, 5 : 19-22.
"Gisikko kimitnabe, Katchinike aganarangko choniknabe, indiba pilakkon nie u·ibo; namako rakibo. Pilak ma·manti namgijarangoniko an·tangko rakibo."Unbaksanaba Israel o dakgrikengaha. Uan antichrist ni ong·katani ja·pangba ong·a. Dingtang dingrang biaprango banggridamdamengaha, dakgrik dinggrike karaprangba ong·engjok, giprorogipa sabisirangba ong·engaha. Da·o kenbegni virus sabisirang sokbatainasiengaha ineba mikrakatsoenga. Ian an·pakani saknaani a·bachenga ong·a, ine Jisuba aganaha.
2030 agenda ong·ode antichrist ong·katna da·o bilsi 4 sanjok. Isolni kattana gisik on·genma ma a·gilsakni re·ani politics na ka·donggen? Noah ni somoi gita apsan ong·genna ia somoioba.
Noah ni salo mai ong·a an·ching pilakan poraiman·aha. Nachil gnanggiparang gisikni aganako knachina ine Jisu agana. An·ching a·gilsakni re·anio ka·dongode ua somoio chi mripe sia gtan apsan ong·aigen da·oba. Unigiminsa Jisu agana, "Na·simang a·gilsak aro a·gilsaknirangna ka·sanabe, a·gilsakni re·anide ong·gramaia."
