Mor Ignatius News Desk - MIND

14/09/2025

12/09/2025

* അന്തരിച്ച പി പി തങ്കച്ചൻ*
_സഭയെ പ്രതി ത്യാഗങ്ങൾ സഹിച്ച ഉത്തമവിശ്വാസി_

🖊️ _ജിബി പാത്തിക്കൽ_
പെരുമ്പാവൂർ

മുൻ മന്ത്രി, നിയമസഭാ സ്പീക്കർ, എം.എൽ.എ, യൂഡിഫ് കൺവീനർ എന്നീ പദവികൾ വഹിച്ചിട്ടുള്ള കോൺഗ്രസ് നേതാവും പരി.യാക്കോബായ സഭാംഗമായ കമാൻ്റർ ശ്രീ പി.പി. തങ്കച്ചൻ സാറിൻ്റെ വിടവാങ്ങൽ പരി.യാക്കോബായ സഭയെ സംബന്ധിച്ച് തീരാ നഷ്ട്ടമാണ് ... രാഷ്ട്രീയത്തിൽ ഇത്രയേറെ ഉന്നത പദവികൾ വഹിച്ച യാക്കോബായ സഭയിലെ അംഗമായ ആദ്യ വ്യക്തിയും ഒരു പക്ഷെ കമാൻ്റർ ശ്രീ.പി.പി. തങ്കച്ചൻ സാർ തന്നെയാണ്... എന്നാൽ ഇത്രയേറെ ഉന്നതപദവികൾ വഹിക്കുമ്പോഴും അദ്ദേഹം സഭയെ പ്രതി ഏത് പീഢകളും സഹിക്കാൻ സന്നദ്ധനായ
പരി. സഭയുടെ അനുസരണയുളള വിനീത വിധേയനായ വാത്സല്യപുത്രനായിരുന്നു.. . രാഷ്ട്രീയം അതിന് അദ്ദേഹത്തിന് ഒരു തടസ്സമായിരുന്നില്ല... സഭാ പ്രവർത്തനവും രാഷ്ട്രീയ പ്രവർത്തനവും ഒന്നു പോലെ ഒത്തു കൊണ്ടുപോകുവാൻ അദ്ദേഹത്തിന് സാധിച്ചിട്ടുണ്ട് എന്നിടത്താണ് അദ്ദേഹത്തിന്റെ കഴിവ് നമുക്ക് വ്യക്തമാകുന്നത്. രണ്ടാം സഭാ പിളർപ്പിനെ തുടർന്ന് സഭയുടെ അതീവ പ്രതിസന്ധികൾ നിറഞ്ഞ
70 കളുടെ മധ്യത്തിൽ വിശ്വാസികൾ അലുവായിലേക്ക് നടത്തിയ ഗ്രേറ്റ് മാർച്ചിൽ പങ്കെടുത്ത അദ്ദേഹത്തിന് ആലുവായിലെ സംഘർഷത്തിലും പോലീസ് ലാത്തിചാർജിലും അതിക്രൂരമായ ലാത്തിച്ചാർജിന് വിധേയനാകേണ്ടി വന്നു.. കൈ ഒടിഞ്ഞ് ശരീരമാസകലം ഗുരുതരമായി പരിക്കേറ്റ് ബോധരഹിതനായ തങ്കച്ചൻ സാറിനെയും
അങ്കമാലി സ്വദേശിയായ മറ്റൊരു വിശ്വാസിയേയും മരിച്ചെന്ന് കരുതി അന്ന് അധികാരികൾ ആദ്യം ജീപ്പിലേക്ക് വലിച്ചെറിയുകയായിരുന്നു........ സഭാ വേദികളിലെ സജീവ സാന്നിധ്യമായിരുന്നു തങ്കച്ചൻ സാർ ...
തൻ്റെ സഭയനുഭവിക്കുന്ന നീതി നിക്ഷേധത്തെ പ്പറ്റി തൻ്റെ പ്രസംഗങ്ങളിലൂടെ പൊതു സമൂഹത്തോട് വിളിച്ച് പറഞ്ഞ അദ്ദേഹം ഞാൻ ഒരു പാത്രീയർക്കീസ് വിഭാഗക്കാരനാണെന്ന് ഏത് അധികാരികൾക്ക് പറയാൻ മടിയില്ലാതെ വ്യക്തിത്വം കൂടിയായിരുന്നു. 2017 ജൂലൈ 3 ന്റെ വിധിക്ക് ശേഷം പെരുമ്പാവൂരിൽ മേഖല യൂത്ത് അസോസിയേഷൻ നടത്തിയ യോഗത്തിലും അദ്ദേഹം പങ്കെടുത്തത് ഞാൻ ഓർക്കുന്നു ....

ഒരു ഉത്തമ അൽമായ വിശ്വാസിയായി പരി. പാത്രീയർക്കീസ് ബാവായോടും, അന്ത്യോഖ്യാ സിംഹാസനത്തോടും മലങ്കരയിലെ സഭാ നേതൃത്വത്തോടും എന്നും വിധേയപ്പെട്ട് നല്ല ബന്ധം പുലർത്തിയ വന്ന ശ്രീ തങ്കച്ചൻ സാറിന്റെ പ്രവർത്തനങ്ങളെ മാനിച്ചാണ് സഭ കമാൻ്റർ പദവി നൽകി ആദരിച്ചത്.
സഭയോട് കൂറു പുലർത്തി ആത്മാർഥതയോട് നൂറു ശതമാനം പ്രവർത്തിച്ച ഉത്തമ സഭാ വിശ്വാസിയായ തങ്കച്ചൻ സാറിനെ വേർപാട് സഭയ്ക്ക് തീരാ നഷ്ടമാണ്... പ്രിയ തങ്കച്ചൻ സാറിന്റെ വേർപാടിൽ അനുശോചനം രേഖപ്പെടുത്തുന്നതോടൊപ്പം സന്താപ്തരായ കുടുംബത്തിന്റെ ദു:ഖത്തിൽ പങ്കുചേരുന്നു പ്രിയ സാറിന്റെ ആത്മശാന്തിക്ക് പ്രാർത്ഥിക്കുന്നു....

11/09/2025

കമാന്റർ പി.പി.തങ്കച്ചൻ കർത്താവിൽ നിദ്ര പ്രാപിച്ചു.

പെരുമ്പാവൂർ: സഭാ പ്രവർത്തകനും കോൺഗ്രസ് നേതാവും മുൻ നിയമസഭാ സ്പീക്കറും ,എംഎൽഎയുമായിരുന്ന കമാന്റർ പി.പി.തങ്കച്ചൻ കർത്താവിൽ നിദ്ര പ്രാപിച്ചു... ഭൗതീക ശരീരം .... നാളെ (12/09/2025 ) രാവിലെ 11 മണിക്ക് പെരുമ്പാവൂരിലെ സ്വഭാവനത്തിൽ കൊണ്ടുവന്ന് പൊതുദർശനത്തിന് വയ്ക്കുകയും .... തുടർന്ന് സംസ്കാരം മറ്റന്നാൾഉച്ചയ്ക്ക് 2 മണിക്ക് ഭവനത്തിലെ ശുശ്രൂഷകൾക്ക് അകപ്പറമ്പ് മാർ ശാബോർ അഫ്രോത്ത് യാക്കോബായ സുറിയാനി കത്തീഡ്രൽ വലിയപള്ളിസെമിത്തേരിയിൽ നടത്തപ്പെടുന്നതുമാണ്....

11/09/2025

*കർത്താവിൽ പ്രിയരെ*✝️✝️

തെക്കൻ പറവൂർ മോർ യൂഹാനോൻ മാംദാന യാക്കോബായ സുറിയാനി വലിയ പള്ളിയിൽ മാസത്തിൽ ഒരു ദിവസം വീതമാണ് പഴയ പള്ളിയിൽ വി. കുർബ്ബാന നടന്നുവരുന്നത്. മനസ്സുരുകി പ്രാർത്ഥിക്കുന്ന ഒരാൾക്കുപോലും ആശ്വാസം ലഭിക്കാതെ പോകുന്നില്ല എന്നതാണ് പഴയ പള്ളിയുടെ പ്രത്യേകത. മോർ യൂഹാനോൻ മാംദാനയുടെ നാമത്തിലുള്ള പരി. സഭയിലെ അതിപുരാതനമായ ദേവാലയങ്ങളിലൊന്നാണ് തെക്കൻ പറവൂർ വലിയ പള്ളി. അനേകർ വിവിധ നാടുകളിൽനിന്നും പഴയ പള്ളിയിൽ വന്ന് പ്രാർത്ഥിച്ചുപോകുന്നു. പലർക്കും പലവിധമായ അനുഗ്രഹങ്ങളും ലഭിക്കുന്നതായി സാക്ഷീകരിക്കുന്നു. കുട്ടികളില്ലാത്ത ദമ്പതികൾക്ക് ഇവിടെ പ്രാർത്ഥിച്ച് സന്താന സൗഭാഗ്യം ലഭിക്കുന്നു. മാസത്തിൽ എല്ലാ രണ്ടാം ശനിയാഴ്ച്ചയും രാവിലെ 7.45 ന് പഴയ പള്ളിയിൽ വി. കുർബ്ബാന നടന്നുവരുന്നു 🛑

2025 സെപ്ത‌ംബർ മാസത്തിലെ വി. കുർബ്ബാന 13-ാം തീയതി ശനിയാഴ്ച്ച സഭയിലെ അഭിവന്ദ്യ മെത്രാപ്പോലീത്ത കുര്യാക്കോസ് മോർ ക്ലിമ്മീസ് തിരുമനസ്സുകൊണ്ട് അർപ്പിക്കപ്പെടുന്നു
🙏

ജാതി മത സഭാഭേദമന്യേ ഏവരേയും വി. കുർബ്ബാനയിൽ പങ്കുകൊണ്ട് അനുഗ്രഹം പ്രാപിക്കുവാൻ കർത്യനാമത്തിൽ ക്ഷണിച്ചുകൊള്ളുന്നു ♥️

എന്ന്,
വികാരി ഫാ. മനോജ് തുരുത്തേൽ

ട്രസ്റ്റിമാർ
Adv. Dileesh John 9895930962
CA. Santo Francis 9567494941

09/09/2025

വ്രതശുദ്ധിയുടെ നിറവിൽ എട്ടുനോമ്പാചരണം സമാപിച്ചു .

ചാലിശ്ശേരി (പാലക്കാട് ):ചാലിശ്ശേരി സെൻ്റ് പീറ്റേഴ്സ് ആൻഡ് സെൻ്റ് പോൾസ് യാക്കോബായ സുറിയാനി പള്ളിയിൽ എട്ടുദിവസങ്ങളിലായി നടന്നുവന്ന വ്രതശുദ്ധിയുടെ എട്ടുനോമ്പാചരണം സമാപിച്ചു .തിങ്കളാഴ്ച രാവിലെ കുര്യാക്കോസ് മോർ യൗസേബിയോസ് മെത്രാപ്പോലീത്ത വിശുദ്ധ മൂന്നിന്മേൽ കുർബ്ബാനക്ക് മുഖ്യ കാർമ്മികത്വം വഹിച്ചു

വികാരി ഫാ. ബിജുമുങ്ങാം കുന്നേൽ, ഫാ. ജോൺ കുളങ്ങാട്ടിൽ , ഫാ. സജി ചമ്പിൽ എന്നിവർ സഹകാർമ്മികരായി.

09/09/2025

ബഹറിൻ സെൻ്റ് പീ്റേഴ്സ് യാക്കോബായ സുറിയാനി പള്ളിയിലെ പരി. ദൈവമാതാവിൻ്റെ ജനന പെരുന്നാൾ ശുശ്രൂഷയ്ക്ക് പിറവം രാജാധിരാജ സെൻ്റ് മേരീസ് യാക്കോബായ സുറിയാനി കത്തീഡ്രൽ വികാരി
വന്ദ്യ പനിച്ചയിൽ വർഗീസ് അച്ചൻ്റെ മുഖ്യ കാർമികത്വത്തിൽ നടന്നു...ഇടവക വികാരി വട്ടവേലിയിൽ വന്ദ്യ സ്ലീബാ പോൾ കോർഎപ്പിസ്കോപ്പ സമീപം..

09/09/2025

*കണ്ണാറ സെന്റ് മേരീസ് യാക്കോബായ സുറിയാനി സൂനോറോ പള്ളിയിൽ നടന്ന എട്ടുനോമ്പ് പെരുന്നാൾ സമാപിച്ചു*

*കണ്ണാറ*: കണ്ണാറ സെന്റ് മേരീസ് യാക്കോബായ സുറിയാനി സൂനോറോ പള്ളിയിൽ നടന്ന എട്ടുനോമ്പ് പെരുന്നാൾ സമാപിച്ചു. വർഷത്തിൽ ഒരിക്കൽ മാത്രം പുറത്തെടുക്കുന്ന പരിശുദ്ധ ദൈവമാതാവിന്റെ സൂനോറോ വിശ്വാസികൾ വണങ്ങുന്നതിന് വേണ്ടി അഭിവന്ദ്യ കുര്യക്കോസ് മോർ ക്‌ളീമീസ് മെത്രാപ്പോലീത്ത പുറത്തെടുത്തു .നൂറു കണക്കിന് വിശ്വാസികളാണ് സൂനോറോ വണങ്ങുന്നതിനായി പള്ളിയിലേക്ക് ഒഴുകിയെത്തിയത്. ഇന്നലെ ഉച്ചക്ക് 2 മണി വരെ വിശ്വാസികൾ സൂനോറോ വണങ്ങി.പെരുന്നാളിന്റെ പ്രധാന ദിവസമായ ഇന്നലെ കാലത്ത് 8 മണിക്ക് വിശുദ്ധ മൂന്നിന്മേൽ കുർബാനയും തുടർന്ന് ലേലവും സൂനോറോ വണക്കവും നേർച്ച സദ്യയും ഉണ്ടായിരുന്നു.പള്ളിയിലെ പ്രധാന വഴിപാടായ തിരിനേർച്ചയ്ക്കും മുത്തുക്കുട നേർച്ചയിലും നിരവധി വിശ്വാസികൾ പങ്കെടുത്തു. വിശുദ്ധ സൂനോറോ പ്രാർത്ഥനയോടെ തിരികെ പേടകത്തിനുള്ളിലേക്ക് വെച്ചതോടെ പെരുന്നാൾ സമാപിച്ചു.വികാരി ഫാ.ബേസിൽ തെക്കുംമഠത്തിൽ, ട്രസ്റ്റി ബെന്നി കണ്ണേക്കാട്ട്, സെക്രട്ടറി മനോജ്‌ കദളിപ്പറമ്പിൽ എന്നിവർ നേതൃത്വം നൽകി.

09/09/2025

കട്ടച്ചിറ പള്ളിയിലെ എട്ടു നോമ്പ് പെരുന്നാളിന്റെ സമാപന ദിവസത്തെ വിശുദ്ധ കുർബാനയ്ക്ക് യാക്കോബായ സുറിയാനി സഭയുടെ വൈദീക ട്രസ്റ്റിയും, ഇടവക വികാരിയുമായ ഫാ. റോയി ജോർജ് കട്ടച്ചിറ കാർമികത്വം വഹിച്ചു.

08/09/2025

"വിശുദ്ധിയേറും മോറാനേ... അന്ത്യോഖ്യായുടെ അധിപതിയെ.. പ്രാര്‍ത്ഥിക്കണമേ ഞങ്ങൾക്കായി."

***പരിശുദ്ധനായ മോറാൻ മോർ ഇഗ്നാത്തിയോസ് ഏലിയാസ് തൃതിയൻ പാത്രിയാർക്കീസ് ബാവായുടെ കബറിങ്കൽ ആണ്ടു തോറും നടത്തി വരുന്ന അഖണ്ഡ പ്രാര്‍ത്ഥനാ യജ്ഞം 2025 ഒക്ടോബർ 11, 12, (ശനി, ഞായർ) തീയതികളിൽ മഞ്ഞിനിക്കര ദയറായിൽ കൊണ്ടാടപ്പെടുന്നു ***

സുറിയാനി ഓർത്തഡോക്സ് സഭയുടെ
ഭാരതത്തിലെ പ്രമുഖ തീർത്ഥാടന കേന്ദ്രവും
മലങ്കരയിലെ അന്ത്യോഖ്യാ എന്ന മഞ്ഞിനിക്കരയിലെ വിശുദ്ധവും - പുണ്യപ്പെട്ടതുമായ അഞ്ച് കബറുകളിൽ അന്ത്യ വിശ്രമം കൊള്ളുന്ന പരിശുദ്ധവും പുണ്യപ്പെട്ടതുമായ പിതാക്കൻമാരുടെ വി. കബറിങ്കൽ (മഞ്ഞിനിക്കര മോർ ഇഗ്നാത്തിയോസ് ദയറാ കത്തീഡ്രൽ)
പരിശുദ്ധനായ മോറാൻ മോർ ഇഗ്നാത്തിയോസ് ഏലിയാസ് തൃതിയൻ പാത്രിയർക്കീസ് ബാവായുടെ കബറിങ്കൽ എല്ലാ വർഷവും
ഒക്ടോബർ മാസത്തിൽ പരിശുദ്ധ ബാവായുടെ ജന്മദിനത്തോട് അനുബന്ധിച്ച് നടത്തി വരുന്ന അഖണ്ഡ പ്രാർത്ഥന ഈ വർഷവും
2025 ഒക്ടോബർ 11, 12 തീയതികളിൽ നടത്തപ്പെടുന്നു .

മോർ ഇഗ്നാത്തിയോസ് ദയറാ കത്തീഡ്രലിൽ
2025 ഒക്ടോബർ 11ന് ശനിയാഴ്ച രാവിലെ
5 മണിക്ക് പ്രഭാത നമസ്കാരം 7.30 നു യാക്കോബായ സുറിയാനി സഭയുടെ കൊല്ലം ഭദ്രാസനാധിപൻ അഭി. തെവോദോസിയോസ് മാത്യൂസ് മെത്രാപ്പോലീത്തായുടെ പ്രധാന കാർമ്മികത്വത്തിൽ വിശുദ്ധ കുർബ്ബാനയും ശുദ്ധമുള്ളതും പുണ്യപ്പെട്ടതുമായ പിതാക്കൻമാരുടെ കബറിങ്കൽ ധൂപ പ്രാർത്ഥനയും

10 am മണിക്ക് അഖണ്ഡ പ്രാർത്ഥന യജ്ഞം ഉദ്ഘാടനം .

വന്ദ്യ സോബിൻ ഏലിയാസ് കശ്ശീശ
ധ്യാനത്തിനു നേതൃത്വം നൽകും

ഉച്ചനമസ്കാരത്തിന് ശേഷം 2.30ന് വന്ദ്യ.ബേസിൽ കശ്ശീശ മഴുവന്നൂർ
ധ്യാനപ്രസംഗം നയിക്കും.

അഞ്ചു മണിക്ക് സന്ധ്യാനമസ്കാരം
തുടർന്ന് 6.30ന് വന്ദ്യ റെജി മാത്യു കശ്ശീശ, തിരുവല്ല ധ്യാനപ്രസംഗം നയിക്കും.

രാത്രിയിൽ വിശുദ്ധ മോറോന്റെ കബറിങ്കൽ സങ്കീർത്തന വായനയും പ്രാർത്ഥനാഗീതങ്ങളും, പ്രാർത്ഥനകളും നടക്കും.

12 ന് ഞായറാഴ്ച രാവിലെ 4 am
മണിക്ക് പ്രഭാത പ്രാർത്ഥന അഞ്ചുമണിക്ക്
അഭി.മോർ അത്തനാസിയോസ് ഗീവർഗീസ് മെത്രാപ്പോലീത്താ (മഞ്ഞിനിക്കര ദയറാ തലവൻ ) വിശുദ്ധ കുർബ്ബാന അർപ്പിക്കും.

6.30 ന് ആശിർവാദം വീ.കബറിങ്കൽ ധൂപ പ്രാർത്ഥന, നേർച്ചവിളമ്പ് എന്നിവയോടെ
അഖണ്ഡ പ്രാർത്ഥന സമാപിക്കും.

രോഗികൾക്കായുള്ള പ്രത്യേക പ്രാർത്ഥനകൾക്കായി ദയറാ ഓഫീസിൽ പേര് നൽകേണ്ടതാകുന്നു.

വി. കുർബ്ബാന പണം, പെരുന്നാൾ ഓഹരി, സംഭാവനകളും മുതലായവ ദയറാ ഓഫീസിൽ അടച്ച് ദയറാ ഓഫീസിൽ അടച്ച് രസീത് വാങ്ങേണ്ടതാണ്. Account Number.12500200000672
IFSC. FDRL0001250

(ഫോൺ. 0468 2353392, 9447019819).
നേർച്ചകൾ സമർപ്പിക്കുന്നതിലേക്കായി മേൽ ഫോൺ നമ്പറിൽ ബന്ധപ്പെടുക.

*** കാര്യ പരിപാടികൾ ***
*************************
2025 ഒക്ടോബർ - 11 (ശനി )
__________________________
5:00 am - പ്രഭാത നമസ്കാരം

7:30 am - വി.കുർബ്ബാന

അഭി. തെവോദോസിയോസ് മാത്യൂസ് മെത്രാപ്പോലീത്തായുടെ മുഖ്യകാർമ്മികത്വത്തിൽ

9:00 am - പ്രഭാത ഭക്ഷണം

10:00 am - അഖണ്ഡ പ്രാർത്ഥനയുടെ ഉദ്ഘാടനം

സ്വാഗതം : വന്ദ്യ . ജേക്കബ്ബ് തോമസ് കൊറെപ്പിസ്ക്കോപ്പാ മാടപ്പാട്ട് (കൺവീനർ)

അദ്ധ്യക്ഷൻ:
അഭി.മോർ അത്തനാസിയോസ് ഗീവർഗീസ് മെത്രാപ്പോലീത്ത.
(മഞ്ഞിനിക്കര ദയറാ തലവൻ )
ഉദ്ഘാടനം:
അഭി. തെവോദോസിയോസ് മാത്യൂസ് മെത്രാപ്പോലീത്ത.
( കൊല്ലം ഭദ്രാസനാധിപൻ)

11:00 am - ധ്യാനം നയിക്കുന്നത്..
വന്ദ്യ സോബിൻ ഏലിയാസ് കശ്ശീശ

12:30 pm - ഉച്ച നമസ്കാരം

1:00 pm - ഉച്ച ഭക്ഷണം/വിശ്രമം

2:00 pm - സങ്കീർത്തന വായനയും പ്രാർത്ഥനാ ഗീതങ്ങളും

2:30 pm - ധ്യാനം നയിക്കുന്നത്
വന്ദ്യ.ബേസിൽ കശ്ശീശ മഴുവന്നൂർ

4:30 pm - ചായ/വിശ്രമം

5:30 pm - സന്ധ്യാ നമസ്ക്കാരം

6:30 pm - ധ്യാനം നയിക്കുന്നത്
വന്ദ്യ റെജി മാത്യു കശ്ശീശ, തിരുവല്ല

7:30 pm - സങ്കീർത്തന വായനയും പ്രാർത്ഥനാ ഗീതങ്ങളും

8:00 pm - രാത്രി ഭക്ഷണം/വിശ്രമം

9:00 pm - 3:00 am സങ്കീർത്തന വായനയും , പ്രാർത്ഥനാ ഗീതങ്ങളും, പ്രത്യേക പ്രാർത്ഥനകളും തുടർന്ന് ദയറായുടെ താഴെ ഉള്ള കുരിശുംതൊട്ടിയിലേയ്ക്ക് പ്രദക്ഷിണം നടത്തപ്പെടുന്നു.

2025 ഒക്ടോബർ - 12 (ഞായർ) ________________________

3:00 am - 4:00 am - വിശ്രമം

4:00 am - പ്രഭാത പ്രാർത്ഥന

5:00 am - വിശുദ്ധ കുർബ്ബാന .

6:30 am - ആശിർവ്വാദം,

ശുദ്ധമുള്ള ഇഗ്നാത്തിയോസ് ഏലിയാസ് തൃതിയൻ പാത്രിയാർക്കീസ് ബാവായുടെയൂം പുണ്യശ്ലോകരായ പിതാക്കൻമാരുടെ കബറിങ്കൽ ധൂപപ്രാർത്ഥന, നേർച്ച വിളമ്പ്.
എന്നിവയോടെ ഈ വര്‍ഷത്തെ അഖണ്ഡപ്രാർഥന യജ്ഞം സമാപിക്കും
പങ്കെടുക്കുക അനുഗ്രഹം പ്രാപിക്കുക...

തന്റെ കബറിങ്കൽ വന്നണയുന്നവരെ കൈവിടാത്തതായ പരിശുദ്ധ മോറാനെ..
അന്ത്യോഖ്യായുടെ അധിപതിയെ പ്രാർത്ഥിക്കണമേ ഞങ്ങൾക്കായി..
🙏🙏🙏🙏🙏🙏