LOK RANG ਲੋਕ ਰੰਗ

12/10/2025

💐..ਬੱਸ ਏਨਾ ਹੀ ਕਹਿਣਾ ਸੀ..💐

ਜਦੋਂ ਵੀ ਕਿਸੇ ਰਿਸ਼ਤੇ ਚੋਂ ਕਿਸੇ ਇੱਕ ਨੂੰ ਛੱਡਣਾ ਹੋਵੇ ਤਾਂ ਬਿਨਾਂ ਕਿਸੇ 'ਸਾਜ਼ਿਸ਼' ਦੇ.. ਉਸ ਰਿਸ਼ਤੇ ਨੂੰ ਖਰਾਬ ਕੀਤੇ ਬਿਨਾਂ.. ਕਿਸੇ ਨੂੰ ਨਿਰਾਸ਼ ਕੀਤੇ ਬਿਨਾਂ.. 'ਮੈਂ ਸਹੀ' 'ਤੂੰ ਗਲਤ' ਦੇ ਦੀ ਲੜਾਈ ਤੋਂ ਬਿਨਾਂ.. ਕਿਸੇ 'ਤੇ ਝੂਠੇ ਇਲਜ਼ਾਮ ਲਾਏ ਬਿਨਾਂ.. ਸ਼ਾਂਤਮਈ ਢੰਗ ਨਾਲ ਉਸ ਰਿਸ਼ਤੇ ਨੂੰ ਛੱਡ ਦੇਣਾ ਚਾਹੀਦਾ ਹੈ..!! ਸਾਹਮਣੇ ਵਾਲੇ ਨੂੰ ਇੱਕ ਵਾਰ ਘੁੱਟ ਕੇ ਜੱਫੀ ਪਾਓ, ਜੋ ਉਸ ਰਿਸ਼ਤੇ ਦਾ ਹੱਕ ਸੀ.. ਜਿਸਨੇ ਜਾਣਾ ਹੈ ਦੋਸਤੋ ਓਹ ਜਾਕੇ ਹੀ ਰਹੇਗਾ , ਤੁਸੀ ਚਾਹੇ ਲੱਖ ਰੋਵੋ, ਗਾਵੋ ਜਾਂ ਮਰੋ.. ਤੇ ਸੱਚ ਤਾਂ ਇਹ ਹੈ ਕਿ ਕੋਈ ਮਰਦਾ ਵੀ ਨਹੀਂ... ਜਿਹੜੇ ਸੋਚਦੇ ਸੀ ਉਹਦੇ ਜਾਣ ਤੋਂ ਬਾਅਦ ਮਰ ਜਾਵਾਂਗੇ.. ✌️ਤਾਂ ਛੱਡੋ, ਅੱਗੇ ਵਧੋ.. ਬੱਸ ਆਪਣੇ ਮਨ ਨਾਲ ਸੱਚੇ ਰਹੋ ਤਾਂ..ਰਿਸ਼ਤਾ ਛੱਡਦੇਆਂ ਏਨੇ ਨੀਚਪੁਣੇ ਉੱਤੇ ਨਾ ਉਤਰੋ ਕਿ ਦੁਬਾਰਾ ਕਿਸੇ ਚੁਰਾਹੇ ਤੇ ਮਿਲੋ ਤਾਂ ਅੱਖਾਂ ਤੱਕ ਵੀ ਨਾ ਮਿਲਾ ਸਕੋਂ ਇੱਕ ਦੁੱਜੇ ਨਾਲ..
💐ਸੁਭ ਸਵੇਰ ਮੁਬਾਰਕਾਂ 💐

09/10/2025

.. ਖੋਖ਼ਲੇ ਰਿਸ਼ਤੇ 🔥
ਅੰਤਿਮ ਸੰਸਕਾਰ ਕਰ ਦਿਓ ਉਹਨਾਂ ਰਿਸ਼ਤਿਆਂ ਦਾ ਜੋ ਤੁਹਾਡੀ ਰੂਹ ਨੂੰ ਹੀ ਖੋਖਲਾ ਕਰ ਰਹੇ ਨੇ.. ਰਿਸ਼ਤਾ ਉਹੀ ਸਨਮਾਨਯੋਗ ਹੁੰਦਾ ਹੈ ਜੋ ਸਹਾਰਾ ਦੇਵੇ, ਹੌਸਲਾ ਬਖ਼ਸ਼ੇ ਅਤੇ ਤੁਹਾਡੇ ਅੰਦਰ ਦੀ ਤਾਕਤ ਨੂੰ ਹੋਰ ਮਜ਼ਬੂਤ ਕਰੇ.. ਜੇ ਕੋਈ ਤੁਹਾਡੇ ਨਾਲ ਰਹਿੰਦਿਆਂ ਹੀ ਤੁਹਾਡੀਆਂ ਜੜਾਂ ਕੱਟ ਰਿਹੈ.. ਤਾਂ ਉਹ ਰਿਸ਼ਤਾ ਨਹੀਂ ਸਗੋਂ ਇੱਕ ਬੋਝ ਆ.. ਜ਼ਿੰਦਗੀ ਬਹੁਤ ਛੋਟੀ ਆ.. ਇਸਨੂੰ ਧੋਖ਼ੇਬਾਜਾਂ, ਝੂਠੇ ਪਿਆਰ ਜਾਂ ਕਪਟ ਭਰੇ ਨਾਤਿਆਂ ਉੱਤੋਂ ਕੁਰਬਾਨ ਨਾ ਕਰੋ.. ਖੁਦ ਨੂੰ ਅਜ਼ਾਦ ਕਰੋ.. ਆਪਣੇ ਅੰਦਰ ਦੀ ਆਵਾਜ਼ ਨੂੰ ਸੁਣੋ ਅਤੇ ਹੌਸਲੇ ਨਾਲ ਉਹਨਾਂ ਬੇਅਸਰ ਰਿਸ਼ਤਿਆਂ ਦਾ ਅੰਤਿਮ ਸਸਕਾਰ ਕਰੋ ਅਤੇ ਓਹਨਾਂ ਰਿਸ਼ਤਿਆਂ ਨੂੰ ਸਮਾਂ ਦਿਓ ਜੋ ਤੁਹਾਡੀ ਬੇਹਤਰੀ ਲਈ ਆਪਣਾ ਕੀਮਤੀ ਸਮਾਂ ਬਰਬਾਦ ਕਰਦੇ ਨੇ.. ਜਸਪਾਲ ਸਿੰਘ ਜੱਸੀ ✍️

08/10/2025

✅ਇੱਜ਼ਤ
'ਇੱਜਤ' ਉਹ ਧਨ ਹੈ ਜੋ ਹਰੇਕ ਦੇ 'ਹਿੱਸੇ' ਨਹੀਂ ਹੁੰਦਾ.. ਜਿਵੇਂ 'ਕੁੱਤੇ' ਨੂੰ ਚੌਲ ਨਹੀਂ 'ਪਚਦੇ'.. ਠੀਕ ਓਸੇ ਤਰ੍ਹਾਂ 'ਘਟੀਆ' ਲੋਕਾਂ ਨੂੰ ਦਿੱਤੀ ਇੱਜਤ ਵੀ 'ਰਾਸ' ਨੀ ਆਉਂਦੀ.. ਕਿਰਦਾਰ ਤੋਂ ਵੱਧ ਮਿਲੀ ਇੱਜਤ ਅਕਸਰ 'ਅਫ਼ਰੇਵਾਂ' ਕਰ ਦਿੰਦੀ ਆ.. ਕਿਉਂਕਿ ਓਹ ਲੋਕ ਸਾਹਮਣੇ ਬੰਦੇ ਦੀ 'ਕਦਰ' ਕਰਨ ਦੀ ਬਜਾਏ ਉਸਨੂੰ ਆਪਣਾ ਪਿਤਾ ਪੁਰਖ਼ੀ 'ਹੱਕ' ਸਮਝਦੇ ਨੇ.. ਜਦਕੇ ਇੱਜਤ ਦੇਣਾ 'ਖਾਨਦਾਨੀ' ਬੰਦੇ ਦਾ 'ਕਿਰਦਾਰ' ਹੁੰਦਾ ਆ.. ਸੱਚੀ ਗੱਲ ਇਹ ਹੈ ਕਿ ਇੱਜਤ ਕਦੇ ਵੀ 'ਜ਼ਬਰਦਸਤੀ' ਨਹੀਂ ਮਿਲਦੀ ਤੇ ਨਾ ਹੀ 'ਬਜਾਰਾਂ' ਚੋਂ 'ਮੁੱਲ' ਮਿਲਦੀ ਆ.. ਉਹ ਤਾਂ ਮਨੁੱਖ ਦੇ ਚੰਗੇ ਕਰਮਾਂ ਅਤੇ ਨਿਮਰ ਸੁਭਾਅ ਨਾਲ ਕਮਾਈ ਜਾਂਦੀ ਆ.. ਇਸ ਲਈ ਇੱਜਤ ਦੇਣ ਤੇ ਲੈਣ ਦਾ ਸਲੀਕਾ ਜਾਨਣਾ ਜਰੂਰੀ ਹੈ..ਕਿਉਂਕਿ ਇਹ ਕਲਾ ਹਰ ਕਿਸੇ ਦੇ ਹਿੱਸੇ ਨਹੀਂ ਆਉਂਦੀ..
💐ਸੋਹਣੀ ਸਵੇਰ ਮੁਬਾਰਕ💐ਵਾਹਿਗੁਰੂ ਜੀ ਤੁਹਾਡੀ ਜਿੰਦਗੀ ਚ ਖੁਸ਼ੀਆਂ ਖੇੜੇ ਬਣਾਈ ਰੱਖਣ 💐ਵਾਹਿਗੁਰੂ ਬਾਬਾ ਜੀ 💐ਆਪਾਂ ਸਾਰਿਆਂ ਨੂੰ ਇਜ਼ਤਾਂ ਬਣਾਈ ਰੱਖਣ ਦਾ ਬਲ ਬਖਸ਼ਣ ਤੇ ਇਜ਼ਤ ਕਰਨ ਦਾ ਹੁਨਰ ਦੇਣ 💐ਤੁਹਾਡਾ ਦਿਨ ਸ਼ੁਭ ਹੋਵੇ 💐.. ਜੱਸੀ ✌️

26/09/2025

23/09/2025

✅ਸੱਚ ਵਰਗਾ ਝੂਠ ਬੋਲਣ ਵਾਲੇ ਸ਼ਾਤਰ ਲੋਕ..

📝ਇਨਸਾਨੀ ਸੁਭਾਅ ਦਾ ਸਭ ਤੋਂ ਵੱਡਾ 'ਵਿਰੋਧਾਭਾਸ' ਇਹ ਹੈ ਕਿ ਲੋਕ ਆਪਣੇ 'ਭੇਦਾਂ ' ਨੂੰ ਤਾਂ ਬੜੀ ਚੁਤਰਾਈ ਨਾਲ ਛੁਪਾ ਲੈਂਦੇ ਨੇ.. ਪਰ ਦੂਜਿਆਂ ਦੇ 'ਭੇਦ' ਖੋਲ੍ਹਣ ਚ ਇੱਕ ਪਲ ਲਈ ਵੀ 'ਹਿਚਕਚਾਉਂਦੇ' ਨੀ.. ਕੁਝ ਤਾਂ ਐਸੇ 'ਸ਼ਾਤਰ' ਦਿਮਾਗ਼ ਹੁੰਦੇ ਨੇ.. ਜੋ ਝੂਠ ਨੂੰ ਇਸ ਅੰਦਾਜ਼ ਨਾਲ ਪੇਸ਼ ਕਰਦੇ ਨੇ ਕਿ ਉਹ 'ਸੱਚ ਵਰਗਾ' ਲੱਗਣ ਲੱਗਦਾ ਆ.. ਸੋ ਹਰ ਕਿਸੇ ਦੀ ਗੱਲ ਤੇ ਵਿਸ਼ਵਾਸ ਕਰਨ ਤੋਂ ਪਹਿਲਾਂ ਸੌ ਵਾਰ ਵਿਚਾਰ ਕਰ ਲੈਣਾ ਜ਼ਰੂਰੀ ਆ.. ਕਿਉਂਕਿ ਸਮਾਜ ਵਿੱਚ ਸੱਚ ਅਤੇ ਝੂਠ ਦੀ ਪਰਖ਼ ਸਭ ਤੋਂ ਵੱਡੀ ਕਲਾ ਆ.. ਅਤੇ ਵਾਹਿਗੁਰੂ ਪਰਮ ਪਿਤਾ ਜੀ ਦੇ ਓਟ ਆਸਰੇ ਤੋਂ ਬਿਨਾਂ ਸੱਚ-ਝੂਠ ਦੀ ਪਰਖ਼ ਕਰਨ ਦੀ ਕਲਾ ਦਾ ਪ੍ਰਾਪਤ ਹੋ ਸਕਣਾ ਅਸੰਭਵ ਆ 🔥ਸੋਹਣੀ ਸਵੇਰ ਮੁਬਾਰਕ.. ਵਾਹਿਗੁਰੂ ਜੀ ਆਪਾਂ ਸਾਰਿਆਂ ਨੂੰ ਸੱਚ ਦੇ ਰਾਹ ਉੱਤੇ ਚਲਣ ਦਾ ਹੌਂਸਲਾ ਤੇ ਚੰਗਾ ਇਨਸਾਨ ਬਣਨ ਦਾ ਅਸ਼ੀਰਵਾਦ ਬਖਸ਼ਣ 💐💐
✌️ਜੱਸੀ ✍️

22/09/2025

🔥ਸੱਚ: ਆਦਿ ਤੋਂ ਅੱਜ ਤੱਕ 🔥

✅ਦੁਨੀਆਂ ਦਾ ਇਤਿਹਾਸ ਗਵਾਹ ਹੈ ਕਿ ਹਰ ਯੁੱਗ ਵਿੱਚ ਸੱਚ ਤੇ ਝੂਠ ਦੀ ਲੜਾਈ ਜਾਰੀ ਰਹੀ ਆ.. ਸੱਤਾ ਦੇ ਸਿੰਘਾਸਨ ‘ਤੇ ਅਕਸਰ ਉਹੀ ਲੋਕ 'ਬੈਠੇ' ਜਿਹੜੇ ਚਾਲਾਕੀ, ਕਪਟ ਤੇ ਫ਼ਰੇਬ ਨਾਲ ਆਪਣਾ 'ਰਾਜ ਕਾਇਮ' ਕਰਦੇ ਰਹੇ ਨੇ.. ਉਹਨਾਂ ਦੀ ਨੀਵ ਸੱਚ ‘ਤੇ ਨਹੀਂ, ਸਗੋਂ ਝੂਠ ਦੇ ਢੇਰਾਂ ‘ਤੇ ਟਿਕੀ ਆ ਰਹੀ ਆ.. ਇਸੇ ਕਰਕੇ ਸੱਚ ਬੋਲਣ ਵਾਲਿਆਂ ਨੂੰ ਹਮੇਸ਼ਾਂ ਮੁਸੀਬਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਆ.. 'ਸੁਕਰਾਤ' ਨੂੰ ਜ਼ਹਿਰ ਪੀਣ ਲਈ ਮਜਬੂਰ ਕੀਤਾ ਗਿਆ.. 'ਭਗਤ ਪਰਹਿਲਾਦ' ਨੂੰ ਅੱਗ ਵਿੱਚ ਸੁੱਟਿਆ ਗਿਆ.. 'ਭਗਵਾਨ ਰਾਮ' ਨੂੰ ਜੰਗਲਾਂ ਵਿੱਚ ਭੇਜਿਆ ਗਿਆ.. ਤੇ ਗੁਰੂ ਨਾਨਕ ਦੇਵ ਜੀ ਨੂੰ ਵੀ ਕਈ ਵਾਰ ਜੇਲ੍ਹੀਂ ਡੱਕਿਆ.. ਪਰ ਸੱਚਾਈ ਦਾ ਅਡੋਲ ਚਾਨਣ ਕਿਸੇ ਵੀ ਤਾਕਤ ਨਾਲ ਬੁਝਾਇਆ ਨਹੀਂ ਜਾ ਸਕਦਾ.. ਸੱਚੇ ਰਾਹ ‘ਤੇ ਤੁਰਨ ਵਾਲਿਆਂ ਨੂੰ ਤਸੀਹੇ ਮਿਲੇ..'ਕਈ' ਸੱਚ 'ਸੂਲੀ' 'ਤੇ ਵੀ ਹੱਸਕੇ ਚੜ੍ਹ ਗਏ ਪਰ ਉਨ੍ਹਾਂ ਸੱਚ ਦਾ ਕਰਮ ਤੇ ਸਿਧਾਂਤ ਕਦੇ ਨਹੀਂ ਛੱਡੇ। ਅਸਲ ਵਿੱਚ, ਉਹਨਾਂ ਦੀ ਹੀ ਕੁਰਬਾਨੀ ਨੇ ਸੱਚ ਨੂੰ ਅਮਰ ਕੀਤਾ.. ਸੂਲੀ ਚਾੜ੍ਹੇ ਗਿਆਂ ਦੀਆਂ ਕਬਰਾਂ ਤੇ ਅੱਜ ਵੀ ਮੇਲੇ ਲਗਦੇ ਨੇ.. ਜਿੱਥੇ ਜਿੱਥੇ ਉਨਾਂ ਪੈਰ ਧਰੇ ਉਥੇ ਸੋਹਣੇ ਸਮਾਰਕ ਉਸਾਰੇ ਗਏ ਨੇ.. ਜਿੱਥੇ ਉਨਾਂ ਦੇ ਸਿਧਾਂਤ ਨੂੰ ਦਿਨ ਰਾਤ ਚਿਤਵਿਆ ਜਾਂਦੈ💐..ਦੂਜੇ ਪਾਸੇ 'ਕਪਟ ਤੇ ਫ਼ਰੇਬ' ਨਾਲ ਰਾਜ ਕਰਨ ਵਾਲੇ ਬੇਸ਼ਕ ਕੁਝ ਸਮੇਂ ਲਈ ਸੱਤਾ ਦਾ ਮਜ਼ਾ ਲੈ ਗਏ ਪਰ ਅੱਜ ਉਹਨਾਂ ਦੀਆਂ ਕਬਰਾਂ ਉੱਤੇ ਦੀਵੇ ਜਗਾਉਣ ਵਾਲਾ ਵੀ ਕੋਈ ਨਹੀਂ ਬਚਿਆ.. ਲੋਕਾਂ ਉੱਤੇ ਤਸੱਦਦ ਤੇ ਜੁਬਾਨਬੰਦੀ ਕਰਨ ਵਾਲੇ ਜਾਲਮ ਇਸ ਗੱਲ ਨੂੰ ਪੱਲੇ ਬੰਨ੍ਹ ਲੈਣ ਕਿ ਜੇ ਇਤਿਹਾਸ ਚ 'ਉਨਾਂ' ਦਾ ਕੱਖ਼ ਨੀ ਰਿਹਾ ਤਾਂ ਰਹਿਣਾ 'ਹੁਣ' ਵੀ ਨਹੀਂ.. 'ਅੱਤ ਤੇ ਅੰਤ' ਚ ਕੇਵਲ ਅੱਧਕ ਦਾ ਫ਼ਰਕ ਹੁੰਦੈ.. 🔥

✌️ਜੱਸੀ✍️

21/09/2025

ਜ਼ੁਬਾਨ ਦੀ 'ਇੱਜਤ' ਸਮਾਜ ਤੇ ਰੱਬ ਦੇ ਦਰਬਾਰ ਦੋਵਾਂ ਚ..
ਪਹਿਲਾਂ ਸਮਿਆਂ ਵਿੱਚ ਇਨਸਾਨ ਦੀ ਜੁਬਾਨ ਹੀ ਉਸ ਦੀ ਪਹਚਾਣ ਹੁੰਦੀ ਸੀ.. 'ਵਚਨ' ਦੇਣਾ ਮਤਲਬ ਸੀ ਕਿ 'ਗੱਲ ਪੱਕੀ ਹੋ ਗਈ'.. ਕੋਈ 'ਕਾਗਜ਼', ਕੋਈ 'ਦਸਤਖ਼ਤ' ਨਹੀਂ.. ਸਿਰਫ਼ 'ਭਰੋਸਾ' ਹੀ ਕਾਫੀ ਹੁੰਦਾ ਸੀ.. ਲੋਕਾਂ ਦੀਆਂ ਅੱਖਾਂ ਚ ਸੱਚਾਈ ਹੁੰਦੀ ਸੀ, ਦਿਲ ਖ਼ਾਲਸ.. ਪਰ ਸਮਾਂ ਬਦਲਿਆ, ਨੀਅਤਾਂ ਵਿੱਚ ਖੋਟ ਆਇਆ ਤੇ ਮਨੁੱਖ ਆਪਣੇ ਬਚਨ ਤੋਂ ਮੁੱਕਰਨ ਲੱਗਾ.. ਅੱਜ ਰਿਸ਼ਤਿਆਂ ਤੋਂ ਲੈ ਕੇ ਕਾਰੋਬਾਰ ਤੱਕ ਸਭ ਕੁਝ 'ਕਾਗਜ਼ਾਂ' ਤੇ ਟਿਕਿਆ ਹੋਇਐ.. ਕਾਗਜ਼ ਦਰਅਸਲ ਇਸ ਗੱਲ ਦਾ ਸਬੂਤ ਹਨ ਕਿ ਮਨੁੱਖ ਆਪਣੀ ਜੁਬਾਨ ਦਾ ਪੱਕਾ ਨੀ ਰਿਹਾ.. ਜੇ ਲੋਕ ਆਪਣੀ ਗੱਲ ਨਿਭਾਉਣ ਵਾਲੇ ਹੁੰਦੇ, ਤਾਂ ਕਦੇ ਵੀ ਕਾਨੂੰਨੀ ਕਾਗਜ਼ਾਂ ਦੀ ਲੋੜ ਨਹੀਂ ਸੀ ਪੈਂਣੀ..ਇਸ ਦਾ ਮਤਲਬ ਇਹ ਵੀ ਨੀ ਕਿ ਜ਼ੁਬਾਨਾਂ ਵਾਲੇ ਲੋਕ ਖ਼ਤਮ ਹੋਗੇ ਨੇ.. ਅੱਜ ਵੀ 'ਟਾਵੇਂ' ਇਨਸਾਨ 'ਨੇ' ਜਿਨ੍ਹਾਂ ਦੀ ਜੁਬਾਨ ਹੀ ਸਭ ਤੋਂ ਵੱਡਾ ਕਾਗਜ਼ ਹੈ। ਉਹ ਆਪਣਾ ਬਚਨ ਨਿਭਾਉਂਦੇ ਨੇ ਤੇ ਲੋਕਾਂ ਦੇ ਦਿਲਾਂ ਵਿੱਚ ਇੱਜ਼ਤ ਬਣਾਉਂਦੇ ਨੇ.. ਇਮਾਨਦਾਰੀ ਤੇ ਸੱਚਾਈ ਹੀ ਉਹ ਅੰਦਰਲੇ ਦਸਤਖ਼ਤ ਹਨ ਜਿਨ੍ਹਾਂ ਦੀ ਕਦਰ ਸਮਾਜ ਵਿੱਚ ਵੀ ਤੇ ਰੱਬ ਦੇ ਦਰਬਾਰ ਵਿੱਚ ਵੀ ਹੁੰਦੀ ਆ.. 💐ਜੱਸੀ ✍️

18/09/2025

ਜ਼ਿੰਦਗੀ ਸੱਚਮੁੱਚ ਬੇਮਿਸਾਲ ਆ.. ਹਰ ਇਕ ਪਲ.. ਹਰ ਇਕ ਸਾਂਹ.. ਦੀ ਆਪਣੀ ਕੀਮਤ ਹੁੰਦੀ ਆ.. ਜਿਹੜੇ ਮਨੁੱਖ ਆਕੜ ਤੇ ਹੰਕਾਰ ਨਾਲ ਜੀਵਨ ਜੀਊਂਦੇ ਨੇ 'ਉਹ ਅਸਲ ਚ ਮੁਰਦਿਆਂ ਵਾਂਗ ਹੁੰਦੇ ਨੇ ਕਿਉਂਕਿ ਉਨ੍ਹਾਂ ਵਿਚ ਜੀਵਨ ਦੀ ਗਰਮੀ ਤੇ ਨਰਮੀ ਗਾਇਬ ਹੋ ਜਾਂਦੀ ਆ'.. ਜਿੰਦਗੀ ਚ ਲਚਕੀਲਾਪਣ ਰੱਖਣਾ ਤੇ ਹਾਲਾਤਾਂ ਅਨੁਸਾਰ ਆਪਣੇ ਆਪ ਨੂੰ ਢਾਲਣਾ ਹੀ ਅਸਲੀ ਸਮਝਦਾਰੀ ਆ.. ਜਿਵੇਂ ਲਚਕੀਲੇ ਦਰਖ਼ਤ 'ਤੂਫ਼ਾਨਾਂ' ਦੇ ਬਾਵਜੂਦ 'ਖੜੇ' ਰਹਿੰਦੇ ਨੇ ਤੇ ਆਪਣੀ ਹੋਂਦ ਨੂੰ ਲੰਮੇ ਸਮੇਂ ਤੱਕ ਬਰਕਰਾਰ ਰੱਖਦੇ ਨੇ, ਓਵੇਂ ਹੀ ਮਨੁੱਖ ਵੀ ਜਿਹੜੇ ਹਾਲਾਤਾਂ ਅਨੁਸਾਰ 'ਝੁਕਦੇ ਤੇ ਸਬਰ-ਸਹਿਨਸ਼ੀਲਤਾ ਨਾਲ ਅੱਗੇ ਵਧਦੇ ਨੇ'.. ਓਹੀ ਜੀਵਨ ਚ ਅਸਲ ਕਾਮਯਾਬੀ ਹਾਸਲ ਕਰਦੇ ਨੇ..
💐ਸੋਹਣੀ ਸਵੇਰ ਮੁਬਾਰਕ💐ਵਾਹਿਗੁਰੂ ਜੀ ਸਦਾ ਚੜ੍ਹਦੀਆਂ ਕਲਾਂ ਵਿੱਚ ਰੱਖਣ ਅਤੇ ਤਰੱਕੀਆਂ ਨਾਲ ਨਿਵਾਜਣ💐ਤੁਹਾਡਾ ਦਿਨ ਸੁਭ ਹੋਵੇ 💐ਜੱਸੀ ✍️

17/09/2025

ਗੁਰੂ ਨਾਨਕ ਦੇਵ ਜੀ ਕਿੱਥੇ ਜੋਤੀ-ਜੋਤਿ ਸਮਾਏ..?

17/09/2025

ਸ਼ੱਕ! 'ਰਿਸ਼ਤਿਆਂ ਦਾ ਖ਼ਾਮੋਸ਼ ਕਾਤਲ'
ਸ਼ੱਕ ਮਨੁੱਖ ਦੇ ਮਨ ਦੀ ਇੱਕ ਅਜਿਹੀ ਬਿਮਾਰੀ ਆ.. ਜੋ ਹੌਲੀ-ਹੌਲੀ ਰਿਸ਼ਤਿਆਂ ਦੀ ਜੜ੍ਹ ਨੂੰ ਖਾ ਜਾਂਦੀ ਆ..ਇਹ ਸਿਊਂਕ ਵਾਂਗ ਹੁੰਦੈ..ਬਹੁਤ ਛੋਟਾ.. ਪਰ ਜਦ ਚੁਭਦਾ ਹੈ ਤਾਂ ਬੇਚੈਨ ਕਰ ਦਿੰਦਾ ਆ..ਜਦ ਦੋ ਵਿਅਕਤੀ ਆਪਸ ਦੀ ਗੱਲਬਾਤ ਬੰਦ ਕਰਦੇ ਨੇ..ਤਾਂ ਸ਼ੱਕ ਵਿਚਕਾਰ ਆਪਣਾ ਘਰ ਬਣਾ ਲੈਂਦੈ.. ਸ਼ੁਰੂ ਵਿੱਚ ਇਹ ਇੱਕ ਛੋਟੀ ਸੋਚ ਵਾਂਗ ਹੁੰਦੈ ਪਰ ਜੇ ਇਸਨੂੰ ਸਮੇਂ ਸਿਰ 'ਦੂਰ' ਨਾ ਕੀਤਾ ਜਾਵੇ ਤਾਂ ਇਹ ਰਿਸ਼ਤਿਆਂ ਨੂੰ ਸ਼ਮਸਾਨ ਬਣਾ ਦਿੰਦੈ..ਸੱਕੀ ਵਿਅਕਤੀ ਅਸਲ ਵਿੱਚ 'ਮਾਨਸਿਕ ਤੌਰ 'ਤੇ ਬਿਮਾਰ ਹੋ' ਜਾਂਦੈ.. ਉਹ ਹਰ ਗੱਲ ਵਿੱਚ 'ਸੰਦੇਹ' ਕਰਦੈ ਅਤੇ ਉਸਦੇ ਲਈ ਉਸਦੇ 'ਸ਼ੱਕ' ਹੀ 'ਸੱਚ' ਬਣ ਜਾਂਦੇ ਨੇ.. ਇਹ ਹਾਲਾਤ ਘਰ ਦੇ ਹਰੇਕ ਮੈਂਬਰ ਨੂੰ ਪ੍ਰਭਾਵਿਤ ਕਰਦੇ ਨੇ.. ਹਾਸੇ-ਖੁਸ਼ੀਆਂ ਵਾਲਾ ਘਰ 'ਝਗੜਿਆਂ' ਚੁੱਪ ਅਤੇ ਤਣਾਅ ਨਾਲ ਭਰ ਜਾਂਦੈ.. ਜਿਸ ਦੇ ਚਲਦਿਆਂ 'ਭਰੋਸੇ' ਦੀ ਨੀਂਹ ਟੁੱਟ ਜਾਂਦੀ ਹੈ ਅਤੇ ਪਰਿਵਾਰ 'ਟੁੱਟ' ਕੇ 'ਉੱਜੜ' ਜਾਂਦੈ.. ਸ਼ੱਕ ਦੀ ਪਹਿਚਾਣ ਕਰਨੀ ਆਸਾਨ ਨਹੀਂ ਹੁੰਦੀ, ਕਿਉਂਕਿ ਸੱਕੀ ਵਿਅਕਤੀ ਆਪਣੀ 'ਹਾਲਤ' ਨੂੰ ਬਿਮਾਰੀ ਨਹੀਂ ਮੰਨਦਾ.. ਪਰਿਵਾਰ ਦੇ ਹੋਰ ਮੈਂਬਰ ਵੀ ਕਈ ਵਾਰ ਸਮਝ ਨਹੀਂ ਪਾਂਉਂਦੇ ਕਿ ਅਸਲ ਸਮੱਸਿਆ 'ਸ਼ੱਕ' ਆ.. ਇਸ ਕਰਕੇ ਇਹ ਚੁੱਪ-ਚਾਪ ਘਰ ਦੀ ਰੌਣਕ ਨੂੰ ਖਤਮ ਕਰ ਦਿੰਦਾ ਆ.. ਸ਼ੱਕ ਤੋਂ ਬਚਣ ਦਾ ਇੱਕ-ਮਾਤਰ ਹੱਲ 'ਗੱਲਬਾਤ ਅਤੇ ਭਰੋਸਾ' ਹੈ। ਜਦ ਵੀ ਮਨ ਵਿੱਚ ਕੋਈ ਸੰਦੇਹ ਪੈਦਾ ਹੋਵੇ, ਉਸਨੂੰ ਦਿਲ ਵਿੱਚ ਰੱਖਣ ਦੀ ਬਜਾਏ ਖੁੱਲ੍ਹ ਕੇ ਸਾਂਝਾ ਕਰਨਾ ਚਾਹੀਦੈ.. ਪਾਰਦਰਸ਼ਤਾ, ਸਬਰ ਅਤੇ ਸੱਚਾਈ ਨਾਲ ਹੀ ਸ਼ੱਕ ਵਰਗੀ ਬਿਮਾਰੀ ਤੋਂ ਬਚਿਆ ਜਾ ਸਕਦਾ ਹੈ। ਸੋ 'ਸ਼ੱਕ' ਨੂੰ ਕਦੇ ਹੱਲਕੇ ਵਿੱਚ ਨਹੀਂ ਲੈਣਾ ਚਾਹੀਦਾ। ਇਹ ਰਿਸ਼ਤਿਆਂ ਦੀ ਖੁਸ਼ਹਾਲੀ ਲਈ ਸਭ ਤੋਂ ਵੱਡਾ ਖ਼ਤਰਾ ਹੈ। ਜੇ ਰਿਸ਼ਤੇ ਬਚਾਉਣੇ ਹਨ ਤਾਂ ਭਰੋਸਾ ਬਣਾਉਣਾ ਪਵੇਗਾ ਅਤੇ ਸ਼ੱਕ ਨੂੰ ਸਦਾ ਲਈ ਦਿਲ ਤੋਂ ਦੂਰ ਰੱਖਣਾ ਪਵੇਗਾ।✌️ਜੱਸੀ ✍️

16/09/2025

ਕਿੱਲ ✅
ਜਦ ਕੋਈ ਵਾਰ-ਵਾਰ 'ਕਿੱਲ' ਬਣਕੇ ਚੁਭਦਾ ਰਹੇ ਤਾਂ ਚੁੱਪ ਰਹਿਣਾ 'ਕਮਜ਼ੋਰੀ' ਬਣ ਜਾਂਦੈ.. ਸਹਿਣ ਵਾਲੇ ਨੂੰ ਲੱਗਦਾ ਹੈ ਇਹ ਉਸਦੀ 'ਸ਼ਾਂਤੀ ਤੇ ਸਬਰ' ਦੀ ਨਿਸ਼ਾਨੀ ਆ ਪਰ ਹਕੀਕਤ ਵਿੱਚ 'ਚੁਭਣ ਵਾਲਾ ਕਦੇ ਆਪਣੀ ਹੱਦ' ਨਹੀਂ ਸਮਝਦਾ.. ਇਸ ਲਈ ਲੋੜ ਹੁੰਦੀ ਹੈ ਇਕ ਵਾਰ 'ਹਥੌੜਾ' ਬਣਨ ਦੀ..'ਉਸਨੂੰ' ਟੱਕਰ ਮਾਰ'ਕੇ ਉਸਦੀ ਥਾਂ ‘ਤੇ 'ਖੜ੍ਹਾ' ਕਰ ਦੇਣ ਦੀ✌️ ਹਥੌੜਾ ਬਣਨਾ ਕਦੇ ਵੀ ਜ਼ਾਲਮ ਹੋਣਾ ਨਹੀਂ ਬਲਕਿ ਇਹ ਆਪਣੀ ਇੱਜ਼ਤ, ਆਪਣੀ ਹੱਦ ਤੇ ਆਪਣੀ ਹੋਂਦ ਦੀ ਪਹਚਾਣ ਕਰਵਾਉਣਾ ਹੁੰਦੈ.. ਕਿਉਂਕਿ ਜੇ 'ਕਿੱਲ' ਸਦਾ ਹੀ 'ਚੁਭਦੀ' ਰਹੇ ਤੇ ਅਸੀਂ 'ਸਹਿੰਦੇ' ਰਹੀਏ, ਤਾਂ ਇਹ ਸਬਰ ਨਹੀਂ.. 'ਨਾ'ਸਮਝੀ' ਹੈ। ਅਸਲੀ ਸਿਆਣਪ ਤਾਂ ਇਸ ਗੱਲ ਵਿੱਚ ਹੈ ਕਿ ਜਦ ਲੋੜ ਪਏ ਤਾਂ ਇਕ ਵਾਰ 'ਠੋਕ-ਕੇ' ਹੱਦਾਂ ਸਾਫ਼ ਕਰ ਦਿੱਤੀਆਂ ਜਾਣ।..💐ਸੋਹਣੀ ਸਵੇਰ ਮੁਬਾਰਕ💐ਵਾਹਿਗੁਰੂ ਜੀ ਤੁਹਾਡੇ ਉੱਪਰ ਆਪਣੀ ਦਿਆ ਮੇਹਰ ਸਦਾ ਬਣਾਈ ਰੱਖਣ 💐ਤੁਹਾਡਾ ਦਿਨ ਸ਼ੁਭ ਹੋਵੇ 💐🔥ਜੱਸੀ ✍️

24/10/2024

ਬਦਲਾ+ਅ ਦਾ ਉੱਤਮ ਨਮੂਨਾ
ਸ਼ਾਇਦ ਏਨਾਂ ਲੋਕਾਂ ਵਾਸਤੇ ਈ ਕਿਹਾ ਹੋਊ.. ਕਿ 'ਆਹ ਕੀ ਜੰਮਤਾ'