Punalur Media (2026)

21/11/2025

കോൺഗ്രസ്‌ നേതാവ്
നെടുങ്കയം നാസർ സിപിഐയിൽ ചേർന്നു.

പുനലൂർ: കോൺഗ്രസ് പുനലൂർ മുൻ ബ്ലോക്ക്‌ ജനറൽ സെക്രട്ടറിയും കർഷക കോൺഗ്രസ്‌ ജില്ലാ ജനറൽ സെക്രട്ടറിയുമായ നെടുങ്കയം നാസർ സിപിഐയിൽ ചേർന്നു.

നെടുങ്കയം നാസറിനെ സിപിഐ ജില്ലാ സെക്രട്ടറി പി എസ്. സുപാൽ എംഎൽഎ രക്തഹാരം അണിയിച്ചു സ്വീകരിച്ചു. സിപിഐ പുനലൂർ മണ്ഡലം സെക്രട്ടറി വി. പി. ഉണ്ണികൃഷ്ണൻ, മണ്ഡലം കമ്മിറ്റി അംഗം അഡ്വ. കാസ്റ്റ്ലസ് ജൂനിയർ, ലോക്കൽ കമ്മിറ്റി സെക്രട്ടറി വി.വിഷ്ണുദേവ്, എൽ. ഡി എഫ്. നെടുങ്കയം വാർഡ്‌ സ്ഥാനാർഥി പി.സി. ശാമുവൽ എന്നിവർ സംസാരിച്ചു.

കേരള മുസ്ലിം ജമ:ആത്ത് ഫെഡറേഷൻ ജില്ലാ ജനറൽ സെക്രട്ടറി, കേരള വ്യാപാരി വ്യവസായി ഏകോപന സമിതി എക്സി. മെമ്പർ, വിവിധ സ്കൂളുകളിൽ പി. റ്റി.എ പ്രസിഡന്റ്‌, കേരള സ്റ്റേറ്റ് ഗുഡ്‌സ് & ഓണേഴ്സ് പുനലൂർ താലൂക്ക് പ്രസിഡന്റ്‌, പുനലൂർ താലൂക്ക് റിപ്പബ്ലിക് ദിനാഘോഷ കമ്മിറ്റി ഭാരവാഹി തുടങ്ങി നിരവധി സാമൂഹിക സാംസ്‌കാരിക രംഗത്തു നേതൃ നിരയിൽ പ്രവർത്തിച്ചു വരുന്നു അദ്ദേഹം.

14/11/2025

*വിളക്കുടിയിൽ അഞ്ചുവർഷത്തിനിടെ അഞ്ചാമത്തെ പ്രസിഡന്റ്*

*പുനലൂർ*

വിളക്കുടി ഗ്രാമപ്പഞ്ചായത്തിൽ അഞ്ചുവർഷത്തിനിടെ അഞ്ചാമത്തെ പ്രസിഡന്റായാണ് സിപിഎമ്മിലെ ധന്യാ പ്രദീപ് ചുമതലയേറ്റത്. ഇരുപത് വാർഡുള്ളതിൽ പത്ത് അംഗങ്ങൾ വിജയിച്ച കോൺഗ്രസിനായിരുന്നു ഭരണം ലഭിച്ചത്.

കോൺഗ്രസിലെ അദബിയ നാസറുദീനായിരുന്നു ആദ്യ പ്രസിഡന്റ്. ആദ്യ മൂന്നുവർഷത്തിനുശേഷം 2023 ഡിസംബർ അവസാനം ധാരണപ്രകാരം രാജിവെച്ചു.പടലപിണക്കത്തെ തുടർന്ന് കോൺഗ്രസിൽനിന്നു കൂറുമാറി വന്ന രണ്ടുപേരിൽ ആദ്യം കെ.ആർ. ശ്രീകല രണ്ടാംപ്രസിഡന്റായി. പിന്നീട് 2024 ഡിസംബറിൽ രാജിവെച്ച് ഒപ്പം കൂറുമാറിയെത്തിയ റജീനാ തോമസ് മൂന്നാംപ്രസിഡന്റായി. ശ്രീകലയും റജീനയും എൽഡിഎഫ് പിന്തുണയോടെയാണ് സ്ഥാനങ്ങൾ നിലനിർത്തിയത്.

കൂറുമാറ്റക്കാരായ ഇരുവരെയും ഒക്ടോബർ 24-ന് അയോഗ്യരാക്കിയതിനെ തുടർന്നാണ് പത്തുമാസത്തിനുശേഷം റജീന സ്ഥാനമൊഴിയുന്നത്. അങ്ങനെയാണ്‌ വൈസ് പ്രസിഡന്റായ കരിക്കത്തിൽ തങ്കപ്പൻപിള്ള നാലാമത്തെ പ്രസിഡന്റായി സ്ഥാനമേൽക്കുന്നത്. സ്ഥാനത്ത്‌ തുടർന്നുവരുന്നതിനിടെയാണ് നവംബർ അഞ്ചിന് വിജ്ഞാപനം വരുന്നതും വ്യാഴാഴ്ച അഞ്ചാമത്തെ പ്രസിഡന്റായി ധന്യാ പ്രദീപ് തിരഞ്ഞെടുക്കപ്പെടുന്നതും.

10/11/2025

ചരിത്രത്തിൽ ആദ്യമായി കൊല്ലം - ചെങ്കോട്ട വഴി മഹാരാഷ്ട്രയിലേക്ക് ഒരു ട്രെയിൻ

പുനലൂർ: ചരിത്രത്തിൽ ആദ്യമായി കൊല്ലം - ചെങ്കോട്ട വഴി മഹാരാഷ്ട്രയിലേക്ക് ഒരു ട്രെയിൻ. ഹുസൂർ സാഹിബ് നന്ദേഡ് - കൊല്ലം ശബരിമല സ്പെഷ്യൽ ട്രെയിൻ അനുവദിച്ചു.

നേരത്തെ ശബരിമല തീർത്ഥാടനത്തോടനുബന്ധിച്ച്റെയിൽവേ അനുവദിച്ച ട്രെയിനുകൾ മുഴുവനും കോട്ടയം വഴിയുള്ളവയായിരുന്നു തമിഴ്നാട്ടിലെ കിഴക്കൻ പ്രദേശങ്ങളിൽ നിന്നുള്ളവർക്ക് കൂടി ഗുണപ്പെടുന്ന തരത്തിൽ മധുരൈ പുനലൂർ വഴി ശബരിമല സ്പെഷ്യൽ ട്രെയിൻ അനുവദിക്കണമെന്ന് കൊടികുന്നിൽ സുരേഷ് എംപി റെയിൽവേ മന്ത്രാലയത്തിൽ ശക്തമായ ഇടപെടൽ നടത്തിയിരുന്നു.

നിലവിൽ അനുവദിച്ചിരിക്കുന്ന ട്രെയിനിന് അധികമായി ആവണീശ്വരം,കൊട്ടാരക്കര എന്നിവിടങ്ങളിൽ സ്റ്റോപ്പ് വേണമെന്നുള്ള ആവശ്യം റെയിൽവേ മന്ത്രാലയത്തിൽ കൊടികുന്നിൽ സുരേഷ് എംപി ഉന്നയിച്ചിട്ടുണ്ട്. താമസിയാതെ സ്റ്റോപ്പ് ലഭ്യമാകുമെന്നാണ് പ്രതീക്ഷിക്കുന്നത്.

10/11/2025

കരാട്ടെയിൽ മേധയ്ക്ക് സ്വർണനേട്ടം

പുനലൂർ: ഓൾ ഇന്ത്യ ഷിട്ടോ റ്യൂ ഡോ ഫെഡറേഷൻ മൈസൂരുവിൽ നടത്തിയ 28-ാമത് ദേശീയ കരാട്ടെ ചാമ്പ്യൻഷിപ്പിൽ 10-11 വയസ്സുള്ള വിഭാഗത്തിലെ പെൺകുട്ടികളുടെ കത്താ മത്സരത്തിൽ പുനലൂർ വാളക്കോട് സ്വദേശിനി മേധാ ഷാൻ സ്വർണം നേടി.

ട്രോജെൻ ഷിട്ടോ റിയോ കരാട്ടെ അക്കാദമിയിലെ ചെയർമാനും ദേശീയ റെഫറിയുമായ എസ്. ഉല്ലാസിന്റ ശിക്ഷണത്തിൽ മൂന്നുവർഷമായി പരിശീലനം നടത്തിവരികയാണ് മേധ. പുനലൂർ വാളക്കോട് എൻഎസ്‌വി വിഎച്ച്എസ്എസിലെ അഞ്ചാംക്ലാസ് വിദ്യാർഥിയും പുനലൂർ വാളക്കോട് ശിവപ്രസാദത്തിൽ ഷാൻ പ്രസാദിന്റെയും സജിതാ ഷാന്റെയും മകളുമാണ്.

10/11/2025

*മോഷ്ടിച്ച മൊബൈൽ ഫോണുമായി പിടിയിൽ*

*അരുണാചലം*

*പുനലൂർ*

മോഷ്ടിച്ചെടുത്ത മൊബൈൽ ഫോണുമായി മദ്യപിച്ച നിലയിൽ കമ്ട തമിഴ്നാട് സ്വദേശിയായ യുവാവിനെ റെയിൽവേ പ്ലാറ്റ്ഫോമിൽ നിന്നു പുനലൂർ റെയിൽവേ പൊലീസ് അറസ്റ്റ് ചെയ്തു. തെങ്കാശി സ്വദേശി അരുണാചലം (44) ആണ് പിടിയിലായത്. ഓപ്പറേഷൻ രക്ഷയുടെ ഭാഗമായി കഴിഞ്ഞ ദിവസം വൈകുന്നേരം പുനലൂർ റെയിൽവേ സ്റ്റേഷനിൽ സംയുക്ത സ്ക്വാഡ് പരിശോധന നടത്തുമ്പോഴാണ് പ്ലാറ്റ്ഫോമിൽ മദ്യപിച്ച നിലയിൽ രണ്ട് മൊബൈൽ ഫോണുമായി ഇയാളെ കണ്ടെത്തിയത്.

2012ൽ കോഴിക്കോട് നടന്ന മോഷണക്കേസിൽ ശിക്ഷിക്കപ്പെട്ട് കണ്ണൂർ സെൻട്രൽ ജയിലിൽ നിന്നു പുറത്തിറങ്ങിയതാണ്. ഇയാളെക്കുറിച്ച് കൂടുതൽ അന്വേഷണം നടത്തി വരികയാണെന്ന് റെയിൽവേ പൊലീസ് എസ്എച്ച്ഒ ജി.ശ്രീകുമാർ പറഞ്ഞു. സ്ത്രീകൾ ഉൾപ്പെടെ എല്ലാവർക്കും ട്രെയിനിൽ സുരക്ഷിതമായ യാത്ര ഉറപ്പാക്കാൻ ഓപ്പറേഷൻ രക്ഷയുടെ ഭാഗമായി ഇതുവഴിയുള്ള എല്ലാ ട്രെയിനുകളും സ്റ്റേഷനുകളിലും ബോംബ് സ്ക്വാഡ്, ഡോഗ് സ്ക്വാഡ് എന്നിവ ഉൾപ്പെടെ സംയുക്ത പരിശോധന നടത്തി വരികയാണെന്നും അദ്ദേഹം പറഞ്ഞു.

10/11/2025

പുനലൂർ അജ്ഞാതജീവി

പുനലൂർ: നഗരസഭയിലെ തുമ്പോട് വാർഡിൽ വാട്ടർടാങ്ക് ഭാഗത്ത് അജ്ഞാതജീവിയെ കണ്ടതായി നാട്ടുകാർ. പുലിയെന്നാണ് പ്രദേശവാസികളുടെ സംശയം. ഇത് നാട്ടുകാരിൽ ഭീതിപടർത്തിയിരിക്കുകയാണ്.

അഷറഫ് എന്നയാളുടെ വീട്ടിലെ കോഴിക്കൂടിനടുത്തായി സമീപവാസിയാണ് ജീവിയെ കണ്ടത്. പുലിയോട് സാമ്യംതോന്നിക്കുന്ന ജീവിയാണെന്ന് ഇവർ പറയുന്നു. ഇവിടുത്തെ കൂട്ടിൽനിന്ന് നേരത്തേ കോഴികളെ കാണാതായിരുന്നു. ഏതാനും ദിവസം മുൻപ് പ്രദേശത്ത് പന്നിയെ ചത്തനിലയിലും കണ്ടെത്തിയിരുന്നു.

നാട്ടുകാർ അറിയിച്ചതനുസരിച്ച് വനംവകുപ്പ് ഉദ്യോഗസ്ഥർ എത്തി. ജീവിയുടെ കാൽപ്പാടുകൾ ഉൾപ്പെടെ പരിശോധിച്ചു. പരിഭ്രാന്തരാകേണ്ടതില്ലെന്നും സ്ഥലത്ത് പട്രോളിങ് നടത്തുമെന്നും ഉദ്യോഗസ്ഥർ പറഞ്ഞു.

01/11/2025

https://www.facebook.com/share/p/1EYRcrbjue/
*കേരളപ്പിറവി ദിനത്തിൽ കേരള ഫോക്കസ് പബ്ലിക് ലൈബ്രറിക്ക്‌ വാട്ടർ ഡിസ്‌പെൻസർ സമ്മാനമായി നൽകി.*

31/10/2025

എൽ. ഡി. എഫ് വികസന ജാഥ നടന്നു.

പുനലൂർ : എൽ ഡി എഫ് പുനലൂർ മുനിസിപ്പൽ വികസന ഈസ്സ് മേഖല ജാഥ നടന്നു.
സിപിഐ പുനലൂർ ഈസ്റ്റ്‌ ലോക്കൽ കമ്മിറ്റി സെക്രട്ടറിയും മണ്ഡലം കമ്മിറ്റി അംഗവുമായ വി. വിഷ്ണുദേവ് അദ്ധ്യക്ഷത വഹിച്ച യോഗം സിപിഎം ജില്ലാ സെക്രട്ടറിയേറ്റംഗം ജോർജ്ജ് മാത്യു ഉദ്ഘാടനം ചെയ്തു.

സിപിഐ മണ്ഡലം കമ്മിറ്റി അംഗം അഡ്വ. പി. എ. അനസ് ജാഥാ ക്യാപ്റ്റനും സിപിഎം ഏരിയ കമ്മിറ്റി അംഗം എസ്. രാജേന്ദ്രൻ നായർ ജാഥ മാനേജരും എൽഡിഎഫ് നേതാക്കളായ വി. എ. ഷെരീഫ് വൈസ് ക്യാപ്റ്റനും ഡി. ദിനേശൻ, സുബാഷ് ജി നാഥ്‌, ശ്യാംരാജ്, സതേഷ്, എസ്. എം. ഷെരീഫ്, കെ. കെ. ബാബു, സാനു കെ എബ്രഹാം എന്നിവർ അംഗങ്ങളുമായ ജാഥ വിളക്കുവെട്ടത്തു നിന്ന് ആരംഭിച്ച് റ്റി.ബി ജംഗ്ഷനിൽ സമാപിച്ചു. സിപിഎം ഏരിയ സെക്രട്ടറി അഡ്വ. പി. സജി, സിപിഐ നേതാക്കളായ കെ. രാധാകൃഷ്ണൻ, ഈ. കെ. റോസ്ചന്ദ്രൻ, മുനിസിപ്പൽ ചെയർപേഴ്സൺ കെ. പുഷ്പലത എന്നിവർ സംസാരിച്ചു.

23/10/2025

കളരിപ്പയറ്റിൽ പുനലൂരിന്റെ വാഗ്ദാനം..
കൊല്ലം റവന്യൂ ജില്ലാതല ജൂനിയർ കളരിപ്പയറ്റിൽ ഒന്നാം സ്ഥാനം നേടിയ പുനലൂർ ഗേൾസ് ഹൈസ്കൂൾ വിദ്യാർത്ഥിനി
ഹുദാ നസ്റിന് അഭിനന്ദനങ്ങൾ..!

23/10/2025

#സിപിഎം കൊല്ലം ജില്ലാ സെക്രട്ടറി :
#ജയമോഹനന് താൽക്കാലിക ചുമതല

സിപിഎം കൊല്ലം ജില്ലാ സെക്രട്ടറിയുടെ താൽക്കാലിക ചുമതല എസ് ജയമോഹന് നൽകും. നിലവിലെ ജില്ലാസെക്രട്ടറി എസ്. സുദേവൻ ആരോഗ്യ പ്രശ്നങ്ങളാൽ അവധിയിൽ പ്രവേശിച്ചതോടെയാണ് എസ് ജയമോഹന് സെക്രട്ടറിയുടെ ചുമതല നൽകുന്നത്. ഇന്ന് സംസ്ഥാന സെക്രട്ടറി എം വി ഗോവിന്ദൻ പങ്കെടുക്കുന്ന ജില്ലാ സെക്രട്ടേറിയേറ്റ് യോഗത്തിൽ എസ് ജയമോഹൻ ചുമതല ഏറ്റെടുക്കും. നിലവിൽ ക്യാഷു കോർപ്പറേഷൻ ചെയർമാനും, സിപിഐഎം സംസ്ഥാന കമ്മറ്റിയംഗവുമാണ് എസ് ജയമോഹൻ.

21/10/2025

സംസ്ഥാന സർക്കാരിന്റെ കഴിഞ്ഞ 10 വർഷത്തെ വികസന പ്രവർത്തനങ്ങളും പുനലൂർ നഗരസഭയുടെ അഞ്ച് വർഷക്കാലത്തെ വികസന പ്രവർത്തനങ്ങളും ജനങ്ങൾക്ക് മുന്നിൽ അവതരിപ്പിച്ച ജനങ്ങളുടെ അഭിപ്രായം ലഭ്യമാക്കുകയും ഭാവി വികസന പ്രവർത്തനത്തിനായി ഉള്ള ആശയങ്ങളും നിർദ്ദേശങ്ങളും ആരായുന്നതിനും കേരളം ഇന്നേവരെ ആർജിച്ച നേട്ടങ്ങളും മുന്നേറ്റങ്ങളും വിശദീകരിച്ചു പൊതുജന അഭിപ്രായം സ്വരൂപിക്കുന്നതിനും വേണ്ടി സംസ്ഥാന സർക്കാറിന്റെ നിർദ്ദേശ പ്രകാരം പുനലൂർ നഗരസഭയിലെ വികസന സദസ്സ് പുനലൂർ രാജ രോഹിണി ആഡിറ്റോറിയത്തിൽ ചേർന്നു. നഗരസഭ ചെയർപേഴ്സൺ കെ. പുഷ്പലത അധ്യക്ഷത വഹിച്ച ചടങ്ങിൽ വച്ച് പുനലൂർ എംഎൽഎ പി.എസ്. സുപാൽ വികസന സദസിന്റെ ഉദ്ഘാടന കർമ്മം നിർവഹിച്ചു. നഗരസഭയുടെ 5 വർഷത്തെ വികസന നേട്ടങ്ങൾ ഉൾക്കൊള്ളുന്ന വികസനരേഖ സംസ്ഥാന കശുവണ്ടി വികസന കോർപ്പറേഷൻ ചെയർമാൻ എസ്. ജയമോഹൻ പ്രകാശനം ചെയ്തു.

ഈ ഭരണസമിതിയുടെ ആദ്യ രണ്ടു വർഷങ്ങളിൽ കോവിഡ് പ്രവർത്തനങ്ങൾക്ക് മുൻതൂക്കം നൽകുകയും 124,44,660/- രൂപ ചെലവഴിക്കുകയും ചെയ്തു. തുടർന്ന് വന്ന മൂന്നു വർഷക്കാലം കൊണ്ട് നഗരസഭ നടത്തിയ വികസന പ്രവർത്തനങ്ങളും അതിന് ചെലവഴിച്ച തുകയും സംബന്ധിച്ച റിപ്പോർട്ട് നഗരസഭാ സെക്രട്ടറി അവതരിപ്പിക്കുകയും നഗരസഭയുടെ വികസന പ്രവർത്തനങ്ങൾ കാണിക്കുന്ന വീഡിയോ പ്രദർശിപ്പിക്കുകയും ചെയ്തു.

അതിദാരിദ്ര്യ നിർമ്മാർജ്ജന പദ്ധതിയുടെ ഭാഗമായി കണ്ടെത്തിയ 38 കുടുംബങ്ങൾക്ക് സേവനം ലഭ്യമാക്കുന്നതിന് മൈക്രോപ്ലാൻ തയ്യാറാക്കുകയും അവർക്ക് 100% സേവനം ലഭ്യമാക്കുകയും 2025 ഒക്ടോബർ ഒന്നാം തീയതി ചേർന്ന നഗരസഭ കൗൺസിൽ യോഗം 22 (7) നമ്പർ തീരുമാനം അനുസരിച്ച് ഇന്നു നടന്ന വികസന സദസിൽ വച്ച് സംസ്ഥാന കശുവണ്ടി വികസന കോർപ്പറേഷൻ ചെയർമാൻ ശ്രീ എസ് ജയമോഹൻ അവർകൾ പുനലൂർ നഗരസഭയെ അതിദാരിദ്ര്യമുക്ത നഗരസഭയായി പ്രഖ്യാപിക്കുകയും ചെയ്തു.

പി എം എ വൈ ലൈഫ് പദ്ധതി പ്രകാരം നഗരസഭയുമായി കരാർ വച്ച് 1375 ഗുണഭോക്താക്കളിൽ 1041 കെട്ടിടങ്ങളുടെ പ്രവർത്തി പൂർത്തീകരിക്കുകയും 344 കെട്ടിടങ്ങളുടെ പൂർത്തീകരണ പ്രവർത്തി നടന്നു വരികയും ചെയ്യുന്നു. കേരളത്തിൽ ആദ്യമായി ലൈഫ് ഫ്ലാറ്റ് സാധ്യമാക്കിയത് പുനലൂരിലാണ്. നിർമ്മാണം പൂർത്തിയാക്കിയ മേപ്പടി ഫ്ലാറ്റിൽ 44 കുടുംബങ്ങൾ താമസിച്ചുവരുന്നു.

പുനലൂർ നഗരസഭയെ 100% മാലിന്യമുക്തമാക്കുന്നതിന് വേണ്ടിയുള്ള പ്രവർത്തനങ്ങളുടെ ഭാഗമായി 35 വാർഡുകളിലായി 147 മിനി എംസിഎഫുകളും പ്ലാച്ചേരിയിൽ 2350 ച. മീ. വിസ്തീർണ്ണം ഉള്ള (4 ടി.പി.ഡി. കപ്പാസിറ്റി) ആർ.ആർ.എഫ്. പണികഴിപ്പിച്ചിട്ടുള്ളതുമാ ണ്. നഗരസഭയിൽ 121 ഹരിത കർമ്മ സേന അംഗങ്ങളാണുള്ളത്. അവർ മുഖാന്തിരം 1370 ടൺ അജൈവ മാലിന്യങ്ങൾ ശേഖരിക്കുകയും ഗ്രീൻടെക് എക്കോ കൺസൾട്ടൻസി എന്ന ഏജൻസി മുഖേന കൈമാറുകയും ചെയ്തിട്ടുണ്ട്. ഈ ഇനത്തിൽ 5708000/- രൂപയും യൂസർ ഫീസ് ഇനത്തിൽ രണ്ടുകോടി 56 ലക്ഷം രൂപയും ഹരിത കർമ്മ സേനയ്ക്ക് വരുമാനം ലഭിച്ചതാണ്. 100% വാതിൽ പടി സേവനം നടത്തുകയും ഹരിതമിത്രം ആപ്പ് വഴി സേവനങ്ങൾ രേഖപ്പെടുത്തുകയും ചെയ്തു. എൻഫോസ്‌മെന്റ് കോഡ വഴി എട്ടു ലക്ഷത്തി ഇരുപത്തി ഒമ്പതിനായിരം രൂപ കൊടുക്കൂ വരുത്തി. കൂടാതെ ബോധവൽക്കരണത്തിന്റെ ഭാഗമായി വഴിയോരങ്ങളിൽ പൂച്ചട്ടികൾ വച്ച് മനോഹരമാക്കുകയും പൊതു സ്ഥലങ്ങളിലും പൊതുശൗചാലയങ്ങളിലും പെയിൻറിംഗ് ചെയ്തു മനോഹരമാക്കുകയും ചെയ്തു. മഴക്കാലപൂർവ്വ ശുചീകരണത്തിന്റെ ഭാഗമായി 35 വാർഡുകളിലും ശുചീകരണം നടത്തി തോടുകളും കുളങ്ങളും ശുചിയാക്കിയിട്ടുണ്ട്.

കൂടാതെ ആരോഗ്യ മേഖല, വിദ്യാഭ്യാസ മേഖല, ഡിജി കേരള, വിജ്ഞാനകേരളം, സാമൂഹ്യക്ഷേമം, പശ്ചാത്തല വികസനം, പാലിയേറ്റീവ് കെയർ എന്നീ തലങ്ങളിലും മികച്ച സേവനം ലഭ്യമാക്കുന്നതിന് നഗരസഭയ്ക്ക് കഴിഞ്ഞിട്ടുണ്ട്.

പൊതുജനങ്ങൾക്ക് ഓഫീസിൽ കയറിയിറങ്ങാതെ നേരിട്ട് സേവനങ്ങൾ വേഗത്തിൽ ലഭ്യമാക്കുന്നതിന് 2024 ജനുവരി 1 മുതൽ കേസ് മാർട്ട് പദ്ധതി നടപ്പിലാക്കിയിട്ടുണ്ട്. 100% ഫയലുകളും ഓൺലൈനായി കൈകാര്യം ചെയ്തു വരുന്നു.

രാജ രോഹിണി ഹാളിൽ നടന്ന വികസന സദസ്സിൽ നഗരസഭ സ്റ്റാൻഡിങ് കമ്മിറ്റി ചെയർമാൻമാരായ ബിനോയ് രാജൻ പ്രിയപിള്ള വസന്ത രഞ്ജൻ അഡ്വ. പി എ അനസ് കൂടാതെ രാഷ്ട്രീയ സാമൂഹിക രംഗത്തെ പ്രമുഖരും ആശംസകൾ അറിയിച്ചു. സംസ്ഥാന സർക്കാരിൻറെ വികസന നേട്ടങ്ങൾ വ്യക്തമാക്കുന്ന വീഡിയോ പ്രദർശിപ്പിക്കുകയും ചെയ്തു. തദ്ദേശ സ്വയംഭരണ വകുപ്പ് മന്ത്രിയുടെ സന്ദേശം ജനങ്ങളെ അറിയിച്ചു.

റവന്യൂ ഓഫീസർ ബോബി നന്ദി പറഞ്ഞ് യോഗം ഉച്ചയ്ക്ക് രണ്ടുമണിക്ക് അവസാനിച്ചു.

21/10/2025

പുനലൂർ താലൂക്ക് ഹോസ്പിറ്റലിൽ ചികിത്സക്ക് എത്തിയ അധ്യാപിക മരണപ്പെട്ടു.

പുനലൂർ താലൂക്ക് ആശുപത്രിയിൽ ഛർദ്ദിയെ തുടർന്ന് ചികിത്സക്ക് എത്തിയ 38 വയസുള്ള അദ്ധ്യാപിക മരിച്ചു. ചികിൽസാ പിഴവെന്ന് ആരോപിച്ച് ബന്ധുക്കൾ. ആശുപത്രിയിൽ സംഘർഷം.

പുനലൂർ ടോക്കച്ച് സ്കൂൾ അധ്യാപിക കോട്ടവട്ടം നിരപ്പിൽ പുത്തൻവീട്ടിൽ ശ്രീഹരിയുടെ ഭാര്യ അശ്വതി (38) യാണ് മരിച്ചത്‌.

തിങ്കളാഴ്ച വൈകിട്ട് മൂന്നു മണിയോടെയാണ് അശ്വതിയെ ശർദ്ദിയും തലകറക്കവുമായി പുനലൂർ താലൂക്ക് ആശുപത്രിയിലെ
അത്യാഹിത വിഭാഗത്തിൽ എത്തിച്ചത്.

മണിക്കൂറുകൾക്കു ശേഷം ആരോഗ്യനില ഗുരുതരമായി. തുടർന്ന് ആശുപത്രിയിലെ തന്നെ ഐസിയുവിൽ പ്രവേശിപ്പിച്ചു.

വൈകിട്ട് ആറരയോട് കൂടി യുവതി മരിച്ചതായി ബന്ധുക്കളെ അറിയിച്ചു. തുടർന്ന് ഐസിയുവിനു മുന്നിൽ യുവതിയുടെ ബന്ധുക്കളും മറ്റും ബഹളം വയ്ക്കുകയും പുനലൂർ പോലീസ് സ്ഥലത്തെത്തുകയും ചെയ്തു.

അതേസമയം ആശുപത്രിയിൽ എത്തിച്ചപ്പോൾ തന്നെ വിദഗ്ദ്ധ ചികിത്സ നൽകി എന്നും, രോഗം കൃത്യമായി നിർണയിക്കാൻ കഴിഞ്ഞില്ലെന്നും ആശുപത്രി അധികൃതർ വ്യക്തമാക്കി. പോലീസ് സർജ്ജൻ്റെ നേതൃത്വത്തിൽ പോസ്റ്റ്മോർട്ടം നടപടികൾ നടത്തുമെന്ന് താലൂക്ക് ആശുപത്രി സൂപ്രണ്ട് സുനിൽകുമാർ പറഞ്ഞു.

Punalur Media

21/11/2025

14/11/2025

10/11/2025

10/11/2025

10/11/2025

10/11/2025

01/11/2025

31/10/2025

23/10/2025

23/10/2025

21/10/2025

21/10/2025

Address

Website

Alerts

Shortcuts

Share