Shaykh ul Alam Islamic Multimedia (2026)

20/03/2026

آپ نماز عید الفطر کیسے ادا کرے؟
طریقہ نماز عید الفطر (حنفی)

20/03/2026

تمام اہل اسلام کو دل کی گہرائیوں سے عید الفطر بہت بہت مبارک ہو اللہ تعالی آپ کے اور ہمارے اعمال کو قبول فرمائے اور ہمیں آج عید الفطر کے موقع پر اجر عظیم عطا کرے آمین ثم آمین یا رب العالمین۔
تقبل اللہ منا ومنکم صالح الاعمال۔

19/03/2026

آپ اپنے عطیات شیخ العالم دارالعلوم چرارِشریف کو دے
امداد کے لئے اس اکاؤنٹ نمبر پر اپنے عطیات ڈالئے:
Acc no : 0049040100011410
IFSC CODE : JAKA0ALNOOR
اگر زکوٰۃ یا صدقات ڈالنا چاہتے ہو اس نمبر پر رابطہ کریں۔
Contact : 9682361406

10/03/2026

یا حبیب خدا چھپان آسئی الامان الامان منگان آسئی
درجوانی دیتم نہیں زان سجداہ وئن شرمندگی نعمان آسئی

09/03/2026

ائتھس کر تھپ غلامن یا محمد
لگے شیرین کلامن یا محمد

05/03/2026

ولادتِ باسعادت و نام و اَلقاب

امامِ عالی مقام ، امامِ ہُمام ، امامِ عرش مقام حضرتِ سیّدنا اما م ابو محمد حسن مجتبیٰ رضی اللہ تعالی عنہ کی ولادتِ باسعادت *15 رَمضانُ المبارَک 3 ہجری* میں ہوئی۔
(الطبقات الکبیر لابن سعد ج 6، ص 352)

راکبِ دَوشِ مصَطفٰے
ایک مرتبہ حضور پُرنور ﷺ حضرت سیِّدُنا امامِ حسن مجتبیٰ رضی اللہ تعالی عنہ کو شانۂ اقدس (یعنی مبارک کندھے) پرسُوار کئے ہوئے تھے

تو ایک صاحِب نے عرض کی:
نِعْمَ الْمَرْکَبُ رَکِبْتَ یَا غُلَام
یعنی صاحبزادے !آپ کی سواری تو بڑی اچھی ہے۔

رسولِ اکرم ﷺ نے فرمایا:
وَنِعْمَ الرَّاکِبُ ہُوَ
یعنی سواربھی تو کیسا اچھا ہے!

(ترمذی ، ج 5 ، ص 432 ، حدیث 3809)

وہ حسن مجتبیٰ، سیّد الاسخیا
راکِبِ دوشِ عزت پہ لاکھوں سلام
زمیں سے تا بہ فلک ہر طرف صدائے حَسنؑ
بُلند و برتر و بالا ہُوا، لِوائے حَسنؑ

ازل سے میرے مقدّر میں ہے وِلائے حَسنؑ
رہے گی سایہ فگن تا ابد رِدائے حَسنؑ

وہ ذاتِ پاک ہے ابنِ علیؑ و سبطِ نبیؐ
مِری نگاہ کا سُرمہ ہے خاکِ پائے حَسنؑ

خدا کا شکر، مِرے دل کی زیب و زینت ہے
جمالِ مصطفوی، رُوئے دِل کُشائے حَسنؑ

لبوں پہ زہرِ ہلاہل کا کوئی ذکر نہ تھا
اُٹھا جو درد جگر سے، تو مسکرائے حَسنؑ

یہ حال ہے مِرے دل کا بہ فیضِ شاہِؐ ہُدٰی
کبھی حُسینؑ پہ قُرباں، کبھی فدائے حَسنؑ

ہو کیوں نہ منزلِ جذب و سلُوک زیرِ قدم
کہ غوث پاکؓ ہیں، اولادِ با صفائے حَسنؑ

نقیبِ امن و اماں کا لقب ہوا، سَیّد
فساد و فتنہ مٹانا تھا مُدّعائے حَسنؑ

رہے خلیفۂ پنجم وہ چھ مہینے تک
علیؑ کے بعد حَسنؑ کو مِلی، یہ جاٰئے”حَسَن“

بنو اُمیّہ زَر و جاہ کے حریص اُدھر
اِدھر یہ حال، کہ دُنیا تھی زیرِ پائے حَسنؑ

قبائے سبز، شہادت کی اِک علامت تھی
شجر شجر کی زباں پر ہے ماجرائے حَسنؑ

غنا و فقر، قدم بوس ہو گئے اُس کے آگے
میسر آئی جسے، دولتِ ولائے حَسنؑ

عجب نہیں کہ مجھے خُلد میں جگہ مِل جائے
بہ فیضِ سرورِؐ کون و مکاں، برائے حَسنؑ

کسی بھی شے کی کمی ہے، نہ آرزُو، نہ طلب
نصِیرؔ! فضلِ خُدا سے ہُوں مَیں، ”گدائے حَسنؑ“

27/02/2026

10 رمضان المبارك، زوجۂ رسول ﷺ، أمّ المؤمنین، حضرت سیّدتنا خدیجة الکبریٰ رضي الله تعالیٰ عنھا کا یومِ وصال ہے۔ آپ کا شمار سابقینِ اوّلین اور مہاجرینِ متقدّمین میں ہوتا ہے۔ ولادتِ با سعادت 68 ق.ھ میں مکّۂ معظّمہ میں ہوئی۔ آپ خواتین میں سب سے پہلے اسلام قبول کرنے کا اعزاز رکھتی ہیں۔ آپ کو نبیِ پاک ﷺ کی پہلی رفیقۂ مکرّمہ ہونے کا شرف حاصل ہے اور آپ کی مبارک زندگی میں حضورِ اقدس ﷺ نے کسی اور سے نکاح نہیں فرمایا۔ سوائے حضرت سیّدنا ابراہیم کے، حبیبِ کبریا ﷺ کی تمام اولادِ اطہار آپ ہی سے ہوئی (رضي الله تعالیٰ عنهم)۔ آپ نے اپنا تمام مال و متاع سرکارِ دو عالَم ﷺ کے قدموں پر قربان کر دیا اور اپنی حیاتِ طیّبہ کا ایک ایک پل ان کی خدمت میں گزارا۔ 3 ق.ھ میں پینسٹھ برس کی عمر پا کر وصال فرمایا۔ آپ کے دنیا سے رخصت ہونے پر رسول الله ﷺ بہت مغموم ہوئے اور اس سال کو "عام الحزن" (غم کا سال) قرار دیا۔ آپ کی قبرِ شریفہ جنّت المعلیٰ میں مہبطِ انوارِ رحمانی ہے۔ اعلیٰ حضرت امام احمد رضا خان بریلوی علیه الرّحمة نے اپنے شہرۂ آفاق کلام "مصطفیٰ جانِ رحمت پہ لاکھوں سلام" میں آپ کو ان الفاظ میں خراجِ عقیدت پیش فرمایا:
سَیِّما، پہلی ماں، کہفِ امن و اماں
حق گزارِ رفاقت پہ لاکھوں سلام
عرش سے جس پہ تسلیم نازل ہوئی
اس سرائے سلامت پہ لاکھوں سلام
مَنْزِلٌ مِنْ قَصَبْ، لا نَصَبْ، لا صَخَبْ
ایسے کوشَک کی زینت پہ لاکھوں سلام
الله کریم أمّ المؤمنین کے صدقے ہم سب پر اپنا خاص فضل و کرم فرمائے۔

21/02/2026

Paayi bhousi karai Tamanna chum||
brandi kannital marai taanah chum||jani janaani jani aalam choukh||yeti ouni Ghari Tamanna chum||Kalam i khateeb e milat Moulana Mushtaq Ahmad Khan alaihi rahmah

20/02/2026

3 رمضان المبارك، مخدومۂ کائنات، أم السّادات، حضرت سیّدتنا فاطمہ زہرا بنتِ رسول الله ﷺ و رضي الله تعالیٰ عنھا کا یومِ وصال ہے۔ آپ نبیوں کے سردار کی بیٹی، ولیوں کے سردار کی بیوی، شہیدوں کے سردار کی ماں، اور عالمین اور جنّت کی عورتوں کی سردار ہیں (ﷺ و رضي الله تعالیٰ عنھم)۔ ولادتِ با سعادت 20 جمادی الأخریٰ 18 ق۔ھ کو مکّۂ مکرّمہ میں ہوئی۔ آپ صبر و شکر، زہد و تقوىٰ، حلم و حیا، اور صبر و رضا کا پیکر تھیں۔ نبیِ کریم ﷺ کا جزوِ بدن اور آپ ﷺ کے ساتھ خاص نسبت و محبّت ہونے کی وجہ سے یہ اوصافِ عالیہ آپ کا جسمانی و رُوحانی ورثہ تھے۔ حضور خاتَم النّبیّین ﷺ کا ارشاد ہے: فَاطِمَةُ بَضْعَةٌ مِّنِّيْ، فَمَنْ أَغْضَبَها أَغْضَبَنِيْ.¹ (ترجمہ:) "فاطمہ میرے جگر کا ٹکڑا ہے؛ جس نے اسے نا راض کیا، اس نے مجھے نا راض کیا۔" ایک اور موقع پر فرمایا: إِنَّ اللهَ يَغْضَبُ لِغَضَبِكِ، وَ يَرْضیٰ لِرِضَاكِ.² (ترجمہ:) "بے شک الله فاطمہ کے غضب ناک ہونے سے غضب ناک ہو جاتا ہے اور اس کے راضی ہونے سے راضی ہو جاتا ہے۔" میزبانِ رسول ﷺ حضرت سیّدنا ابو ایّوب انصاری رضي الله تعالیٰ عنه کی مرویات میں سے ہے: إِذا كانَ يَوْمُ الْقِيامَةِ؛ نَادىٰ مُنادٍ مِّنْ بُطْنانِ الْعَرْشِ: يَا أَهْلَ الْجَمْعِ؛ نَكِّسُوْا رُؤُوْسَكُمْ، وَ غُضُّوْا أَبْصارَكُمْ؛ حَتّىٰ تَمُرَّ فَاطِمَةُ بِنْتُ مُحَمَّدٍ عَلَى الصِّراطِ؛ فَتَمُرُّ مَعَ سَبْعِيْنَ أَلْفَ جَارِيَةٍ مِّنَ الْحُوْرِ الْعِيْنِ؛ كَمَرِّ الْبَرْقِ.³ (ترجمہ:) "قیامت کے دن عرش کی گہرائیوں سے ایک منادی پکارے گا: 'اے میدانِ حشر میں جمع ہونے والوں! اپنے سروں کو جھکا لو اور اپنی نگاہیں نیچی کر لو، یہاں تک کہ فاطمہ بنتِ محمّد (ﷺ) صراط سے گزر جائیں۔' پس آپ (رضي الله تعالیٰ عنھا) ستّر ہزار حوروں کے ساتھ بجلی کی سی تیزی سے گزر جائیں گی۔" 11ھ میں انتیس برس کی عمر پا کر مدینۂ منوّرہ میں وصال فرمایا۔ آپ کی نمازِ جنازہ مولائے کائنات حضرت سیّدنا علیِ مرتضیٰ کے کہنے سے خلیفة الرّسول ﷺ حضرت سیّدنا ابو بکر صدّیق رضي الله تعالیٰ عنھما نے پڑھائی۔⁴ آپ کی قبرِ مبارکہ جنّت البقیع میں مہبطِ انوارِ رحمانی ہے۔ اعلیٰ حضرت امام احمد رضا خان بریلوی علیه الرّحمة نے اپنے شہرۂ آفاق کلام "مصطفیٰ جانِ رحمت پہ لاکھوں سلام" میں آپ کو ان الفاظ میں خراجِ عقیدت پیش فرمایا:
اس بتول جگر پارۂ مصطفیٰ
حَجلہ آرائے عفّت پہ لاکھوں سلام
جس کا آنچل نہ دیکھا مہ و مہر نے
اس ردائے نزاہت پہ لاکھوں سلام
سیّدہ، زاہِرہ، طیّبہ، طاہرہ
جانِ احمد کی راحت پہ لاکھوں سلام⁵
الله کریم اس مقدّس خاتون کے صدقے ہم سب پر اپنا خاص فضل و کرم فرمائے۔

حوالہ جات:
1) صحيح البخاري، جلد 5، صفحہ 21، حدیث 3714، كتاب فضائل الصّحابة، باب مناقب قرابة رسول الله ﷺ و منقبة فاطمة
2) المستدرك على الصّحيحين للحاكم، جلد 3، صفحہ 167، حدیث 4730، كتاب معرفة الصّحابة رضي الله عنهم، ذكر مناقب فاطمة بنت رسول الله صلّى الله عليه و سلّم
3) فيض القدير للمناوي، جلد 1، صفحہ 420، حرف الهمزة
4) سفینۂ نوح از محمّد شفیع اوکاڑوی، حصّۂ دوم، صفحہ 56، ستمبر 2018ء، ضیاء القرآن پبلی کیشنز لاہور
5) حدائقِ بخشش، حصّۂ دوم

19/02/2026

کلام حضرت شیخ العالم رحمۃ اللہ علیہ
توش بندہ نماز بیہ رمضان تہ بایی لگہ پانس سیتؠ
کن تھاو شروکؠن بیہ قرآنس اوتھ بائی ویر واژائے کیتی

18/02/2026

مرحبا صد مرحبا آمد رمضان ہے💝
تمام عالم اسلام کو ماہ رمضان المبارک کی آمد بہت بہت مبارک ہو!
اللہ کریم ہم تمام مسلمانوں کو اس ماہ صیام میں خوب خوب عبادت و ریاضت کرنے کی سعادت عطا فرمائے آمین یارب العالمین🤲

18/02/2026

تمام عاشقان مصطفی کو رمضانمرحبا صد مرحبا آمد رمضان ہے💝
تمام عالم اسلام کو ماہ رمضان المبارک کی آمد بہت بہت مبارک ہو!
اللہ کریم ہم تمام مسلمانوں کو اس ماہ صیام میں خوب خوب عبادت و ریاضت کرنے کی سعادت عطا فرمائے آمین یارب العالمین🤲

Shaykh ul Alam Islamic Multimedia

20/03/2026

20/03/2026

19/03/2026

10/03/2026

09/03/2026

05/03/2026

27/02/2026

21/02/2026

20/02/2026

19/02/2026

18/02/2026

18/02/2026

Address

Website

Alerts

Contact The Business

Shortcuts

Share