04/08/2026
ബോളിവുഡിലും തെന്നിന്ത്യൻ ഭാഷകളിലും ഒരുപോലെ തിളങ്ങിയ പ്രമുഖ നടൻ പ്രദീപ് റാവത്ത് (74) അന്തരിച്ചു. മുംബൈയിലെ കോകിലബെൻ ധീരുഭായ് അംബാനി ആശുപത്രിയിലായിരുന്നു അന്ത്യം. കുറച്ചുകാലമായി ക്യാൻസർ ബാധിതനായി ചികിത്സയിലായിരുന്ന അദ്ദേഹത്തിന്റെ ആരോഗ്യനില വഷടായതിനെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു. മാനേജർ സിദ്ധാർത്ഥ് തിവാരിയാണ് മരണവാർത്ത പുറത്തുവിട്ടത്.
സൂര്യ നായകനായെത്തിയ തമിഴ് ചിത്രം 'ഗജനി'യിലെ വില്ലൻ കഥാപാത്രത്തിലൂടെയാണ് പ്രദീപ് റാവത്ത് സിനിമാലോകത്തും പ്രേക്ഷകർക്കിടയിലും ഏറെ ശ്രദ്ധിക്കപ്പെടുന്നത്. ഹിന്ദി, തമിഴ്, തെലുങ്ക്, കന്നഡ ഭാഷകൾക്ക് പുറമെ മലയാളത്തിലും അദ്ദേഹം നിരവധി ചിത്രങ്ങളിൽ അഭിനയിച്ചിട്ടുണ്ട്. 'ചൈനാ ടൗൺ', 'കസിൻസ്', 'ഇത് പാതിരാമണൽ' തുടങ്ങിയ മലയാള ചിത്രങ്ങളിലെ അദ്ദേഹത്തിന്റെ പ്രകടനം ഏറെ പ്രശംസ നേടിയിരുന്നു. ശക്തമായ വില്ലൻ വേഷങ്ങളിലൂടെ ചലച്ചിത്രലോകത്ത് തന്റേതായ ഇടം നേടിയ നടന്റെ വേർപാടിൽ നിരവധി താരങ്ങളും ആരാധകരും അനുശോചനം രേഖപ്പെടുത്തി.
