03/06/2026
കോർവ (CORWA) മലപ്പുറം ജില്ലാ സമ്മേളനം ജൂൺ 14-ന് വേങ്ങരയിൽ
വേങ്ങര: മലപ്പുറം ജില്ലാ റസിഡന്റ്സ് അസോസിയേഷനുകളുടെ കൂട്ടായ്മയായ ‘കോർവ’ (CORWA) ജില്ലാ സമ്മേളനം 2026 ജൂൺ 14 ഞായറാഴ്ച വേങ്ങര വ്യാപാരി വ്യവസായി ഓഡിറ്റോറിയത്തിൽ വെച്ച് നടക്കും. സമ്മേളനത്തിൽ ജില്ലയിലെ പരമാവധി അസോസിയേഷനുകളുടെ പങ്കാളിത്തം ഉറപ്പുവരുത്തുന്നതിനായി വേങ്ങരയിൽ ചേർന്ന ജില്ലാ എക്സിക്യൂട്ടീവ് യോഗത്തിലാണ് ഇതുസംബന്ധിച്ച തീരുമാനമെടുത്തത്.
ജില്ലാ പ്രസിഡന്റ് റഷീദ് മഞ്ചേരി അധ്യക്ഷത വഹിച്ച യോഗത്തിൽ സെക്രട്ടറി കെ.ടി. ഹംസ, ട്രഷറർ ശിവൻ കാരാട്ട് എന്നിവർ സംഘടനാ കാര്യങ്ങൾ വിശദീകരിച്ചു. വരാനിരിക്കുന്ന ജില്ലാ സമ്മേളനം വൻ വിജയമാക്കുന്നതിനായി വിപുലമായ ഒരുക്കങ്ങൾ നടത്താൻ യോഗം ഭാരവാഹികളോട് ആഹ്വാനം ചെയ്തു.
അഷ്റഫ്, സതീഷൻ, സ്വാലിഹ്, നൗഷാദ്, കുമാരൻ, മീരാൻ വേങ്ങര, ജാഫർ വേങ്ങര തുടങ്ങിയവർ യോഗത്തിൽ സംസാരിച്ചു. ഷറഫുദ്ദീൻ വേങ്ങര സ്വാഗതവും റഫീഖ് വേങ്ങര നന്ദിയും രേഖപ്പെടുത്തി.
