30/09/2026
గచ్చిబౌలిలో పోలీస్ సిబ్బందిపై RMP డాక్టర్ దాడి ఆరోపణలు..
గచ్చిబౌలిలో Dial-112 కాల్‌పై విచారణకు వెళ్లిన పోలీస్ సిబ్బందిపై ఓ RMP డాక్టర్ దాడి చేసినట్లు పోలీసులు తెలిపారు.
నానక్‌రామ్‌గూడలోని అపోలో ఆస్పత్రి వెనుక ఈ ఘటన జరిగినట్లు సమాచారం. విధుల్లో ఉన్న HC-831 టీ. శివకుమార్ అక్కడికి చేరుకుని విచారణ చేస్తుండగా, సునీల్ కుమార్ (36) అనే RMP డాక్టర్‌తో వాగ్వాదం జరిగినట్లు పోలీసులు పేర్కొన్నారు.
వాగ్వాదం సమయంలో ప్రభుత్వానికి చెందిన TG-COP మొబైల్ ఫోన్‌ను లాక్కొని రోడ్డుపై పడేయడంతో అది దెబ్బతిన్నట్లు, అనంతరం పోలీస్ సిబ్బందిపై దాడి చేసినట్లు ఆరోపణలు ఉన్నాయి.
ఈ ఘటనలో పోలీస్ సిబ్బందికి గాయాలైనట్లు సమాచారం. గచ్చిబౌలి పోలీసులు కేసు నమోదు చేసి సునీల్ కుమార్‌ను అదుపులోకి తీసుకున్నట్లు తెలిపారు.
ఘటనకు సంబంధించిన పూర్తి వివరాలు పోలీసుల దర్యాప్తులో వెలుగులోకి రావాల్సి ఉంది.
