AHAM Eastern Zone Simsangre

06/09/2024

Salam Garo Hills🙏, Ka'sara A'chik jatni manderangna Anga Banggija kattarangko suale on'pana ku'si ong'paenga. Re'angipa August ja ni 28 tariko NGCOni Chairman Mr.Tengrak Marak ni Social media uni pageo share kagipa kattarang jean da'ororoni Me'chima, Me'apa, Nomil aro Panterang nangana bate kragija katta ba video rangko Social media rango wate chonchongipa bisarangna daksnininge mesokenga ni bidingo ua aganengachim. Oe, bebean angaba Eastern zone AHAM NGO ni gita uni agangipa kattarangna jak on'pana ku'si ong'a. Ka'sara angni jatni Me'chima, Me'apa, Nomil aro Panterang na'simang fb reels rangko kalgenchim ong'oba jatna namgipa dakmesoka ni rangko dake kale mesokpabo iano banga (option)-rang ganang jekai; Ka'dingatani, Song'a/Chanani, Chrok mesokani, Golpo, News rangko aganani, ge'a gama, aro dingtang ² an'tang²ni changa sapaniko jat tangni manderangna dakmesokani rangko na'a (normal) ong'e Social media rango upload ka'na darangba nangko bengja na'a uno upload kana man'gen. Indiba ia chasongo salsa batrikrik fborango nisonan kra chapilenga ua ba gipin jatni kam rang ong'ja A'chik jatrarani rokkom Manti video tarie watat dakako aro Comment rangkoba namgipa kattarangchi jakalna changtokjaenga. Aio, maisa ongpiltokenga A'chik jatni manderangara indakpile kam ka'na arate dakolame roarangitaba nikatpilenga. Anga iano A'chik jatni gipin rangni name ka'dingna ba an'tangni name chroke watenggipa rangkode aganjaenga, indiba Bangengjok angni record oba jeje rangan skantang ku'sik seltaigija, videos seltagija, dakgiparangko wate jatko ong'siatgiparangko nie dongenga haida jamano ua mangni kosako sinjetani rangko chinga daknaba gnang uni gimin simsakpachina sakantin Reels videos tarigiparangko anga A'chik jatni bimingo molmole aganatpaenga.
Mitela.

Ui'atengipa Eastern zone AHAM President.

30/08/2024

Development issue rang... East Garo Hills ni undero banga pending kamrangko pilsatai demesaatna gita CMna a chitti watatenga.

24/07/2024

Re'angipa 23rd July 2024 Mongolbar salo A'chik Holistic Awakening Movement AHAM, 6th gipa Foundation dayko Tura songjinmani Auditorium o tomtome maniangaha.

18/06/2024

Nengkra road jean Williamnagar District ni under ong'a District jail sepango PWD rama ia namen kengni ongenga aarang rurongbaenga je manderangan ia ramako resotengachim simsake ba niroke repachina molmolata. PWD department Ba forest department na'simang on'tisa nirokato nambegenkon ia je bangki dongengipa bol daldalgipakoba dengale donsrangon namgen gita nikenga A'sel ong'na skang dangdikaton mitelbegen.

09/06/2024

08/06/2024 Assam state zone A'chik Holistic Awakening Movement (AHAM)
Ua mangni Bilsio dakronga gitan ia bilsini Annual General Meeting ko Rajapara Goalpara Assam o ong'atangaha. Ua meeting o mongsonggipa sokgipa Tura AHAM CEBni President Shri; George prince Momin, General Secretary shri: Clinton Marak aro ua mang baksa CEB o dilgiparang meeting ona sokpaaha. Ia indaken AHAM kona noksik dingtang dingtang state aro country jekai Bangladesh rangchi bangija somairangon unit ba Zonal songna ready ongengaha.

21/05/2024

AHAM CEB ni amadipet Uni area rango LP School rangchi ree doe ni rok sandiani ko dakjole nangchongmotgipa Bisarangni poraia nio, gisiko susaani naba ua sikjolan baksana sechakna jakalgipa ge'sa note book ko ba bisarangna suale on'e daksininge mesok chengatako AHAM Eastern zone Simsangre Page ni Jawilwat niko niksona man'genga.

04/05/2024

AHAM Eastern zone Songsak Regional Unit ko gitalgipa members rangko seoke kam kana gita donbaaha. Daalni sal 04/05/2024. Ia mangang daalode ama dipet songsal ming melie kam kana aro volunteer kana kangkare kae raangaha.

04/05/2024

AHAM Nangapa sub-unit, Songo noko adita nengnikanirangko nike aro uamangko dakchake on'pana ine nike
Maruti van gariko ko raaha. Ia vanko je kai Williamnagar Civil hospital ba Resu hospital ba Goalpara Hospital ect iarngchi sale on'e dakchakna gita man'gen ine Social media o parakataha.

16/04/2024

16/04/2024 ia Mande gipin jat East Garo Hillsni Gonggre mingipa song ningao nape Bara bostu rangko pala dake saksa A'chik me'chikma ni nokona reange Chi ringna bia dake ua me'chikma Bilsi 22 mang ongipa uni bisa chongipa ni mikango Drae ku'sik rimtipe kalakna amachim, una me'chikba ama dipet an'tangna warachake songni manderang jinma dokako AHAM rangna kobor ko on'ana uko jinma dokmitingni ko nike uko Williamnagar Women Police station ona rimbae uko FIR kaatjok. Mikrak chi na indita song nokni mandeko Chingni gita agan matjokchim ia uigija gipa gipin jatrang indake bostu palbara dakgiparangko rike galchina. Pilsatai anga molmolatpaenga songni Nokma Sordar rang ia rangko nirokatpachina.

05/04/2024

AHAM Dobu Regional Unit; 3rd April 2024 o Dobu PHC o Mongsong batgipa Regular Doc ko nanga East Garo hills DMHO aro East Garo hills Deputy Commissioner na Memorandum ko on'a.

04/04/2024

Anga Eastern zone AHAM ni President ong'e ka'sara A'chik a'songni manderangna indake ui'atan baksana molmolatpaenga. Chongmotan mija reangipa jani March ni 29th tariko Mr. Minibirth Vlog o bia an'tangan ia kragija gipa kattako a'gilsak gimik nikchina Social Media-o watahachim uko East Garo Hillsni Chambugong Mahari Association Williamnagar Police station o fir kaaha. 3rd April o ua jatna Maharina Kema kaani ko Bini apsan Vlog on watataha. Uni kemakani ko mahari rachakaha. Uni gimin kosako angni janapa gita ia A'chik a'songni manderangko anga indake molmolatna skenga ia uni agangipa kattarngko screenshot kae kalake kading rona jaman jawilo jakalpajachina aganatenga. Kasapae jejerangni phone o ia dongkuenga uko delete kapachina.
Ia katta namgipa katta ongja uibo. Jaman jawilo ia apsankon saniba account oni upload kae kalake roako nikode Maiaba action raanirangba dongnaba gnang.
Jong Minibirth nangni janggi tanganio na Nokgipa Isol baksa kam kabo aro nangni dakualani ko Isol kema kaa. Future o naa namgipa bisa on'china.

30/03/2024