التاجي نيوز

21/07/2025

الف الف مبارك للطلاب الأوائل على العراق الفرع العلمي

21/07/2025

♦️تكليف الأستاذ أركان حسين جاسم المشهداني بمنصب مدير قسم تربية التاجي والطارمية بدلا من الأستاذ حامد جاسم.

وتكليف استاذ حامد معاون مدير العام للشؤون الإدارية التعليم المهني
أسألكم بالله شايفين معلم يلزم قسم تاجي بي ما يقارب ٦٠٠ مدرسة عالاقل اختاروا مدير معاون مدرسة مو معلم شيعرف هذا اهم شي الواسطة اهم شي يكون أقارب فلان حسبنا الله ونعم الوكيل
صدك صارت مثل محافظ بغداد يومية متغير

15/07/2025

بكل فخر واعتزاز، نتقدم بأصدق التهاني والتبريكات إلى كوكبة الضباط المترقين، الذين استحقوا هذه الثقة الغالية نظير ما بذلوه من عطاء وتفانٍ في خدمة الوطن.

إن هذه الترقية تمثل وسام شرف وتقدير لما قدمتموه من جهود مخلصة، وتعدّ حافزًا لبذل المزيد في ميادين الشرف والواجب. فهنيئًا لكم هذا الإنجاز، ونسأل الله أن يوفقكم لمزيد من النجاحات في مسيرتكم العسكرية، وأن تكون هذه الخطوة بداية لمراحل أرفع من التميز والعطاء.
العميد.. طالب خليفة جسام المشهداني
العميد.. قصي خميس عبود الدليمي
العميد..محمد ماجد العبيدي
العقيد ..سالم مطشر كولي
النقيب..سلوان قحطان المشهداني

دامت ترقيتكم رفعةً وفخرًا، ودمتم ذخراً لهذا الوطن المعطاء.

15/07/2025

الشمس قوية والحر كارثة والكهرباء ماكو وبس السياسين مرتاحين الكهرباء عدهم ما تطفي بس حبيت اذكركم هذه ابسط شي من حقوقكم وروحوا انتخبوهم ما أوصيكم

14/07/2025

بخصوص موضوع اطفاء الكهرباء يوجد عطل انفجار قابلو خط 6 كويمة ووجود حرائق. مما ادى الى ضرر خفيف في كم خط وحالياً العمل جاري لاصلاح الخلل من قبل الصيانة واعادة جميع المغذيات في العمل

12/07/2025

تنويه هام | شاطئ التاجي
يرجى العلم بأنه تم غلق الطريق من شارع الغاز إلى جرد البعباس العلي في منطقة شاطئ التاجي مؤقتاً، وذلك بسبب عطل في آلية التبليط.
نرجو من الأهالي الكرام تفهّم الأمر واتباع الطرق البديلة لحين معالجة الخلل وإعادة فتح الطريق.

10/07/2025

وردتنا كثير من الرسائل والصور بخصوص تبليط طريق شاطئ التاجي من شارع الغاز إلى جسر المثنى بعد التبليط الطسات واضحة والتموجات كثيرة يعني نقول لو باقيين ع التبليط الأول افضل ماكو هيج شغل ثاني يوم ظهرت الطسات بعد حتى السيارات ولوريات ما مشت عالتبليط اتمنى من المسؤولين الشرفاء وأصحاب الغيرة على المنطقة رفض هذا العمل ما نقبل بالحلول الترقيعية نريد شركة تشتغل بضمير وتشتغل بما يرضي الله

10/07/2025

#أهالي #منطقتنا #الكرام
تشهد منطقتنا تقدما كبيرا ان شاء الله من ناحية الاعمار والتبليط الشوارع وتوسعه التي بدأت من جسر الفلاحات الى معسكر التاجي والعكس من جسر الفلاحات الى جسر المثنى
نطلب من الاهالي ان كان لديهم مستقبلا حفر لشارع من سحب ماء او غيرها من حفر الشارع
#نرجو منكم الاسرع بالعمل قبل التبليط لكن لاتقوم بحفر الشارع بعد التبليط
بين قوسين كل واحد راح يحفر التبليط نشتكي عليه بعد ماكو مجاملات
وايضا اهل السيارات على كيفكم بالسرعة الشارع منطقة سكنية مو مال شارع تمشي سرعة ومسابقات وتجبرون العالم تسوي طسات.

#شاكرين #حسن #تعاونكم #معنا #لخدمة #منطقتنا

09/07/2025

غلق #جسر الذراع في منطقة شاطئ التاجي بشكل مؤقت لغرض الصيانة حيث باشرت شركة حمورابي بأعمال قشط الشارع والجسر تمهيداً لإعادة الإكساء

نهيب بجميع المواطنين والسائقين الكرام أخذ الحيطة واتباع الطرق البديلة لحين انتهاء الأعمال
شاكرين تفهمكم وتعاونكم لخدمة المصلحة العامة

_شاطئ_التاجي ترجع أجمل

07/07/2025

‏أكو واحد أخوه صار مسؤول..
‏گلتله زوجته ليش ما تروح لأخوك المسؤول بلكي يساعدك بكم فلس ندبر بيها امورنا الى ان الله يفرجها..
‏فراحله گله انت تدري اني حالتي تعبانة واريد تساعدني، گله ميخالف مرلي باچر للمكتب ويصير خير .. فراحله ثاني يوم ورحب بيه وگله انت اگعد ولتحچي اي شي ابقى ساكت بس اني احچي.
المسؤول اتصل بأحد المقاولين گله هذا المجمع السكني اللي وعدتك بي للأسف رسى على مقاول ثاني .. فگله شلون سيادتك مو انته وعدتني بي واني مرتب وضعي عليه..
‏گله ميخالف هسه المقاول الثاني موجود يمي تعال وتفاهم وياه بلكي يعوفة الك ..
‏اجى المقاول فگال لأخو المسؤول شگد تريد وتعوف المجمع؟
‏اخو المسؤول گاعد مثل الأطرش بالزفة!!
‏فحچى المسؤول گله انطيه 3 مليارات دينار وهو يعوفها ..
‏گال صار يدلل وراح للسيارة جاب 3 مليارات وخلاهن على الميز وطلع..
‏أخذ المسؤول مليارين وانطى أخوه مليار وگله روح مشي امورك بهالفلوس وميكون خاطرك الا طيب
لمن رجع للبيت سألته زوجته ها بشّر؟
‏گللها لا حول ولا قوة الا بالله.. شنو هاي الناس ..شنو هالبؤك! شلون بعد الله يرضى علينا!!
‏گلتله خير شكو شصار ؟
‏گللها هذا اخويه باگ من عندي مليارين عيني عينك !
@ المهم سالفتنا شاطى التاجي من جامع البتول لجسر ذراع دجلة اليوم راح يجون كل المرشحين يكولون اني جبت الموافقات ما يعرفون الموافقات صار ثلاث سنوات موجودة مخليها لوقت الانتخابات حتى تصير دعاية
‏

28/06/2025