Lvin Magazine

13/10/2025

حەماس، بە شێوەیەكی هەرەمەكی نەیارەكانی دادگای دەكات و بە ئاشكراو لە سەر شەقامەكانی غەزەی كاولكراو گولەبارانیان دەكات

12/10/2025

ئەحمەد میرە باسی کاندیدە داماوەکان دەکات ، بزانە کێن!

دەست بەسەرا گرتنی تانکێکی سوپای داگیرکەری تورکیا لەلایەن شەڕڤانانی هەسەدەوە

12/10/2025

📌کاندیدە داماوەکان بناسە!!

📍کام کاندیدانە بۆ پەرلەمان دەرناچن ؟

📍ئەو کاندیدانەی جێگەی متمانەی سەرۆکن؟

ئەحمەد میرە

10/10/2025

هەواڵێكی گرنگ

ئاژانسی هەواڵی هاوار، بڵاویكردەوە كە

🟠 ئەنجوومەنی پیرانی ئەمریکا 130 ملیۆن دۆلاری بۆ پاڵپشتی لە هەسەدە تەرخان کردووە

🔵 ئەنجومەنی پیرانی ئەمریکا پڕۆژە یاسای بەرگری بۆ ساڵی دارایی 2026 پەسەند کرد و بڕی 130 ملیۆن دۆلاری بۆ پاڵپشتی هێزەکانی سوریای دیموکرات و سوپای سوریای ئازاد تەرخان کرد. بڕی پارەی ساڵی داهاتوو نزیکەی ٩٢٥ ملیار دۆلارە.

10/10/2025

كەجەكە لە راگەیەندراوێكدا، وەڵامی نێچیرەڤان دەداتەوە:

ڕاگەیەندراوی وتەبێژی کۆمیتەی پەیوەندییەکانی دەرەوەی کەجەکە بەم شێوەیەیە:

"بۆ وڵامی بانگەوازە مێژووییەکەی ڕێبەر ئاپۆ بۆ ئاشتی و کۆمەڵگەی دیموکراتیک کە لە ٢٧ی شوباتدا، پەکەکە کۆنگرەی ١٢هەمی خۆی بەست و بڕیاریدا و ئەمەشی بۆ ڕای گشتی جیهان بڵاو کردەوە. پەکەکە بە بانگەوازی ڕێبەر ئاپۆ بە کۆنگرەی ١٢هەمینی خۆی، بڕیاری کۆتاییهێنانی بە هەموو چالاکییەکانی بەناوی پەکەکەوە دا و هاوکات دەستبەرداری ستراتیژی تێکۆشانی چەکداری بوو. هەروەها بە سووتاندنی چەکەکان هەڵوێستی بە بڕیاری خۆی لە بەرامبەر پرۆسەکەدا نیشان دا کە بە پێشەنگایەتی هەڤاڵ بەسێ هۆزات، هاوسەرۆکی کۆنسەی بەڕێوەبەری کەجەکە، گروپێکی ٣٠ کەسی لە ١١ی تەمموزی ٢٠٢٥ چەکەکانیان سووتاند.
لە کاتێکی وەهادا کە ڕووداوی گرنگ لە ناوچەکەمان و وڵاتەکەماندا ڕوودەدات، ڕوونە کە پڕۆسەی ئاشتی و کۆمەڵگەی دیموکراتیکی ڕێبەر ئاپۆ چەندە گرنگ و ژیانییە. هەموو ئەوانەی پشتیوانی ئاشتی، دیموکراسی و ئازادی دەکەن، بە هەستیارییەکی بەرزەوە لەو بارەوە هەڵسەنگاندنیان کردووە. لەبەرامبەر ئەو پێشکەوتنانەدا نێچیرڤان بارزانی لە کۆبوونەوەیەکدا لە هەولێر سەبارەت بە هەڵوێستی بزوتنەوەکەمان و پێشکەوتنەکانی، لێدوان و هەڵسەنگاندنی نەرێنی دا و پێشکەوتنەکانی ڕەتکردەوە. ئەم لێدوانە بە تەواوی قبوڵ نەکراوە. نێچیرڤان بارزانی بە هەڵسەنگاندنە نادادپەروەرانەکانی و پیچەوانەکردنەوەی ڕاستییەکان، هەڵوێستێکی نەرێنی نیشاندا کە زمان و عەقڵیەتی دژبەرانی چارەسەری دووبارە دەکاتەوە. قسەکردن بە ئارگیومێنتەکانی دەوڵەتی تورک خزمەت بە گەلی کورد و هێزەکانی دیموکراسی ناکات. هەڵە و کەموکوڕییەکی گەورەیە کە نێچیرڤان بارزانی بە ئەرکێکی وەها هەڵدەستی وەک ئەوەی 'ناکۆکی' لە نێوان ڕێبەر ئاپۆ و بزووتنەوەکەماندا هەبێت، وەها نیشان دەدات و هەوڵ دەدات تێگەیشتنێکی بەو شیوە دروست بکات کە گوایە پەکەکە گوێ بە ڕێبەر ئاپۆ نادات.
هەموو گەلی کورد، هەروەها هەموو ئەوانەی پشتیوانی ئاشتی دەکەن، زۆر باش دەزانن ئەم زمانی دژبەرییە زمانی کێیە. بێگومان نێچیرڤان بارزانی دەتوانێت لەگەڵ کۆماری تورکیادا پەیوەندی بکات، کەس دژی ئەمە نییە. لەگەڵ ئەوەشدا دۆخێکی مانادارە کە بەر لە سەردانەکەی بۆ تورکیا ئەم لێدوانە نەرێنیەی بڵاو کردەوە، هەروەها لە ٩ی تشرینی یەکەمدا ئاشکرای کرد کە سەرەتای ساڵڕۆژی پیلانگێڕی نێونەتەوەییە، ساڵیادی داگیرکاریی سەرێکانی و گرێ سپییە. ئێمە ئەو لێداونەی کە نیشانەی عەقڵیەتی ئەوە، ڕەت دەکەینەوە و پێشکەشی هەموو لایەنە هەستیارەکان دەکەین، هەروەها چاوەڕوانین نێچیرڤان بارزانی دەستبەرداری ئەو هەڵوێستە نەرێنیانەی بێت."

10/10/2025

ئەوە لە هەرێمی كوردستان بۆتە جێگای پرسیار كە بۆچی لەکاتی هەڵبژاردنەكاندا
بەردەوام نێچیرڤان دەچێتە تورکیا؟

10/10/2025

ترامپ و ناتانیاهۆ شكستیان هێنا و ماریا جۆرینا
بردیەوە!

ماریا جۆرینا ماچادۆی 58 ساڵان بووە براوەی خەڵاتی نۆبڵی ئاشتی بۆ ساڵی 2025

ماریا ماچادۆ سەرۆکی بزوتنەوەی دیموکراسی ڤەنزوێلایە و سەرکردەی ئۆپۆزسیۆنی وڵاتەکەیە

08/10/2025

"ڕێزێکی زۆرم هەیە بۆ جەنابی کاک نەوشیروان"

عەلی باپیر، سەرۆکی کۆمەڵی دادگەری کوردستان، لە دەربڕینێکی نوێدا باسی لە نەوشیروان مستەفا، سەرۆکی کۆچکردوی بزووتنەوەی گۆڕان کرد و گوتی کە ئەو کەسێکی

06/10/2025

📌دەنگ بە کێ بدەین ؟

📍بەعسییەکان لەڕێی هەڵبژاردنەوە دەگەڕێنەوە!

📍چ جۆرە کاندیدێک پێوویستە بچێتە پەرلەمان؟

ئەحمەد میرە

29/09/2025

ئەو بودجانەی لە كابینەی نۆیەم دا بۆ پرۆژەكانی ڕێگاوبان خەرجکراوە، ٧٨٪ـی بۆ "زۆنی زەرد" و ٢٢٪ـی بۆ "زۆنی سەوز" بووە.

كۆی گشتی پارەی خەرجكراو بۆ پرۆژەكانی رێگاوبان لە کابینەی نۆیەمدا، ٤.٣ ترلیۆن دینار بووە و بەمجۆرە خەرجکراوە:

ڕێکخستن بەپێی حیزب و پارێزگا:

ناوچەکانی "زۆنی زەرد": ٧٨٪

هەولێر: ٢.٢ ترلیۆن

دهۆک: ٠.٩٨٦ ترلیۆن

زاخۆ: ٠.٠٦٠ ترلیۆن

سۆران: ٠.٠٩٤ ترلیۆن

کۆی گشتی: ٣.٣٤ ترلیۆن دینار

ناوچەکانی "زۆنی سەوز": ٢٢٪

سلێمانی: ٠.٤٦٨ ترلیۆن

هەڵەبجە: ٠.١٦٢ ترلیۆن

گەرمیان: ٠.٢٢٧ ترلیۆن

ڕاپەڕین: ٠.٠٨٧ ترلیۆن

کۆی گشتی: ٠.٩٤٤ ترلیۆن دینار

پرسیارەكە ئەوەیە:

بۆچی نادادپەروەریی هەیە لە خەرجکردنی پارە بۆ پرۆژەكان؟

ئایا كابینەی نۆیەم، تەنها بەرپرسیارێتی هەولێر و دهۆكی لە ئەستۆدایە؟ بەرپرسیار نییە لە سلێمانی و هەڵەبجە؟

ئایا تیمی یەكێتی بۆچی بەم ناهاوسەنگییە ڕازیبوون؟

وەزیری ئاوەدانكردنەوە کە خەڵکی سلێمانییە، بۆچی بەم ناهاوسەنگییە ڕازی بووە؟

دیاری محەمەد، بەڕێوبەری سەنتەری میترۆ
https://lvinpress.com/birura/7316

25/09/2025

📌کێ لە پشت ئەنجامدانی ڕیفراندۆمەوە بوو؟ بارزانی یان ئەردۆگان ؟

📍هەمووشتێک لە بارەی ڕیفراندۆمەوە!!

ئەحمەد میرە

23/09/2025

لەم ڕۆژانەدا كتێبی (بیرەوەرییەكانم دوای1991- بەرگی چوارەم-یاداشت) لە نووسینی نەوشیروان مستەفا، یادی بەخێر، بە نهێنی بڵاوكرایەوە، (گوایە دەستنووسەكانی دزراوە...!؟)

كتێبەكە ناوی ئامادەكار، هەڵەچن، دیزاین و چاپخانە و هیچ كەسی بەسەرەوە نییە، كە ئەوە بۆخۆی دەلالەتی زۆر هەیە واتا (قاچاغە)

پێش چەند ڕۆژێك، یەكێك لە مخالیف و نەیارە لە مێژینەییەكانی نەوشیروان وتی: تۆ چۆن ڕۆژنامەنووسێكی ئاگات لەو كتێبە نهێنیەیەی نەوشیروان نییە؟

بۆ عەوداڵی كتێبەكە گەڕام.

گەنجە كتێبفرۆشەكە، سەیرێكی كردم!

وتم: كتێبەكەی نەوشیروان مستەفا هەیە؟

وتی: بۆ خۆتە؟

وتی: لە شوێنێكە، دەچم دەیهێنم! دە دەقەی پێچوو، لە عەلاگەیەكدا هێنای، وتی: (25) هەزارە، بەڵام تكایە باسی من نەكەی، كە پێم فرۆشتووی، لە هەندێك شوێن بە (40-50) هەزار دینار دەفرۆشرێ.

وتم: بۆ قاچاغە؟

وتی: ئم...!؟

(جارێ نازانم بۆچی كتێبەكە بە نهێنی و قاچاغ دەفرۆشرێ...؟)

یەكەم جار نییە، كتێب و نووسینی نەوشیروان مستەفا، هەرا ساز دەكات و خوێنەر عەوداڵی خوێندنەوەیەتی، كە ئەوە بێ دەلیل نییە و فاكت و فاكتەری خۆی هەیە.

ڕەنگە سادەترین ئەو دەلیلە ئەوەبێ؛ ڕاستگۆ بوە لە نووسینەكانی، نەترس بوە لە دەربڕینەكانی و گێڕانەوەی ڕووداوەكاندا، كارێزما و لیدەر بوە لە هەلوومەرجە سیاسییە دژوار و جیاوازەكاندا.

وەكو دەڵێن؛ لە مەجلیسەكانید زۆر لەم كارەكتەرانەی شكاندوە و تەریقی كردونەتەوە، هەندێكجار بە توانج و بێ رتووش باسیكردوون.

بۆنموونە لە بەرگی كتێبەكانی "لە كەناری دانووبەوە بۆ خڕەی ناو زەنگ" زۆر بە وردی و ئازایانە باسی ڕووداوەكانی ناو پەنجا ساڵی ڕابردوو حیزبی شیوعی عێراق، ڕۆژهەڵاتی كوردستان، پارتی و كێشە و گرفتەكانی ناو یەكێتیش دەكات.

لە زەمانێكدا، نەوشیروان كەسێكی خاكی، سادە، شۆڕشگێڕ، دژە دزی، گەندەڵی و لیدەری بەشێكی شۆڕشەكە بوو.

(ئەوەشی ڕەخنەیە لەسەری، كە پێش مردنی و دوای مردنیشی لەسەر میراتی مردنەكەی ڕەخنەی زۆری لەسەرە، منیش لە ژیانیدا چەندین جار ڕەخنەم لێگرتوە، بەڵام ئەوە دەزانم، لە چاو زۆرێك لەوانەی بیرەوەریان نووسیوەتەوە، لانیكەم لە باشوور، لە زۆریان ئازاتر بوە و شەرمی نەكردوە و هەقیقەتەكانی گێڕاوەتەوە، تەنانەت گەر كەسێك، حیزبێك و وڵاتێكیش پێیان ناخۆش بووبێت).

- جارێك لە تاران هەندێك كتێبم كڕی لە كتێبفرۆشێك، چوو لە ژوورەكەی دواوە هێنایی و وتی: زوو بیپێچەوە با كەس نەیبینێ.
- پار ساڵ لە ئەڵمانیا داوای ڕۆژنامەی (شارل هیبدۆ)م كرد، خانمی كتێبخانەكە وتی، بابچم بیهێنم، شاردبویەوە، دوایش پێی وتم: بیخەرە كیفەكەتەوە با بە دەستەوە نەبێت...!
ئەوانە دەزانم بۆچی وایان وت، یەكەم لە ئێرانە و دووەم لە ترسی فەندەمێنتالیزم.

لە پەنا، ئەم حیكایەتەی كتێبەكەی نەوشیروان مستەفاوە دەمەوێت باس لە (سانسۆری قاچاغچێتی كتێب و ترس لە فرۆش و بڵاوكردنەوە بكەم) لە هەرێمی كوردستانی ئازاد دا...!

- كتێبەكەی مام جەلال (دوای شەست ساڵ ژیان و بیرەوەرییەكانی جەلال تاڵەبانی) لەگەڵ عیرفان قانعی فەرد، بە ئاشكرا نافرۆشرێت.
- بیرەوەریەکانم لە ساڵانی (1943-1977) دا نوسینی (زرار بەگ دەرگەڵەیی) بە ئاشكرا نافرۆشرێت.
- بیرەوەریی پێشمەرگەیەک (سەید کاکە)- لە چاپی یەکەمدا سانسۆر نەکرا، دواتر بە هەندێک لە ناوەڕۆکەکەی زانرا و ئەو چاپە کۆکرایەوە، لە چاپەکانی تردا ئەو بەشانە لابرا.
- دیوانی شیعری شاعیر "قوبادی جەلیلزادە"، "ستیانی بەفر پڕ لە ڕیشۆڵە" ڕێگای نەدرا بڵاوبكرێتەوە، بەهۆی فتوای چەند مەلایەكەوە، لە كتێبخانەكانی قەڵا بە دزیەوە دەفرۆشرا.
- پێ نەدانی مۆڵەتی سپاردن بە كتێبی بیرەوەرییەكانی "مامۆستا بەهادین نووری" سكرتێری پێشووتری حیزبی شیوعی عێراق، بڵاوكردنەوە و فرۆشتنی بە دزییەوە.
- ڕێگانەدان بە فرۆشتنی كتێبی پوکانەوەی سەرکەوتن؛ چیرۆکی بەفیڕۆدانی دەستکەوتەکانی (بەیانی 11ی ئازار) لە نووسینی (ئەیوب بارزانی)
- ڕێگری لە بڵاوبوونە و فرۆشتنی نۆڤلێتی "مولازم تەحسین و شتی تریش"ی فەرهاد پیرباڵ و هەڕەشەلێكردنی.
- كوشتنی فەرهاد فەرەج-كۆمۆنیست، لەسەر نووسین و بۆچوونەكانی لەلایەن گروپی فەندەمێنتاڵەوە.
سەدان كتێبی تر، كە بە قاچاغ و بە نهێنی دەفرۆشرێن.

چیرۆكەكانی فرۆشتنی كتێب بە قاچاغ و دانانی سانسۆر لەسەریان لە كوردستاندا ئاواهایە:

- ئیسلامییەكان لە ترسی حكومەت، هەندێك لە كتێبەكان بە دزیەوە چاپ دەكەن و بڵاویان دەكەنەوە و دەیفرۆشن؟ بە ڕێژەیەكی بێ سنوور
- حیزبەكانی دەسەڵات لە ترسی ئیسلامییەكان، زۆر كتێب بە نهێنی چاپ و بڵاودەكەنەوە.
- زۆنی زەرد و زۆنی سەوز، كتێب و چاپكراوی جۆراوجۆر بە دزیەوە، دژی یەكتر چاپ و بڵاودەكەنەوە.
- كۆمۆنیستەكان لە ترسی هەردووكیان (ئیسلامییەكان و دەسەڵات) بە دزییەوە هەمان كار دەكەن.
- ئەمە حاڵی چاپ و بڵاوكردنەوەیە، خۆشیەكەشی لەوە دایە ڕۆژ تا ئێوارە باسی ئازادی و دژی سانسۆر و دورگەی ئازادی كوردستان و بەراوردكردنی بە فەڕەنسا قسە دەكەین.
- وڵاتێك، كتێبی سەركردەكانی و شۆڕشگێڕەكانی و بونیادگوزاری ووڵاتەكە بە قاچاغ بفرۆشێت و بە ترسەوە دەستاو دەست بكات، قوربەسەر سەری شاعیر، نووسەر، كۆمۆنیست و ئیسلامییەكان.
بۆ تەواوكردنی بابەتەكە دەتوانم نموونەیەكی هاوشێوەی ئەمەی لە كوردستان ڕوودەدات لە یەكێیەتی سۆڤیەت و سەردەمی شۆڕش بەراورد بكەم، لەسەردەمی شۆڕشی ئۆكتۆبەر، زۆرینەی نووسەران بۆ ڕووخانی تزار، یارمەتی شۆڕشیان دا، مەكسیم گۆركی كە ئەندامیش نەبوو پارەیەكی زۆری پێ بەخشین (كە باس لە سەدان هەزار ڕۆبڵ دەكرێت)، كەچی هەر كە شۆڕش سەركەوت، دەسەڵاتدارانی شۆڕش كەوتنە وێزەی لە پاداشتی چاكەكانی.

كاتێ ویستی "نیكۆڵای گۆمیلۆڤ"ی شاعیری هاوسەری "ئانا ئاخما تۆڤا" لە سزای لە سێدارەدان نەجات دا، شكستی هێنا و لە یارمەتی "ئەلیسكاندەر بلۆك"ی نووسەر بۆ چارەسەری نەخۆشی بۆ ئەڵمان شكستی هێنا و دوایی بە برسێتی و ئازارەوە مرد.

هەوڵەكانی بۆ یارمەتیدانی نووسەران، شۆڕش لە پێشەوەیان لینین لە دەست گۆركی بێزار بببون لەو ڕەفتارانەی. تا جارێك لینین داوای لێدەكات بۆ چارەسەری نەخۆشی بچێتە دەرەوە، دواتر ئەوەشی پێ وت "ئەگەر نا ئاودیوت دەكەین" دوای قسەكانی لینین، ترسا و وڵاتی جێهێشت، هەر لەسەر كتێب و نووسین و نووسەران لەگەڵ ستالین پەیوەندی خراپ بوو، دواتر كوڕەكەیان كوشت، دواتر خۆشیان كوشت، وتیان؛ كاری بۆ ترۆتسكییەكان كردوە و ترۆتسكی-ان تۆمەتبار كرد و ئەو هەموو نەهامەتی و دەردەسەری و سزایانە تەنها لەسەر كتێب و هەڵوێستەكانی بوو.

شۆڕشی سۆڤییەت ئاوا بوو؟ شۆڕش ئاوایە

ئەنوەر بازگر

https://lvinpress.com/birura/7280