گەلی کورد

17/10/2024

كوێستان مەحمود ناسراو بە ( ترێ مەحمود ) كاندیدی بەرەی گەل، واز هێنانی خۆی ڕاگەیاند و لە لێدوانێکیدا هۆکاری کشانەوەکەی ئاشکرا کرد .

17/10/2024

ئەو کاندیدانەی لیستی هاوپەیمانی کوردستان پەیوەندیان بە ڕیزەکانی یەکێتییەوە کرد

15/07/2024

ئەمڕۆ رێکەوتی ١٥-٧-٢٠٢٤ بافڵ جەلال تاڵەبانی سەرۆکی یەکێتی نیشتمانی کوردستان بە یاوەری سەرۆکی ئاژانسی زانیاری هەرێم ، بەڕێز جەلال شێخ ناجی لە گەڵ قاسم ئەعرەجی و شاندێکی باڵای ئەمنی هاوەڵی کۆبوونەوە بەمەبەستی تاو توێکردنی ڕەوشی ئەمنی عێراق و هەرێم و هەماهەنگی نێوانیان .
نوسینگەی ڕاگەیاندنی ڕاوێژکاری ئاسایشی نیشتمانی بڵاویکردەوە، لەسەر ڕاسپاردەی محەمەد شیاع سودانی سەرۆک وەزیرانی عێراق، قاسم ئەعرەجی ڕاوێژکاری ئاسایشی نیشتمانی عێراق بە یاوەری وەفدێکی باڵا گەیشتووەتە سلێمانی.

11/03/2024

شاڵاو کۆسرەت ڕەسول ئەم وێنەی بڵاوکردووەتەوە و دەڵێت، 33 ساڵ پێش ئێستا خۆت سەرکردایەتیت کرد و ئازادت کرد، ئەمڕۆ هەزاران خوێندکارت هەیە، رۆژێک دادێ وەری دەگرینەوە.

ئاماژە بەوەشدەکات، "لێت فێربووم، هەتا لە ژیاندابم بە وەفابم بۆ خاک و نیشتمان، بۆ برادەر، لۆ هەولێرو مێژووەکەت".

10/03/2024

جەلال شێخ ناجی سەرۆکی ئاژانسی زانیاری بە بۆنەی هاتنی مانگی ڕەمەزانی پیرۆز گەرمترین پیرۆزبایی لە مسوڵمانان دەکات،
بە بۆنەی هاتنەوەی مانگی ڕەمەزانی پیرۆز ، گەرمترین پیرۆزبایی لە موسڵمانانی کوردستان و عێراق دەکەم.

لەخوای گەورەو میهرەبان داواکارم نوێژ و ڕۆژو و نزای هەمووان قبوڵ بکات و هاتنی ئەم مانگە پڕخێروبەرەکەتە ببێتە مایەی خۆشی و ئارامیی زیاتر بۆ خەڵکی کوردستان و هەرێمەکەمان .

كار دەكەین بۆ پارێزگاری لە بەرژەوەندییە باڵاكانی گەلی

19/02/2024

ئەمڕۆ بەڕێز جەلال شێخ ناجی سەرۆکی ئاژانسی پاراستن وزانیاری / زانیاری، سەردانی دیوانی پارێزگای سلێمانی کرد ولەلایەن بەرێزان هەڤاڵ ئەبوبەکر پارێزگاری سلێمانی و شاهۆعوسمان کریم جێگری پارێزگارو ئازاد محمەد ئەمین پێشوازییەکی گەرمی لێکرا.
لەدیدارەکەدا گفتوگۆ لەبارەی خزمەت کردنی هاوڵاتیانی سلێمانی ودەوروبەری کراو،
لای خۆشیەوە بەڕێز سەرۆکی ئاژانسی زانیاری وێڕای پیرۆزبایی لە شاهۆعوسمان لەئەرکی نوێیدا پشتیوانی خۆی بۆکاری هەماهەنگی و هاوکاری دەربڕی لە پێناو ئاسایش و سەقامگیری و بەرقەراری یاسا.
دواتر لە دیدارێکیتردا بەرێزجەلال شێخ ناجی سەرۆکی ئاژانسی پاراستن و زانیاری / زانیاری، سەردانی مەڵبەندی یەکی ڕێکخستنی سلێمانی یەکێتیی نیشتمانیی کوردستانی کردو لەلایەن بەڕێزان زیاد جەبار لێپرسراوی مەڵبەند و کارگێڕ و ئەندامانی مەڵبەندەوە بەگەرمی پێشوازی لێکرا.

16/02/2024

لە میانەی بەشداریکردنیان لە کۆنفڕانسی ئاسایشی میونشن بافڵ جەلال تاڵەبانی، سەرۆکی یەکێتیی نیشتمانیی کوردستان و نێچیرڤان بارزانی، سەرۆکی هەرێمی کوردستان دیدارێکیان ئەنجامدا.

07/02/2024

ڕۆژی دوەمی کۆنفرانسی مەکتەبی ڕێکخستن

لەدوەم ڕۆژی کۆنفرانسی مەکتەبی ڕێکخستندا سەعات ٩ی سەرلەبەیانی ئەمڕۆ. لەبارەگای مەکتەبی ڕێکخستن لیژنەکانی تایبەت بەکارنامەی مەکتەب کەبریتی بوولەهەشت لیژنە کەزۆرترین. هەڤاڵانی مەکتەبی سیاسی وسەرکردایەتی وئەندامانی کۆنفرانس بەشداری کۆنفرانسەکانیان کرد بۆگفتوگۆی چڕ لەسەر ڕاسپردە وپێشنیارەکان لەدووەمین ڕۆژی کۆنفرانسدا لیژنەکانەکان ڕاپۆرتەکانیان ئامادەکرد بۆ ڕۆژی سێهەمی کۆنفرانس.

23/01/2024

حامیدی حاجی غالی سەرۆکی سەنتەری ڕۆشنبیری ئێل بەگی جاف ڕایگەیاند، "ئێمە لەم سنورەداین و لە ژێر چەتری یەکێتیداین، من بە بێ یەکێتی ئیش لەو سەنتەرەدا ناکەم. گەر یەکێتی هاوکاری کردین، ئیش دەکەم، هاوکاری نەکردین، لێی دەردەچم و ڕادەستی ئەوانی تری دەکەم."
وتیشى، "سەنتەری ئێل بەگی جاف لە بینایەکی کۆندا بوو، من بینایەکی تازەم بۆ سەنتەرەکە گرتووە کە هەرگیز سەنتەرەکە بینای وای نەبووە. بافڵ تاڵەبانی پاڵپشتی کردین و هەموو کەرەستەی تازەی بۆ بینا تازەکە دابینکرد."

21/01/2024

وتەبێژی تەندروستی سلێمانی: لە رووداوێكی تەقەكردندا پۆلیسێک گیانی لەدەستدا

لە شەقامی پیرەمێرد لە شاری سلێمانی داواكراوێك تەقەی لە سێ كارمەندی پۆلیس کرد و بەهۆیەوە كارمەندێكیان گیانیلەدەستدا و دووانی دیكەشیان برینداربوون.

سامان شێخ لەتیف وتەبێژی بەڕێوەبەرایەتیی تەندروستی سلێمانی رایگەیاند ئەمشەو لە شەقامی پیرەمێرد تەقە لە سێ كارمەندی هێزەكانی پۆلیس كراوە و بەهۆیەوە یەکێک لە پۆلیسەکان بەداخەوە گیانیلەدەستداوە و دوو كارمەندی دیكەشیان برینداربوون.

15/01/2024

مام جەلال لە یەك كاتدا بە نووسین و تیۆری سەردەم كوردایەتی دەهێنایە بەر باس
تەحسین تەها چۆمانی، رۆژنامەنووس و نووسەر لە وتارێكیدا لەبارەی زنجیرەی (ژیانی سیاسیی مام لە شام) ئاماژە بەوە دەكات، "كە ئەم چیرۆكە سیاسییەی مام لەم بەدواداچوونەدا دەخوێنینەوە، تێدەگەین كە لە خەباتی نەتەوەییدا مام جەلال چ كارەكتەرێك بووە".
ئەوەشی خستووەتەڕوو، "هەڵبژاردنی بابەتی ئەمجارەی عەلی شەمدین كە 50 زنجیرە بوو بەناونیشانی (ژیانی سیاسیی مام لە شام) و لەبارەی ژیانی سیاسیی مام جەلال لە مەنفا و بەدواداچوونی ئەو جموجۆڵە سیاسییانەی مامە لە شام، بایی ئەوە دەكات كە بە گرنگییەوە لێی بڕوانین".
دەشڵێت، "ئەم چیرۆكە سیاسییەی مام لەم بەدواداچوونەدا دەخوێنینەوە، تێدەگەین كە لە خەباتی نەتەوەییدا مام جەلال چ كارەكتەرێك بووە، بیرمە كاتێك مام كۆچی دوایی كرد، رۆژنامەی واشنتن پۆست لە نووسینێكدا بەم جۆرە باسی لێوەكرد، (ئەو پیاوەی زۆربەی ژیانی لە خەباتدا بەسەر برد بۆ پرسی كورد)".
ئەو رۆژنامەنووسە جەختلەوە دەكاتەوە، "پرسی كورد بۆ مام جەلال پرس و كێشە گەورەكە بوو، لە یەك كاتدا بە نووسین و تیۆری سەردەم كوردایەتی دەهێنایە بەر باس و كتێب و وتاری لەبارەوە دەنووسین، بۆیە زیادەڕەوی نییە كە بڵێم ئەدەبیاتی كوردایەتی لە دوای دەیەی 1960 بەبێ باسكردنی ئەدەبیاتی سیاسی مام لە كردن نایەت".
لە كۆتایی وتارەكەیدا تەحسین تەها چۆمانی دەڵێت، "كارەكتەری مام لە شام ئەو دەرفەتەی بۆ لە دایكبوونی قۆناغێكی نوێی كوردایەتی لە باشووری كوردستان هێنایە دی، هاوكات ئەم چیرۆكە نووسینەوە و داڕشتنەوەی مێژووی چەند دەیەی رابردووی كوردە لە خۆرئاوا، خۆرهەڵات، باكوور و باشووری كوردستان و پیشاندانی رۆڵی جوامێرانەی مامە لەناو كۆی خەباتی نەتەوەیی كورد".

14/01/2024

قوباد تاڵەبانی: بۆ چارەسەرکردنی کێشەکانی نێوان ھەرێم و بەغدا، پێویستمان بە کاری پێکەوەیی هەیە.

06/01/2024

ئەمشەو بەرواری ‌٢٠٢٤/١/٦
بەرەو یەکێتیەکی بەهێزتر هەنگاو دەنێین

31/12/2023

بەڕێز جەلال شێخ ناجی سەرۆکی ئاژانسی زانیاری: کوردستانیانی خۆشەویست
بەبۆنەی سەری ساڵی زاینییەوە لەناخی دڵمانەوە گەرمترین پیرۆزباییتان لێدەکەم ،

هیوادارم ساڵی نوێ ساڵی خۆشی بێت و ببێتە هەوێنی ئاشتی و ئارامی زیاتر لە هەرێمەکەمان .
پێکەوە هەوڵەکانمان یەکبخەین لە پێناو زیاتر خزمەتکردنی کۆمەڵانی خەڵک و پاراستنی بەرژەوەندییە باڵاکان .

29/12/2023

بافڵ جەلال تاڵەبانی
‏‎سەرۆکی یەکێتیی نیشتمانیی کوردستان

کوردستانیانی خۆشەویست لە کەرکووك، خانەقین، مەندەلی، مەخموور، نەینەوا، شەنگال و دووزخورماتوو، پیرۆزبایی سەركەوتنی هەڵبژاردنتان لێدەكەم و شانازی بەو رۆحییەتە نەتەوەیی و نیشتمانییەتانەوە دەكەم كە لە رۆژی هەڵبژاردنی ئەنجوومەنی پارێزگاكان نیشانتاندا و شانازییەكی ترتان لەمێژوودا نووسییەوە.

‏‎دووپاتكردنەوەی كوردستانیبوونی ناوچە دابڕێنڕاوەكان و هەڵبژاردنی یەكێتیی نیشتمانیی كوردستان وەك نوێنەری راستەقینەی خۆتان، وانەیەكی مێژووییە و لەبیری ناكەین. ئەرك و بەرپرسیارێتیی ئێمەیە بەرامبەر دڵسۆزیتان وەفاداربین و بارتەقای خۆڕاگریتان، خزمەتتان بكەین. ئەوەی سەرۆك مام جەلال بۆ كەركووكی كرد لە خزمەتكردن و قووڵكردنەوەی تەبایی و پێكەوەژیان، درێژەی پێدەدەین و بەشوێنپێی ئەودا هەنگاو دەنێنین.

‏‎سوپاسی تایبەتی دەنگدەرانمان دەكەین لە هاونیشتمانیان و سەرجەم نەتەوە و پێكهاتەكانیتر كە هاوپەیمانیی كەركووك هێز و ئیرادەمانەیان هەڵبژارد، دڵنیاتان دەكەم لەجێی ئومێدی ئێوە و دڵسۆزیتاندا دەبین. هەروەها هەوڵ و شەونخونی كادرانمان بەرزدەنرخێنین لە رۆژانی بانگەشەی هەڵبژاردن و دەنگدان و پێزانینیان ئاڕاستە دەكەم.

‏‎دەبێت قۆناغی نوێی كاركردنمان، هەنگاونان بێت بە ئاڕاستەی قووڵكردنەوەی ئاشتی و ئاوەدانیی زیاتر لە ناوچەكە، دەست بە چەپکە گوڵەکەی سەرۆک مام جەلالەوە بگرین و رێز لە هەموو بیروبۆچوونە جیاوازەکان بگرین، پێکەوە لەگەڵ برا عەرەبەکانمان بە شیعەو سونە، برا تورکمان و هەموو نەتەوە و پێکهاتە رەسەنەکانی تر کاربکەین بۆ بنیادنانی داهاتوویەکی گەشتر کە خەڵكە خۆشەویستەكەمان چاوەڕێی خزمەتی زیاتر و ژیانێكی شایستەترمان لێدەكەن و ئێمەش بەڵێن دەدەین کە درێغی نەکەین و لەخزمەتیاندابین.

پێکەوە بەرەو خزمەتی زیاتر و سەرکەوتنی گەورەتر.

‏‎برا و دڵسۆزتان
‏‎بافڵ جەلال تاڵەبانی
‏‎سەرۆکی یەکێتیی نیشتمانیی کوردستان

كار دەكەین بۆ پارێزگاری لە بەرژەوەندییە باڵاكانی گەلی

24/12/2023

بەڕێز جەلال شێخ ناجی سەرۆکی ئاژانسی زانیاری پیرۆزبای لە مەسیحیەکانی هەرێمی کوردستان و عێراق دەکات:
جەژنی لەدایک بوونی حەزرەتی مەسیح ( سڵاوی خوای لێبێت ) لە خوشک و برایانی مەسیحی لە هەرێمی کوردستان و عیراق و جیهان پیرۆزدەکەم .هیوادارم ئەم بۆنەیە بە ئارامی و شادی بەسەربەرن و ببێتە مایەی خێروخۆشی و تەبایی زیاتر بۆ گەلەکەمان .
وەک هەمیشە پشتیوان دەبین لە پەرەپێدانی کەلتووری پێکەوەژیان و برایەتی لەنێوان هەموو نەتەوەو پێکهاتەکانی وڵاتەکەماندا .

كار دەكەین بۆ پارێزگاری لە بەرژەوەندییە باڵاكانی گەلی

18/12/2023

ئەنجامی دەنگدانی وێستگەیەک لە بنکەی خوێندنگای بڵێسە لەکۆمەڵگای خاڵخاڵان

18/12/2023

د.یوسف گۆران: بەدەنگدان ئایندەی رۆڵەكانمان دەستەبەر بكەن

د.یوسف گۆران ئەندامی مەكتەبی سیاسی و لێپرسراوی مەكتەبی دیراساتی گشتی ی.ن.ك لە گەڕەکی منداڵی خۆی لە رەحیماوا لە كەركوك بەشداری لە پرۆسەی هەڵبژاردنی ئەنجومەنی پارێزگای كەركوك كرد و دەڵێت:" لە شاری مێژوویی خۆم لە قودسی کوردستان لە گەرەكی منداڵیم دەنگمدا" هاوكات داوا لە هەموو هاوشاریانی دەكات دەنگبدەن و دەڵێت:" بڕۆن ئەم ئەرکە مێژووییەی خۆتان جێبەجێ بکەن و رۆحی شەهیدانمان ئارام بکەن، ئایندەی رۆڵەکانمان دەستەبەر بکەن".