Draw درەو

Draw درەو دامەزراوەی میدیایی درەو
دامەزراوەیەكی میدیایی ئەهلی ئازادە،
(2)

ئەو گۆڕانكارییانە هاوشان بوو لەگەڵ گەڕانە دواوەی باڵادەستی ئەمریكا، بۆیە ئەگەر سەرنج بدەینە رۆژئاوای كوردستان، بۆمان دەر...
28/08/2026

ئەو گۆڕانكارییانە هاوشان بوو لەگەڵ گەڕانە دواوەی باڵادەستی ئەمریكا، بۆیە ئەگەر سەرنج بدەینە رۆژئاوای كوردستان، بۆمان دەردەكەوێت، كە گەڕانە دواوەی هەژموونی جیهانی ئەمریكا و شكستی پڕۆژەی جیهانگەرایی لەم خاڵەدا دەست پێدەكات، كە تا ئێستاش بەردەوامەو رەنگ لەئێراندا بە كۆتا بێت!
https://drawmedia.net/opinion/19100-rozhawa-sereta-qonaghek-tr

🔻 بانكى ناوەندی دەستی بەسەر سامانی گوازراوەو نەگوازراوەی 12 بەرپرسی عێراقدا گرت كە لە هەڵمەتی بەرەبەیان دەستگیركراندرەو:...
28/08/2026

🔻 بانكى ناوەندی دەستی بەسەر سامانی گوازراوەو نەگوازراوەی 12 بەرپرسی عێراقدا گرت كە لە هەڵمەتی بەرەبەیان دەستگیركران
درەو:
بانکی ناوەندی عێراق بڕیاریدا دەستبەسەر موڵك و ماڵ و سەرمایە 12 کەسایەتی سیاسی و دیار بگرێت، كە بەتۆمەتی گەندەڵی دەستیگركراون.
بەگوێرەی ئەو لیستەی بڵاوكراوەتەوە، هەریەك لە ئیبراهیم سمێدەعی، راوێژکاری پێشووی سەرۆکی وەزیران و پەرلەمانتاران بەها نوری و زیاد جەنابی و عەبدولرەحمان خالیدو محەمەد فرمان جبوری و هند عەباسی و بوشرا قەیسی و موزەر كرەوی و موسەنا سامەڕایی و ئەشواق جبوری و عالیە نسەیف و محەمەد سەعدون سەیهود لە خۆدەگرێت.
بانکی ناوەندی داوای لە سەرجەم بانکەکان کردووە بەزووترین کات لایەنی دادوەریی پەیوەندیدار ئاگادار بکەنەوە لە کاتی دۆزینەوەی هەر هەژمارو پارەیەك بۆ ناوبراوان بگەڕێتەوە.

وەزارەتی دەرەوەی ئەمریكا:🔻 تەیف سامی خراوەتە لیستی چاودێریی تیرۆری نوسینگەی لێکۆڵینەوەی فیدراڵی و ڤیزەكەی هەڵوەشێندراوە...
28/08/2026

وەزارەتی دەرەوەی ئەمریكا:
🔻 تەیف سامی خراوەتە لیستی چاودێریی تیرۆری نوسینگەی لێکۆڵینەوەی فیدراڵی و ڤیزەكەی هەڵوەشێندراوەتەوە
درەو:
وەزارەتی دەرەوەی ئەمریکا لە بەیاننامەیەكدا دەڵێت، ڤیزای هاووڵاتییەکی عێراقی هەڵوەشاندەوە کە پێشتر لەلایەن ئیدارەی بایدنەوە خەڵاتی پێبخشراو بوو بەهۆی ڕۆڵی لە شەڕی دژی گەندەڵی و داكۆكیكردنی لە یەکسانی جێندەری.
تەیف سامی محەمەد شەکەرچی لە ساڵی 2022 دا خەڵاتی نێودەوڵەتیی ئافرەتانی ئازایەتی لەلایەن وەزیری دەرەوەی پێشوو ئەنتۆنی بلینکن و خانمی یەکەمی پێشوو جێل بایدن پێبەخشرا.
ئێستا ڤیزای ئەو هاوڵاتییە عێراقییە لەلایەن وەزارەتی دەرەوە هەڵوەشێنراوەتەوە دوای ئەوەی ناوەکەی خرایە سەر لیستی چاودێریی تیرۆری نوسینگەی لێکۆڵینەوەی فیدراڵی (FBI) .
لە سایەی سەرۆک ترەمپ و وەزیری دەرەوە مارکۆ ڕوبیۆ، ڕێگە بە هیچ کەسێک نادرێت کە گومانی تیرۆری لێبکرێت لە ویلایەتە یەکگرتووەکانی ئەمریکا بمێنێتەوە.
بەیاننامە فەرمییەكەی وەزارەتی دەرەوەی ئەمریكا لەكاتێكدایە، تەیف سامی لە بەیاننامەیەكدا رەتیكردووەتەوە خرابێتە ناو لیستی چاودێری تیرۆری ئەمریكاو رایگەیاندووە، ئەو دەنگۆیانە پشتبەستوو نییە بە هیچ زانیاری یان بەڵگەنامەیەکی فەرمی کە لە لایەنێکی پەیوەندیدارەوە دەرچووبێت.

وتەبێژی وەزارەتی نەوت:🔻 لەسەر فەرمانی زەیدی سەرقاڵی گرتنەبەری رێوشوێنی بە پەلەین بۆ بەرزكردنەوەی ئاستی هەناردەكردنی نەوت...
28/08/2026

وتەبێژی وەزارەتی نەوت:
🔻 لەسەر فەرمانی زەیدی سەرقاڵی گرتنەبەری رێوشوێنی بە پەلەین بۆ بەرزكردنەوەی ئاستی هەناردەكردنی نەوت
🔻هەناردەی نەوت لە ڕێی توركیاوە دەگەیەنینە 750 هەزار بەرمیل لە رۆژێكداو لە باشوریش 2 ملیۆن بەرمیلى رۆژانەی تێپەڕاندووە
درەو:
سەلیم رکابی، وتەبێژی وەزارەتی نەوتی عێراق رایگەیاندووە، لەسەر فەرمانی عەلی فالح زەیدی، سەرۆک وەزیرانی عێراق بۆ دۆزینەوەی رێگەچارەی ریشەیی و بەپەلە بۆ قەیرانی هەناردەکردنی نەوت، كە بەهۆی گرژییەكانی لە گەرووی هورمز هاتۆتە ئاراوە، وەزارەتەكەیان هەنگاو دەنێت بۆ بەرزکردنەوەی ئاستی هەناردەکردنی نەوت، لەو چوارچێوەیەشدا سەرقاڵی گرتنەبەری رێوشوێنی بەپەلەن بۆ زیادکردنی هەناردەکردن لە رێگەی هێڵی جەیهانەوە بۆ تورکیا و بەندەرەکانی باشور.
سەلیم رکابی بە ئاژانسی "ریانۆڤستی" روسی وتووە، عێراق ئامانجی ئەوەیە هەناردەکردنی لە ڕێگەی جەیهانەوە بۆ 750 هەزار بەرمیل لە رۆژێکدا زیاد بکات، لەڕێی گواستنەوەی نەوت خاو بە تانكەر لە كێڵگەكانی باشورەوە، ئەوە لەكاتێكدایە هەناردەی لە بەندەرەکانی باشورەوە رۆژانە دوو ملیۆن بەرمیلی تێپەڕاندووە.
ئاماژەی بەوەشکردووە، پلانەکانی داهاتوو بریتین لە درێژکردنەوەی بۆرییەکانی گواستنەوەی نەوت بۆ تورکیا و سوریا، ئەمە جگە لە زیادکردنی هەناردەکردنی بەرهەمە نەوتییەكان و كبریت بۆ بەهێزکردنی داهاتی دەوڵەت.

تەیف سامی:🔻نەخراومەتە ناو هیچ لیستێكی تیرۆری ئەمریكی و گەشتیشم نەكردووە؛ ئەوەی زانیاری ناڕاست لەسەرم بڵاوبكاتەوە سكاڵا ل...
28/08/2026

تەیف سامی:
🔻نەخراومەتە ناو هیچ لیستێكی تیرۆری ئەمریكی و گەشتیشم نەكردووە؛ ئەوەی زانیاری ناڕاست لەسەرم بڵاوبكاتەوە سكاڵا لەدژی تۆمار دەكەم
درەو:
تەیف سامی، وەزیری پێشووی دارایی عێراق رەتیدەكاتەوە خرابێتە ناو هەر لیستێکی ئەمریکی بۆ چاودێریی تیرۆر یان پۆلێنکردنی لەناو لیستەکانی تیرۆردا.
تەیف سامی لە بەیاننامەیەكدا دەڵێت، بەدوادواچوونم کردووە بۆ ئەو لێدوان و بانگەشانەی لەبارەی ئێمەوە بڵاوکراونەتەوە، سەبارەت بە گەشتكردنم بۆ دەرەوەی عێراق و ئەو بانگەشانەی گوایە ناوم خراوەتە ناو لیستەکانی چاودێریی تیرۆر لە ویلایەتە یەکگرتووەکانی ئەمریکاو رێگریكردنم لە سەردانیكردنی ویلایەتە یەکگرتووەکان.
ئەوەی لەم بارەیەوە بڵاوکراوەتەوە راست نییەو من لە ناوەوەی عێراقم و وڵاتم جێنەهێشتووە، رەتیشيدەكاتەوە لە سەردەمی کارکردنی پێشوویدا رێگری لێکرابێت لە چوونه‌ژوورەوەی واشنتۆن بۆ بەشداری لە کۆبوونەوەکانی سندوقی دراو نێودەوڵەتی و بانکی نێودەوڵەتی پێش ئەوەی رەوانەی خانەنشینی بکرێت، هیچ نیازێکیشى نییە بۆ گەشتكردن بۆ واشنتۆن دوای خانەنشینبوونم
جەختیشدەكات، ئەوەی لەم بارەیەوە بڵاودەکرێتەوە پشتبەستوو نییە بە هیچ زانیاری یان بەڵگەنامەیەکی فەرمی کە لە لایەنێکی پەیوەندیدارەوە دەرچووبێت.
دەشڵێت، تەواوی مافی یاسایی خۆم بەكاردەهێنێت بەرامبەر هەر لایەنێک یان کەسێک بسەلمێنرێت بە ئەنقەست زانیاری ناڕاست یان چەواشەکارانەی لە دژ بڵاوکردووەتەوە و رێکاری یاسایی بەرامبەر دەگرێتە بەر.

28/08/2026

گفتوگۆی درەو
چارەنووس و ئاییندەی رۆژئاوای كوردستان
بۆ فەتحوڵا حسێنی، نوێنەری ئیدارەی خۆسەر لە باشوری کوردستان

مەسعود حەیدەر:🔻تەیف سامی عێراقی خستووەتە ژێر قەرزی 200 ترلیۆن دینارو 140 ملیار دۆلاريشی بەهەدەرداوە؛ پێویستە دادگایی بكر...
28/08/2026

مەسعود حەیدەر:
🔻تەیف سامی عێراقی خستووەتە ژێر قەرزی 200 ترلیۆن دینارو 140 ملیار دۆلاريشی بەهەدەرداوە؛ پێویستە دادگایی بكرێت
درەو:
مەسعود حەیدەر، بریکاری پێشووتری وەزارەتی دارایی عێراق، لە سەكۆی "ئێكس" نوسیویەتی، پێویستە تەیف سامی لەلایەن دەسەڵاتی دادوەری عێراقەوە دادگایی بکرێت، بەوپێیەی شكستخواردووترین وەزیری داراییە لە مێژووی دەوڵەتی عێراقدا، عێراقی خستە ژێر قەرزی زیاتر لە 200 ترلیۆن دینارو زیاتر لە 140 ملیار دۆلاری ئەمریکی بەفیڕۆدا لە ماوەی ئیدارەدانی وەزارەتی داراییدا، ئێستاش لە لیستی تیرۆری ئەمریکادایە.
قسەكانی مەسعود حەیدەر دوای راپۆرتێکی کەناڵی "فۆکس نیوز"ی ئەمریکی دێت کە ئاماژەی بەوە کردووە، وەزارەتی دەرەوەی ئەمریکا ڤیزای تەیف سامی هەڵوەشاندووەتەوە و ناوەکەی خستووەتە لیستێکی چاودێریی پەیوەندیدار بە تیرۆرەوە.

🔻كەنەدا لە وەڵامی گۆڕینی ناوی دەریاچەی ئۆنتاریۆدا ناوی ترەمپ لەسەر یەكێك لە شەقامە دیارەكانی پایتەختەكەی لادەباتدرەو:دوا...
28/08/2026

🔻كەنەدا لە وەڵامی گۆڕینی ناوی دەریاچەی ئۆنتاریۆدا ناوی ترەمپ لەسەر یەكێك لە شەقامە دیارەكانی پایتەختەكەی لادەبات
درەو:
دوای بڕیارەکەی دۆناڵد ترەمپ، سەرۆکی ویلایەتە یەكگرتووەكانی ئەمریکا بۆ گۆڕینی ناوی دەریاچەی ئۆنتاریۆ بۆ دەریاچەی ئەمریکا، دەسەڵاتدارانی كەندا دۆسیەی گۆڕینی شەقامێكيان بە ناوى ترەمپ لە ئۆتاوای پايتەخت كردووەتەوەو بە نيازن ناوەكەی بگۆڕن.
تۆڕی هەواڵی CNN بڵاویكردەوە، لە ئۆتاوای پایتەختی کەنەدا، ئەنجومەنی شارەکە رێکارەکانی گۆڕینی ناوی شەقامێکیان دەستپێكردووە کە ناوی دۆناڵد ترەمپی هەڵگرتووە، ئەمەش دوای ئەوەی بە كۆی دەنگ بڕیاریاندا بەردەوامبن لەسەر دیراسەکردنی رێوشوێنەكانی گۆڕینی ناوی ئەو شەقامە، کە دەکەوێتە ناوچەی "سێنتراڵ پارک" و نزیکەی 25 ساڵە ناوی ترەمپی لێنراوە.
ئەم جوڵەیە دوای پەرەسەندنی ئەو گرژییانەی نێوان هەردوو وڵات و لێدوانە بەردەوامەکانی ترەمپ دێت دژی کەنەدا؛ كە بەوتەی هەندێک لە ئەندامانی ئەنجومەنەکە، مانەوەی ناوی سەرۆکی ئەمریکا لەسەر یەکێک لە شەقامەکانی پایتەخت بووەتە مایەی شەرمەزاری و ئارەزوو ناکەن ناوی ئەو لە هیچ شوێنێکی ئۆتاوادا هەبێت.

وەزیری گەنجینەی ئەمریكا:🔻هۆشداریماندا لە هاوكاریكردنی ئێران بەڵام بانكی میسر ئیمارات بڕیاریدا ئەو رێگە قورسە تاقيبكاتەوە...
28/08/2026

وەزیری گەنجینەی ئەمریكا:
🔻هۆشداریماندا لە هاوكاریكردنی ئێران بەڵام بانكی میسر ئیمارات بڕیاریدا ئەو رێگە قورسە تاقيبكاتەوە بۆیە لێپرسينەوەی لەگەڵ دەكەین
🔻بڕیارمانداوە سەرجەم شادەمارەكانی ئێران ببڕین و بۆ هەمیشە كۆتایی بە هەڕەشەكانی بهێنین
درەو:
سكۆت بیسێنت، وەزیری گەنجینەی ئەمریكا دەڵێت، وەزارەتی گەنجینە بەڵێنی داوە سەرجەم شادەمارە ئابورییەکانی تاران كە ماون بیانبڕێت و بە هەمیشەیی کۆتایی بە هەڕەشەکانی رژێمی ئێران بهێنێت.
بیسێنت لە سەكۆی "ئێكس" نوسیویەتی، هەروەك هۆشداریماندا لەوەی پشتیوانانی ئێران ناتوانن بەردەوام بن لە سوودوەرگرتن لە بەکارهێنانی دۆلاری ئەمریکی و سیستەمی دارایی جیهانی.
بانکی میسر ئیمارات بڕیاریدا ئەو ڕێگە قورسەکە تاقیبكاتەوە، ئەمڕۆ یەکەم هەنگاو دەنێین بۆ لێپرسینەوە لێی لەبەرامبەر پشتگیریی بەردەوام و ئاشکرای بۆ رژێمی ئێران.

فۆکس نیوزی ئەمریکی: ئەمریکا ڤیزای تەیف سامی، وەزیری پێشووی دارایی عێراقی هەڵوەشاندەوە" ناوی خستە ناو لیستی چاودێریی تیرۆ...
28/08/2026

فۆکس نیوزی ئەمریکی: ئەمریکا ڤیزای تەیف سامی، وەزیری پێشووی دارایی عێراقی هەڵوەشاندەوە
" ناوی خستە ناو لیستی چاودێریی تیرۆرەوە"
درەو:
كەناڵی فۆکس نیوزی ئەمریکی لە زاری بەرپرسێکی باڵای وەزارەتی دەرەوەی ئەمریكاوە وڵاتەکەی بڵاویکردەوە:
- وەزارەتی دەرەوەی ئەمریکا ڤیزای تەیف سامی، وەزیری پێشووی دارایی عێراقی هەڵوەشاندەوە و ناوی خستە ناو لیستی چاودێریی تیرۆرەوە و چوونی بۆ ئەمریکا قەدەخە کرد.
- لە کاتێکدا وەزارەتی دەرەوە لە سەردەمی ئیدارەی بایدندا خەڵاتی ئەو بیانییانەی دەکرد کە هەڕەشەن بۆ سەر نەتەوەکەمان، بەڵام وەزارەتی دەرەوە لە سەردەمی ترەمپدا ڤیزاکانیان هەڵدەوەشێنێتەوە
-

Address

Assulaimaniah
As Sulaymaniyah
46001

Website

Alerts

Be the first to know and let us send you an email when Draw درەو posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Draw درەو:

Shortcuts

Share

Category