Draw درەو

Draw درەو دامەزراوەی میدیایی درەو
دامەزراوەیەكی میدیایی ئەهلی ئازادە،
(2)

🔻موچەی مانگی تەمموزی فەرمانبەرانی هەرێم ئامادیەو چاوەڕانی رەزامەندی وەزیری دارایی دەكات🔻وەزیری دارایی داوایكردووە لە (48...
17/09/2025

🔻موچەی مانگی تەمموزی فەرمانبەرانی هەرێم ئامادیەو چاوەڕانی رەزامەندی وەزیری دارایی دەكات
🔻وەزیری دارایی داوایكردووە لە (48) كاتژمێردا هەرێم نەوتەكەی رادەست بكات
"رازیش بێت بەو چارەسەرە یاساییەی ئەنجومەنی دەوڵەت پێشنیازی دەكات"
درەو:
ماڵپەری "بەغداد ئەلیەوم" لەزاری سەرچاوەیەکی ئاگادەرەوە بڵاویكردووەتەوە: پارەی کاش ئامادەیە بۆ موچەی مانگی تەمموزی فەرمانبەرانی هەرێمی کوردستان و چاوەڕوانی رەزامەندی وەزیری دارایی دەكات بۆ رەوانەكردنی، ئەویش مەرجی هەیە.
بەوتەی ئەو سەرچاوەیە، مەرجی وەزیری دارایی عێراق بۆ رەوانەكردنی موچە، پابەندبونی حکومەتی هەرێمە بە رادەستكردنی نەوت و دەستپێکردنەوەی هەناردەکردنەوەی لە ماوەی 48 کاتژمێردا، لە گەڵ چارەسەرکردنی پرسی داهاتی ناوخۆو قبوڵکردنی ئەو چارەسەرە یاساییەی کە لەلایەن ئەنجومەنی دەوڵەتەوە دەردەچێت.

حكومەتی هەرێمی كوردستان ئامادەیی دەربڕی نەوت رادەستی (سۆمۆ) بكات، بەو مەرجەی تا كۆتایی ئەم هەفتەیە رێككەوتنی سێقۆڵی (وەز...
17/09/2025

حكومەتی هەرێمی كوردستان ئامادەیی دەربڕی نەوت رادەستی (سۆمۆ) بكات، بەو مەرجەی تا كۆتایی ئەم هەفتەیە رێككەوتنی سێقۆڵی (وەزارەتی نەوتی فیدراڵ+ وەزارەتی سامانە سروشتییەكان+ كۆمپانیا بیانییەكان) گەڵاڵە بكرێت.
ئەنجومەنی وەزیرانی هەرێمی كوردستان ئەمڕۆ....
https://drawmedia.net/page_detail?smart-id=17444

🔻"تا کاتی واژۆکردنی ڕێککەوتننامەی سێقۆڵی، هەرێمی کوردستان بەشەنەوتی خۆی ڕادەستی وەزارەتی نەوتی فیدڕاڵ دەکات"(درەو): دەقی...
17/09/2025

🔻"تا کاتی واژۆکردنی ڕێککەوتننامەی سێقۆڵی، هەرێمی کوردستان بەشەنەوتی خۆی ڕادەستی وەزارەتی نەوتی فیدڕاڵ دەکات"
(درەو):
دەقی راگەیەندراوی كۆبوونەوەی ئەمڕۆی ئەنجومەنی وەزیرانی هەرێمی كوردستان:
🔹ئەمڕۆ چوارشەممە 17ی ئەیلوولی 2025، بە سەرپەرشتیی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.
لە بڕگەی یەکەم، دوا پێشهاتەکانی دۆسیەی هەناردەکردنی نەوتی هەرێم و بابەتی داهاتە نانەوتییەکان و مووچە و شایستە داراییەکانی مووچەخۆرانی هەرێم و تاووتوێکردنی میکانیزم و ڕێکارەکانی جێبەجێکردنی پابەندیی حکومەتی فیدراڵ و حکومەتی هەرێمی کوردستان، بەگوێرەی بڕیاری ئەنجومەنی وەزیرانی هەردوولا و لەیەکترگەیشتنی هاوبەشی پەسەندکرا لەلایەن هەردوو لاوە.

سەرۆک وەزیران دووپاتی کردەوە کە حکومەتی هەرێمی کوردستان، هەموو ئەرک و پابەندییە دەستوورییەکانی بە زیادەوە جێبەجێ کردووە و هەموو نەرمییەکی نواندووە بۆ نەهێشتنی هەموو ئەو کێشە و ئاستەنگ و بەربەستانە تەکنیکییانەی کراونەتە بیانوو بۆ نەناردنی مووچە، بۆیە نابێت چیتر ئەم بابەتانە، ببنە ڕێگر لەبەردەم خەرجکردنی مووچەی مووچۆخۆرانی هەرێمی کوردستان کە مافێکی یاسایی و ڕەوای خۆیانە مووچەکانیان لەلایەن حکومەتی فیدراڵەوە بنێردرێت.
ئینجا ئامانج ڕەحیم سکرتێری ئەنجومەنی وەزیران، لە دووتوێی ڕاپۆرتێکدا، وردەکاریی دواپێشنیاری هاوبەشی هەردوو حکومەتی فیدڕاڵ و هەرێمی خستەڕوو سەبارەت بە پەلەکردن لە دەستپێکردنەوەی هەناردەی نەوتی هەرێم، کە لە کۆبوونەوەی دوێنێی ئەنجومەنی وەزیرانی عێراق پەسەندکرا، ئەمەش دوای ئەوەی لە هەفتەی ڕابردوو، لەلایەن ئەنجومەنی وەزیرانی هەرێمی کوردستانەوە، پەسەند کرا و ڕەوانەی بەغدا کرا.
بەپێی ئەم لەیەکگەیشتنە نوێیە، سەرەڕای پشتگیری لە جێبەجێکردنی بڕیاری پێشووتری ئەنجومەنی وەزیرانی هەردوولا، کە تەواوی نەوتی بەرهەمهاتووی هەرێم ڕادەستی کۆمپانیای سۆمۆ بکات (جگە لە بڕی بەکارهێنانی ناوخۆ)، ئەم قۆناخەش لەسەر واژۆکردنی ڕێککەوتننامەی سێقۆڵی بۆ هەناردەی نەوت وەستاوە، بەڵام دانووستانەکان بەرەوپێشچوونی باشیان بەخۆیانەو بینیوە و وا چاوەڕوان دەکرێت، لە کۆتایی ئەم هەفتەیە، ئەو ڕێککەوتننامەیە گەڵاڵە بکرێت.
تا کاتی واژۆکردنی ڕێککەوتننامەی سێقۆڵیش، هەرێمی کوردستان بەشەنەوتی خۆی ڕادەستی وەزارەتی نەوتی فیدڕاڵ دەکات، بۆ ئەم مەبەستە، ئەنجومەنی وەزیران، وەزیری سامانە سروشتیيەکان و شاندی دانوستانکاری ڕاسپارد ، ڕێکاری پێویست بگرنەبەر و پێویستە حکومەتی فیدڕاڵیش لە بەرانبەردا، پابەندیی خۆی لە ناردنی مووچە دەستبەجێ جێبەجێ بکات.

سەبارەت بە دۆسیەی داهاتی نانەوتی و بڕیاری ئەنجومەنی وەزیرانی فیدڕاڵ بۆ ناردنی ئەم بابەتە بۆ ئەنجومەنی دەوڵەت، ئەنجومەنی وەزیران جەختیکردەوە لەسەر تێڕوانینی دەستووری و یاسایی خۆی لەسەر پۆڵێنکردنی داهاتە نانەوتییەکان و دەستنیشانکردنی بەشی گەنجینەی فیدڕاڵیی کە پشت بە ماددەکانی (12/دووەم-د) و (21/دووەم) لە یاسای بوودجەی فیدڕاڵیی و ماددەی 29 لە یاسای بەڕێوەبردنی دارایی فیدڕاڵیی و بڕگەی سێیەمی بڕیاری دادگای باڵای فیدڕاڵی ژمارە 224 لە 2024/2/21 دەبەستێت کە ئەمانە هەمووی یاسا و بڕیاری فیدڕاڵیین و بە دەقی ڕوون و ئاشکرا، پۆڵینی داهاتە ناوخۆییەکانی کردووە و بەشی هەر یەک لە گەنجینەی فیدڕاڵیی و هەرێمێیشی دەستنیشانکردووە وەک لە دوا یادداشتی حکومەتی هەرێمدا هاتووە و بە فەرمی پێشکەش بە حکومەتی فیدڕاڵ کراوە.

دواتر هەریەک لە ئومێد سەباح سەرۆکی دیوانی ئەنجومەنی وەزیران و کەمال محەمەد ساڵح وەزیری سامانە سروشتییەکان بە وەکالەت و ئەندامانی دیکەی شاندی دانوستانکار، وردەکاریی زیاتری گفتوگۆکانی ئەم دواییە و لایەنە تەکنیکی و یاساییەکانیان خستەڕوو.
دوای گفتوگۆ، ئەنجومەنی وەزیران وێڕای پێشوازیکردن لە بڕیاری هاوبەشی هەردوولا، جەختی کردەوە کە ئیتر لە بەرامبەر ئەم بەرەوپێشچوونانە، پێویستە وەزارەتی دارایی فیدڕاڵ، دەستبەجێ مووچەی مانگی تەممووز و ئابی ساڵی 2025 ی مووچەخۆرانی هەرێم خەرج بکات و بۆ لەمەودواش، هاوشێوەی بەشەکانی دیکەی عێراق، مووچەخۆرانی هەرێم، وەک هاوتاکانیان لە حکومەتی فیدڕاڵ، تەواوی مووچەکانیان لە کاتی خۆی وەربگرن.

لە بڕگەی دووەمی کۆبوونەوە، ئەنجومەنی وەزیران گفتوگۆی لەسەر بابەتی هاوئاهەنگیی تایبەت بە ڕێکارە داراییەکان لە ناویشیاندا بابەتی باجەکان لە نێوان حکومەتی هەرێم و حکومەتی فیدراڵ کرد، ئەویش بە ڕەچاوکردنی دەسەڵات و تایبەتمەندییە دەستووریەکانی هەرێم وەک لە دەستووری هەمیشەیی عێراق جێگیر کراوە، لەمبارەیەوە کەمال وەرتی بەڕێوەبەری گشتیی باجەکان و خانووبەرەی میریی هەرێمی کوردستان کە بۆ ئەم بڕگەیە میوانداریی کۆبوونەوەکە کرابوو، چەند پێشنیار و ڕاسپاردەیەکی هاوبەشی تایبەت بە ڕێکار و ڕێنماییەکانی باج و ڕێژەکانیان خستەڕوو کە پێشتر لەگەڵ دەستەی گشتی باجەکانی عێراق گفتوگۆیان لەسەر کردووە.
ئەنجومەنی وەزیران هاوئاهەنگیی و هاریکاریی فەرمانگە و دامەزراوەکانی باجی لە حکومەتی فیدڕاڵ و هەرێم بە گرنگ زانی و پشتیوانی لێ دەکات. لە هەمان کاتدا، ئەنجومەنی وەزیران دووپاتی کردەوە کە هەرێمی کوردستان وەک قەوارەیەکی فیدڕاڵیی، مافی پیادەکردنی دەسەڵات و تایبەتمەندییە داراییە دەستووریەکانی خۆی هەیە، بۆ ئەم مەبەستەش، ئەنجومەنی وەزیران وەزارەتی دارایی وئابووری و بەڕێوەبەرایەتی گشتی باجەکانی هەرێمی کوردستانی ڕاسپارد کە بەم ئاراستەیە و لە چوارچێوەی دەستوور، پەرە بە هاوئاهەنگیی و هاریکاریی و پەیوەندیەکانیان لەگەڵ هاوتاکانیان لە حکومەتی فیدڕاڵ بدەن.

پاشان ئالان حەمە ساڵح وەزیری پەروەردە، ڕاپۆرتێکی تایبەتی سەبارەت بە ئامادەکارییەکانی وەزارەتەکەی بۆ دەستپێکی ساڵی نوێی خوێندنی 2026-2025 لە هەرێمی کوردستان خستەڕوو.
لەمبارەیەوە وەزیری پەروەردە، ئاماژەی بە ئامادەکارییەکانی تایبەت بە چاپکردنی کتێب و دابینکردنی پێداویستییەکانی خوێندن و قوتابخانەکان و گۆڕانکاری لە پرۆگرامەکانی خوێندن کرد و چەند پێشنیارێکیشی خستە بەردەم ئەنجومەنی وەزیران بۆ سەرخستنی پلانی وەزارەت لەم بارەیەوە.
ئەنجومەنی وەزیران وێڕای دەستخۆشی لە وەزیری پەروەردە و سەرجەم مامۆستا و فەرمانبەر و کارمەندانی وەزارەتەکەی بۆ بەردەوامیدان بە پرۆسەی پەروەردە و فێرکردن لە هەرێمی کوردستان، کە سەرەڕای نالەباری بارودۆخی دارایی و ئابووری ئەم چەند ساڵە، بە تایبەتیش کێشەی دواکەوتنی خەرجکردنی مووچەی مووچەخۆران و مامۆستایان و کارمەندانی پەروەردە، بەڵام وەزارەتی پەروەردە بە هەموو پێکهاتە و هێزی مرۆییی وەزارەتەکە، بە پشتیوانیی حکومەت و ڕێکخراوە نيودەوڵەتی و ناوخۆییەکان و پشتیوانیی کەرتی تایبەت، بەرەوپێشچوونی باشی لە ڕووی ڕاهێنانی مامۆستایان و بە دیجیتاڵکردنی خزمەتگوزاریی فێرکردن و چاپکردنی کتێبی نوێ وکردنەوەی قوتابخانەی نوێ و نۆژەنکردنەوەیان و زیادکردنی ژوورەکانی پۆلی خوێندن و ڕێکخستنەوەی میلاکات ئەنجام داوە.
لە کۆتاییدا ئەنجومەنی وەزیران ، لە ساڵیادی کۆمەڵکوژیی گوندی سۆریا لە سنووری ئیدارەی سەربەخۆی زاخۆ، بە ڕێز و شکۆوە ، یادی شەهیدانی ئەو کارەساتەی کردەوە کە ساڵی 1969 ، لەلایەن ڕژێمی پێشووی عێراق، خەڵکی گوندەکە لە کریستیان ( کلدان) و موسڵمان، کومەڵکوژ کران. داواش لە حکومەتی فیدراڵ کرا کە قوربانیيانی ئەم تاوانە و هەموو قوربانیانی دیکەی دەستی ڕژێمی عێراق، قەرەبوو بکاتەوە.

🔻وەزارەتی دەرەوەی ئەمریكا (4) گروپی تری شیعەی عێراقی خستە لیستی تیرۆرەوە(درەو):وەزارەتی دەرەوەی ئەمریكا ئاشكرایكرد، لەچو...
17/09/2025

🔻وەزارەتی دەرەوەی ئەمریكا (4) گروپی تری شیعەی عێراقی خستە لیستی تیرۆرەوە
(درەو):
وەزارەتی دەرەوەی ئەمریكا ئاشكرایكرد، لەچوارچێوەی هەوڵەكانی واشنتۆندا "بۆ روبەڕووبونەوەی هەژمونی ئێران لە خۆرهەڵاتی ناوەڕاست و، سنورداركردنی هەڕەشەی ئەو گروپە چەكدارانەی لەلایەن تارانەوە پشتیوانی دەكرێن دژ بە بەرژەوەندییەكانی ئەمریكا، ژمارەیەك گروپی عێراق خرانە ناو لیستی تیرۆرەوە".
ئەوانەی خراونەتە ناو لیستی تیرۆری ئەمریكاوە بریتین لە گروپەكانی:
🔹بزوتنەوەی نوجەبا
🔹كەتیبەكانی ئیمام عەلی
🔹كەتیبەكانی سيد الشهداء
🔹بزوتنەوەی أنصار الله الأوفياء
وەزارەتی دەرەوەی ئەمریكا دەڵێ: ئەم گروپانە بەشدارییان كردووە لە كردەوەی تیرۆرستی كە هەڕەشە بووە لە ئاسایشی هێزەكانی ئەمریكاو هاوبەشەكانیان لە ناوچەكە، هەروەها لەگەڵ (فەیلەقی قودس)ی سەربە سوپای پاسدارانی ئێران كاردەكەن، كە ئەویش لە لیستی تیرۆردا دانراوە.
پێشتر وەزارەتی دەرەوەی ئەمریكا ژمارەیەك گروپی تری عێراقی خستوەتە لیستی تیرۆرەوە لەوانە (كەتیبەكانی حزوبوڵا) كە ساڵی 2009 ناوی خراوەتە لیستەكەوە، هەروەها (عەسائیبی ئەهلی حەق) كە لە 2020وە خراوەتە لیستی تیرۆر، هەردووكیشیان لەلایەن واشنتۆنەوە تاوانباركراون بەوەی پاڵپشتی دارایی و سەربازیی لە ئێران وەردەگرن و بەشدارییان لە هێرشە خوێناوییەكاندا كرددووە دژ بە هێزەكانی ئەمریكا لە عێراق، ئەمە بەگوێرەی بەیاننامەی وەزارەتی دەرەوەی ئەمریكا.

🔻 ئەمڕۆش بۆی تەواو نەكرا!(درەو):بۆ سێیەم رۆژی لەسەر یەك، ئەمڕۆش بەهۆی تەواونەبوونی (نیساب)ەوە، ئەنجومەنی نوێنەرانی عێراق...
17/09/2025

🔻 ئەمڕۆش بۆی تەواو نەكرا!
(درەو):
بۆ سێیەم رۆژی لەسەر یەك، ئەمڕۆش بەهۆی تەواونەبوونی (نیساب)ەوە، ئەنجومەنی نوێنەرانی عێراق نەیتوانی كۆببێتەوە.
بانگەوازی دەستەی سەرۆكایەتی پەرلەمان بۆ پەرلەمانتاران سەبارەت بە ئامادەبوونیان لەدانیشتنەكان هیچ سودێكی نەماوە، بەناچاری دانیشتنەكەی ئەم هەفتەیە بۆ هەفتەی ئایندە دواخرا.
ئەمەش لەكاتێكدابوو دوێنێ لە كۆبوونەوەی سەرۆكایەتیی پەرلەماندا جەخت لەسەر بایەكی ئامادەبوونی سەرۆكی فراكسیۆنەكان و پەرلەمانتاران كرا لە دانیشتنەكانی پەرلەمان بەمەبەستی تێپەڕاندنی یاسا گرنگەكان و ئەمەش وەكو "ئەركێكی نیشتمانی كە ناكرێت دوابخرێت" ناوهێنرا.
دوێنێ شاخەوان عەبدوڵا جێگری دووەمی سەرۆكی پەرلەمان سەرسوڕمانی خۆی نیشاندا لەوەی 130 پەرلەمانتار ئیمزایان كردووە، كەچی كەمتر لە 50 پەرلەمانتار ئامادەی دانیشتنی پەرلەمان دەبن و نیساب پەكی دەكەوێت، ئەمەش لەكاتێكدا كە ئەو پرۆژەیاسایانەی خراونەتە بەرنامەی كارەوە هیچ مشتومڕێكی سیاسییان لەسەر نییە.
خولی پێنجەمی پەرلەمانی عێراق دوا رۆژەكانی خۆی بەڕێ دەكات، 11/11ی ئەمساڵ هەڵبژاردنی خولی شەشەم بەڕێوەدەچێت، رەنگە ئەمە یەكێك لە هۆكارەكانی ساردبوونەوەو خۆبواردنی پەرلەمانتاران بێت لە دانیشتنەكان، بەتایبەتیش دوای ئەوەی چوارچێوەی هەماهەنگیی شیعە بڕیاریدا یاسای مشتومڕاوی (دەستەی حەشدی شەعبی) لە پەرلەمان بكێشێتەوەو رەوانەی خولی داهاتووی پەرلەمانی بكات، هەڵبەت دوای هەڕەشەكانی ئەمریكا دژی یاساكە.

* لەکۆبونەوەی دوێنێی ئەنجومەنی وەزیرانی عێراق ٤۸ کاتژمێر دراوەتە وەزیری نەوتی عێراق بۆ ئەوەی بابەتی ناردنە دەرەوەی نەوتی...
17/09/2025

* لەکۆبونەوەی دوێنێی ئەنجومەنی وەزیرانی عێراق ٤۸ کاتژمێر دراوەتە وەزیری نەوتی عێراق بۆ ئەوەی بابەتی ناردنە دەرەوەی نەوتی هەرێمی کوردستان چارەسەر بکرێت.
* کۆمپانیاکانی بواری بەرهەمهێنانی نەوت ڕازیبوون بەوەی بەپێی یاساکانی عێراق مامەڵەیان لەگەڵ بکرێت و، دەستبەرداری ئەو بابەتە بوون کە بە یاسا بیانییەکان مافی ئەوان پارێزراو بێت.
*حکومەتی هەرێمی کوردستان نوسراوی فەرمیکردووە کە....
https://drawmedia.net/page_detail?smart-id=17442

ئەنجومەنی دەوڵەت ئەمڕۆشی سپارد بە سبەینێ، سبەینێ كۆتایی هەفتەیە، بە ئەگەری زۆرەوە بڕیاردان لەسەر موچەی موچەخۆرانی هەرێم ...
17/09/2025

ئەنجومەنی دەوڵەت ئەمڕۆشی سپارد بە سبەینێ، سبەینێ كۆتایی هەفتەیە، بە ئەگەری زۆرەوە بڕیاردان لەسەر موچەی موچەخۆرانی هەرێم دەكەوێتەوەی هەفتەی ئایندە، موچەخۆرانی هەرێم ئەم رۆژانە بەهۆی ناكۆكییەكانی هەولێرو بەغدادەوە هەفتانە چاوەڕێی هاتنی سێ شەممە دەكەن كە وادەی بەڕێوەچوونی كۆبوونەوەی ئاسایی هەفتانەی ئەنجومەنی وەزیرانی فیدراڵە.
بۆ سێیەم رۆژ لەسەریەك، ئەمڕۆ....
https://drawmedia.net/page_detail?smart-id=17440

کۆبونەوەی ئەنجومەنی وەزیرانی هەرێم تایبەت بە هەناردەکردنەوەی نەوت و موچەدرەو:ئەنجومەنی وەزیرانی هەرێمی کوردستان لە کۆبوو...
17/09/2025

کۆبونەوەی ئەنجومەنی وەزیرانی هەرێم تایبەت بە هەناردەکردنەوەی نەوت و موچە
درەو:
ئەنجومەنی وەزیرانی هەرێمی کوردستان لە کۆبوونەوەدایەو لەسەر سێ تەوەر گفتوگۆ دەکات:
-دوا پێشهاتەکانی تایبەت بە پرسی هەناردەکردنەوەی نەوتی هەرێمی کوردستان و پرسی داهاتە نانەوتییەکان و موچەی موچەخۆرانی هەرێم.
-پرۆسەی رێکخستنەوەی رێکارە داراییەکانی نێوان هەرێم و بەغداد
- پرۆسەی دەستپێکردنەوەی ساڵی نوێی خوێندن

بەڕێوەبەرایەتی تەندروستی سلێمانی:🔻ئەمڕۆ دەستکرا بە خەرجکردنی پارەی دەرمان بۆ نەخۆشخانەکانی سلێمانیدرەو:بەڕێوەبەرایەتی گش...
17/09/2025

بەڕێوەبەرایەتی تەندروستی سلێمانی:
🔻ئەمڕۆ دەستکرا بە خەرجکردنی پارەی دەرمان بۆ نەخۆشخانەکانی سلێمانی
درەو:
بەڕێوەبەرایەتی گشتی تەندروستی سلێمانی لە راگەیەندراوێكدا دەڵێت:دوای ئەوەی لەسەر راسپاردەی قوباد تاڵەبانی، جێگری سەرۆکی ئەنجومەنی وەزیرانی هەرێم و ئاوات شێخ جەناب وەزیری دارایی بڕیاری چارەسەرکردنی کێشەی نەشتەرگەری و دەرمان و نەبوونی کەرەستەی پزیشکی لە سلێمانی درا ئەمڕۆ دەستکرا بە خەرجکردنی پارەکە.
ئەمڕۆ چوارشەممە 17ی ئەیلولی 2025، بە هەوڵی بەڕێز د. ماکوان بەڕێوەبەری لقی سلێمانی بانکی هەرێم دەستکرا بە خەرجکردنی پارەی نەختینەی بەڕێوەبەرایەتی گشتی تەندروستی سلێمانی و بەمەش کێشەی نەشتەرگەری و دەرمان و نەبوونی کەرەستەی پێویستی پزیشکی لە سلێمانی تا کۆتایی ئەمساڵ کۆتایی هات وە سوپاس بۆ بەڕێزان وەزیری تەندروستی حکومەتی هەرێمی کوردستان و پارێزگاری سلێمانی و جێگری پارێزگاری سلێمانی هەوڵەکانی بۆ چارەسەرکردنی کیشەی نەشتەرگەری و دەرمان و نەبوونی کەرەستەی پزیشکی پێویست لە سلێمانی.

🔻بەهای (100) دۆلار بەرامبەر بە (142,750) دینارە
17/09/2025

🔻بەهای (100) دۆلار بەرامبەر بە (142,750) دینارە

🔻لیژنەی باڵای یاسایی پارێزگای سوەیدا نەخشە رێگاكەی دیمەشق و واشنتۆن و عەممان رەتدەكاتەوە🔻جەخت لە سەربەخۆیی پارێزگاگەو خۆ...
17/09/2025

🔻لیژنەی باڵای یاسایی پارێزگای سوەیدا نەخشە رێگاكەی دیمەشق و واشنتۆن و عەممان رەتدەكاتەوە
🔻جەخت لە سەربەخۆیی پارێزگاگەو خۆبەڕێوەبەرێتی دەكاتەوە
درەو:
ئەمڕۆ لیژنەی باڵای یاسایی لە پارێزگای سوەیدای باشوری سوریا، رەتکردنەوەی ئەو نەخشەرێگایەی راگەیاند کە لەلایەن حکومەتی سوریاوە راگەیەندراوە بۆ ئاسایكردنی دۆخی پارێزگاكە، حكومەتی دیمەشقى بە خۆدزینەوە لە بەرپرسیارێتیەكانی تۆمەتباركردو جەختى لە سەربەخۆیی پارێزگاگەو خۆبەڕێوەبەرێتی كردەوە.
لیژنەكە كە سەربە حیكمەت هیجری، رابەڕی روحی تائیفەی دروزییەكانە، لە بەیاننامەکەدا رونیکردووەتەوە: حكومەتی دیمەشق لە بەیاننامەکەیدا ئاماژەی بە بانگهێشتكردنی لیژنەیەكی سەربەخۆی لێکۆڵینەوەی نێودەوڵەتی کردووە بۆ سوریا ، بەڵام دواتر دووپاتی کردووەتەوە لێپرسینەوە بەپێی یاسای سوریا ئەنجام دەدرێت، ئێمە پێمان وایە ئەمە دژبەیەكییەو لێکۆڵینەوە نێودەوڵەتیەكە لە ناوەڕۆکەکەی بەتاڵ دەکاتەوە، چونكە ناكرێت تۆمەتبار لەهەمان كاتدا دادوەر بێت.
لیژنەی یاسای پارێزگای سوەیدا ئاماژە بەوەشدەكات: حکومەت و دەزگا ئەمنی و سەربازییەکانی هاوبەشێکی راستەوخۆ بوون لەو کۆمەڵکوژی و پێشێلکارییانەی كرانە سەر هەزاران هاوڵاتی مەدەنی، رەتکردنەوەی بەرپرسیارێتیش رێگایەک بۆ ئاشتەوایی ناکاتەوە؛ بەڵکو سیاسەتی قوتاربوون لە سزا دەچەسپێنێت.
بەیاننامەكە دوای ئەوە دێت، دوێنێ‌ سوریا، ئوردن و ئەمریکا رایانگەیاند، گەیشتوونەتە نەخشەڕێگایەک بۆ چارەسەرکردنی قەیرانی سوەیدا.
نەخشە رێگاكە لە میانی کۆنگرەیەکی رۆژنامەوانیدا لە دیمەشق راگەیەندرا، کە ئەیمەن سەفەدی، وەزیری دەرەوەی ئوردن و، تۆماس باراک باڵیۆزی ئەمریکا لە تورکیا و نێردەی تایبەتی سوریا ئامادەی بوون.
هاوكات ئەوەش راگەیەندرا، رێککەوتن كراوە بۆ کارکردن لەگەڵ واشنتۆن و عەممان و پێكهاتەكانی سوەیدا لەسەر قۆناغێکی راگوزەر تا گەیشتن بە تێكەڵبونی تەواوەتی، لەگەڵ پێکهێنانی هێزێکی پۆلیسی ناوخۆیی کە هەموو پێکهاتەکان لەخۆبگرێت و لەلایەن کەسایەتییەکی پارێزگاکەوە سەرکردایەتی بکرێت.

🔻 ئیسرائیل ئامادەكاری دەكات بۆ گەڕێكی نوێی جەنگ لەگەڵ تاران🔻 دەسەڵاتدارانی ئێران پارەیەكی زۆریان تەرخانكردووە بۆ پەرەپێد...
17/09/2025

🔻 ئیسرائیل ئامادەكاری دەكات بۆ گەڕێكی نوێی جەنگ لەگەڵ تاران
🔻 دەسەڵاتدارانی ئێران پارەیەكی زۆریان تەرخانكردووە بۆ پەرەپێدانی كەرتی بەرگری
درەو:
رۆژنامەی "الشرق الاوسط " :
بەرپرسێکی باڵای ئیسرائیل ئاشكرایكردووە: وڵاتەكەی خۆی بۆ گەڕی تری جەنگ لەگەڵ ئێران ئامادە دەکات، بەهۆی چاوەڕوانییەکانی بە روودانی پێشهاتی كتوپڕ، کە پێویستی بە پەرەپێدانی سیستەمی بەرگری و شەڕکردن دەبێت.
ئامیر بارام، بەڕێوەبەری گشتیی لە وەزارەتی بەرگری ئیسرائیل، هۆشداری داوە لەوەی وڵاتەکەی لە داهاتوودا روبەڕوی گەڕی زیاتری جەنگ لەگەڵ ئێران دەبێتەوە، سەرەڕای ئەوەی گەڕی یەكەمی جەنگەكە بە سەركەوتنێكی روون ئیسرائیل كۆتایی هاتووە، بەڵام گەڕی تری جەنگى دەبێت لە دژی ئێران.
بارام وتويەتی: جەنگی (12) رۆژە بە سەرکەوتنێکی روون بۆ ئیسرائیل کۆتایی هات، بەڵام جەنگ كۆتایی نەهاتووەو گەڕی تری بەدوادا دێت دژی ئێران.
راشیگەیاندووە: سەركردەكانی رژێمی ئێران ون نەبوون؛ بەڵكو هەست بە سوكایەتی دەکەن، هەر بۆیە بڕە پارەیەکی زۆر دەڕژنە ناو کەرتی بەرگری و خێراترکردنی هەنگاوەکانیان بۆ بونیاتنان و بەهێزکردنی هێزی سەربازی.
بەوتەی ئەو بەرپرسە ئیسرائیلیە: بۆپاراستنی باڵادەستی سەربازی، وەزارەتی بەرگری ئیسرائیل کار لەسەر سێ پێوەرەى زەمەنی دەکات: لە کورتخایەندا: هاوردەكردن و كڕین چەك؛ لە مامناوەنددا: باشترکردنی ئامادەیی بۆ دەیەی داهاتوو؛ لە درێژخایەندا: پەرەپێدانی سیستەمی چەک، کە توانای گۆڕینی یاساکانی یارییەکەی هەبێت لە گۆڕەپانەکانی داهاتوودا.

Address

Assulaimaniah
As Sulaymaniyah
46001

Website

Alerts

Be the first to know and let us send you an email when Draw درەو posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Draw درەو:

Shortcuts

Share

Category