DGK RADIO, Sulaymaniyah/Rizgari/Malik Mahmwd Street, As Sulaymaniyah (2025)

10/09/2025

قوباد تاڵەبانی: كورد هەمیشە پشتیوانی گەلی فەڵەستین بووە

قوباد تاڵەبانی، جێگری سەرۆكوەزیران پێشوازی لە باڵیۆز دكتۆر ماهیر كەراكی، كونسوڵی گشتیی فەڵەستین لە هەرێمی كوردستان كرد و لە كۆبوونەوەی نێوانیاندا باسی دۆخی فەڵەستین و پەیوەندییەكانی نێوان هەردوولا كرا.

لە كۆبوونەوەكەدا كە رۆژی چوارشەمە 10ی 9ی 2025 بەڕێوەچوو، قوباد تاڵەبانی بە ئاماژەدان بە پەیوەندیی مێژوویی نێوان هەردوو بزووتنەوەی كورد و بزووتنەوەی فەڵەستین، رایگەیاند گەلی كورد هەمیشە پشتیوانی داوا رەواكانی گەلی فەڵەستین بووە و هاسۆزی خۆشی بۆ ئەو كارەساتە مرۆییە دەربڕی كە لە فەڵەستین و كەرتی غەزە بەسەر گەلی فەڵەستیندا هاتووە.

جێگری سەرۆكوەزیران هیوای خواست هەرچی زووە شەڕ كۆتایی بێت و ئاشتی باڵ بەسەر ناوچەكەدا بكێشێت. هەر لەم چوارچێوەیەشدا پشتیوانی خۆی بۆ چارەسەری دوو دەوڵەتی دەربڕی كە لە ئێستادا لەلایەن زۆربەی وڵاتانی جیهانەوە پشتگیری لێ دەكرێت.

لە بەشێكی دیكەی كۆبوونەوەكەدا باس لە بەهێزتركردنی پەیوەندییەكانی نێوان كوردستان و فەڵەستین كرا و هاوڕابوون هەردوو گەلی كوردستان و فەڵەستین پێویستە لەسەر ئاستی كۆمەڵگای نێودەوڵەتیدا پشتیوان و هاوسۆزی یەكتربن.

10/09/2025

عیماد ئەحمەد : بەلەدەستدانی كاك ( سەعد خالید) زۆر دڵتەنگ و نیگەران بووین

هەڤاڵانی حزبی زەحمەتكێشانی كوردستان
بەڕێزان خانەوادە و هاوڕێیانی خوالێخۆشبوو كاك سەعد خالید

بەداخ و پەژارەیەكی زۆرەوە، هەواڵی ژیانئاوایی تێكۆشەری شاخ و شار هاوڕێ ( سەعد خالید )م پێگەیشت .

كاك سەعد جگە لەوەی پێشمەرگەی دێرین بوو بۆ منیش هاوڕێیەكی خۆشەویست و بەوەفا بوو كە ماوەیەكی زۆر پێكەوە كارمان كردووە چ لە سەردەمی پێشمەرگایەتی لە شاخ و دواتریش لەحكومەت
خوالێخۆش بوو وەك وەزیر دەورێكی باشی هەبوو لە خزمەتكردن ، بەداخەوە ماوەی چەند ساڵێك بوو بەهۆی نەخۆشییەوە وەك پێوسیت نەیدەتوانی بەئەركەكانی ڕابگات كە بەداخەوە هەر بەو نەخۆشییەوە ماڵئاوای لێ كردین…
هەر بۆیە بە لەدەستدانی كاك ( سەعد خالید) زۆر دڵتەنگ و نیگەران بووین

بۆ ئەم خەمە گەورەیە پرسەو سەرەخۆشی ئاڕاستەی بەڕێزتان و تەواوی كەسوكارو بنەماڵە سەربەرزەكەیان دەكەم و هاوبەشی ماتەمیانم.

لەخوای گەورە داواكارین گیانی پاكی كۆچكردوو بەبەهەشتی بەرین شادبكات، سەبووری و ئارامی بە هەموولایەك ببەخشێت.

‎انا للە و انا الیه راجعون

‎عیماد ئەحمد

10/09/2025

ڕفعەت عەبدوڵا: لەهەیكەلیەتى یەكێتیدا، گەنجان بەشدارییەکی گرنگ و سەرەکییان هەیە

هەڤاڵ ڕفعەت عەبدوڵا، جێگری سەرۆکی یەکێتیی نیشتمانیی کوردستان، لەگەڵ سکرتاریەتی ڕێکخراوی ئازادی لاوانی کوردستان کۆبوەوەو جەختی کردەوە یەکێتی، لەڕابردوو و ئێستاشدا بایەخێکی گرنگ بەتوێژی گەنجان دەدات و هەمیشە پشتیوان و پشتگیرییانە.

بەئامادەبوونی بەشێک لەپەرلەمانتارانی فراکسیۆنی (ی.ن.ک) لەپەرلەمانی کوردستان، هەڤاڵ جێگری سەرۆک، ئاماژەی بۆ ئەوەکرد ڕێکخراوی ئازادی لاوان، لەمێژووی ڕێکخراوەییدا تۆمارێکی پرشنگدارو و نەخشێکی گەورەی لەناو گەنجانی کوردستاندا هەیەو هیوای خواست بەپلان و بەرنامەی نوێوە بۆ ئەرکە ڕێکخراوەییەکانی ئایندە ئامادەبن.

هەڤاڵ ڕفعەت عەبدوڵا، باسی لەوەکرد پێویستە دەسپێشخەرى و پڕۆژەى گەنجانەی بنیاتنەرانەو واقیعیتان هەبێت، هەم بۆ یەکێتی و هەم بۆحكومەت و پەڕلەمانیش، لەوبارەیەوە وتی: "وابکەن داواكارى و پڕۆژەکانتان گوزارشتێکی تەواوبێت لەگەنجانی کوردستان بێ جیاوازی".

لەکۆتایی قسەکانیدا هەڤاڵ جێگری سەرۆکی یەکێتی، سەبارەت بەگرنگی و بایەخی گەنج، ڕایگەیاند لەزۆربەى زۆرى حیزب و ڕێكخراوە عیراقی و كوردستانیەكاندا لەئێستاو لەڕابردوودا، گەنج بەشێك بووە لەو هێزانەو بەشدارییەکی شکڵی پێکراوەو وتی: "بەڵام لەهەیكەلیەتى یەكێتى، گەنجان بەشدارییەکی گرنگیان هەیەو داینامۆو بزوێنەرو كارەكتەرى دیارو سەرەكین".
نوسینگەی ڕاگەیاندنی جێگری سەرۆکی (ی.ن.ک)

10/09/2025

هەواڵەکانی سەعات 3
بێژەر :گەشین تەها

10/09/2025

ئەگەر منداڵەکەت لەشێوەی پیتی W دادەنیشێت ئەوا ئەم بابەتە بۆ تۆیە

دانیشتنی لەشێوەی پیتی "W"، ئەو شێوازی دانیشتنەیە کە منداڵ ھەردوو قاچی لە ئەژنۆیەوە بۆ لاکانی دواوەی جەستەی دەبات باوترین جۆری دانیشتنە لە منداڵاندا، کە زیان بە ئێسکەکانی قاچی دەگەیەنێت و زۆربەی کات گرفتی ڕۆشتنیان بۆ دروست دەکات

زۆربەی منداڵان لەکاتی یاری و کات بەسەربردندا بەشێوەی پیتی دەبلیوی "W" ئینگلیزی دادەنیشن، چونکە بەو جۆرە دانیشتنە زیاتر ھەست بە حەوانەوە و ئارامی دەکەن. بەگوێرەی پزیشکانی تایبەت بە منداڵ و ئێسک ئەو جۆرە دانیشتنە زیانی تەندروستیی بۆ منداڵ ھەیە، پێویستە لەسەر باوان لە کاتی بینینی منداڵەکانیان بەو جۆرە ڕێگریان لێبکەن و باری دانیشتنەکەیان پێبگۆڕن.

ئەو شێوەی دانیشتنە زیان بە گەشەی جومگە و ئێسکی منداڵ دەگەیەنێت، لەگەڵ ئەوەشدا ماسولکەکانی لاواز دەکات و ئاستی بڵاوبوونەوەی قاچیان زیاتر دەبێت، بەھۆی ئەوەی زۆربەی فشارەکانی پشت و بەشی سەرەوەی جەستەیان دەچێتە سەر ناوچەی حەوز و ڕان و سمتیان، ئەگەری ھەیە توشی ئێسکەنەرمەشیان بکات

10/09/2025

بەڕێزان خانەوادەو کەسوکاری پێشمەرگەی دێرین کاک ئیسماعیل ڕەشید محێدین خەمزەیی

بۆ کۆچی دوایی پێشمەرگەی دێرینی مەفرەزە سەرەتاییەکانی شۆڕشی نوێ کاک ئیسماعیل ڕەشید محێدین خەمزەیی ، لەناخی دڵەوە پرسەو ماتەمی خۆمان ئاڕاستەی بەڕێزتان و گشت هاوسەنگەران و هەڤاڵانی دەکەین

لەیەزدانی مەزن داواکارین کۆچکردوو بە بەهەشتی دێرین شاد بکات و ئارامی بە گشت لایەک ببەخشێت

انا للە و انا الیە راجعون

مەکتەبی سیاسی
یەکێتیی نیشتمانیی کوردستان

10/09/2025

لە دوایین دانیشتنی ئەنجومەنی وەزیرانی عیراق، بڕیاردرا پرسی داهاتی ناوخۆی هەرێم رەوانەی ئەنجوومەنی دەوڵەت بكرێت، لەبارەی داهاتی نەوتیشەوە، بڕیاردرا بڕی ئەو نەوتەی هەرێمی كوردستان بەرهەمی دەهێنێت لە رێگەی كۆمپانیای بەبازاڕكردنی نەوتی عیراق (سۆمۆ)وە بفرۆشرێت، شارەزایەكی بواری ئابووریش پێیوایە:"مەبەست لە رەوانەكردنی پرسی داهاتی ناوخۆ هەرێم بۆ ئەنجومەنی دەوڵەت، بۆ زیاتر پاڵپشتیكردنی بڕیارەكانی ئەنجومەنی وەزیرانی عیراقە كە بەپێویستی دەزانێت، هەموو داهاتە سیادییەكان بگەڕێنرێنەوە مەركەز و دواتر بكرێنەوە بە خەرجی".

10/09/2025

فەرشی کوردی لە راخەرەوە تا هونەر و دەقێکی مێژوویی

نووسین و ئامادەکردن: مەحمود شێرزاد

لە مۆزەخانەی فەرش لە ئێران، چەند فەرشێکی کوردی کە هی 400 ساڵ لەوەوپێشن، پێشاندراون. رەنگە لە سووچ و پەنایان، لە گۆشە و کەناران، لەژێر خاک و کەلاوان، فەرشی دەستچنی کوردی کۆنتر هەبن و تا ئێستا نەدۆزرابێتنەوە. نەتەوەیەک زیاتر لە 12 هەزار ساڵ مێژووی دروستکردنی خانووی هەبێ، کشتوکاڵی داهێنابێ، گیاوگۆڵ و دانەوێڵە و ئاژەڵە جۆراوجۆرەکانی دەستەمۆکردبێت، رەنگی دروست کردبێت، جلوبەرگی دروست کردبێت، نووسینی داهێنابێت، پزیشکی گیایی هەبووبێت، ئەستێرەناسیی زانیبێت، پەی بە خواناسیی راستەقینە بردبێت و...هتد، واتە گۆتی و سۆمەریی و هووری و...هتد بووبێت، ناکرێ راخەری جۆراوجۆر، بە تایبەتی فەرشی دانەهێنابێت، بەڵام بەداخەوە ئەوەی لەم ناوچەیە داهێنراوە، یان لەناو چووە، یان لە رووی نەزانییەوە یان بە ئەنقەست بە ناوی ئێرانییەوە رۆیشتووە و ئێرانیش بە فارس زانراوە.
((بەڕک یان بەڕ، بەڕە، قالیچە، یاخود فەرشی کوردەواری، لە جیهانی مافوورفرۆشان بە مافووری کوردی (Kurdish rug) یاخود کوردستان ناسراوە و دەستکردی وڵاتی کوردستانە. لە رووی جوگرافیاوە لە رۆژهەڵاتی تورکیاوە دەست پێدەکات تا نزیک چیاکانی تۆرۆس و بەشەکانی خوارووی قەفقاز و باکووری عیراق و ئەرمەنستان و باکووری رۆژئاوای ئێران دەگرێتەوە. جوانیی بەڕەی کوردەواری لە زاڵبوونی رەنگی شین و سەوز و زەعفەرانی دیار، کە ئاخنراو بە نەخشی میناخانی و حەوزی گوڵزاردایە. پەیکەری مافووری کوردی لە خوری چنراوە و پتەو و توندە. مافوور و بەڕکی دەستکردی وڵاتی کوردەواری بەوە ناسراوە کە پڕە لە ھێما و ئاماژە، دەستچنی مافوورەکە هەمیشە دەیەوێت بەسەرھاتی خۆی لە نەخشەکاندا بگێڕێتەوە و پەیامێک بە بینەری مافوورەکە بدات. نزیکترین بەڕکی دەوروبەر کە نزیکە لە فەرشی کوردی، فەرشی ھۆزی یوروکە لە (ناوەڕاستی ئەنادۆڵ) و فەرشی کوردی خۆراسانە - قۆچان، لە رۆژهەڵاتی کوردستان فەرشی بیجاڕ، فەرشی سونقوڕ لە ناوچەیی کولیایی پارێزگەی کرماشان و هەروەھا گلیمی شاری هەرسین زۆر ناسراو و بەناوبانگە)).

فەرش تەنیا راخەر نییە، بەڵکو هونەر و نووسین و ئابووری و مێژووە. فەرشی کوردی راستەوخۆ پەیوەندیی هەیە بە روانگە و دنیابینی، بە توانای داهێنان و خوو و ژینگە و جوگرافیای کورد و کوردستانەوە
پێش فەرش راخەری دیکە هەبووە
فەرش شێوە گەشەکردووەکەی راخەرە، پێش فەرش راخەری دیکە هەبووە، یەکەمجار مرۆڤ گیاوگوڵی کردووە بە راخەر، پاشان فێربووە بەو رووەکانەی باریک و شلکن، واتە جۆرێک لە قامیش و شووڵ کە لە دەمئاو و دەراوەکاندا دەڕوان و ئاوەکیی و نەرم و درێژ بوون، راخەر بچنێت، دوایی لە خوریی مەڕ و بزن و حوشتر راخەری دروست کردووە، واتە خورییەکەی رستووە، پاشان لە رێگەی رەنگی گیاوگوڵ و دەماری هەندێ لە رووەکەکانەوە رەنگی کردووە، دوای وشککردنەوە، خستوویەتە ناو رووبار و بۆ ماوەی یەک مانگ لە ئاوی رووباردا هێشتوویەتیەوە، بۆ ئەوەی ئەو بەشە لە رەنگەکان کە نەبوون بە بەشێک لە خورییەکە بڕۆن و ئەو بەشەش کە هەرگیز کاڵ نابێتەوە و ناڕوات بمێنێتەوە. پێدەچێت یەکەم راخەر کە لە خوری ئاژەڵ دروستی کرابێت، (نمەت) یان (لباد) بووبێت، دیارە ئەو وشەیەی (نمەت) یان (لباد) لە کۆندا بە مانای راخەر هاتووە. بە هەموو پێوەرەکان لباد دایکی فەرشە، تا ئێستاش لبادی کوردی هەر ماوە و لە هەندێ ناوچەی کوردستان هەتا ئێستاش هەر بەکار دێت، تەنانەت خۆم لە حاڵی حازردا بەکاری دێنم، بەرگێکی پەشمینەی جوانم بۆ دروستکردووە و لەسەری تێڕامان دەکەم، کتێب دەخوێنمەوە و لە وەرزی زستانیش لە ژوورێکی ساردا لەسەری دەخەوم. دانیشتن و خەوتن لەسەر لباد، لە رووی لەشساغیشەوە زۆر گرنگە و راستەوخۆ کاریگەریی لەسەر بەرزکردنەوەی گەرمی لەش و چارەسەری هەندێ لە نەخۆشییەکانی وەک رۆماتیزم هەیە.

کورد لە لباد (فەرەنجی) دروست کردووە
هەروەها کورد لە لباد (فەرەنجی) دروست کردووە و لە وەرزی سەرمادا بەکاری هێناوە، بەتایبەت شوانەکانی رۆژهەڵاتی کوردستان کە خۆم لە نزیکەوە بینیومن، ئەو شوانانەی مێگەلەکەیان شەوبەکێو بوون، هەموویان فەرەنجیان پێبوو، لباد و فەرەنجی لەسەرەتای ژیاری کشتوکاڵی و ئاژەڵدارییەوە لەگەڵ کوردن و تا ئێستا ماونەتەوە. دیارە کورد لە خوریی ئاژەڵ هەر بە تەنیا راخەری دروست نەکردووە، بەڵکو پێڵاو و جلوبەرگ و جاجم و توورەکە و خورجین و تێڕ و زین و کورتان و رەشمە و رستە و قەلادە و دەیان شتی دیکەی دروست کردووە. ئەگەر لە داهێنەکانی دیکە بگەڕێن و بێینەوە لای فەرش، فەرش تەنیا راخەر نییە، بەڵکو هونەر و نووسین و ئابووری و مێژووە. فەرشی کوردی راستەوخۆ پەیوەندیی هەیە بە روانگە و دنیابینی، بە توانای داهێنان و خووخدە و ژینگە و جوگرافیای کورد و کوردستانەوە. لە فەرشی کوردییدا دنیابینی و حەز و ئارەزووی کورد و بەتایبەت دەسەڵاتدارانی کورد دەبینیت، بۆ نموونە نەخشەسازیی (راوگە، گوڵستان و باخی) لە نەخشە سەرەکییەکانی فەرشی کوردیین. ئەو ناوچانەی بە فەرشی کوردی بەناوبانگن سنە و هەوشار و بیجاڕن، بەڵام ئێستا لە شارەکانی دیکەی موکریانیش وەک بۆکان و مەهاباد و...هتد فەرشی دەستچن پەرەی سەندووە. ئەوەی لە خوارەوە لەبارەی فەرشی کوردیی بیجاڕەوە دێ، هەموویم لەسەرچاوە وەورگرتووە، هیوادارم دەرفەتم هەبێ، لێکۆڵینەوەیەکی وردی فرەڕەهەند لەبارەی فەرشی کوردییەوە بکەم، یان ئەم نووسینە کورتە ببێتە هۆی ئەوەی یەکێک لە ئێوە (خوێنەرانی ئازیز)، ئەو کارە بکات.
فەرشی بیجاڕ
بیجاڕ یەک لە شارەکانی پارێزگای سنەی رۆژهەڵاتی کوردستانە و لە باکووری رۆژهەڵاتی ئەم پارێزگایە لە ناوچەیەک هەڵکەوتووە کە لە دێرزەمانەوە بە ناوچەی گەڕووس ناسراوە. ئابووریی گەڕووس لەسەر کشتوکاڵ، ئاژەڵداری و کاری دەستی وەکو فەرش بنیاد نراوە. مێژووی فەرشچنین لە بیجاڕ دەگەڕێتەوە بۆ سەدەی هەژدە. مێژووی فەرشچنین لە کوردستاندا دەگەڕێتەوە بۆ چەند سەد ساڵ لەمەوبەر. بەهۆی پێگەی تایبەتی بیجاڕ لە سەردەمی جەنگی جیهانیی یەکەمدا، لەلایەن روسەکانەوە، هەروەها تورکە عوسمانییەکانەوە، هێرشی دەکرێتە سەر و بەهۆی ئەم رووداوانەوە فەرشچنین کەم دەبێتەوە.
هەرچەندە پێش جەنگی جیهانیی دووهەم، زۆرێک لە ئامێرەکانی چنینی فەرش بۆ پەرەپێدانی ئەم هونەر و پیشەیە هاتبوونە بیجاڕ، بەڵام لەگەڵ دەستپێکردنی شەڕ و برسێتی، چنینی فەرش قۆناغێکی تری دابەزین بە خۆوە دەبینێت. لە ساڵی (1961ی زایینی) بەدواوە لەگەڵ گەشەی سەرمایەداری لە ئێران و گەشەسەندنی بەرهەمه دەستییەکان، زۆرێک لە ناوەندەکانی فەرشچنین بۆ جارێکی تر بووژانەوە و ئەمەش بۆ پەرەپێدانی فەرشی بیجاڕ سەرەتایەکی باش بوو. لە سەرەتای جەنگی جیهانی دووهەمدا خواست لەسەر فەرش زۆر بوو، فەرشچنەکانی گەڕووس پێیان باشتر بوو لەبری فەرشی درشت و بە قەبارە گەورە، فەرشی ورد بچنن و ئەم بڕیارە وای کرد بیجاڕ و گەڕووس بە جەمسەری فەرش بناسرێت.
فەرشی بیجار لە گوند و شارە جیاوازەکاندا بە سێ شێوە دەیچنن: لوول، نیمچە لوول و تەخت.
فەرشی بیجار 50 ریز لە 7 سانتیمەتر و لە شێوەی گوڵی ئاوریشمیدایە. ئەگەر فەرشەکە لە شێوەی چله ئاوریشمدا بێت، ئەوا ریزی فەرشەکە بەرز دەبێتەوە و دەگاتە ژمارەی 60 و 70. گرێکانی ئەم فەرشە تورکی و خەوتنی گرێکان بەرەو خوار و راستن. لە چنەی فەرشی بیجار پەشم و پەموو لە تان و پۆیەکەیدا بەکاردەهێنرێت. هەر بۆیە کەرەستەی پێویست بۆ دەزووی ئەو فەرشانە لە نیوزیلەنداوە هاوردە دەکرێت. ئاوریشم لە فەرشی بیجاڕ و فەرشەکانی دیکەدا بە کەمی بەکاردەهێنرێت. شێوازی پۆ چنینی فەرشی بیجار لە جۆری خۆیدا ناوازەیە. لە پێشدا خەڵکی ناوچەکە سێ پۆیان بەکارهێناوە، کە پۆی دووهەم تەنک بووە و پۆی یەکەم و سێیەم ئەستوور بوون، بەڵام ئێستا ئەم شێوازی پۆ چنینە گۆڕاوە و لە دوو پۆدا دەکرێت. شێوازی زەربەلێدان و کوتان لەسەر پۆیەکانی ئەم فەرشە جیاوازە لە ناوچەکانی تر. هۆکاری سەرەکیی ئەم جیاوازییە ژمارە و رادەی توندیی کوتانی ئەو پێداکێشانانەیە کە لەسەر پۆیەکان دەدرێت.
پەستان و چڕیی هەودای پەشمەکە زیاد دەکات و وا دەکات فەرشی بیجار بە فەرشی ئاسن بناسرێت. فەرشی رەسەنی بیجاڕ بەهۆی پێکهاتەی ناوازە و مانەوەی بەرز و بەکارهێنانی چەندین رەنگ و دیزاینی داهێنەرانە لە جیهاندا بەناوبانگە. ئەمڕۆ قەبارەی ئەم فەرشە مەتر و نیوێک و سەرووترە. ئەم فەرشانە ئەستوور و زۆر قورسن. گرێی زۆر بەهێزیان هەیە، گونجاون بۆ کەشوهەوای سارد و قاچەکان گەرم دەهێڵنەوە.
جیاوازیی فەرشی بیجاڕ لەگەڵ فەرشی دیکە لە چڕیی پێکهاتەکەیدایە. هەر بۆیەش پێکهاتەی بە جۆرێکە کە ناتوانرێت بچەمێنرێنەوە. بۆ دروستکردنی ئەم فەرشە جگە لە یەک یان دوو پەڕۆی تەنک، چەرمێکی زۆر ئەستوور دەخرێتە ناو پێکهاتەی فەرشەکەوە. بە شانەی ئاسن لە گرێکانی فەرشەکە دەدرێت و ئەمەش پێکهاتەی فەرشەکە زۆر بەهێزتر دەکات.

لە مۆزەخانەکانی جیهاندا بەردەستن
یەکێک لە تایبەتمەندییەکانی فەرشی بیجار یان گەڕووس ئەو رەنگانەیە کە تێیدا بەکارهاتووە. ئەم فەرشانە زیاتر بە ڕەنگە گەرم و زیندووەکانی ناسراون. جیاوازیی نێوان رەنگەکان جوانیی ئەم فەرشانە دوو هێندە دەکات. ئەو رەنگانەی بۆ فەرشەکان هەڵدەبژێردرێن، گوزارشت لە سروشتی سارد و کێوی و لە هەمان کاتدا رەنگاوڕەنگی کوردستان دەکەن. رەنگەکانی فەرشی بیجاڕ لەگەڵ رەنگی جلوبەرگی خەڵکی کورددا دەگونجێن و گرنگترین تایبەتمەندیی رەنگی ئەم جۆرە فەرشە سەقامگیری و رەنگ نەدانەوەیەتی. تایبەتمەندییەکی دیکە کە فەرشی بیجار لە فەرشەکانی دیکە جیا دەکاتەوە، بەکارهێنانی ئاوریشمە لە تان و پۆی فەرشەکەدا. ئەم تایبەتمەندییانە وایان کردووە پیشەی فەرشچنین ببێتە یەکێک لە کارە دەستییە گرنگەکانی شاری بیجاڕ و پارێزگای سنە. جێگای سەرنجە بزانین زۆرێک لە فەرشە کۆنەکانی ئازەربایجان کە لە مۆزەخانەکانی جیهاندا بەردەستن، هەموویان لە پێکهاتەی فەرشی بیجاڕن. لە کۆندا خان یان شازادە و فەرماندەکانی کورد ئەم فەرشانەیان وەک دیاریی بۆ بەرپرسانی حکومەت دەنارد.

10/09/2025

لەگەڵ توندبوونەوەی ململانێكان لە ناوچەی خۆرهەڵاتی ناوەڕاست، حكومەتی عیراق هەوڵەكانی بۆ دوورخستنەوەی وڵات لە تێوەگلان و گرتنەبەری هەڵوێستێكی بێلایەن خستووەتەگەڕ، بە بۆچوونی نوسەر و مامۆستایەكی زانكۆش:"هەڵوێستی ئێستای حكومەتی عیراق بەسەركردایەتی محەمەد شیاع سودانی، تا ئاستێكی باش رێگربووە لە هەڵخلیسكان و تێوەگلان و جەمسەرگیریی".

10/09/2025

هـــــەواڵــەکانی ســـەعـات 12 - بێژەر - گەشین تەها

10/09/2025

ئەنجومەنی وەزیرانی هەرێم تاوتوێی دۆسیەی داهاتە نانەوتییەكان و هەناردەی نەوت دەكات

ئەمڕۆ ئەنجومەنی وەزیرانی هەرێمی كوردستان تاووتوێی چەند پرسێكی گرنگی ئابووری و یاسایی، سەبارەت بە دۆسییەی داهاتە نانەوتییەكان و هەناردەكردنەوەی نەوت دەكات.بەپێی كارنامەی كۆبوونەوەكە، یەكێك لە تەوەرە سەرەكییەكان تاووتوێكردنی دواین پێشهاتەكانی دۆسیەی داهاتە نانەوتییەكان و هەوڵەكان بۆ دەستپێكردنەوەی هەناردەی نەوتی هەرێمی كوردستان. لەم چوارچێوەیەدا، بڕیارەكانی كۆبوونەوەی رۆژی نۆی ئەیلوولی ئەنجومەنی وەزیرانی عیراق دەخرێنەڕوو. هەروەها، لە بەشێكی تری كۆبوونەوەكەدا، كۆنووسی هاوبەشی وەزارەت و لایەنە پەیوەندیدارەكان سەبارەت بە پێشنیارەكانیان بۆ جێبەجێكردنی یاسای راژە و خانەنشینیی پێشمەرگە، ژمارە (38)ی ساڵی 2007، تاووتوێ دەكرێت. تەوەرێكی تری گرنگی كۆبوونەوەكە بریتییە لە خستنەڕووی راسپاردەكانی وەزارەتی دارایی و ئابووری سەبارەت بە پێشكەشكردنی ئاسانكاری بۆ ئەو پێشینە و قەرزانەی كە تایبەتن بە بوژاندنەوەی كەرتەكانی خانووبەرە، كشتوكاڵ، پیشەسازی، نیشتەجێبوون و گەشتیاری. لەكۆتاییدا، وەك هەنگاوێك لە چوارچێوەی پرۆسەی یەكخستنەوەی ڕێكارە داراییەكان لەگەڵ حكومەتی فیدڕاڵی، وەزارەتی دارایی چەند پێشنیار و راسپاردەیەك بۆ یەكخستنی رێكار و رێنماییەكانی باج و رێژەكانیان لەنێوان دامەزراوەكانی هەردوو حكومەتدا دەخاتەڕوو.

10/09/2025

لە داهاتوویەكی نزیكدا قۆناغی دووەمی پڕۆسەی خۆتۆماركردن لە فۆڕمی ئەلیكترۆنیی خۆراك لە هەرێم دەستپێدەكات، كە خۆی دەبینێتەوە لە تۆماركردنی ئەو منداڵانەی تاوەكو ئێستا تۆمارنەكراون، هەروەها ئەو كەسانەشی كە شوێنی نیشتەجێبوونیان گۆڕیوە، بەڕێوەبەری گشتیی بازرگانی هەرێمیش دەڵێت، تاوەكو ئێستا %14ی هاوڵاتییان بە هۆكاری جۆراوجۆر خۆیان لە فۆڕمی ئەلیكترۆنیی خۆراك تۆمارنەكردووە.

DGK RADIO

10/09/2025

10/09/2025

10/09/2025

10/09/2025

10/09/2025

10/09/2025

10/09/2025

10/09/2025

10/09/2025

10/09/2025

10/09/2025

10/09/2025

Address

Telephone

Website

Alerts

Contact The Business

Shortcuts

Share

Category