23/09/2025
ڕۆژێكيان ئيمامى "عومه‌رى كوڕى خه‌تتاب" له بازاڕ به لاى پياوێكدا تێپه‌ڕى..
گوێى لێ بوو پياوه‌كه ده‌يوت:
خوايه گيان، بمگێڕه له "به‌نده كه‌مينه‌كانت".. خوايه گيان بمگێڕه له "به‌نده كه‌مينه‌كانت".
ئيمامى عومه‌ر پێى وت:
ئه‌رێ ئه‌م نزايه‌ت له كوێوه هێناوه؟؟
پياوه‌كه‌ش وتى:
خواى گه‌وره له قورئانه پيرۆزه‌‌كه‌يدا ده‌فه‌رموێ: (وَقَلِيلٌ مِّنْ عِبَادِيَ الشَّكُورُ)..
ئيتر ئيمام ده‌ستى به گريان كرد و وتى:
"ئه‌ى عومه‌ر! هه‌موو كه‌س له تۆ شاره‌زا تره له ئايينه‌كه‌ى.. ده‌سا خوايه گيان بمانگێڕه له به‌نده كه‌مينه‌كانت".
****
جا له‌م ڕۆژگار و سه‌رده‌مه‌دا كاتێك ئامۆژگاريى كه‌سێك ده‌كه‌يت كه واز له تاوان بهێنێ، به‌و شێوه‌يه وه‌ڵامت ده‌داته‌وه كه ده‌ڵيت: (زۆرينه‌ى خه‌ڵك ئه‌و كاره ده‌كه‌ن، خۆ به ته‌نها من نيم)!
ئه‌گه‌ر له قورئانيشدا به دواى وشه‌ى (زۆرينه‌ى خه‌ڵك - ﺃﻛﺜﺮ ﺍﻟﻨﺎﺱ)دا بگه‌ڕێىت، ئه‌وا له دواى وشه‌كه (لايعلمون - لايشكرون - لايؤمنون) ده‌بينيته‌وه!
ئه‌گه‌ر به دواى وشه‌ى (زۆربه‌يان - ﺃﻛﺜﺮﻫﻢ)يش بگه‌ڕێيت، ئه‌وا له دواى ئه‌م وشه‌يه‌ش (ﻓﺎﺳﻘﻮﻥ - ﻳﺠﻬﻠﻮﻥ - ﻣﻌﺮﺿﻮﻥ - ﻻ ﻳﻌﻘﻠﻮﻥ - ﻻ ﻳﺴﻤﻌﻮﻥ) ده‌بينيته‌وه!
كه‌واته با تۆى به‌ڕێز له (كه‌مينه‌‌كان - القليل) بيت، كه خواى گه‌وره سه‌باره‌ت به‌وان فه‌رموويه‌تى:
(وَقَلِيلٌ مِنْ عِبَادِيَ الشَّكُورُ)..
(وَمَا آمَنَ مَعَهُ إِلَّا قَلِيلٌ)..
(ثُلَّةٌ مِّنَ الْأَوَّلِينَ * وَقَلِيلٌ مِّنَ الْآخِرِينَ)..
