10/05/2025
30 ساڵە لەچاودێری چڕی نەخۆشخانەکان کار دەکەم، مردنی زۆرێک لە مرۆڤەکانم لەنزیکەوە بینیوە، ئەوەی بەڕوونی بۆم دەرکەوتوە مردنی مرۆڤەکان تەنها 2 شێوازە و سێیەمی نیە.مردنی
هەندێکیان بەزەردەخەنە و پێکەنین و زیکر و قورئان خوێندنەوە دەمرن و لە ڕووخساریاندا هەست بە ئارامی و گەشاوەیی و بەختەوەری دەکەیت بەڵام هەندێکی تریان بەڕووخسارێکی ترسناک و گرژ و خەم و ئازارێکی زۆرەوە بەدەم جوێندان و قسەی ناشیرین و کوفرکردنەوە ڕۆحیان دەردەچێت، لێرەدا ئەوەی سەرنجی منی ڕاکێشا مادام مردنی مرۆڤەکان جیاوازە بۆچی خوای گەورە لە قورئاندا بە یەک تەعبیر دەفەرمووێت:
(كُلُّ نَفْسٍ ذَائِقَةُ الْمَوْتِ ۖ ثُمَّ إِلَيْنَا تُرْجَعُونَ) (العنكبوت 57) واتا: هەموو خاوەن نەفسێک دەبێت مەرگ بچێژێت.
دواتر بۆم دەرکەوت لەزمانی عەرەبیدا وشەی (ذَائِقَةُ) بۆ چەشتنی خۆشی و ناخۆشی وەک یەک بەکاردێت،
واتە ئەگەر کەسێک هەنگوین و شیرینی بخوات و خۆشی بچێژێت هەمان وشەی بۆ بەکاردێت وە ئەگەر کەسێکی تر تاڵی و ناخۆشی و ئازار بچێژێت هەر هەمان وشەی بۆ بەکاردێت.
کەواتە خودای گەورە ڕاستی فەرموو کە دەفەرمووێت هەمووتان دەبێت تامی مەرگ بچێژن واتە تامی مردن هەریەکەو بەجۆرێکە، هەیە خۆشیە و هەیە ناخۆشیە بەڵام نەیفەرمووە هەمووتان وەک یەک دەیچێژن.
خوای گەورە دەفەرمووێت:
[وُجُوهٌ يَوْمَئِذٍ نَّاضِرَةٌ] (القیامة 22)
واتا: به‌مه‌رجێك ئه‌و ڕۆژه ڕووخسارانێک گه‌شاوه و ناسک و ئاسووده‌ن.
[وَوُجُوهٌ يَوْمَئِذٍ بَاسِرَةٌ] (القیمة 24)
واتا: هه‌ر له‌و ڕۆژه‌شدا ڕووخسارانێکیتر ڕه‌ش داگیرساو گرژ و تاڵ و دێزن.
(دکتۆر حسام موافی)
پزیشکی پسپۆڕ و پڕۆفیسۆری بەناوبانگ و مامۆستای کۆلێژی پزیشکی میصڕی.
