Zoom24

25/08/2025

بۆ یەکەم جار ساتی دەستگیرکردنی

پۆڵاد شێخ جەنگی ببینە کە بەبرینداری دەستگیردەکرێت

24/08/2025

یەکێتی بەفەرمی هێرشی توندی بۆسەر پارتی دەستپێکرد

مەکتەبی راگەیاندن و هۆشیاری یەکێتیی:
سێ رۆژە میدیای رەسمی و ناڕەسمیەكانی پارتی بە ئیعازو پلانی سەرووی خۆیان و بەدڵێكی رەشی پڕ لە قین پەلاماری شاری سلێمانی و یەكێتیی نیشتمانیی كوردستان دەدەن و هەواڵی ناڕاست و چەواشەكارانە بەناوی سەرۆك و سەركردەكانی یەكێتی لەسەر روداوەكەی لالەزارو پرۆسەی چەسپاندنی یاسا بڵاودەكەنەوە.
ئێمە بە میدیای پارتی و ئاغاكانیان دەڵێین نەك سێ رۆژ، بەڵكو سێ هەزار شەو و رۆژی تر پەلاماری یەكێتی و سلێمانی بدەن ناتوانن شكستی خۆتان و هێزەكانتان بەرامبەر خورشید هەركی و ناڕەزاییەكانی ئەو ناوچەیە داپۆشن.
هەموو خەڵكی كوردستان ئەو راستیە دەزانن ئەم پەلامارەی ئێوە بۆ ئەوەیە شكستي خۆتان و هێزەکانتان و سوتانی هەمەر و جێهێشتنی چەک و ڕاکردنتان بەرامبەر خورشید هەرکی لە بیر خەڵک ببەنەوە بەڵام دیسانەوە دووبارەی دەکەینەوە سێ هەزار شەو و ڕۆژی تر ئەم دۆڕانەتان لەبیر هۆزی هەرکی وخەڵکی کوردستان ناچێتەوە.

24/08/2025

فێنک ئەحمەد بەرپرسی هەڵبژاردنی (بەرەی گەل) لە پەیجی خۆی ئەم وێنەیەی خۆی لەگەڵ لاهوری شێخ جەنگی بڵاوکردۆتەوەو نوسیویەتی «قارەمانی و مەردایەتیت بەرزە وەک بالای قەندیل هەتا لەژیان هەناسە بدەین لەپشت ئەبین پیاوی جوامێر سەروکی بەهیز و خوراگر رەمزی ئازایەتی و دڵسوزی و خوراگری شانازیت پێوە دەکەین»

23/08/2025

یەکەم کۆبوونەوەی ئەندامانی بەرەی گەل لەدوای دەستگیرکردنی لاهوور شێخ جەنگی؛ لە کۆبوونەوەکەدا بڕیاریان داوە بەردەوامی بە چالاکییەکانیان بدەن

23/08/2025

مستەفا حاجی عەبدوڵا یەکێکە لە کوژراوەکانی لالەزار
سەربە هێزەکەی شێخ لاهورە و بڕیاروایە سبەی جەنازەکەی بگەڕێنرێتەوە بۆ باڵەکایەتی بەخاک بسپێردرێت

23/08/2025

ئاراس شێخ جەنگی چەند نهێنییەکی نوێ ئاشکرا دەکات
👇

23/08/2025

گەشە حەمە چاوشین، هاوژینی لاهوور شێخ جەنگی لە هەژماری ئینستاگرامەکەی ئەم وێنەیەی بڵاوکردووەتەوە و لەسەری نووسیوە: شانازیت پێوە دەکەین لاهوور گیان، هەتا هەتایە لەگەڵت دەبین❤️

23/08/2025

نیاز بارام دەپرسێت ؟

ئەو زەلیلکردنەی بەرامبەر لاهور و چەکدارەکانی کرا، بەرامبەر تاک بەتاکی کورد و تەواوی مرۆڤایەتیە.
ئەم راپۆرتەم، بەرگری نییە لە هیچ کەسێک، لێ ناتوانم دڵتەنگی خۆم دەرهەق بەو شەقازلانەی کەبەر لاهورو چەکدارەکانی کەوت بشارمەوە. ئەگەر لەجیاتی لاهور خودی مەسعودیش بێت هەر دڵگران دەبم و دژ دەبم. لەم نوسینە وەک مرۆڤ وهەستی مرۆیی نزیک دەبمەوە نەک وەک سیاسەتوانێک یا چاودێرێکی سیاسی.....
پافل سەرکەوتن"ێکی نائەخلاقی هەڵبژارد، بەسەر دۆڕانێکی شەرەفمەندانە. حیکمەتێک لە سەر بەردێکی هەڵکەنراو و له‌سه‌ر تابلێتی په‌رستگایه‌کی کۆن نوسراوە: 'دۆڕان له‌به‌رامبه‌ر سه‌رکه‌وتنێکی نائه‌خلاقانه‌ هه‌ڵبژێره‌*! '، تەمەنی ئەم حیکمەتە بۆ ١٢٠٠ ساڵێک دەبێت، لێ بەلێ پاش ئەو هەموو ساڵە، ئەو هەموو گۆڕانکارییە دراماتیکییە وپڕ لە تراژدیاییە و پڕ لەکۆمەڵکوژی وشەڕو شۆڕ و شۆڕشەکانی دنیا، بەڵام پیر نەبووە و نامرێت، چونکە حەقیقەتە.
ئەوەی دوێنێ روویدا، سەرکەوتنێکی هەرە بێئەخلاقانەی پافل بەسەر نەیارێکی خۆیدا، کە لاهوری شێخ جەنگی بوو !
ئاوا زەلیکردن و بێکەرامەتیکردن بەرامبەر دیل لە شەڕێکی نابەرابەر، دووەم خاڵی دۆڕانی پافلە. کارێکی هێجگار ناشایستە و بێبەها و هیچووپوچییە، کەسێک کە هاوسەرۆکی حزبەکەت بوو بێت، بەهۆی جیاوازیی جا ئەو جیاوازییە چی دەبێت با ببێت، ئاوا چەتەیەکی دژە تیرۆر بە شەقازللە وەپێش خۆی بدات! یا نیشاندانی ئەو کۆمەڵە چەکدارە کە لە بەرەی لاهور بوون، ئاوا بێرێزیان پێبکرێت و زەلیل نیشان بدرێن.
زەلیلکردن و بێکەڕامەتکردنی دیلەکانی شەڕ یەکێکە لە تاوانە گەورەکانی جیهان کە لە یاساکانی نێودەوڵەتی جەنگدا یا ناکۆکییەکاندا قەدەغە کراوە. ئەم کارە نا-مرۆڤانەیە کاریگەری قووڵی لەسەر شکۆمەندی مرۆڤ و مرۆڤایەتی هەیە.
کاتێک دیلەکە فەرماندەیەکی پێشوو یان سیاستوانێکی بەناودەنگ بێت و خودی ئەو چەکدارانە دیل بگیرێن بەدەستی کورد، ئەم کردەوەیە دیمەنێکی تایبەتی و کاریگەرتر وەردەگرێت.
ئەم رووداوە کاریگەریی سیاسی زۆر دورستدەکات وەک ناردنی پەیامێکی ترسناک بۆ هێزە دژبەرەکان، بەتایبەتی بۆ ناوخودی یەکێتی و دەرەوەی یەکێتی. هەوڵدانە بۆ شکاندنی ڕۆحی خەڵکی کوردستان، کە ئێستا پافل وەک بکوژێک و توندرۆیەک دەبینرێت. سەرباری کاریگەری سیاسی، کاریگەری دەرونیش لەنێو خەڵکیدا دورستدەکات. کۆپیکردنی مۆدێلی کۆریای باکور و پارتی وسەددام و بەشار ئەسەدە.
فەرمانی زەلیکردنی لاهور بەم شێوە ناشارستانیەتیە، لەلایەن پافل، دەرخەری چەند راستیەکن لە کەسێتی کە بەکورتی دەیخەمەڕوو:
- هەستکردن بە کەمێتی خود و لە بڕی ئەوە بۆ تەعویزکردنەوەی ئەو کەمێتیە نیشاندانی هێز بەرامبەر نەیارەکانی و بەزەلیل نیشاندانیان.
- کۆنتڕۆڵ و خۆسەپاندن: بۆ سەپاندنی کۆنترۆڵ بەسەر ئەوانی دیکە، بەواتایەکی دیکە زەلیلکردنی نەیارەکەی بۆ ئەوەی نەیارەکانی دیکە دەرس وەربگرن و، لە کۆنترۆڵی ئەو دەرنەچن. دیکتاتۆرەکان هاوشێوەن لەوەدا.
- سادیستی: ئەم کەسێتیانە لە ئازاردانی کەسانی تر، خۆشییەکانی خۆیان دەدۆزنەوە.
بەهەموو پێودانگێک، زەلیکردنی لاهور یا هەرکەسێکی دیکە، لەچوارچێوەی مافەکانی مرۆڤ ویاسای نێودەوڵەتی سەبارەت بە دیلەکانی شەڕ تاوانێکە و سزای قورسی هەیە.
ئەوە گرنگە، بەڵام لەوەش گرنگتر، پافل رووی راستەقینەی خۆی نیشانداین کە خاوەن چتۆ کەسێتییە، چۆن مامەڵە لەگەڵ نەیارەکانی دەکات. دیکتاتۆرەکان هەموو کەسێکی خاوەن"نەخێر' بە نەیار و دوژمن دادەنێن، لەناو خودی یەکێتی و دەرەوەی یەکێتی ئیدی کەسە نەیارەکان ناتوانن گەرەنتی ژیانی خۆیان بکەن.
ئایا بۆ لەمەودوا کەسێک لەناو یەکێتی دوای ئەو پرۆسەیەی بۆ زەلیلکردنی هاوسەرۆکی پێشووی یەکێتی ئەنجامدرا، زاتی ئەوە دەکات رای جیاوازی هەبێت؟
پرسیارەکەم وەڵامیشە، ئەرێ بۆچی کەس لە روناکبیر و نوسەر و بیرمەندان لە دەڤەری سلێمانی بەیەک وشەش بۆ ئەم زەلیلکردنە و خوێنرشتنە، دژ دەرنەکەوتن؟

22/08/2025

ژینۆ محەمەد، یەکێک لە ئەندامانی سەرکردایەتی بەرەی گەلی لاهور شێخ جەنگی ئازاد كرا

22/08/2025

22/08/2025

بە وێنە... ساتی دەستگیرکردنی لاهوور شێخ جەنگی لەلایەن هێزە ئەمنییەکانەوە

22/08/2025

بەپێی زانیارییەکانی رووداو، لاهوور شێخ جەنگی و براکەی گوێزراونەتەوە بۆ دەباشان و لەلای سەرۆکی یەکێتی دەستبەسەر دەبن، هاوژین و منداڵەکانیشی دەنێردرێن بۆ سوێد.