25/07/2025
کاریگەرییە نەرێنییەکانی دیاردەی "ڤلۆگەری"
👈لەسەر خێزان:
🔸پشتگوێخستنی ئەرکەکانی ماڵەوە: تەرخانکردنی کاتێکی زۆر بۆ دروستکردنی ڤیدیۆ لە جیاتی گرنگیدان بە مێرد و ماڵ و منداڵ.
🔹نەمانی تایبەتمەندی خێزانی: وێنەگرتن و بڵاوکردنەوەی وردەکارییەکانی ژیانی ڕۆژانە و ئاشکراکردنی نهێنییەکانی ماڵ لەبەردەم خەڵکی.
🔸کاریگەری نەرێنی لەسەر منداڵان: خستنە ڕووی منداڵان لەبەردەم کامێرا بەردەوام بەکارهێنانیان وەک بەشێک لە ناوەڕۆک بەبێ گرنگیدان بە مافەکانیان و پاراستنی تایبەتمەندییان.
🔹دروستبوونی ناکۆکی هاوسەری و خێزانی: دروستبوونی ناکۆکی سەبارەت بە کاتی تەرخانکراو بۆ وێنەگرتن و خەریکبوون بە کاری ڤلۆگەری، یان ڕەخنە و سەرنجی خەڵکی لەسەر ناوەڕۆکی بڵاوکراوە.
👈لەسەر کۆمەڵگا:
🔸بانگەشەکردن بۆ مۆدە و مارکە: زیاد لە ڕادە گرنگیدان بە مارکە و بەرهەمە گرانبەهاکان و هاندانی خەڵک بۆ بەکارهێنانیان.
🔹دروستکردنی پێوەری جوانی نا ڕاستەقینە: بەکارهێنانی فیلتەر و ڕووناکی و ماکیاژ کە تەواو وێنەیەکی دوور لە ڕاستی دروست دەکات.
🔸قووڵکردنەوەی کەلێنی چینایەتی: پیشاندانی شێوازی ژیانی شاهانە کە ڕەنگە بۆ هەمووان بەردەست نەبێت و هەستی کەمایەتی دروست بکات.
🔹لاوازبوونی پەیوەندی کۆمەڵایەتی ڕاستەقینە: گرنگیدان بە پەیوەندی مەجازی لە جیاتی پەیوەندییە ڕاستەقینەکان.
👈کاریگەرییە دەروونی و کۆمەڵایەتیەکان:
🔸فشاری دەروونی لەسەر بینەران: خۆ بەراوردکردنی بینەران بە دیمەنە بڵاوکراوەکان دەبێتە هۆی خەمۆکی لە خۆ ڕازینەبوون.
🔹 لەدەستدانی کەسایەتی ڕاستەقینە: نمایشکردنی بەردەوام لەبەردەم کامێرا کە دەبیتە هۆی لەدەستدانی کەسایەتی سروشتی.
🔸 ئالوودەبوون بە تۆڕە کۆمەڵایەتییەکان: بەردەوام خەریکبوون بە تۆڕەکان بۆ خوێندنەوەی کۆمێنت و بینینی کاردانەوەکان.
🔹 خراپ وێناکردنی لەچک و حیجاب: زۆر جار حیجاب و سەرپۆش بەکار دەهێنرێت تەنیا بۆ ئاساییکردنەوەی ئەو کارە لای بینەران بەڵام ڕەچاوی هیچ پێوەر و سنوورێکی شەرعی ناکرێت لە رەفتاردا.
