04/04/2025
السلام عليكم ورحمة الله وبركاته
اليوم صار معي موقف حبيت أنشره، لأن هواية شفت ضباط مرور ديغرمون المواطنين بكيفهم. بس من وصل يمي، كنت أعرف القانون وأعرف المادة، بس هو ضابط المرور عباله ما أعرف بالقوانين.
كنت في شارع فلسطين، قرب تقاطع المستنصرية، وقفني المرور حسب الأصول، وطلب السنوية والإجازة، نطيتهم بكل احترام. بلغني أترجل من السيارة، نزلت وسألته: “شنو المشكلة؟”، بلغني: “السيارة مضللة”.
كلتله: “هذا التضليل مسموح بيه، بس المثلثات والجامة الخلفية حسب كتاب مديرية المرور”.
كلي: “إنت تعلّمني؟”،
كلتله: “هذا قانون، وهذا كتاب رسمي، اقرأه”.
جان يكلّي: “هذا الكتاب خاص بإجراءات الترقيم”.
كلتله: “لا، هذا كتاب واضح وصريح”،
مع هذا، كتب غرامة 200 ألف.
سحبت تلفوني وگلت أصور، كلي: “ممنوع التصوير”،
گلتله: “هذا حقي، وراح أنشر لأن الموضوع رأي عام، وراح توصلك عقوبة، يمنع منعا باتا محاسبة تضليل زجاج الخلفية او مثلثات وبخلافة يحاسب المقصر اذا كانت بلادية الجام
ارتبك واتصل بمدير القاطع، وبلغه بالغرامة،
گتلة: “دقيقة، راح أتصل بالنائب علي حسن الساعدي،
وهو ضد التضليل ويعرف القانون أحسن مني ومنك، وإذا گال تتغرم، غرّمني”.
اتصلت بالنائب، وأبلغته عن موضوع التضليل،
گلي: “إنت مضلل؟”،
گلتله: “لا، فقط مثلثات، وهي بلادية”.
ابلغني اعطيني الضابط
أتكلم مع الضابط، أبلغهم حسب كتاب المرور:
“لا تتغرم على مثلث وجامة خلفية، فقط إذا كانت بلادية جامة مضللة”.
ومشكور النائب اللي وصل الصورة الصحيحة لضابط المرور،
واللي كان حاجز وياي حوالي 10 سيارات، ومشاهم حسب كلام النائب وكتاب دائرة المرور اللي وضّح الموضوع أكثر.
وأني عندي كتاب قديم، ورّيته إياه، وسكت.
نتمنى من الضباط يلتزمون بالقانون، وما يظلمون المواطنين، ولا يفرضون عليهم غرامات وهم ما مخالفين.
مع التقدير
منقول من الصديق المهندس
علي عبدالكريم رجب
