ترميم الروح

04/03/2024

يسعدني جدا... احبتنا معنا في ورشتنا الثقافية ...

22/12/2023

17/12/2023

تأخرت عني هذه الليلة كثيرا.....
ليلة امس قالت لي صديقتي العاهرة بغنج ودلال:
- كاظم انت ليش تحبني؟
- منو اخبرك اني احبك؟ -1-

تأخرت عني هذه الليلة كثيرا.....
ليلة امس قالت لي صديقتي العاهرة بغنج ودلال:
- كاظم انت ليش تحبني؟
- منو اخبرك اني احبك؟ انت متوهمة....
تفاجأت صديقتي العاهرة وعضت على شفتيها بغضب:
- ليش اني موحلوة؟
- طبعا انت حلوة .. اصلا انت صاكة كلش..
- زين ليش ماتحبني... ولك اخذ مني بوسة.. كرصة... غمزة... شمالك ياحظي.. صارلي اشهر وانا التقي بيك واسولفلك كل سوالفي المصخمة وانت مخلصها صفنات لاتهش ولاتنش!!
اضحك من انفعالاتها وغضبها اللذيذ... واكركر حتى يسمع كل الجالسين في المقهى كركرتي.. هي ترتشف كاس عصيرها جرة واحدة دون الاعتناء بالإتكيت... تلتفت لي وتقول:
- صدك ماتحبني؟
- لا ماحبك، بس اشفق عليك، اتعاطف معاك لانك ضحية مجتمع جرفك الى الهاوية والانحطاط ، انت مسكينة.. انت بحاجة الى تأهيل حتى تعودي الى المجمتع..
تغيرت ملامحها وبانت علامات الحزن عليها، ضحكت لها وقلت:
- راح اكتب عنك رواية!
- صدك واني بطلة الرواية؟! وشنو اسم الرواية؟
- ااي انت بطلة الرواية... اسميها للرواية " صديقتي العاهرة جدا" يله احكي لي!
وراحت تقص عليّ كل شاردة وواردة من ايام تجاوز ابوها عليها الى سقوطها باحضان عشاقها.... لكنها لماذا لم تحضر هذه الليلة؟!

الفصل الاول من روايتي القادمة:
#كرستالة