29/06/2025
عيني فندق قلب العالم ترة ملكية خاصة لرجل الأعمال عبد الله الجبوري
بفلوسة وعلى كاع ملكة بنة فندق ..
البناية تعرضت للحريق مثل ما تتعرض بنايات بدبي ونيويورك واي مكان بالعالم قضاء وقدر وشيء طبيعي
والطبيعي انو نتأسف لهيج حادثة ونواسي عبدالله الجبوري رجل الاعمال الحر الغير سياسي..
بس الموطبيعي هية هاي حفلة الخبال والشماتة والفرح الي دشوفهة بالسوشل ميديا الي قطعاً ما يشارك بيهة غير الفگر وذو نفس الدنيئة والنطيحة والمتردية..
تخيل تسمع بمحلات الشورجة مثلاً تحترك وتفرح او تسمع ببيت جارك الي باني جديد يحترك وتكعد تصير كوميدي..
هذا نفس الشيء فندق مالكه مواطن ثري معيش عوائل ومعلم حلو بالمدينة.. هذا شيء مفرح ؟؟
والله ما يفرح غير الي بطبعه حسود وبي دودة وعقدة نقص تاكلة اكل من يشوف اي بشر الله منهم عليه اكثر منة وهالشي ما مقتصر فقط ع نظرتة للثري.
