Min Al-Sifr

Home
Iraq
Baghdad
Min Al-Sifr

Directions Website

الرحلة، لا الوجهة
قصص، فرص، واستثمار

03/10/2026

هوَ العراقُ ، فَقُلْ لِلدائراتِ قِفي
شاخَ الزَّمانُ جَميعا ًوالعراقُ صَبي!

#العراق

23/07/2026

أغلبنا يتربى على فكرة إن الشهادة هي خط النهاية، وإن لازم تدرس وتتخرج حتى تمشي على السكة اللي يرسمها المجتمع. لكن بالسوق الحقيقي، الشهادة مو أكثر من "أطباق ثانوية"، والمقبلات والمهارات الجانبية هي اللي تشبعك وتفتح لك الأبواب.

الشهادة الجامعية تنطيك التفكير الأكاديمي، بس السوق يعترف بمدى مرونتك، لغتك، علاقاتك، وقدرتك على تعلم أشياء ما اتعلمتها بالكلية. التمرد على القالب التقليدي وتطوير مهارات جانبية كفيل إنه ينقلك من موظف ينتظر فرصة، إلى شخص هو اللي يصنع الفرصة لنفسه بمكانه الخاص.

18/07/2026

شلون تكدر تجمع بين هيبة أستاذ الكلية، ودقة طبيب الأسنان، ومزاج عازف الجيتار، وشغف رائد الأعمال؟

د. فرقد خضر يختصر هالتناقض بجملة وحدة: شخصية الطبيب هي الطاغية على الكل.

بالنسبة إله، مهنة الطب مو شهادة وعيادة معلقة على الحايط، هي مدرسة حقيقية علمته شلون يتعامل ويا كل طبقات المجتمع ويقرا مشاعرهم من أول خطوة بالعيادة. هذا الفهم العميق للناس نقله وياه لخشبة المسرح ويا فرقة وتر٫ فالموسيقى اللي يقدموها عبارة عن خدمة علاجية ونفسية تداوي تعب الناس وتخلصهم من سترس الأسبوع بنوستالجيا هادئة ترجعهم لأيام زمان.

العبرة؟ لا تحصر نفسك بكاركتر واحد وتكول ما ألحق. تكدر تكون طبيب شاطر، وأستاذ متميز، وفنان حقيقي.. المهم تعرف شلون توظف مهاراتك الإنسانية بكل مكان تتواجد بيه.

13/07/2026

قصة “شمس تليكوم” ما بدت بمكاتب فخمة وسيرفرات ضخمة،

لقصة بدت من اللحظة اللي قررنا بيها ان نشتري أول منظومة إنترنت مستعملة بالتقسيط بمليون ونص دينار!

تخيلوا.. المنظومة تفسخت وتنقلت بـ “عربانة دفع” وبمساعدة الأصدقاء لحد ما صعدت لسطح بيت اهلي. البداية جانت بـ 7 مشتركين بس.

اليوم، هالمشتركين السبعة تحولوا إلى مؤسسة وعائلة تضم قريب الـ 200 موظف.

العبرة؟ لا تستهين بالبدايات البسيطة، ولا تنتظر كل الظروف تصير مثالية حتى تبدي.. الأرقام يرادلها وكت، ويرادلها أساس حقيقي ينبني خطوة بخطوة.

11/07/2026

چانت البداية بغرفة صغيرة بالطابق الأرضي بالبنوك..

بالـ 2007، بأصعب الظروف وأيام الطائفية والمخاطر، جنه نرجع من الدوام الحكومي ونفتح العيادة من الظهر لليل، وحتى أيام الجمعة والسبت جرة واحدة.
ما چان اكو سوشيال ميديا، چان الاعتماد على "السمعة والنظافة" والأمانة بالشغل. الغرفة الصغيرة ذيچ شافت تعب وسهر، واليوم كبرت وصارت ستاف طبي يعبر الـ 50 طبيب وموظف!

العبرة: لا تستهين بالبدايات البسيطة، اللي يزرع بالإخلاص.. يحصد نجاح يترس العين.

تابعوا القصة الكاملة لدكتور مصطفى من بودكاست

30/06/2026

العراق مو محطة أرباح ….

"عمرك شفت إعلان عراقي تحسه 'غريب' عن شوارعنا؟

السبب بسيط: أكو شركات عالمية تدار من مكاتب ببيروت أو دبي، تريد تسوي فلوس بسرعة
العراق مو مجرد أرقام وقوة شرائية ضخمة نقارن بيها بدول المنطقة وبس، العراق موروث 7000 سنة، ومجتمع مستهلك وذكي، اللي يريد ينجح بيه لازم ينزل لشارع السنك والشيخ عمر، ويدرب كفاءاته هنا بداخل البلد.

اللي ما يفهم تفاصيل عاداتنا، إعلاناته راح تظل ركيكة ومكانها مو الشاشات!

20/06/2026

ظاهرة نجوم السوشيال ميديا

أن استعانة المنتجين بوجوه السوشيال ميديا يعود لقله أجورهم ورغبة في استغلال متابعيهم، مؤكداً أن "نجم السوشيال ميديا لا يمكن أن يحل محل نجم التلفزيون الحقيقي" الذي يحقق نسب مشاهدة ورعايات تجارية مضمونة قبل العرض

10/06/2026

بـ "بودكاست من الصفر"، تذكرنا فترة كورونا؛ الكل كان يمر بحالة ركود وترقب، لكن خلف الكواليس كانت هناك شركات تعيد ترتيب أوراقها وتغير استراتيجيتها 360 درجة، وهي الشركات التي تقود السوق اليوم محلياً وعالمياً.
الحروب والأزمات السياسية مؤذية ومقلقة للجميع بلا شك، لكن في لغة البزنس
إدارة المخاطر اليوم ليست رفاهية، بل هي درع أمان مشروعك.
تحديات المنطقة الحالية هي ساحة الاختبار الحقيقية لذكائنا التسويقي والاداري.

06/06/2026

الجمهور بطبعه لا يتأثر بالمحتوى المصنوع أو المزيف؛ نحن كبشر نميل بالفطرة للقصص الحقيقية الواقعية. عندما يرى المتابع رسالة كُتبت قبل عقود، هو لا يقرأ كلمات شخص آخر، بل يرى جزءاً من تاريخه، عواطفه، والزمن الجميل الذي يحن إليه دائماً. العراقي عاطفي بطبعه ويحن للماضي، وفي عالم الأعمال والتسويق، البراند الذي ينجح في لمس "عواطف الجمهور الحقيقية" والتواصل معهم بنقاء ، هو البراند الذي يبني ولاءً لا يمكن تدميره. المحتوى الناجح يكمن بالأثر.

Address

Baghdad
10011

Website

http://min-alsifr.com/

Alerts

Be the first to know and let us send you an email when Min Al-Sifr posts news and promotions. Your email address will not be used for any other purpose, and you can unsubscribe at any time.