05/04/2023
ئینفانتینۆ خەونان ب دوبارە ڤەژاندنا فۆتبۆلێ ڤە دبینیت!
ئەحمەد عارف ئامێدی
بێگومان فوتبۆل ئەڤرۆ ژ وان جۆرە وەرزشانە ناڤودەنگ سەرانسەری جیهانێ، هەر كارەكی باشی، خرابێن، رەخنە و پشتەڤانێن خوە هەنە، جینانی ئینفانتینۆ یێ سۆیسری بوویە تەوەرێ گەلەك رەخنەگران لێ گرنگی پێ نەدایە و بەردەوام خەونان دبینیت دووبارە بچیتە بمینتە ل جهێ خوە ئەوێ هەر ژ سالا 2016 وەرە ب سەركەفتیانە دگەل پرۆژەیێن خوە یێن كەڤن و نوو برێڤەبرینە، ل سەردەمێ وی فیفایێ داهاتێن نموونەیی دماوەیێ چار سالان دەستڤەئیناینە و گەهشتبوونە 11 ملیار دۆلاران، د ناڤا پرۆسەیا دەنگدانێ دا ب جڤینا سەرەكی یا كۆمبوونا «كۆنگرەیێ فیفایی» یێ بەری چەندەكێ ل پایتەختێ رەواندی(كیگالی) هاتیە بەستن، دا كو ب تنێ بیبتە پرۆسەكا هەلبژارتنان یا رۆخساری و رۆتینی،، داكۆكیا وی ل سەر گەهشتنا داهاتێن فیفایێ بۆ ئاستەكێ نموونەیی یە ژ 2019 ـ 2022، لێ ئەوی سۆز دایە ئەڤان داهاتان بۆ سالێن بهێت زێدەتر لێبكەت، دەستپێك ژ مۆندیالا 2026 یا بهێت كو بڕیارە 48 هەلبژارتی پشكداربن و مۆندیالا خانمان دێ ل هاڤینا بهێت ب پشكداریا 32 هەلبژارتیان هێتە ئەنجامدان، ئینفانتینۆی دیاركریە كو داهات گەهشتینە 7.5 ملیار دۆلار هەتا سالا 2022، ئەڤە ژی ژمارەكا ب ریكۆردە ل دەمەكێ نموونەیی یێ هەستیار ژ بەر پەژیكا كۆرۆنایێ دەمێ بوویە سەرۆكێ فیفایێ، دیسان ئاماژە دایە كو فیفا دێ دووڤچوونا هەموو بادەكێن رەخنەگران ب رەنگەكێ ئاشكرا و رۆهن كەت ژبۆ ریفۆرمەكێ د ناڤا زنجیرا مووچەیان دا و چاوانیا پێشخستنا كاری، ئۆمێدا وی ئەوە بگەهیتە دو خالێن جەوهەری ئەو ژی.
یا ئێكێ، دوبارە ڤەگەراندنا ئاستێ فیفایێ یا دویێ، فوتبۆلێ بكەتە مافەك د كارێ خوە دا، واتە ئەڤ هەردو خالە یێ سۆیسری ل ڤان سالان بانگەشەیا وان كری و خوە سەلماندی كو ئەو نیازپاكیێ و یەكسانیێ د ناڤ دەلیڤەیێن وەرزشا مللی دا دەستەبەر دكەت، سیستەمێ جیهانی یێ ئێكەتیێ دبێژیت رادەیەك بۆ سێ ماوەیان بهێتە دەستنیشانكرن، ماوەیێ هەر ئێكی چار سالن، لێ ئینفانتینۆ حەتا 2031 مافێ هەی، مادەم ئەوی پشتەڤانیا 35 ئێكەتیان هەیە ژ ئەمریكا ناڤەراست، 54 ئێكەتیێن ئەفریقیا، لەورا ئەو دشێت فشارێ ل سەر وەلاتێن ئۆرۆپا بكەت ژبۆ ڤەگەڕاندنا هزرا وی یا دانانا مۆندیالا جیهانی بۆ هەر دو سالان جارەكێ ل شوینا چار سالان، ئاماژە دیاردكەن كو كەسێ هەژی بۆ سەركێشیكرنا ئێكەتیا نێڤدەولەتی جینانی ئەنفانتینۆ یە، تایبەت پشتی سەركەفتنا مۆندیالا 2022، دیاربوویە ژ هەژی ڤێ سەركێشیكرنێ یە ژبەر خەمخۆریا وی د كارێ خوە دا و بەرهەڤی ل هەموو چالاكیێن وەرزشی دا.
و/ ئەڤرۆ. شێرزاد نائیف.
