Viya Media

Viya Media Contact information, map and directions, contact form, opening hours, services, ratings, photos, videos and announcements from Viya Media, Media/News Company, Duhok.

🔴 کۆمپانییا دانەغاز کو ب رێکا کێلگەها کۆرمۆر غازێ بۆ وێستگەهێن کارەبێ ل هەرێما کوردستانێ دابیندکەت، دێ دەست ب دابینکرنا ...
04/08/2026

🔴 کۆمپانییا دانەغاز کو ب رێکا کێلگەها کۆرمۆر غازێ بۆ وێستگەهێن کارەبێ ل هەرێما کوردستانێ دابیندکەت، دێ دەست ب دابینکرنا غازێ بۆ وەزارەتا کارەبێ یا ئیراقێ کەت.

◀️ هەردو کۆمپانیێن دانەغاز و نەفتا هیلال رادگەهینن؛ بۆ دەمێ سالەکێ، رۆژانە دێ 100 ملیۆن پێیێن سێجا یێن غازێ ژ کێلگەها کۆرمۆر بۆ وێستگەها تازە ل کەرکووکێ دابینکەین.

◀️ وان کۆمپانییان دیارکرن؛ ئەڤه د چارچووڤەیێ پلانا مە دایە بۆ بەرفرەهکرنا فڕۆشتنا غازێ و ب تایبەت پشتى پرۆژەیێ بەرفرەهکرنێ یێ "کۆرمۆر 250" د چرییا ئێکێ یا سالا 2025 دا چوویە د وارێ بجهئینانێ دا کو بوویە ئەگەرێ زێدەبوونا شیانێن بەرهەمئینانێ ل کێلگەها کۆرمۆر ب رێژەیا 50%.

🔴 ئاکام هاشم بەرگریکارێ هەلبژارتیێ ئیراقێ نزیکبوویە کو ببیتە یاریزانێ یانەیا زاخۆ بۆ وەرزێ بهێت 2026-2027.◀️ ل گۆرەى زان...
04/08/2026

🔴 ئاکام هاشم بەرگریکارێ هەلبژارتیێ ئیراقێ نزیکبوویە کو ببیتە یاریزانێ یانەیا زاخۆ بۆ وەرزێ بهێت 2026-2027.

◀️ ل گۆرەى زانیارییان، زاخۆ ل گەل ئاکام هاشم گەهشتیە رێککەفتنێ و د دەمژمێرێن بهێت دا دێ هەڤبەستا زاخۆ ئیمزاکەت.

◀️ یانەیا زاخۆ دەست ب دانوستاندنان ل گەل ئاکام هاشم کربوو پشتى بزاڤێن ڤەگوهاستنا وى بۆ ئێک ژ یانەیێن پۆرتۆ و بێنفیکا یێن پۆرتۆگالى سەرنەگرتین.

◀️ پشتى بدویماهیکهاتنا هەڤبەستا ئاکام هاشم ل گەل یانەیا زەورا ل گەل بدویماهیکهاتنا وەرزێ بۆرى، ژمارەیەکا یانەیێن ئەورۆپى و یێن دەڤەرێ گرنگى ب ڤەگوهاستنا وى دان پشتى ئاستێ وى یێ بلند ل گەل هەلبژارتیێ ئیراقێ د موندیالا 2026 دا.

🔴 سکۆت بێسنت وەزیرێ گەنجینەیێ یێ ئەمریکا بۆ تۆڕا CNBC: رەنگە سوبەهى ل گەل ئیرانێ بگەهینە رێککەفتنێ ژ بۆ ڤەکرنا تەنگەیێ ه...
04/08/2026

🔴 سکۆت بێسنت وەزیرێ گەنجینەیێ یێ ئەمریکا بۆ تۆڕا CNBC: رەنگە سوبەهى ل گەل ئیرانێ بگەهینە رێککەفتنێ ژ بۆ ڤەکرنا تەنگەیێ هۆرموز.

🔴 کۆمپانییا گەنەل ئێنێرجى راپۆرتا خۆ یا بەرهەمئینانا پەترۆلێ ل کێلگەهێن تاوکێ و پێشابوورێ د نیڤا ئێکێ یا ئەڤ سالە 2026 د...
04/08/2026

🔴 کۆمپانییا گەنەل ئێنێرجى راپۆرتا خۆ یا بەرهەمئینانا پەترۆلێ ل کێلگەهێن تاوکێ و پێشابوورێ د نیڤا ئێکێ یا ئەڤ سالە 2026 دا ئاشکراکر:

◀️ ئاستێ بەرهەمئینانا پەترۆلێ ل کێلگەهێن تاوکێ و پێشابوورێ د نیڤا ئێکێ یا ئەڤ سالە دا ب رێژەیا 66.3% کێمبوویە ب هەڤبەرکرن ل گەل نیڤا ئێکێ یا سالا بۆرى 2025.

◀️ ئەگەرێ ڤێ کێمبوونێ، بۆ راگرتنا دەمکى یا کارێن کۆمپانیێ ژ بەر گرژیێن سەربازى و ململانێیێن دەڤەرێ ڤەدگەڕیت.

◀️ د نیڤا ئێکێ یا ئەڤ سالە 2026 دا، رۆژانە وەک تێکرا 26 هزار و 400 بەرمیلێن پەترۆلێ ل کێلگەها تاوکێ هاتینە بەرهەمئینان، ل دەمەکێ د نیڤا ئێکێ یا سالا 2025 دا، رۆژانە وەک تێکرا 78 هزار و 400 بەرمیلێن پەترۆلێ ل وێ کێلگەهێ دهاتنە بەرهەمئینان.

◀️ پشکا گەنەل ئێنێرجى ل کێلگەها تاوکێ 25% یە، ئانکو ژ وێ رێژەیا پەترۆلێ یا هاتیە بەرهەمئینان د نیڤا ئێکێ یا ئەڤ سالە دا، رۆژانە 6600 هزار بەرمیل یێن وێ بوون ل دەمەکێ د نیڤا ئێکێ یا سالا 2025 دا، رۆژانە 19 هزار و 600 بەرمیل بوون.

◀️ کارێن بەرهەمئینانێ ل 28ى خزیرانا ئەڤ سالە دوبارە دەستپێکربوون و ئاستێ بەرهەمئینانێ بەرى داخستنا کێلگەهان ل دویماهییا هەیڤا شۆباتێ نزیکى 79 هزار و 900 بەرمیلان بوو رۆژانە.

◀️ ژ بەر راگرتنا هناردەکرنێ ب رێکا بۆرییان، هەمى پەترۆلا هاتیە بەرهەمئینان د بازاڕێن ناڤخۆیى دا ل هەرێما کوردستانێ هاتیە فڕۆشتن و تێکرایێ بهایێ فڕۆشتنا ئێک بەرمیلێ پەترۆلێ د نیڤا ئێکێ یا ئەڤ سالە 2026 دا 31 دۆلار بوون.

◀️ پشتى دوبارە دەستپێکرنا بەرهەمئینانێ، بهایێ بەرمیلەکێ بلندبوو و گەهشتە سەر 35 دۆلاران دا.

🔴 ل گۆرەى زانیارییان، چ کێشە ل هەمبەر هنارتنا مووچەیێن مووچەخۆرێن هەرێما کوردستانێ یێن هەیڤا 7 نینن و چاڤەرێ دهێتە کرن ک...
04/08/2026

🔴 ل گۆرەى زانیارییان، چ کێشە ل هەمبەر هنارتنا مووچەیێن مووچەخۆرێن هەرێما کوردستانێ یێن هەیڤا 7 نینن و چاڤەرێ دهێتە کرن کو ل نیڤا حەفتییا بهێت پارە ژ بەغدا بهێتە هنارتن و دەست ب دابەشکرنێ بهێتە کرن.

◀️ دەمێ دابەشکرنا مووچەیێن هەمى وەزارەتان ل ئیراقێ تەمامببیت، دێ رێکارێن خەرجکرنا مووچەیێ مووچەخۆرێن هەرێمێ دەستپێکەن.

◀️ ئێک ژ شیاوان ئەوە کو مووچەیێن هەرێمێ بەرى دابەشکرنا مووچەیێن هەر سێ سەرۆکایەتیێن ئیراقێ و دەستەیێن سەربخۆ بهێنە هنارتن.

◀️ تا نوکە نزیکى 50% ژ فەرمانبەرێن ئیراقێ مووچەیێن خۆ یێن هەیڤا تیرمەهێ وەرگرتینە.

🔴 ژ بەر داخستنا تەنگەیێ هۆرموز کو 95% ژ پەترۆلا ئیراقێ ب رێکا وێ دهێتە هناردەکرن، ئیراق ل دو رێک و پرۆژەیێن نوى بۆ فڕۆشت...
04/08/2026

🔴 ژ بەر داخستنا تەنگەیێ هۆرموز کو 95% ژ پەترۆلا ئیراقێ ب رێکا وێ دهێتە هناردەکرن، ئیراق ل دو رێک و پرۆژەیێن نوى بۆ فڕۆشتنا پەترۆلا خۆ دگەڕیت.

◀️ پرۆژەیێ ئێکێ: هێلا "بەسرە – حەدیسە" یە کو درێژییا وێ 700 کیلۆمترن و شیانێن هناردەکرنا 2 ملیۆن و 500 هزار بەرمیلێن پەترۆلێ د رۆژەکێ دا هەیە، تێچوویێن پرۆژەى ب 5 ملیار دۆلاران دهێتە خەملاندن.

◀️ وێستگەها حەدیسە دێ بیتە ناڤەندەکا سەرەکى بۆ ڤەگوهاستنا پەترۆلێ بەرەڤ سێ ئاراستەیێن جودا جودا، ئەو ژى: بەندەرێ عەقەبە ل ئوردنێ، بەندەرێ بانیاس ل سووریا و بەندەرێ جەیهان ل تورکیا.

◀️ پرۆژەیێ دوێ: هێلا کەرکووک – بانیاسە کو ئیراق و سووریا ل سەر نویژەنکرنا وێ رێککەفتن، درێژییا وێ هێلێ 800 کیلۆمترن و بڕیارە د دەمێ 36 هەیڤان دا تەمامببیت.

◀️ هێلا کەرکووک – بانیاس شیانێن هناردەکرنا 2 ملیۆن بەرمیلێن پەترۆلێ رۆژانە بۆ سەر کنارێن سووریا ل دەریایا سپى یا ناڤەراست هەیە و تێچوویێن پرۆژەى دناڤبەرا 4 بۆ 8 ملیار دۆلاران دا دهێتە خەملاندن.

◀️ ئەڤ هێلێن عەردى یێن ڤەگوهاستنا پەترۆلێ، بۆ دەمێ چەندین سالان ژ بەر کێشەیێن ئەمنى و سیاسى هاتبوونە گرتن و نوکە دێ کار د نویژەنکرنا وان دا هێتە کرن.

◀️ ئارمانج ژ هەردو پرۆژەیێن هێلێن بۆریێن پەترۆلێ یێن نوى ڤەدیتنا رێکێن پێگوهۆڕە ل جهێ هۆرموز و گەهاندنا پەترۆلا ئیراقێ بۆ دەریایە سۆرە زێدەبارى دەریایا سپى یا ناڤەراست کو ب رێکا هێلا کەرکووک – جەیهان پەترۆل دگەهیتێ و ئیراق و تورکیا ل سەر زێدەکرنا هناردەکرنا پەترۆلا ئیراقێ ب رێکا وێ بۆ 750 هزار بەرمیلان رۆژانە رێککەفتن.

🔴 رۆژنامەیا نیویۆرک تایمز یا ئەمریکى:◀️ ڤەکرنا تەنگەیێ هۆرموز دێ ئێک ژ کێشەیێن دۆنالد ترەمپ سەرۆکێ ئەمریکا چارەکەت و دێ ...
04/08/2026

🔴 رۆژنامەیا نیویۆرک تایمز یا ئەمریکى:

◀️ ڤەکرنا تەنگەیێ هۆرموز دێ ئێک ژ کێشەیێن دۆنالد ترەمپ سەرۆکێ ئەمریکا چارەکەت و دێ پەترۆل ڤەگەڕیتەڤە د بازاڕان دا، لێ د بەرانبەر دا، دێ ئیران بیتە خۆدانا دەستهەلاتێ ل سەر وى رێرەوێ ئاڤى کو بەرى نوکە رێرەوەکێ ئازاد یێ نێڤدەولەتى بوو.

◀️ ئیران و عومان نزیکن ژ رێککەفتنەکێ و ل گۆرەى وێ؛ ئەو کەشتیێن دچنە دناڤ کەنداڤى دا دێ د رێرەوەکێ را بۆرن کو نزیکە ژ ئیرانێ و کونترۆلا وێ د دەستێن ئیرانێ دایە و ئەو کەشتیێن ژ کەنداڤى دەردکەڤن؛ دێ د رێرەوەکێ را بۆرن کو نزیکە ژ عومانێ.

◀️ ئیران دبێژیت؛ ئەم باجێ ژ کەشتییان وەرناگرین، لێ پارەیەکێ ب ناڤێ کرێیا خزمەتگۆزارى و ژینگەهێ وەردگرن و داهاتێ وێ دناڤبەرا ئیرانێ و عومانێ دا دهێتە دابەشکرن.

◀️ بەرپرسەکێ ئەمریکى رەتکر کو ئیرانێ دەستهەلات ل سەر تەنگەیێ هۆرموز هەبیت و باجێ ژ کەشتییان وەربگریت.

◀️ ئەمریکا یا بلەزە کو جارەکا دى لڤینا کەشتییان ل هۆرموز دەستپێبکەت دا کو کریزا ئابوورى ل جیهانێ چارەسەرببیت، لەوا ترەمپ دێ ب وێ رێککەفتنا ئیرانێ و عومانێ رازیبیت خۆ ئەگەر ئیرانێ هندەک دەستهەلات ژى ل سەر وى رێرەوێ ئاڤى هەبیت.

◀️ د هەمان دەم دا، پێنتاگۆن ب وێ رێککەفتنا پێشنیارکرى نەیا رازى یە و دبینیت کو ئەڤە دەستبەردانەکە بۆ ئیرانێ.

04/08/2026

🔵 ب ڤیدیۆ؛ دو مار دگەل زارۆکەکا بچویک تەماشەی مۆبایلێ دکەن.

04/08/2026

🔵 زارۆکەک دوعا بۆ دایکا خو دکەت، داکو خەلک قەست بکەنێ و تشتێن وان بکڕن.

03/08/2026

" پێلاڤا خو ببینە و ببە سەرکەفتی"
🔵 ئەڤە پێشبرکییا « رۆدیۆ »یە. د ئەڤێ پێشبرکیێ دا، ئەو ژنا زویکا پێلاڤا خو ببینت د بسەرکەڤیت و خەلاتەکی وەرگریت.

Address

Duhok

Telephone

+9647501888388

Website

Alerts

Be the first to know and let us send you an email when Viya Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Viya Media:

Shortcuts

Share

Category