Befrin HD

30/08/2026

پەیمانگەها تەکنیکی یا ئامێدیێ ئاگەهداریا هەمی قوتابیێن پەیمانگەهێ دکەت، ل روژێن سێ شەمبی و چار شەمبی و پێنج شەمبی رێکەفتی ١و٢ و ٣/ ٩ / ٢٠٢٦ دێ رابیت ب دابەشکرنا بەشێن ناڤخويى يێن ( کوران و کچان ).

بەلگەنامێن پێدڤی :
١-کارتا نیشتیمانی یان ناسناما بارێ شارستانی
٢-کارتا زانیاری
٣-پسولا (تأمینات)
٤- باجا خواندنێ

تێبێنی:-
١- بهایێ پسولا (تامینات) : ٥٠,٠٠٠ پێنجی هزار ن.
٢ - بهایێ پسولا (کرێیا ئێڤاران) : ١٦٥,٠٠٠ سەدو شێست و پێنج هزار ن.
٣ - بهایێ پسولا (کرێیا پارالێل) : ١٦٥,٠٠٠ سەدو شێست و پێنج هزار ن.
٤ - قوتابيێن زانکو لاین : تنێ دێ (پسولا تامیناتان )رادەستی هوبا بەشێ ناڤخویی کەن
٥- قوتابیێن پارالێل و ئێڤاران : دێ (پسولا تامیناتان+پسولا کریێ ) رادەستی هوبا بەشێ ناڤخویی کەن .
٦-بەری قوتابی بهێتە هوبا بەشێن ناڤخویی بو تومارکرنێ دڤێت سەرەدانا (ھوبا دارایی) و (ھوبا یاسایی) بکەت ژ بو وەرگرتنا پسولان، ل دویڤدا دێ ل هوبا بەشێن ناڤخویی بەشێ خو وەرگریت.

27/08/2026

رێڤەبەریا رێکخستنا پلێتا ئاهێن خارنێ دهوک♦️
خێزانێن نوی وکەسێن نە تومارکری بو بەغدا هاتنە رەوانەکرن
ل دویڤ رەزامەندیا رێڤەبەریا بازرگانی کشتی یا هەرێما کوردستانێ ئەڤالخێزانێن نوی وکەسانێن ژیێ وان ژ ١٢ سالی پتر ئەوێن ناڤێن وان ل خوارێ دکەین ناڤێن وان هاتینە رادەستکرن بو رێڤەبەریا پلان دانان و دیفچونێ / بەشێ تەموینێ ل بەغدا ژ بو زێدەکرنا ناڤێن وان داخاز ژ هەوەیێن بەرێز دکەین چاڤەرێی نامەکا ب ناڤێ MOT بن ژ بو زێدەکرنا ناڤێن خو د سیستەمێ ئەلکترونی دا هیڤی یە د ئاگەهداربن

25/08/2026

ماراسونا غاردانێ ل قەزا ئامێدیێ
ڤیدیو/ئامێدی میرگەها بەهدینان

25/08/2026

بِـسْــمِ اللَّـهِ الرَّحْـمَـٰنِ الرَّحِيـمِ
{وَمَا أَرْسَـلْنَاكَ إِلَّا رَحْـمَةً لِلْعَالَــمِينَ}
صدق الله العظيم
د ســالڤەگەڕا ژ دایکبوونا ســەروەرێ مرۆڤـــایەتیێ، پێغەمبەرێ مەزن (مُحَمَّد) سلاڤێن خودێ ل سەر بن...
جـوانترین پیـــرۆزباھیان ئاراستەی موسلمانێن جیهانێ ب گشتی، و ب تایبەت موسلمانێن کوردستانێ دكەین.
هیڤیدارین ئــەڤ ڕۆژا پیـــــرۆز ب بیتە پالــدەرێ ڕەحـــمێ، دلـــوڤانیێ و مرۆڤایەتیێ د ناڤ مللەتێ مە یێ کورد دا.

24/08/2026

بسم اللە الرحمن الرحیم

(( وَمَا أَرْسَلْنَاكَ إِلَّا رَحْمَةً لِّلْعَالَمِينَ))

21/08/2026

20/08/2026

سەرۆک بارزانی نیشانا ئاستبلندا ڕێزلێنانا پاپای پێ هاتە بەخشین

ڕۆژا پێنجشەمبی 20ی ئابا 2026، سەرۆک مەسعود بارزانی پێشوازی ل بەڕێز لویس ساکۆ، کاردینالێ فەخریێ کلدانان کر.

د دیدارەکێ دا کاردینال لویس ساکۆ پێزانین بۆ ڕۆڵێ سەرۆک بارزانی د کوورکرنا بەهایێن بلندێن پێکڤەژیانێ و مرۆڤدۆستیێ و ب هێزکرنا ئاشتی و سەقامگیریێ ل کوردستانێ و عێراقێ و دەڤەرێ هەبووی، هەروەسا سوپاسیا سەرۆک بارزانی کر کو ڕۆڵ د پاراستنا پێکهاتەیێ مەسیحی و پێکهاتەیێن نەتەوەیی و ئایینیێن دیتر ل کوردستانێ و عێراقێ دا هەبوویە.

کاردینال لویس ساکۆ ئەو ژی ڕاگەهاند کو ژ بەر وی ڕۆڵێ بلندێ سەرۆک بارزانی بۆ ئاشتیێ و بەهایێن مرۆڤایەتیێ گێڕای، داخواز ژ پاپایێ ڤاتیکانێ کر کو نیشانا ئاستبلندا ڕێزلێنانا پاپای ب سەرۆک بارزانی بھێتە بەخشین.

ژ لایێ خۆ ڤە سەرۆک بارزانی زێدەباری دەربڕینا سوپاس و پێزانینێن خۆ بۆ پاپایێ ڤاتیکانێ و کاردینال لویس ساکۆ جەخت ل سەر هندێ کر کو بۆ گەلێ کوردستانێ شانازیەکا مەزنە کو فەرهەنگا دەولەمەندا پێکڤەژیانێ و تەباییێ و ئاشتیخوازیا بۆ ب میرات مای. هەروەسا جەخت ل پاراستنا بەهایێن براتیێ و تەباییا ناڤبەرا پێکهاتەیێن کوردستانێ کر و ئەو ژی دیار کر کو ڕەفتار و کـردار، جۆرێ هەڵسەنگاندنا مرۆڤان دیار دکەن، نەکو بیر و ژێیاتییا ئایینی.

17/08/2026

🔸 ڕێزدار “بەهرام عریف یاسین” بەرپرسێ لقا ١٨ یا پارتی دیموکراتی کوردستان، پەیامەك بەلاڤ کر ل دوور هێرشا درۆنی یا ئەڤرۆ بۆ سەر نڤیسینگەها تایبەت یا سەرۆکوەزیران ڕێزدار “مەسرور بارزانی” .

دەقێ پەیاما بەرپرسێ لقا ١٨ :
🔹هێرشا درۆنی یا ئەڤڕۆ بۆ سەر نڤێسینگەها تایبەت یا جەنابێ سەرۆک وەزیران ڕێزدار (مەسروور بارزانی) و جهێ رێڤەبەرێ سەرۆکێ ئاژانسا پاراستنێ، پێشێلکارییا ڕاستەوخۆ یا یاسایێن نێڤدەوڵەتی و عورفێن جیرانیێ یە. ئەڤ هێرشە بۆ سەر ئیرادەیا گەلێ مە یە، یا قەبولکری نینە و مە ڕاناگریت.

17/08/2026

🔸مەکتەبا سیاسی یا پارتی: پێدڤییە بەغدا ب جدی ل سەر هێرشا نڤیسینگەها سەرۆکێ حکومەتێ بهێته‌ دەنگ

ئەڤرۆ ڕۆژا دووشەمبێ ١٧ی تەباخا ٢٠٢٦ مەکتەبا سیاسی یا پارتی دیموکراتی کوردستان د بەیاننامەیەکێ دا ب توندی ئیدانەیا هێرشا ب درۆنان کر کو شەڤا بۆری هاتبوو کرن ل سەر نڤیسینگەها سەرۆکێ حکومەتا هەرێما کوردستانێ و مالا ڕێڤەبەرێ ئاژانسا پاراستنێ.
د بەیاننامەیێ دا، مەکتەبا سیاسی ئاماژە ب هندێ کر کو د دەمەکێ دا ئارامی و سەقامگیرییا ناڤچەیێ پێدڤی ب پاراستنێ یە، ئەڤ جۆرە کریارێن تێکدەرانە زیانێ ب بزاڤێن دویرئێخستنا هەرێمێ ژ شەڕ و گرژییان دگەهینن و بارودۆخی ئاڵۆزتر دکەن.
ل دوماهیێ ژی پارتی تەکەزی ل سەر هندێ کر کو ئەڤە ئەرکێ فەرمی یێ حکومەتا فیدرال یا عێراقێ یە کو ب ڕژدی بهێتە دەنگ، ڕێگریێ ل ئەڤان دەستدرێژییان بکەت و د زویترین دەم دا ڕێکارێن گونجای بگریتە بەر.

16/08/2026

🔸ب هەلکەفتا ١٦ێ تەباخێ؛ ئاھەنگ و شەهیانا ب کۆم ل قەزا ئامێدیێ هاتە گێڕان
بەختەوەری و هەستی نەتەوەیی دوو ڕەهەندێن هەڤبەش بوون د ئاهاهەنگا ب کۆم یا بویك و زاڤایێن خۆشتڤی ل سنۆرێ قەزا ئامێدیێ، کو ب پشەڤانی و راسپارەدەیا جەنابێ (سەرۆک مسعود بارزانی) و پشتەڤانیا (فەرماندە مەنسۆر بارزانی)، وەک نەریتەکێ ساڵانە و ب شێوەیەکێ مەزن و شکۆمەند هاتە گێڕان.
د ڤێ چالاکیا پرشنگدار دا، ب ئامادەبوونا ڕێزدار (بەهرام عریف یاسین) و دەستەیا کارگێری، بەرپرسێن ناوچان و کادرێن هێژا یێن سنۆرێ لقێ، ب گیانەکێ بەرپرسیار و پر ژ رێز، پێشوازییەکا گەرم ل میڤانان و ٦٠ بویک و زاڤایێن خۆشتڤی هاتە کرن، بێی کو چ جودا‌کارییەکا حیزبی ل بەرچاڤ بهێتە وەرگرتن.
ئەڤ دەستپێشخەرییە یا ڕوومەتمەند، تێکەلکرنا شادییا ژیانا نووی یا جوانان بوو دگەل یادا مەزن و پیرۆزا ١٦ێ تەباخێ؛ ساڵڕۆژا دامەزراندنا پارتی دیموکراتی کوردستان و ٨٠ سالێن خەبات، خۆنەچەماندنێ و ژ دایکبوونا ڕێبەرێ مەزن جەنابێ سەرۆک بارزانی.
ئەڤ یۆبیلە و هەلکەفتا پیرۆز بووە نەریتەکێ نەتەوەیی، مرۆڤایەتی و پێکڤەژیانێ، کو تێدا هیڤیا ژیانەکە پڕ ژ بەختەوەری و سەرکەوتنێ بۆ هەمی بویک و زاڤایان تێدا هاتە خواستن.