مێژوویا دامەزراوەیا نالیا ڤەدگەریت بۆ وان رۆژێن کو تۆرەکا میدیایا سەربەخۆ ل هەرێما کوردستانێ و عێراقێ نەبوو. ل سالا ٢٠١٠ێ گرۆپەک ژ رۆژنامەڤانانێن سەربەخۆ پەیدابوون ژبۆ تژیکرنا وێ ڤالاهیێ و دامەزراندنا ئێکەم کەنالێ ئەهلیێ سەربەخۆ و پاشان کومەلەک دامەزراوەیێن دی هاتنە دامەزراندن کو ژێدەرێ داهاتێن وێ ژئالیێ کۆمپانیا و بەرهێنانا نالیا ڤە دئێتە دابین کرن.
ئامانجا دامەزراوەیا میدیایا نالیا ڤەگوهاستنا ن
وچەیانە ب رەنگەکێ پرۆفیشنال و ستاندار ب دروشمێن( راستی، هەڤسەنگی و وێرەکی).
ژبلی ئۆفیسا سەرەکی ل سلێمانیێ، دامەزراوەیا میدیایا نالیا ل هەولێرێ و بەغدا و کەربەلا و ئیستەمبول و برۆکسل و پاریس و لەندەن و واشنتۆن و قاهیرە و دوبەی و ئەنقەرە و ئامەد و بازل ئوفیس هەیە.
دامەزراوەیا میدیایا نالیا پێکدهێـت ژ:
ئێکەم: کەنالێ ئاسمانیێ ئێن ئاڕ تی ( کەنالەکێ سیاسی، کومەلایەتی یە ل سالا ٢٠١٠ێ هاتیە دامەزراندن).
دوویەم: کەنالێ ئاسمانیێ ئێن ئاڕ تی دوو( کەنالەکێ هەمەرەنگ، کۆمەلایەتی و هونەری یە ل سالا ٢٠١٢ێ هاتە دامەزراندن).
سێیەم: کەنالێ ئاسمانیێ ئێن ئاڕ تی عەرەبی( کەنالەکێ سیاسی کۆمەلایەتی یە ب زمانێ عەرەبی ل سالا ٢٠١٦ێ هاتە دامەزراندن).
چارەم: دیجیتال میدیایا ئێن ئاڕ تی ( ژشەش مالپەر و سێ ئەپلێکەیشن پێکهاتیە ب زمانێن کوردی( سورانی و بادینی)،عەرەبی و ئینگلیزی و ل سالا ٢٠١١ێ هاتیە دامەزراندن).
پێنجەم: نالیا ئێف ئێم( رادیۆیەکا نوچەیی و میوزیکە و ل سالا ٢٠١٠ێ هاتیە دامەزراندن).
شەشەم: ئەکادیمیا میدیایا نالیا( ئەکادیمیاکا پێگەهاندنا کادرێن میدیایی یە و ل سالا ٢٠١٥ێ هاتیە دامەزراندن).
حەفتەم: پام میدیا( کۆمپانیەکا بەرهەمهێنان و دابەشکرنا رێکلامێن بازرگانی یە و ل سالا ٢٠١٤ێ هاتیە دامەزراندن).
