21/07/2023
"به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان ره‌وشی كه‌شوهه‌وا و پله‌كانی گه‌رمای ئه‌مڕۆ هه‌ینی و سبه‌ی شه‌ممه‌ی ناوچه‌كانی هه‌رێمی كوردستانی بڵاو كرده‌وه و تێیدا ئاماژه‌ی به‌وه دا كه پله‌كانی گه‌رما له‌م دوو ڕۆژه‌دا هه‌ر به به‌رزی ده‌مێننه‌وه.
كه‌شناسی سه‌باره‌ت به كه‌شوهه‌وای ئه‌مڕۆ هه‌ینی شاره‌كان ڕایگه‌یاند: به‌شێوه‌یه‌كی گشتی ئاسمان ساماڵ دەبێت و پله‌كانی گه‌رما نزیك ده‌بێته‌وه له تۆماره‌كانی دوێنێ پێنجشه‌م.
ڕاشیگه‌یاند: خێرایی با له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و باكوری خۆرئاو ده‌بێت.
سه‌باره‌ت به كه‌شوهه‌وا و پله‌كانی گه‌رمای سبه‌ی شه‌ممه‌ش ڕایگه‌یاند: ئاسمان ساماڵ دەبێت و پله‌كانی گه‌رما كه‌مێك به‌رزتر ده‌بێت له تۆماره‌كانی ئه‌مڕۆ هه‌ینی.
ئاماژه‌ی به‌وه‌ش دا كه خێرایی با له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و باكوری خۆرئاوا ده‌بێت.
به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی پله‌كانی گه‌رمای پێشبینیكراوی شاره‌كانی هه‌رێمی كوردستانی به‌مشێوه‌ی خواره‌وه دیاری كرد:-
هەولێر: 44 پلەى سیلیزى
سلێمانی: 42 پلەى سیلیزى
دهۆک: 44 پلەى سیلیزى
کەرکووک: 46 پلەى سیلیزى
هەڵەبجە: 45 پلەى سیلیزى
حاجی ئۆمەران: 31 پلەى سیلیزى
زاخۆ: 44 پلەى سیلیزى
سۆران: 43 پلەى سیلیزى
گەرمیان: 47 پلەى سیلیزى"
