Bzav - بزاڤ, Irbil (2025)

28/04/2025

پـاش کەمێکی تر
🔻
کاتژمێر 10 مامۆستا ماکوان لایڤی دەبێت ❤

19/06/2023

ماکوان کەریم کــەی ئازاد دەکرێت؟؟؟

خوشک و برایانی ئازیز سڵاوی خوای پەروەردگارتان لێبێت...
السلام علیکم
بەڕێزان بە پێویستم زانی ئەم ڕوونکردنەوەیە بەم بۆ ئازیزان و دڵسۆزانی ماکوان.
لە تۆڕەکۆمەڵایەتیەکان زۆر دەبینم و پرسیار زۆر لەسەر ئەوە دەکرێت کە ماکوان کەی ئازاد دەکرێت.
بەڕێزانێکیش دەبینم کەوا وەڵام ئەدەنەوەو هەرکەسەو ڕەقەمێک دائەنێت.
بەڕێزان...
ڕاستە ماکوان لە وڵاتی ئیتالیا بە غیابی 9 ساڵ حوکم درا، پاش ئەوەی قانونی وڵاتانی ئەوروپی گۆڕا بۆ ڕادەست کردنی هاوڵاتی خۆیان بۆ وڵاتێکی تر تێیدا حوکم دراوە ماکوان نێردرا بۆ ئیتالیا، لەوێ دوو ساڵ مایەوە، پاشان لەبەر ئەوەی ماکوان هاوڵاتی نەرویجە لەڕێگای وەزارەتی داد و وەزارەتی دەرەوەی نەرویج هەوڵی بۆ دراو گەڕاندیانەوە نەرویج. بەپێی نامەیەک لە دادگای باڵای نەرویجەوە دان بەبێ تاوانی ماکوان دا نراوە کە هیچی لەسەر نیە، بەڵام لەبەر ئەوەی ئیتالیا حوکمی یاوەو بەو مەرجەش ناردوویەتیەوە بۆ نەرویج حوکمەکەی تەواو بکات. ڕێکەوتنی نێوان هەردوو وڵاتی نەرویج و ئیتالیا لەسەر ئەوە بووە ماکوان هاتەوە نەرویج بەپێی قانونی نەرویج حوکمەکەی تەواو بکات، نەک قانونی ئیتالیا.
قانونی نەرویجیش دەڵێت کەوا 2/3 حوکمەکەی تەواو کرد ئەکرێت ئازاد بکرێت، لەگەڵ ئەوەشدا دوای تەواو کردنی 1/3ی حوکمەکەی مافی ئەوەی هەبێت بە ئیجازە بێتە دەرەوە. ئەم ڕێکەوتنە هەیە، بەڵام تا ئێستا بەئێمە ڕانەگەیەنراوە بەتەواوەتی ماکوان کەی ئازاد دەکرێت، بۆیە تکا لەو بەڕێزانە دەکەم با کەس لەخۆیەوە وەڵام نەیاتەوەو کاتی ئازاد بوونی دیاری نەکات لە کاتێکدا خۆمان نازانین. هەرکات هەر هەواڵێک بەئێمە بدرێت و من (باران ئاریایی) وەک خێزانی ماکوان ڕامگەیاند ئەوا ئێوەی بەڕێزیش ئەتوانن وەڵامی ئەو پرسیارانە بدەنەوە. دووبارە تکایە زانیاری هەڵە بڵاو مەکەنەوە.

لەگەڵ ڕێز و حورمەتی بێپایانم بۆ ئێوەی بەڕێز
19.06.2023
باران ئاریایی

17/03/2023

گروپێکی نوێی مامۆستا ماکوان 📚
بۆ بڵاوکردنەوەو ئەرشیف کردنی کار و چالاکیەکانی
ئادی گروپ بکەن، لینکی گروپ لەکۆمێنتە.

09/02/2023

نـوێ ترین🥰

زیندانی ئیولەشمو

17/12/2022

نــــــوێ ترین وێنە

دوو وێنەی نوێی مامۆستا ماکوان کەریم لە زیندانی
ئیولەشمۆ - نەرویج

ئەو بوێری و ورەیەی هەیەتی بەهیچ شتێک ون ناکرێت✊

13/12/2022

حەزقیل: کوڕ و کچێکمان بووە، ناوی بنێین چی؟

ماکوان: پیرۆزە، بۆ لای ئێوەش دوانە هەیە؟

حەزقیل: نا لە دوو ژن خوای گەورە داویەتی.

ماکوان: کورە تۆ زۆر خەتەری حەزەی برام، ئەتوانم
بیان بینم و ماچیان بکەم.

حەزقیل: ئەتوانم بیانخەمە سەر شێوەی مەیمون
بۆ ئەوەی بیان بینیت، باشە؟

ماکوان: زەوق سز هیچت نەدۆزییەوە مەیمون نەبێت؟

(مەملەکەتی_شەیتان ــ کتێبی چوارەم)

10/12/2022

ئـێـوە ئـامـادەن؟

چاوەڕوانیەکانتان کەمی ماوە بەم زووانەو لە بەرواری 2023/1/15 چەند بەشێک لەکتێبی چوارەمی
(مەملەکەتی شەیتان)
بڵاودەکرێتەوە....

پشتیوان بەخوا دوای بەدوای ئەوە دەتوانن تەواوی کتێبەکە بە چاپکراوی بخوێننەوە.

01/12/2022

نـــــوێ:-

بەناوی خوای گەورە.
لەو دیوارانەی لە پشت وێنەکە دەرچوە ( ماکوان کەریم ) ڕۆژانی زیندانیەکەی بەرەو تەواو بون بەڕێدەکات
پاش گەڕانەوەی کاک ماکوان بۆ نەرویج بەندە چەندجارێک وەک ئەرکی برای و ھاوڕێیەتی سەردانیم کردوە.
ئەم جارە ئەم نوسینە لەسەر داوای خۆی ئەنوسم
ئەمڕۆ سەردانی کاک ( ماکوان ) م کرد سڵاو و ڕێزی بۆتان ھەیە سوپاسی ھەواڵپرسینەکانتان ئەکات کە ھەمیشە لێی نزیک بوون ، سڵاوی زۆری بۆ ئەو کەسانە ھەیە کە دوعای خێری بۆ ئەکەن.
باری تەندروستی زۆر باشە و ورە و مەعنەویەتی زۆر بەھێزە بەردەوامە لە بانگەوازکردن و گەیاندی ئاینی پیرۆزی ئیسلام
ڕۆژانەی خۆی بە وەرزش و کتێب نوسین بەڕێدەکات لە ئیستا دوو کتێبی نوسیوە ( مەملەکەتی شەیتان ) کتێبی چوارەم لەگەڵ ( مەملەکەتی قورئان ) کە لە ئیستادا لە لایەن خێزانە بەڕێزەکەیەوە پێداچونەوەی بۆ دەکرێ و ئامادە ئەکرێت پۆ چاپ.
جێگای دڵخۆشیە کە لە نیوەی ساڵی داھاتوو ئەگەری مۆڵەتی ھەفتانەی زیندانی پێدەدرێت و ئەوکات ئەتوانن ڕاستەوخۆ پەیوەندی پێوەبکەن و قسەی لەگەڵ بکەن.

ھەوراز ئەحمەد
٣٠\ ١١\ ٢٠٢٢
ئۆسلۆ

27/10/2022

ئەوەی چاوەڕێی بوون گەیشت💥📖

بەم زووانە دەست بە پۆستکردنی چەند بەشێک لە کتێبی چوارەمی مەملەکەتی شەیتان دەکەین.

مامۆستا ماکوان خەریکی تەواوکردنی کتێبی چوارەمی مەملەکەتی شەیتانە و خەریکی نوسینیەتی چەند بەشێکی نوسراوە، پشت بەخوا بەم زووانە تەواوبێ دێتە بەردیدی خوێنەران.

خەمی دووری و ناخۆشی زیندان نەیھێشتووە دەستبەرداری پێنوسەکەی ببێت و زیاتر خوێنەرانی لەبیرە .
خوای گەورە ئازادی بکات .

17/09/2022

زنجیــرەی نـــوێ

لە زیندانەوە لەگەڵتانم ــ زنجیرەی نۆیەم

جادوو تەلیسمی دیموکراسی
نووسینی: ماکوان کەریم

زۆرجار دەڵێم دیموکراسی جۆرێکە لە سیحر و جادوو، کە بەهێزترە لە جادووی کەبالای یەهودی و سیحری ڕەشی مەسیحییەکان، جادووی بەیەکگەیشتنی خۆشەویستان و هاوسەر و هاوژیانن.
دیموکراسی بەو هەموو گەندەڵی و پێشێلکاریەی کە لە مرۆڤایەتیدا دەیکات ڕۆژبەڕۆژ ڕەواجی زیاتر دەبێت، ئەگەرچی گەندەڵی و بۆگەناوی ڕژاوەتە ناو زۆربەی گەلانی جیهان.
بۆ نمونە ئەگەر وێنایەک لەبازاڕی گەرمی دیموکراتی لە جیهاندا وەربگرین دەبینین زۆر خراپەکارترن لە دیکتاتۆر و ثیوقراطی و ڤایکین و پادشا و مۆبۆکراتیەکان.
نمونەی صدام حسین و حیزبی بەعس کە دیکتاتۆر بوو لەناوچوو، نمونەی هەڵەبجە کە پێنج هەزار ڕۆڵەی کوردی کیمیاباران کرد لە ڕۆژێکدا لەناوی بردن، خوای گەورە بە شەهید هەژماریان بکات. ١٨٢ هەزار کوردی ئەنفال کرد بێجگە لە تاوانەکانی تری کەلە باسکردن نایەت.
لەبەرانبەریدا ئەمەریکای دیموکراتخواز و لیبراڵ وەربگرین، دەبینین صدام زۆر شەریف تر و پیاوتر بووە، ئەگەر ئەو هەڵەبجەی کیمیاباران کرد، ئەوا ئەمەریکا ‌هێرۆشیمای کرد زۆر لە صدام خراپتر، ئەگەر ئەو ئەنفالی کرد ئەو زیاد لە ملیۆنێك عێراقی لەناو برد کە تاوەکو ئێستاش منداڵ لە فەلوجە بە کەمئەندامی لەدایك ئەبێت لە کاریگەری ئەو چەکانەی کە ئەمەریکا بەکاری ‌هێنا. بێجگە تاوانی ئەبوغرێب و بصرە و...هتد. ئەمە تەنها لە عێراق دا ئەم کارانەی کرد، خۆ ئەگەر چاوێک بگێڕین بەلای ئەفغانستان دا جەنگی لەگەڵ طالیبان کرد و ناوی نان تیرۆریست، بەڵام لە کۆتاییدا ووتی ببورن کامێرای شاراوە بوو بگەڕێنەوە جێگای خۆتان، زۆر داوای لێبووردن دەکەین.
جا بۆیە بە ئەمەریکا دەستم پێکرد چونکە تاغوت و خوای هەموو بتەکانی دیموکراتییەکانە لەسەر زەوی و ئەو ڕابەرایەتیان دەکات، ئەگەر ئەمەریکا بەو شێوەیە بێت، دەبێت کلکەکانی چۆن بن؟ چۆن بەرخورد بکەن؟ پێم ناڵێن جیاوازی ئەمەریکا و ئێران چییە لە ڕووی سیستەمەوە؟ ئێران دوو حیزبی هەیە پارێزکاران و ئیسلام طەلەبەکان، بەهەمان شێوە ئەمەریکا خاوەن دوو حیزبە کۆماری و دیموکراتیەکان. ئەمەیە دیموکراتی و پرنسیپی دیموکراتی؟! حیزبی سێیەم بوونی نییە.
ڕاستە لە دیموکراتیدا ئازادی ڕادەربڕین هەیە، ئەتوانیت هەرجۆرێك بیردەکەیتەوە ئازادی، بەڵام نابێت بیرکردنەوەت دەربچێت لە سنوری دیموکراتی. بۆنمونە قسە بە دین بڵێین ڕای ئازادە، بەڵام وەڵامدانەوەی تیرۆرە. مەشروب و دیسکۆ و شەوانەی سەماو تێکەڵ بوون ئازادییەو لە سیستەمی دیموکراتییە، زۆر ئاسایی و شارستانیەتیە، بەڵام گەنجی خواناس لە کوڕ و کچ چونیان بۆ مزگەوت و خوێندنی قورئان ئەگەر سالار و سەنگین بن ئەوا چاوزەق و ئیرهابییە.
ئەوە واتای دیموکراتییە
لەوڵاتی ئێمەدا گۆرانی و شیعر بەباڵای دیموکراتیدا هەڵئەدات، نە پارتی کەسی قبوڵە لە زۆنی خۆیدا نە یەکێتی، نە پەك، هەموو نمونەی زیندوویان لەبەردەستایە بێجگە ئەرشیفیان کە پڕیەتی لە خۆویستی و تاك ڕەوی...هتد
پێویستە ئەم سیحرە بەتاڵ بکرێتەوە، جاکێ ئەو تەلیسمە ئەسوتێنی و بەتاڵی دەکاتەوە بەڕاستی (ڕوقییە) واتا خوێنەری ڕوقیەی شەریعییە.
ئەی بۆچی موسوڵمانان بە سیستەمی ئیسلامی ئەو سیحرە بەتاڵ ناکاتەوە؟!
لەبەرانبەریدا نەوەکانی ئەم ئیسلامە بەداخەوە بەرگری لەم گەندەڵی دیموکراتییە دەکەن. دووبارە بە داخەوە هەڵەو گەندەڵیەکەش لە خۆمانە کە موسوڵمانن و پابەندن ئاخر چۆن دەبێت ئەم هەموو موسوڵمانە بڵێت دیموکراتیمان دەوێت و هەمووانیش بزانن کە دیموکراسی خراپە، بەڵام دەڵێت بەدیلمان نییە بۆی؟!
لەڕاستیدا ڕاست دەکەن، چونکە لە کوردستان لەبیروباوەڕ دەرچوە بۆتە پیشە.
جا کە دین بووە پیشە و پرۆژەی باوەڕ و عەقیدە لەئارادا نەبوو ئەوا دڵنیا بن چەندە نوێژت دوورو درێژ بێت و قورئان خوێندنەوەکەت زۆر بێ و ڕەوشتمان موسوڵمانانە بێت، هیچ کاریگەریەکی نییە.
لەبەرئەوەی لە جێی سیستەمی دیموکراسی تۆ پێویستە خاوەنی پرۆژەی عەقیدە و بیروباوەڕ بیت.
ئاخر خۆ پێغەمبەر (صلی اللە علیە وسلم) دەیتوانی لەسەرەتای بانگەوازەکەی بانگەشەی ئەخلاقی بکات لەناو قوڕەیش دا، زۆرێك لە پیاوانی شار هاوکاری دەبوون، لەڕووی ئەخلاقیشەوە ئەو کۆمەڵگایە، وێران بوو پێویستی بە ئیسلام هەبوو، بەڵام بانگەشەی ئەخلاقی نەکرد، سەروەرمان محمد (صلی اللە علیە وسلم).
یان جەنابی رسول اللە دەیتوانی بانگەشەی ئابوری بکات، لەکاتێکدا کۆمەڵگا کە پێویستیان بە بزوتنەوەیەکی ئابوری هەبوو لەناوچەکەدا و هاوکاری زۆری دەبوو، بەڵام ئەویشی نەکرد.
یان هیچ پرۆژەیەکی سیاسی نەخستەڕوو، لەکاتێکدا کۆمەڵگای قوڕەیش پێویستیان بە ڕزگاربوون لەبن دەستی فارس و ڕۆم هەبوو، ئەمەشی نەکرد.
هەستا لەبنەڕەتەوە گۆڕی، چاوەڕێی ئەوە نەبوو لە لایەکەوە دەست پێبکات، بەڵکو لە ڕەچەڵەکەوە گۆڕی بەپرۆژەی بیروباوەڕی ئیسلامی کە پێکهاتبوو لە پرۆژەی (لا الە الا اللە محمد رسول اللە).
لەوانەیە خەڵکی بڵێن جا ئەوە چییە خۆ هەموومان دەیزانین!
بڕوا بکەن ئەم سەرەتاو هەواڵە واتا (مبتدی و خبر) چارەسەری هەموو کێشەکانی کرد.
ئەو دێرە چامەیە دوو ئیمپراتۆریەتی زلهێزی جیهانی دا بە زەویدا و سەرلەنوێ شارستانیەتی دروست کردەوە.
هەڵگری ئەم دروشمە بن، دڵنیا بن دیموکراسی و جادوو تەلیسەمەکەی بەتاڵ دەکەنەوە.
بەزۆریش نابێت، ئەبێت زۆر مەمنون بن، منەتباری خۆتان بۆ خوا و ئیسلام دەربڕن و بەخۆشحاڵییەوە وەریگرن، دەنا بەزۆر ناگۆڕێت، دەبێت بەهەموومان کارەکە ئەنجام بەین.

ماکوان کەریم
زیندانی ئیولەشمۆ
١٨/٨/٢٠٢٢

12/09/2022

نوێ ترین پەیامی ماکوان کەریم لە زیندانی نەرویجەوە:-

خوشك و برایانی بەڕێزم سڵاوی خواتان لێبێت.
ئەم پەیام و سوپاسنامەیە دەمێکە ماکوان نوسیوویەتی بەڵام لەڕێگای پۆستەوە ناردویەتی بۆ من. لەبەر ئەوەی هەموو نوسینەکانی ماکوان ئەبێت بچێتە کۆنترۆڵ و تەرجومە بکرێن پاشان بنێردرێنەوە تا بە بگات دەست من، تاوەکو منیش بە ئێوەی بەڕێزی ڕابگەیەنم.

سڵاوتان لێبێت بە سڵاوی ئیسلام (السلام علیکم ورحمة اللە وبرکاتە)

سڵاوی دوور بۆ ئەو دوورانەی کە هەمیشە لێم نزیك بوون، سڵاوی زۆر بۆ ئەو لاو و پیرو جوانانەی کە هەواڵم دەپرسن، سڵاوی زۆر بۆ ئەو کەسانەی کە دوعای خێرم بۆ دەکەن.
سڵاو بۆ ئەو گوڵانە کە بۆنی نزا خێرەکانتان دەهات و نەسیمی خۆشەویستیتان فێنکایی ئەدا بەبورکانی دڵم، کە هیچ دەریایەك نەیدەتوانی بیکوژێنێتەوە.
سڵاو بۆ دوور، لە هەرجێگایەکی ئەم جیهانە بن هەواڵتان دەپرسم، پێدەچێت ئەوانەی لەگەڵم پێکەنیوون ڕۆژێك لە ڕۆژان لەبیرم بچنەوە، بەڵام دڵنیابن ئەوانەی کە لەگەڵمدا خەم و پەژارەیان چەشتووە هەرگیز لەبیریان ناکەم.
ئەوانەی لە ناخۆشیدا لەگەڵم بوون، دڵنیابن لە ڕۆژانی خۆشیشمدا لەگەڵم ئەبن...
لەڕاستیدا زیندان گۆڕی زیندوانە، جێگای تانەو تەشەری نەیار و دوژمنانە، ئەزموونی ناسینی هاوڕێی و خۆشەویستانە.
بەداخەوە لە وڵاتی دیموکراسی و مافی مرۆڤ کە بە لیتر و کیلۆ دەیفرۆشنەوە پێمان وا لەزینداندام، نەتاوانەکەم دیارە، نەجێگای تاوانەکەم وە نەکەرەستە و ئاداتی تاوانەکەم، بەڵام نایانەوێت بە ئاشکرا بڵێن: بۆیە زیندانی لەبەر ئەوەی موسوڵمانیت!
لەوانەیە خەڵکێك بڵێن ئەی ئەو هەموو موسوڵمانە لە نەرویج و ئەوروپان بۆ کەس ئیلاقەی نیە بەسەریانەوە، تۆ زیادەڕەویی دەکەیت ئەگەر بڵێیت لەسەر ئیسلام گیراوم!
لەوەڵامدا دەڵێم: ووتەکەتان بەڕووکەش ڕاستە، بەڵام ناواخنەکەی بۆشە.
چونکە هەر موسوڵمانێك چالاك بوو دڵنیابن جێگای گۆڕستانە یان زیندانە.
ئەو موسوڵمانەی کە بۆخۆی موسوڵمانەو بانگەواز ناکات، هیچ کاریگەریەك دروست ناکات، بەڵام ئەو موسوڵمانەی کە لە هەوڵی بانگەواز و گەیاندنی دینی خوای پەروەردگارن دڵنیابن کە شارستانێتی ڕۆژئاوا هەروا بەئاسانی وازیان لێناهێنێت، چونکە دەزانن لەڕووی ماددی و هاوکاری دنیاییەوە بێکەسن، بەڵام لەبیریان چوو کە من خوام هەیە، ئەوان کێیان هەیە!
لەم زیندانە لێیان پرسیم بۆ دەستگیر کراویت؟
ووتم: ئیتاڵیا حوکمی داوم لەسەر کەیسی مامۆستا کرێکار.
لەوەڵامدا ووتیان: ئەها کێشەکەت سیاسییە (پۆلیتیکە)، بە پێکەنینەوە وەڵامم دایەوە: سەیرە لەم وڵاتی دیموکراتی و لیبرالیزمەدا زیندانی سیاسی هەبێت!
وەك کارێکی ڕۆتین تەوای ئەو کەسانەی لە زیندانن پزیشك پشکنینیان بۆ دەکات، ئەو پزیشکەی بانگی کردم پشکنینەکەم بۆ بکات، پێی ووتم: ئاساییە بپرسم کە لەسەرچی دەستگیر کراویت؟
پێم ووت: ئاساییە، ڕاستە من لێرە زیندانم، بەڵام لەسەرداوای وڵاتێك کە ناسراوە بەوڵاتی مافیا و لە دادگاکانیاندا سەڵیب هەڵواسراوە و بانگەشەی عەلمانی و لادینی دەکەن، حوکم دراوم لەسەر ئەوەی موسوڵمانم.
ووتی: ئەها لەبەر ئەوەی لەگەڵ داعش بوویت؟
ووتم: نەخێر هیچکات لەگەڵیان نەبووم، بەڵام بە دڵنیاییەوە موسوڵمانم و لەسەر کێشەی مامۆستا کرێکار ڕادەستی ئیتاڵیا کرام و گەڕاومەتەوە.
پاشان ووتی: ئەها، کەواتە کێشەکەت سیاسی یە!
ووتم بەڵی بەداخەوە لەوڵاتی دیموکراسی و لیبراڵ دا خەڵك لەسەر کێشەی سیاسی زیندانی دەکرێت.
ئێستا لە نەرویجم، ئەو نەرویجەی کە بە لیتر و کیلۆ دیموکراتیم پێ دەفرۆشێت، منیان گەڕاندەوە نەرویج نەك لەبەر ماکوان، بەڵکو لەبەر ڕەگەزنامەکەی خۆیان کە پێیان داوم، پێویستە واقعی بین.
هیوادارم ووڵاتی نەرویج وەکو ووڵاتی مافیام لەگەڵ نەکات، چونکە لە ئیتالیا لە هەفتەیەکدا سێ جار ژوورەکەمیان دەپشکنی و هەرچیم دەنوسی دەیانبرد. تا بێزار بووم و وازم لەنوسین هێنا، تاوەکو لەچەند مانگی کۆتاییدا کۆنترۆڵم لەسەر نەما لەو ماوەیەدا ئازادی نوسینم هەبوو، لەدوای نزیکەی دوو ساڵ.
بەڵام سوپاس بۆخوا توانیم لەو ماوەیەدا ئەم بەرهەمانە بخەمە سەر کاغەز تا لەداهاتوودا ئامادە بکرێن بۆ چاپ
مەمەلەکەتی قورئان و مەمەلەکەتی من و تۆ و جەند زنجیرەیەك لە لەزیندانەوە لەگەڵتانم.
مەملەکەتی زیندان لەبەردەستدایە تا لە زیندان بم تەواو نابێت، کە ئازاد بووم ئەویش بەپشتیوانی خوا کۆتایی دێت.
هیوادارام لەم زیندانی نەرویجە کیلۆیەك دیموکراسی و لیترێك لیبرالیم بدەنێ تا بتوانم نوسینەکانم بخەمە خزمەتان.
بۆ زانیاریتان دیموکراسی وەك مریشك وایە باشەو خراپیشە، واتا هێلکەش دەکات و ڕیقنەش دەکات.
بەڵام زانراوە کەوا مریشك ڕیقنە زۆرتر دەکات، دڵنیابن دیموکراسیش مریشکە و هیچیی تر.
پێش کۆتایی دیسان دەڵێم سڵاوی زۆر بۆ ئازیزانی ماکوان بەتایبەت...
سوپاسی براکانم و هاورێکانم دەکەم لە وڵاتی نەرویج، کە زۆر بەئەمەك و وەفادار بوون. حەزم دەکرد ناوەکانتان بهێنم، بەڵام با بۆقیامەت بێت یاخود بۆ کاتێکی دیکە ئەیدرکێنم، خوای پەروەردگار پاداشتان باتەوە.
ئەوەی ئێوە کردوتانە زۆر لەوە گەورەتر بوو کەمن چاوەڕوانم دەکرد، جزاکم اللە خیرا جزاء.
پێویستە سوپاسی پیاوێك بکەم کە خاوەنی دەستو دڵێکی فراوانە خۆی و ڕێکخستنەکانی ئەوروپایان کە سەرلەنوێ هیوای بانگەواز و چالاکی ئیسلامییان بەخشییەوە پێم.
ئەو پیاوە بەڕێزەش جەنابی مامۆستا علی باپیر بوو کە باوك ئاسا لەگەڵمدا بوو، ئەرك و ماندوو بوونیان زۆر کێشا بەتایبەت برایانی ڕێکخستنەکانی ئەوروپای کۆمەڵی دادگەریی کە هیچ درێغییان نەکردووە، هاوکاری تەواوی من و خێزانەکەم بوون.
دڵنیابن چاکەکانتان لەبیر ناکەم، خوای گەورە پاداشتی چاکەکانتان بداتەوە، خوای گەورە مامۆستا علی باپیر و برایان و هاوکارانی سەربەرز و سەرکەوتوو بکات.
مامۆستای خۆشەویست و ڕۆح سوك، براو مامۆستای ئازیزم کوڕی پاك
بەڕاستی پاك بویت، ناوەکەت پێناسەی کەسایەتیتە، خوای گەورە لەمنت نەسێنێت و پیاوەتی و چاکە و دڵسۆزیت هەرگیز لەبیر ناکەم.
مامۆستا و نوری چاوم د. عبداللطیف خۆشەویست، کە نەسیمی دوعا و نزاکانت و ئامینی برایانم ئارامی زیاتری دەبەخشی بە دڵم، زیاتر گڕوتینی پێدەدام لە زیندانی وڵاتی مافیاکان، خوای گەورە بەرەکەت بخاتە تەمەن و بانگەوازەکەتان.
خوای گەورە پاداشتی برایانم بداتەوە لەکەناڵی ئاسمانی سپێدە بەتایبەت مامۆستا کاوەی بەڕێز، کە نمونەی برا بوون.
خاڵ و مامۆستای خۆشەویستم مامۆستا سید احمد پێنجوێنی، جەنابی حاجی کاروان و کاك ڕێبین-ی ئازیز و خۆشەویست و برایانی یەکگرتووی ئیسلامی بەگشتی، دنیایەك سوپاس بۆ دڵسۆزی و هەواڵپرسینتان.
مامۆستای دڵپاك و قسەخۆش و خواناسم جەنابی مامۆستا مەلا مەزهەر خۆراسانی ئازیز، مەمنونم بۆ دوعاو نزا خێرەکانی جەنابتان.
برای شیرین و ئازیز و چاونەترس و دلێرم کاك علی حمە ساڵح، زۆر مەمنونی هەواڵ پرسین و دوعا خێرەکانتم، بەتایبەت لە حەوشی کەعبەدا بەندەت لەبیر نەکردووە، زۆر خۆشەویستی برا گیان.

پێویستە ئەم گەنجانەش لەبیر نەکەم..
گەنجانی بەردەڕەش و ناوچەی عەشایەری سەبعە و شێخەکانی، لەگەڵ گەنجانی ناوچەی بارزان. بەڕاستی براو پشتوپەنا بوون، سوپاسی زۆرم بۆتان هەرئەوەندەم دەسەڵاتە بڵێم خوای گەورە بتانخاتە بەهەشت.
خوای گەورە لاوانی شاری هەولێرم لێنەسەنێت کە دڵسۆز بوون بۆ من، هەواڵپرسیەنەکانتان بەقەدەر باڵای قەڵا و منارەی شێخی جۆلێن، ملیۆن جار سەرم پێتان بەرزەو شانازیتان پێوە دەکەم، سەربەرزی دنیاو قیامەت بن.
گەنج و پیاو و ژنی شاری سولەیمانی بابان، ڕۆح و دڵی ماکوان. چاوی کوڕەکان ماچ دەکەم و ڕێز و حورمەتی زۆرم بۆ کچەکان. خوای گەورە سەربەرزتان بکات لە دنیاو قیامەت.
کاتێك پێیان ڕاگەیاندم کەوا کتێبەکانم لە پڕفرۆشترینەکان بوون لە پێشانگای سلێمانی، زانیم کە ماندووبوونم نەبینیوە، بەڵکو گڕوتینێکی نوێتان دایەوە بە بەندە.
شاری هەڵەبجەی خواناس، لەمامۆستا و زانایان درێغیتان نەکردووە، من هەمیشە خۆم بەیەکێك لە خەڵکی ئەو شارە زانیووە هەڵە نەبووم، چونکە بەڕاستی دڵسۆز بوون وبە خەمی منەوەبوون.
بەتایبەتی خوشکی زێدە ئازیزم خاتوو مونیرە علی عبدالعزیز کە هەمیشە هەواڵی پرسیووم و سەردانی دایکمی کردبوو، بەڕاستی شێرەژنی ئەم ڕابوونەی.
برای ئازیزم عبدالرحمان محمد عارف کە وەفاو پیاوەتیت لە بیر ناکام، لەڕێگای تۆوە سڵاو و حورمەتم بۆ هەموو بەکرئاوا.
برای ئازیزم کاک کامیل محمود، سوپاسی بەڕێزتان دەکەم بۆ هەواڵ پرسین و نزاخێرەکانت، خوای گەورە سەربەرزی دنیاو قیامەتان بکات.
شاری سۆران، شارستانیەتی کوردان و پاشا محمدی کۆرە، شاری پیاوی خواناس مەلای خەتێ، شاری گەنجانی ڕۆشنبیر و خوێنەری کتێب، شاری خۆشەویستی بۆ ئیسلام و بەئەمەك، خۆشم ئەوێن و خوای گەورە لە برایەتیتان کەم نەکات.

چۆن لەبیرم ئەچن کچ و کوڕانی گەنجی ڕانیە و قەڵادزە و چوارقوڕنە، ئاخر پێیان ڕاگەیاندووم کە لە زۆربەی مەجلیسەکانتان باسی بەندەی هەژار و ئەو زوڵم و زۆرەی لێمکراوە و نزای خێرتان بۆ کردووم، سوێند بەخوا هەموویم پێ گەیشتووە، زۆر مەمنونتانم بەتایبەت گەنجانی ڕانیە، نەك ڕاپەڕین بەتەنها بڕوا بکەن شێری ڕاپەڕین بوون.
شاری کەلار و گەنجە عەقیدە پاك و چاونەترسەکانی، خوا پاداشتان باتەوە، هەواڵپرسینەکانتانم پێ گەیشتووە، سەربەرزم پێتان کە خواناسی مۆرکی ژیانتانە.
پێنجوێن و سەیدسادق، جێگا و زێدی مناڵی و یادگارییەکانم، دنیایەك ماڵتان ئاوا بێت، بۆ نزا خێرەکانتان. بەتایبەت بنەماڵەی شێخ موستەفا.
خۆشەویست و ئازیز لە دڵی ماکوان گەنجانی بادینان، ئەزانم ئەوەندە دڵسۆز بوون بەپەرۆشەوە داواتان دەکرد کە پەرتوکەکانم وەربگێڕن بۆ زاراوەی شیرینی بادینی، خوای گەورە پاداشتانباتەوە، ئێوەن گرێدەرەوەی ڕۆشنبیری سۆران و بادینانن.
خەڵکی بەئەمەکی کەرکوک و کۆیە و بەتایبەت عەشیرەتی شەمێران، خوا پاداشتتان باتەوە.
لەبیرم ناچنەوە ئازیزانی ڕۆژهەڵاتی نیشتمان هەواڵپرسی و نزا خێرەکانی ئێوەشم پێگەیشتووە، خوای گەورە پایەدار و سەربەرزتان بکات.
لەکۆتاییدا دەڵێم ماسی چۆن پێیوستی بە ئاوە بۆ ژیان، ماکوانیش ئاوا پێویستی بە نزا خێرەکانتانە.

أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لا يُفْتَنُونَ﴿٢﴾
وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴿٣﴾
ئایا خه‌ڵكی وایانزانیوه‌، وازیان لێده‌هێنرێت و پشتگوێ ده‌خرێن كه‌ بڵێن ئیمان و باوه‌ڕمان هێناوه‌، له‌كاتێكدا ئه‌وان تاقی نه‌كرێنه‌وه‌ و تووشی سزا و ئازار نه‌كرێن؟﴿٢﴾
سوێند به‌خوا بێگومان ئێمه‌ ئه‌وانه‌ی پێش ئه‌مانمان تاقیكردۆته‌وه‌ به‌ جۆره‌ها شێوه‌، تا خوای گه‌وره‌ (له‌ جیهانی واقیعدا) ئه‌وانه‌ی ڕاستیان كردووه‌ بیانناسێت و ده‌ركه‌ون، هه‌روه‌ها درۆزنه‌كانیش ده‌بێت بناسێت و ده‌ركه‌ون.﴿٣﴾

دڵسۆزتان ماکوان کەریم
زیندانی ئیولەشمۆ/نەرویج
١٢/٠٨/٢٠٢٢

Bzav - بزاڤ

28/04/2025

19/06/2023

17/03/2023

09/02/2023

17/12/2022

13/12/2022

10/12/2022

01/12/2022

27/10/2022

17/09/2022

12/09/2022

Address

Telephone

Website

Alerts

Contact The Business

Shortcuts

Share

Category