07/01/2026
يقـ ..تل القـ ..تيل ويمشي بجنازته!!
عود ليش العلمنچية دائماً يركزون على النتيجة ويهملون الأسباب الحقيقية للسلبية الي خطابهم هو السبب بحصولها؟ ويحاولون بكل جهدهم ضرب الدين من خلال إيجاد علاقة وهمية بين السلبية والدين؟! مع أنه ماكو أي علاقة بين الأمرين؟!
قصة التحرّش
جاي يركزون على التحرش الي هو نتيجة
لكن ما يسولفون ليش صار تحرّش؟!
وهل الاختلاط المبالغ بي سبب لو مو سبب؟
هل التزيّن المبالغ بيه واللبس الفاضح سبب لو مو سبب؟
هل الثقة الزايدة بالولد أو البنت ويطبون ويطلعون بكيفهم من دون رقابة الأهل سبب لو مو سبب؟!
هل المسلسلات وغير المسلسلات وإيحاءاتها ومشاهدها الغرامية سبب لو مو سبب؟!
هل الأغاني والكلام المهيّج للشاب سبب لو مو سبب؟
هل محاربة الدين وكل من يدعو للحشمة والستر والأدب والأخلاق ووصفه بالتخلف سبب لو مو سبب؟!
هل محاربة تشريع القوانين المحصّنة للمجتمع سبب لو مو سبب؟
ثم شنو هاي السالفة الي لازميها: الملابس الضيگة والتبرّج والاختلاط مالهن علاقة بالتحرّش؟ ليش هي الي تلبس ضيّگ وتتبرج وتروح بالأماكن المكتضة بالرجال غير تريد الشباب ينعجبون بيها؟! يعني شنو ينعجبون بيها؟! يعني تستهويهم عاطفياً وجنسياً، يعني تسحرهم، يعني جاي تقدملهم أقرب وأقوى أسباب التحرش!
لكن المشكلة انو العلمنچية مو واقعيين ودائماً يچذبون على رواحهم وعلى الناس!
زين كل هذي الأسباب وغيرها شنو علاقتها بالدين وعلماء الدين والخطباء؟!
أشو أكثر الأسباب هو انتو تدافعون عنها، تدافعون عن التبرّج وإبداء الزينة أمام الشاب المتوهج جنسياً، تدافعون عن الاختلاط بكل أنواعه، ترفضون أي نوع من أنواع المراقبة الأبوية بداعي الحرية، وترفضون حتى القوانين الي تحصّن المجتمع أخلاقياً، فانتو السبب بعد ليش خابصين رواحكم وتتباكون؟!
وهذا معنى يقـ تل القـ تيل ويمشي بجنازته!
أما رمي القضية بملعب الدين فهو منتهى الدناءة التي يمكن أن يصل إليها الإنسان، بحيث يكون هو السبب بالسلبية بينما يرميها على خصمه !!
#فراراتهم
- أبو تراب مولاي
http://t.me/Elixirofwisdom
