19/03/2026
جەژنی ڕەمەزانی پیرۆز و سەر ساڵی نەتەوەیی نەورۆز پیرۆزبێت
بەبۆنەی هاوکاتبوونی شکۆی جەژنی ڕەمەزانی پیرۆز و ڕەسەنایەتیی جەژنی نەتەوەیی نەورۆز، گەرمترین و قووڵترین پیرۆزبایی ئاراستەی ڕێزدار جەنابی سەرۆک مەسعود بارزانی، بنەماڵەی سەربەرزی شەهیدان، پێشمەرگە قارەمانەکان و تەواوی گەلی کورد و موسڵمانانی جیهان دەکەین.
ئەم دوو یادە مەزنە، کە ئاوێتەبوونی ئیمان و ناسنامەی نەتەوەیین، دەخوازین ببنە هەوێنی پتەوکردنی گیانی تەبایی و پێکەوەژیان و قووڵکردنەوەی چەمکی برایەتی لە تەواوی هەرێمی کوردستاندا.
ئومێدەوارین ئەم بۆنە پیرۆزانە، ببنە سەرەتای قۆناغێکی نوێ لە ئارامیی سیاسی و کۆمەڵایەتی، و دەروازەیەک بن بۆ بەدیهاتنی تەواوی ئاوات و مافە ڕەوا و باڵاکانی نەتەوەکەمان.
لەم یادە پیرۆزانەدا، سەری ڕێز و نەوازش بۆ شەهیدانی ڕێگەی ڕزگاریی کوردستان دادەنوێنین و سڵاوی ئەمەکداری بۆ پێشمەرگە قارەمانەکان دەنێرین.
دووبارە جەژنتان پیرۆز و هەموو ڕۆژێکتان شادی و سەرفرازی بێت.
ڕاگەیاندنی نووسینگەی مەلا مستەفا بارزانی
٢٠ـی ئاداری ٢٠٢٦
